Petit Deli (已結業)

同朋友慶祝生日，就嚟到尖沙咀食下西餐。上網見呢度好似幾好又抵食！果然冇失望！我哋兩個人點左一個意粉同一份燒黑毛豬扒。呢個係風乾火腿Carbonara ，聽聞呢度嘅意粉係自己手造， 食物果然同出邊現成嘅唔同！入口彈牙好多而且麩麥味亦都比較重！好好食！而且個忌廉芝士醬亦都好creamy好好味，中間仲有少少蘑菇同煙肉增加口感！非常好！另外仲叫咗個燒黑毛豬柳，估唔到份量都幾大幾厚！豬扒下邊有啲鮮茄溶襯托着，增加左鮮味！豬扒入口脆身，有炭燒香，而且肉汁得以鎖住，非常好食！其實人均都係＄200到，響尖沙咀食到咁好質素，我覺得非常唔錯！