Petit Deli (已結業)

我哋遲咗10分鐘入去，喺出邊等緊嘅期間，個員工好好人咁請我哋飲兩杯野當補數，服務態度幾好幾有禮貌而且上菜速度幾快，讚。餐廳裝修幾有格調幾有氣氛。菜式幾特別精細，不過質素未及佢嘅價錢，份量小而且又唔係特別好好味驚喜。本來我想同男朋友慶祝生日，搞驚喜，不過原來在場嘅大部份人都係咁樣做，喺碟上邊寫名慶祝，結果我男朋友就一早已經知道，完全無晒驚喜，所以如果想比驚喜另一半，依度會有少少失望。如果唔係輕身嘅話，我平時應該唔會再幫襯多一次

We keep returning. They cook with high quality ingredients. Consistently great food. Love the pastas and lasagne. The sauces are amazing. Brunch is very filling. Try their ice tea! And remember to reserve for Friday/weekend, it's a small place.

朋友生日食飯，之前見呢間好似唔錯就諗住去試下，點知令我有啲失望食物份量好少，六個人叫左6樣野加甜品，都唔夠飽，一人一小啖就清左碟野。本來有加單，點知又漏左單...餐廳外有人食煙，但啲煙味入返哂餐廳，好臭不過預先可以安排寫happy birthday 既字都幾好，同埋open rice book 有生日優惠都ok

又係朋友請我食生日飯既時候喇！成日去尖沙咀但好少行泥呢邊，原來好多野食！兩個女仔叫左個法式焗田螺，田螺都唔係重點，下面既薯蓉先至係最好食！煙三文魚沙律好味！個汁好夾，又唔會太酸！仲有個什菇pizza，薄薄地兩個女仔食啱啱好！唔錯！下次會再泥！

今晚放八點半，兩位好朋友等我一齊食dinner第一次食，點咗個二人set，$398點完先知道原來佢係人頭計，我地三個人一定要點夠三個人嘅set，後尾再加返個一人餐$198二人餐可以揀兩個湯、一份snack、一份意粉/飯、再加一份pizza，一人餐就係湯、snack同主食揀兩樣or三樣我地叫咗牛肉湯同南瓜湯 牛肉湯朋友話似罐頭ABC湯加d牛肉，無咩特別南瓜湯有好濃郁嘅南瓜味，不過太南瓜，所以個人都唔係好接受到兩個湯都算普通，無咩誠意，大家都無咩意欲飲曬佢燒牛肉沙律沙律有落沙律醋，燒牛肉好香，幫沙律加分好多牛油焗田螺田螺無咩特別，唔算有咬口，但底下嘅薯容好好味，大家都爭住食薯容多過d田螺主菜黎lu第一樣係野菌薄餅pizza上有滿滿嘅菇，仲有香噴噴嘅芝士做點綴，薄餅唔薄唔厚，十分香脆，加埋d菇一齊食，唔會有太乾的感覺，加上我地三個都好鍾意食菇，大家都食得津津有味，值得推介不過最好趁熱食，我地留咗一塊最後食，發現凍咗之後餅底變得太乾太硬黑松露野菌義大利飯由於太鍾意食黑松露野菌，所以點咗呢個意大利飯飯比較硬身，無乜汁，食唔太出黑松露味，不過中間係有d菇，唔算太差，但真係無咩特別，下次應該都唔會再

地方細細燈光擺設都好食物非常好， 性價比高特別佢嗰個蟹肉冬菇，好味道佢嘅食物唔算特別但以呢個價錢一般都食唔到呢個質素而且佢啲Pizza都係好有特色，homemade嘅👍🏻

