Pheromone Dessert (已結業)

黑白布街近期開左好多甜品鋪,間間都想試一次, 今晚見冇人排呢間,所以就走左去食~~香蕉法式班戟配雪糕: 個班戟煎得唔錯,入面D料超多,冇偷工減料,超級飽,個雪糕就麻麻地,唔係太重綠茶味,可以改善下

這天天文台竟然發出紅色暴雨警告，但卻不滅我誓要吃甜品之心！因為約了一班好朋友一起吃甜品，聚聚舊，所以不會因為一個小小的紅色暴雨便取消約會吧。頂部的是一塊蝴蝶酥，很酥化，但仍覺香脆可口，甜度合宜。中間的粒粒朱古力碎有點咬口，貨色不俗。雜果有奇異果、芒果和士多啤梨，清甜怡人。生果層下是一層忌廉，忌廉份量頗多，應是用作承托以上各種材料。呢個芒果法式撈面, 頂部的是一塊蝴蝶酥， presentation好靚。撈面係類似pancake 既蛋皮! 如果軟身D既話, 口感會好D, 但呢個係比較少煙韌。奇異果不會酸, 好甜而且都算新鮮, 加埋中間好滑既cream, 都唔會好漏。配上貌似可可脆球吃，一脆一軟感覺清新！脆脆芒果一口酥,用班戟皮煙韌可口,包住芒果粒, 外皮脆脆的, 灑上果仁碎, 內裏芒果香甜美味, 係一個不錯的配搭, 脆脆淋淋, 好味!環境優雅, 適合情侶談心傾計。呢間甜品店真係暫時我食過嘅甜品店之中最好食，最有特式嘅一間，真係睇見啲甜品都開心。師傅將甜品由外型賣相以至配合嘅伴碟都花過一番心思，有水準之餘，加油呀

同frd食完晚飯只係8點几，就快快直落食埋甜品先。行去白布街找找，就俾呢間舖頭個裝修吸引左 雖然要等位，但好彩都係等一枱啫，5分鐘入得。我叫左門口poster個個招牌菜，Brownie Cotton Candy with Ice Cream，我楝Cookie ice cream，貪佢夠大夠浮誇XD，其實最後食唔囇d棉花糖 Brownie同雪糕都好味，不是太甜，加埋脆脆朱古力波波好正。本來想飲多杯芒果特飲，但太飽了，留返下次先。Brownie Cotton Candy with Ice Cream另外個frd叫左個士多啤梨意粉，原來d意粉係平時食pancake個皮切幼條，幾特別

白布街，短短一條街，永遠都充滿驚喜今次途經呢間宮廷優雅feel 嘅甜品鋪，趁唔太多人，即刻同閨密入去high個甜品啦講真，呢度周圍都係photo opp, 真係好聰明，搞到自己以為去左英國hi tea 咁，女性化嘅裝修，岩晒女性。最驚艷係，全部甜品嘅presentation 都好靚，影相shelfie必備朋友最想試棉花堡，因為真係太少女，夢幻，岩晒我地呢啲中女懷緬一番…呢個甜品，吸睛度100分，單單係上層嘅嘅棉花糖已經令人開心，當然食落都係棉花糖啦XD玻璃瓶內，裝住brownies同埋雪糕，present出黎真係幾靚我就試左法式撈麵，原本以為係平時果啲撈河，原來係將pancake皮切幼條，加上cream 同埋生果，雪糕，將pancake嘅element重新排過，但成件事靚晒，充滿驚喜…甜品師傅仲好有心思咁加左一粒蝴蝶酥，簡直好似畫一樣

