Petit Deli (已結業)

Brunch好抵食，價錢親民之餘，份量十足，味道亦ok!😋 意粉煮得幾好，醬料足夠。小食拼盤略顯唔夠熱，同埋如果可以多幾款點醬就perfect啦！下次要黎試下個煎意粉！

好耐冇黎食lunch啦 一見個menu 竟然見到個越式牛肉金邊粉 估唔到係西餐廳都有其他國家野食揀 好多選擇 所以就order左份😍黎到嘅賣相唔差 令我最回味嘅竟然唔係啲牛肉 而係佢嘅湯底 同一般味精湯唔同 好香好濃味 啲粉吸哂湯啲精華 好好食好奇下問左店員 原來個湯係師傅佢地自己煲嘅 難怪咁足料咁香濃 個湯飲下飲下都飲左一大半😂 一個咁足料嘅午餐當然唔少得飲品啦 佢係一個餐黎所以包餐飲 我就order左杯latte 有拉花嫁🙈都幾靚

難得姐妹一聚 話想食西餐搵左間情調佳 野食正既西餐一入到去已經覺得環境舒服食物選擇好多 而且餐牌睇得出有用心設計每一道菜店員細心有禮貌食物分量都大份 3個女仔叫左1個小食同2個主食都已經飽到頂點 值得再來

一望個brunch menu就唔諗叫左個all day breakfast ，好豐富好靚，有煙salmon, Egg Benedict 都好熱辣辣好味，另外兩位朋友到左都推薦比佢，另外朋友仔生日即時叫左個甜品加生日快樂，服務員整左個dessert special 比我地仲加左白朱古力嘅happy birthday ,好用心，朋友仔好surprise 好開心，真心係好味，好service嘅店，假期下午在小店嘆個brunch真係好舒服，讚👍🏻

再次試翻呢間小店，原本係難得一聚既飯聚，點知變左Farewell Dinner，為左個為食貓，去澳洲之前食餐好既就決定左呢間已經想試好耐既小店，就預早訂位，仲同廚師夾左Special Order，俾個驚喜為食貓閨蜜其實Special order有一部份係小店聖誕餐既食物，聽店員介紹，要將生蠔放入去杯紅菜頭汁調酒一齊食，可能聽落有啲怪，但係又幾好味，凸出左生蠔個鮮味第二個Special 係香煎牛柳，個牛味幾重，肉質唔會過實，薯蓉好香，原來加左南瓜肉一齊打第三個係燒豬手，呢個係朋友介紹，幾香口，岩哂一班人一齊食之後就係散叫，西班牙海鮮飯同埋好香口既黑松露野菌薄餅，同之前唔同左賣相，感覺仲方便左食添

仲記得上次黎既時候都無set 餐，問左先知原來係星期日至四先有(如果星期五，六都有就好啦)今次有就緊係Order Set 餐啦，平時西餐啲Set餐都係獨立一個Menu，想轉嘢食都基本無乜可能，但係呢個幾得意，係響A la carte Menu入面揀主菜，岩哂我呢啲麻煩人Set Dinner都係由湯，沙律開始，小店安排唔錯，唔會一次過推哂嘢食岀黎，循序漸進松露忌廉湯好creamy 😍蟹肉南瓜湯味道就好濃郁，沙律係三文魚沙律同燒牛肉沙律去到主菜，朋友叫左個肉眼扒，佢話好juicy，燒到岩岩好我就叫左個帶子紅菜頭意大利飯，一岀黎個顔色好特別，食落甜甜地，加上帶子幾鮮味，岀乎以料地配搭呢餐飯唔算太貴，如果無Dinner set既話，性價比相對就低左啲，所以希望星期五，六都有set餐啦😍