返工返得辛苦，放工決定好好獎勵自己。沒有訂位下幸好還有兩張枱，餐廳有點細，但座位沒有逼的感覺，氣氛舒服。沙律水準一般，醬略多，旨在食點菜健康些。這裡的意粉跟薄餅都是自家製的，當然要一試。闊條麵口感比其他餐廳吃到的較彈牙，醬汁調味亦恰到好處，只是蝦稍為鹹了些。黑松露野菌手拉薄餅賣相跟味道都非常出色的薄餅，厚度適中，薄餅邊香脆，磨菇鋪滿在整個薄餅上，芝士相對較少，更能突出菇的鮮味，讚！再來一杯咖啡，味道不錯，為這晚餐劃上句號。

同兩個朋友夜晚大約830嚟呢度食，冇book位淨walk in，唔算多人不過好慘嘅係餐廳每晚預食物份量好似唔算多，我同朋友想叫嘅大啡菇appetizer同所有甜品都買哂唯有淨係叫main dish蕃茄肉醬千層麵好好食，表面烤得好脆，入面就較軟身。好似話佢呢度啲pasta都係人工手做，所以食落感覺同買返嚟嘅千層麵好唔同我哋三個叫咗三杯嘢飲，我叫raspberry smoothie,朋友好似係薄荷滑冰同朱古力沙冰。杯飲品甜度適中都幾好飲，但唔會特別推介。之後仲叫咗黑松露雜菌pizza，但係呢個因為等太耐好餓唔記得影相個pizza好香菇味，反而黑松露味就唔特別出，啱啱上好嘅菇加上面頭滋滋聲的油，相信愛菇人士都好難抵抗

和朋友星期六午間小聚訂了這間K11對面的小店吃個優閒的下午茶看到brunch menu心大心細3個人叫了3個set(主菜+飲品+湯/salad)Seafood risotto with lobster sauce ($178)相片拍得很黑但其實味道很好可能自己喜歡龍蝦汁之類的食物吧義大利飯保持了小硬的口感3個人吃完都覺得蠻不錯Homemade fettuccine with black truffle and mix wild mushroom ($148)自家製作的pasta很新鮮亦很彈牙(好像形容得好奇怪哈哈)配上creamy sauce及蘑菇令不愛吃松露的我都試了兩次Deep fried fish fillet with French fries ($138)最後貪得意加點的但魚和薯條都不夠熱不夠脆可以不試drinks:home made iced lemon tea x 2意想不到的好喝好滑的lemon tea好像打溶了的lemon tea冰smoothie x 1(+$12)我沒有飲所以沒有拍照 今次吃完有點意猶未盡下次要再來吃甜品呢

尖沙咀★Petit Deli好耐好耐以前知道依到有自家製pasta同pizza已經想試，不過次次都太即興又撞正夜晚peak hour時段book唔到位，今次終於順利係星期六中午時間留位放工即刻滿心期待去搵食...點知....雖然係烈日當空既下晝，不過室內燈光昏黃都唔太分到晝夜，尤其係番完工既疲乏狀態真係令人有少少昏昏欲睡小店清一式採用深棕色木製二人枱，大約可以容納二十人左右。大概係想節省空間，靠牆既座位為硬身梳化櫈，有cushion可以挨下。不過可能座深太淺，坐得唔係幾舒適細心欣賞，室內環境都幾有藝術氣息，牆上面有一幅幅食物繪圖。多手摸左幾下，似係人手一筆筆畫落去好有心思有特色搵食時間印象中平時lunch set既價錢都係$7x-8x，估唔到weekend brunch既定價貴咁多，由$118-178都有...（唔好意思唔知點解唔可以打番直張相）- 蘑菇忌廉湯（跟餐$0）：★★★★★ ★★☆☆☆ 隻杯加上d質地第一眼以為係咸麥皮，飲一啖就知龍與鳳，超級濃郁菇菌香，一片片既應該係打碎左既菇粒，感覺真材實料😎不過說好的忌廉呢？…… - 沙律（跟餐$0）：★★★★★ ★☆☆☆☆沙律菜用左個好