我覺得白布街已經差唔多變成甜品街前前後後~左左右右~有好多間甜品店你問我揀邊間?甜品店個名中文系費洛蒙意思係一種身體上散發出的獨特氣息最緊要甜品賣相靚有 gimmick 又有得比我影吓相最緊要可以放 FB/ ig哇哈哈 XD室內裝修有點像法式甜品店格調優雅呢舊棉花糖想試你好耐啦吸引眼球的棉花糖Menu不過次次都等好耐今日終於少啲人排隊啦下雨天吃甜品多浪漫就算匙羹义都是心心相印的綠茶雪花冰 人多仲可以叫多個雪花冰share果然係抹茶控的天下雪花冰綿綿的布朗尼棉花堡配雪糕 棉花堡的賣相真的美到一個點相機先食同朋友share又唔會太甜放Facebook為我爭取到不少like呢士多啤梨棉花糖跟朋友s每人一口很快已經k.o.他好甜薄荷曲奇雪糕朋友s最愛薄荷味我最鍾意就係朱古力 brownie芒果沙冰 濃濃的芒果香味輕輕吸一口沙冰已經透心涼Pheromone 精選 窩夫心太軟雪糕焦糖香蕉賣相真的十分不錯綠茶味雪糕味很濃心太軟的朱古力味濃郁流心效果亦做得不錯加上燒得脆脆的焦糖香蕉外脆內軟的窩夫全部結合起來感覺真的完美甜品好有創意而且賣相又花盡心思配搭又突出怪不得生意這麼好

短短的白布街，近年已漸漸成為了旺角區食肆的新勢力。只要喺 openrice 簡單搜尋一下，不難發現白布街之中，呢間甜品店 Pheromone Dessert 一直人氣高企。事緣岩岩喺太平道朋友屋企食完飯之後，行下行下就行到呢條街。天口咁鬼熱，上網一search，就好自然入左黎呢甜品店避下暑啦。我點了個雜菓雪糕芭菲，而我太太點了個士多啤梨撈麵。首先，不得不讚這裡的甜品賣相很精緻，配上店內的裝潢，甜品立即升級成為藝術品，絕對符合相機先食的我。先講芭菲，份量比想像中的大，配上離菓及曲奇雪糕，味道都幾清新，杯底有一些可朱古力脆脆，即使食到尾段也不會被雪糕弄得軟冧冧，幾好味。而太太的那個撈麵其實是以班戟皮切條，賣相是撈麵，但食落都幾彈牙，都幾得意。不過，配上雪糕後，平時食班戟的感覺即刻返曬黎，都好好味。

店舖兩層高座位多 ，裝潢主要以甜品裝飾主，連樓梯和牆身有特別的擺設，會是女生大愛的設計，甜品選擇種類多。綠茶慕絲（$48）有紅豆、脆片和綠茶雪糕，起初綠茶味不重，但慢慢綠茶味漸濃而且會帶點回甘味，綠茶配紅豆一直都是很好的配搭，但加上蝴蝶酥、杏仁和糖霜，雖然很有口感，但略為有點過甜。芒果火焰冰花（$62）賣相十分討好，底部的芒果冰沙味道鮮甜，像似用新鮮芒果製成的，大熱天吃冰沙就最爽不過了，冰沙上是一層厚厚的火焰雪山，火燒過的蛋白燒焦味不夠重，但配上一點芒果醬能令淡淡的蛋白增加味道，這個配搭很創新。Bailey 酒香疏乎厘配雪糕（$52），雪糕方面可選擇薄荷朱古力/曲奇/朱古力和綠茶，我們選了朱古力雪糕，因為感覺與baileys 比較合襯。疏乎厘來到還是漲卜卜的，表面蛋味很重，但欠缺Bailey 酒味，可能本身我們比較愛濃郁酒味的甜品，所以認為這個不夠重味。