一早與好友約定去黃埔影相後返出來尖沙咀慶祝她生日，上網找了幾間餐廳給她作最後決定(最終其實都是我提議)，由於未試過，之前都建議過朋友聚會來試，可是我極度失望.....由於無套餐，又無免費水，我們要全部散叫，叫了一個沙律、一個闊麵、一個意大利飯和2杯飲品。一、蟹肉芒果牛油果他他($98)賣相都不錯，本以為好好吃，一試上面的蟹籽，噢.....完全是不新鮮，仲差過以前吃平價壽司店的蟹籽軍艦壽司，牛油果和芒果的顏色又偏暗沉，味道不太出亦太少蟹肉，只有伴著的沙律菜是新鮮!二、帶子墨汁闊條麵($168)一上枱時，我們同時呆了:「嘩，咁少嘅?」份量少都算，連帶子都完全不合格，無帶子鮮味，一入口只嚐到黑椒味和燶味，而且肉質很「霉」，我真的未吃過這麼差的帶子，闊條麵又硬繃繃，但是已熟了的，墨汁味又不似預期，又稀，很失敗!三、龍蝦意大利燴飯($188)見食評唯一有推薦的，本想應該仲有希望，誰知......賣相雖算討好，但實際只有半邊龍蝦，肉很少的而且無彈性，不鮮味，大大粒的形珠米飯偏硬無口感，不彈牙，汁亦是很稀，我期望的意大利飯是黏稠彈牙的呀，我要求不高的人都覺得這個飯不濟......四、飲品- Suga

五個人去食慶生飯🎂🎂頭盤叫了水牛城雞翼🍗🍗事實上這個頭盤很難不好吃，只是份量有點少，一人一隻都不夠🤦🏻‍♀️🤦🏻‍♀️再來叫了魚，魚是挺滑的，而且不腥，加上醬汁更好吃😋最重要是賣相也很好👍🏻旁邊紅色像薯蓉的東西也很好吃再來叫了個Pizza,Pizza 的味道不算特別，可能叫我們點的口味問題吧😜不過蘑菇的份量是滿滿的，沒有一口吃不到菇。不喜歡上面菜的味道就撥開，絕對不會影響pizza 的味道。不過Pizza 是偏淡的口味喇。牛扒很厚，叫了五成，可是燒成七成的樣子，有點太硬，而且帶一點筋醬汁也太少了🤦🏻‍♀️青口不腥，可也沒有鮮味，汁還有點漏。至於蔬菜就更不特別了，而且量都偏少總括而說：每碟份量不多，五個人吃，每樣都只有兩口，不過這個價格來說，味道算不錯啦

難得有朋友聚會，就諗住搵間餐廳chill下食個飯，見到依間餐廳主打自家製野食，加上係OR見到餐廳入面啲畫幾有feel，就打去book位試試，店員見我地5-6個人，仲特登問我地需唔需要個日同廚房夾定食物，話可以幫我地安排店內企理，睇得岀有搵人design 過店員安排左我地坐大枱，6個人坐啱啱好唔會話太迫頭盤我地order左個三文魚沙律，同岀面食到嘅唔同，依到嘅好多汁，仲有紅色嘅菠蘿😱一問原來係浸左紅菜頭水，估佢唔到咁健康😏之後order左個松露野菌薄餅同牛肝菌飯，兩個個黑松露味都好重好正，店員仲好好提醒我地襯熱食，因為自家製所以凍左會硬身依兩個就係我地一早同廚師夾定啲食物，焗豬手同龍蝦，兩樣都大大份，啱哂我地成班share 仲做左個甜品拼盤，正！🤤