想食下西餐，響尖沙咀想搵間唔太貴坐得又舒服其實都唔易，除咗cafe之外，我推介呢一間！叫左個雞翼，酸酸甜甜幾醒胃，每一隻都一分為二，食得冇咁狼狽，外皮幾香脆，入面啲肉都幾滑。另外叫咗個芝士薯條，薯條好脆好乾身，算係比較粗身嘅一款，薯味都好香，上面嘅芝士份量適中，唔會渦漏。主菜叫咗個龍蝦意大利飯，份量剛剛好，唔太多又唔太少，意大利飯都算creamy, 飯心中間小小硬幾正宗。但個龍蝦唔係好鮮味，應該係雪藏貨式，不過都可以接受。天氣咁熱，叫一個主菜兩個小食兩個人已經夠飽。而且味道唔錯，服務亦都幾好，值得一個good!

同朋友慶祝生日，就嚟到尖沙咀食下西餐。上網見呢度好似幾好又抵食！果然冇失望！我哋兩個人點左一個意粉同一份燒黑毛豬扒。呢個係風乾火腿Carbonara ，聽聞呢度嘅意粉係自己手造， 食物果然同出邊現成嘅唔同！入口彈牙好多而且麩麥味亦都比較重！好好食！而且個忌廉芝士醬亦都好creamy好好味，中間仲有少少蘑菇同煙肉增加口感！非常好！另外仲叫咗個燒黑毛豬柳，估唔到份量都幾大幾厚！豬扒下邊有啲鮮茄溶襯托着，增加左鮮味！豬扒入口脆身，有炭燒香，而且肉汁得以鎖住，非常好食！其實人均都係＄200到，響尖沙咀食到咁好質素，我覺得非常唔錯！

自己喊左個蘑菇pizza，有少少失望。蘑菇係足夠既，非常之多，食落亦都好重蘑菇味道，爽口香嫩，幾過癮。但個問題係個批底唔夠脆，明明喊薄批，但係仍然有點韌唔夠脆，依個位幾失望，希望下次去有改善.

昨日和美女們到位於尖沙咀河內道的Petit Deli 慶祝生日。每次路過時都看到他們都是滿座，因此我預早兩天訂座。訂座時店員和我說他們分了兩個入座時段 (一)是8:30 前交枱 (二) 是8:30 後出入座 ，而8:30後對我們來說太晚了所以我們選擇了6:30入座。入座時發現已經有大概7成客人，幸好預先訂座。雖然地方細細但是餐廳的裝修也不錯, 半暗的燈光十分適合女生和情侶約會。 入座後他們立即送上餐牌和水，我們看了一會兒就點菜。頭盤當然有煙三文魚沙律，味道不錯而沙律有紅色的菠蘿，吃的時候感覺很特別。之後有水牛城雞翼，味道是酸酸辣辣，但不會太辣。還是分開了6 件所以人多也可以嘗試到。到主菜之一的微辣帶子配自家製墨汁闊條麵對我們來說有一點失望，因為和相片有些分別和味道一般。而另一味主菜燒雞扒香煎南瓜意大利飯，我們欣賞他的雞扒煮熟程度剛剛好不會老和配上的醬汁亦不錯。最後有用黑啤美國豬鞍扒配蜜糖燒烤汁，這一味不得不點。因為豬鞍扒經黑啤醃後，肉質鬆軟嫩滑。 最後當然有青檸芝士餅作為生日蛋糕，但這款甜品不是太吸引和特別。結帳按人頭大概HK$240，價錢不是太貴值得一試。

蘑菇pizza感覺幾好, 之前問左下可唔可以加紅辣腸, 服務員問完大廚指味道未必夾, 因此作罷, 但服務不錯. 黎到之後, 食起上黎都幾好味, 蘑菇份量幾多, 味道甚香. 只係仍然覺得可以加紅辣腸orz…澳州牛扒, 食落口感很好, 十分之嫩滑多汁, 唯一失色位就是牛味差左啲, 冇乜牛味. 不過整體黎講都算係滿意既一餐.