難得同朋友約得齊人😝，諗住周圍去行下食下咁就去左尖沙咀度行下街，見到呢一間餐廳Petit Deli，諗住睇下個Menu有乜食啦，有店員好親切咁介紹，原來係主打Homemade既😎咁就決定入去試下，但可惜在朋友們不太肚餓，所以都係食少少飲杯嘢6點左右既時間唔太多人，襯朋友睇menu既時候就影下相，牆身設計幾特別，周圍都畫上手繪畫👍🏻我就order 左杯Espresso 加杯Latte醒一醒神先呢一個Baileys Cheese Cake係Daily Special 黎既，響我地睇甜品既期間有店員介紹俾我地，原來呢個都係佢地自己handmade 嫁🤤食落有淡淡既Baileys 味道又creamy ，店員仲教我地如果鐘意濃味啲，再淋啲Baileys 落去🤤正，再叫多左個佢地既Recommended 青檸芝士餅配冧酒提子，呢個酸酸地，幾過癮，店員教落食完再食埋冧酒提子，哇，真係會中和左個酸味朋友就叫左呢杯Blue Marshmallow 荔枝菠蘿味🤤試左啖，甜甜的，個藍色好靚，好有藍天白雲既feel 下次要再黎試埋Pasta 同其他嘢食先😆😆

 難得放日徦 同朋友去完街諗住揾間餐廳食個晏 咁就揾到寶一入到去感覺好舒服 牆身全部都係手工畫 影相呃like一流依個法式烤豬扒真心誠意推介 難得烤豬扒完全唔會乾 配埋佢個蜜糖芥末一流食完叫左杯latte 一嚟到已經係相機食先既節奏 一杯跟餐加12蚊既latte都咁有心思 已經夠俾滿分（之後同店員傾下計先知如果唔係太忙好多熟客都會問可唔可以整到咁）所以大家想要影相呃like記得同店員講啦

提前打電話來定位，服務員態度已經很不錯，同朋友慶祝生日，叫餐廳準備左寫happy birthday的蛋糕，店員都很配合，之後店長送多左個抹茶蛋糕我地！好味！菜式都好唔錯！值得再去！

與朋友聚會，選擇了這間一直想試既小店。7點鐘去到，已經full左，好彩有訂位。店內環境雖小，但枱與枱之間唔會太逼，加上裝修唔錯，感覺好cosy, 適合朋友聚會傾計。鮮蝦配牛油果味道都唔錯，如果個餅底可以再脆少少會更好味。意大利飯有點太軟，味道算不過不失。闊條麵與帶子都好好味。呢個豬扒係全晚最好味的。豬扒唔會太軟或太韌，配個燒烤汁，香口又少少甜，真係好好味。 而最正既係，呢個豬扒係免費送的，因為去個日撞岩呢間小店開業3週年，所以免費送呢個菜或紅酒一瓶。但呢間小店唔好既地方係無清水供應，所以我地各自點了不同的茶，味道正常無咩特別。另外，用餐有時間限制，到8:30，店員就禮貌地提醒我地要走。

環境唔錯，如兩三知已不吃純坐傾吓計，可以。講到食物質素劣評，完全唔得！不過有酒飲有甜品先膽粗粗訂枱去食，怎知⋯⋯⋯非常十分失望！一定唔會再想去吃⋯⋯⋯浪費錢！雖然樓面個女待應服務很好，可惜輸了在廚房煮食的一切一切！雖然星期六餐廳限制1900-2030⋯⋯但吃了個西冷牛加個Pizza.... 已經要諗定去食下一場⋯⋯唉！未夠2030已經埋單！不過間野純粹飲下酒，可能要兩件小食好過去食主菜囉⋯⋯失望的感覺⋯⋯

友人book 呢間幫我慶生，但非常失望，有圖有真相鵝肝多士$98得一件，味道無特別，啲salad 無salad 醬，有啲求其雞排rissotto餅，賣相算係咁，不過食落就好大獲，好多炒燶左既黑色，味道可以話係難食店員推薦牛腩燴pasta，喱個仲勁，啲牛腩係燶既味，賣相就自己睇啦，唔講咁多唯一係個iced lemon tea $38算係平，無鑊氣只想講，再無下次，店員推薦既牛腩pasta 係燶左既味，賣相差，味道更差，但服務算係咁