旺角白布街有好野食就係人都知，呢間甜品店大家都應該吾陌生吧，我今次第二次嚟食，發現更好嘅，要係度推介俾大家！呢間餐廳內外裝修都好浪漫，入到去，好似白色小屋咁，加上玻璃鏡牆增加了不少空間感，有數幅特色掛畫和水晶燈，浪漫得嚟又帶點華麗！其實呢間我諗係主打棉花堡？因為我見海報都係貼呢個，因為我之前食過，所以今次吾嗌，而在座周圍食客，都見到吾少人嗌左棉花堡，果然大熱！！我今次嗌左上次都想試嘅芒果法式撈面配薄荷曲奇雪糕同窩心一刻(綠茶雪糕，朱古力心太軟，原味和朱古力窩夫)！雪糕撈面竟然係咩嚟呢，原來係班戟切成面條形狀，加上雪糕的一種甜品！果然特別！雪糕放在杯子中間，令每條面都食到雪糕，加上鮮甜芒味！正正！到窩心一刻，對於窩夫和心太軟都同樣喜愛嘅我係最佳選擇，因為令我不用面對選擇窩夫或心太軟的難題！先講心太軟，一切流心就流出來，不會太甜，不過不失，而最正的係窩夫，堅脆！配上雪糕，冇得輸，正到爆，起初我最擔心吾知食吾食得完，因為太好食了，我竟然一個人食晒全碟窩心一刻，這原是兩人份量的，太厲害了，太滿足了，但慘了，要跑多兩圈步了！哈哈哈！

係旺角同好姐妹食完晚飯, 想搵個地方談下心，經過呢間充滿歐洲感覺嘅小店，於是便決定入去試試，怎知一試令人難忘。內裡裝修是Modern而華麗的路線，天花上有洛可可風格的雕花，牆上掛有時尚的字句，真係好適合一班好姐妹係度談天說地，傾訴少女心事。由於我地都係朱古力愛好者，所以點了特濃朱古力慕絲$52，甜品擺設簡潔而時尚，有四款雪糕可選擇，分別是綠茶、朱古力、薄荷朱古力及曲奇。甜品層次好豐富，裡面除了雪糕和慕絲，還有杏仁片、朱古力脆脆、可可脆脆和軟綿綿既綿花糖，一啖就可以品嚐晒咁多種材料，口感好豐富，朱古力慕絲一D都唔甜，好香濃，啱晒鐘意食甜品又好怕甜嘅人，一啖又一啖，好快就比我哋食晒，食完感覺一D都唔膩，而且非常滿足。整體環境舒適，服務好週到，下次可以再同姐妹黎試更多既點品。

經過白布街，因為見佢裝修得好華麗，所以就吸引到我地入去食。抹茶控既我點咗個抹茶紅豆窩夫因為賣相幾吸引，所以相機食先但係一食落口就失望了⋯個抹茶窩夫雖然算係外脆內軟但係無抹茶味之餘，仲有啲蛋腥味！另外，我地仲點咗個類似叫芒果火焰沙冰既甜品依個味道ok但真係唔值62蚊囉！總括而言，依間食一次就夠

男友今天說給我一個驚喜，原來今天期指大跌，他大賺了五萬元，他送了一瓶Jo Malone 的香水給我，原來每個男生都喜歡香噴噴的女孩，吃完韓燒後，我們漫步走到一間法式甜品屋，他當然知我心意，門口閃亮亮的寫着pheromone dessert, 還有漂亮的綿花糖牌作menu!八時也滿滿人羣，我們叫了芒果火焰冰火兩杯和pheromone 精選就是綠茶雪糕+原味窩夫+心大軟!男友最近長胖了，因每次都要和我這位甜品女孩吃甜品! 所以我們决定週未要去游泳!芒果火焰冰花很特別，用上香芒加上火焰雪山再加上漂亮的冰花，芒味香濃，火焰甜甜的和冰花交織着，尤如一道漂亮的藝術品!  相機先吃，我和男友碰杯，輕輕吃了一口，感覺真的尤如在雪山上吃甜品，真的心花怒放!致於心太軟+綠茶雪糕,十原味窩夫，這個pherpmone精選賣相不錯，綠茶味很濃，心太軟朱古力味很重，吃一口己濃入心，加上香蕉及窩夫，真的是完美組合!當你見到天上星星，可會想起我? 我一定會記得這甜蜜的一晚!

近年白布街成了很多甜品店的天下，而且特色甜品選擇多，一時之間都不知去哪家品嚐見到一家裝修漂亮的餐廳一於試試過家smile從門外看裝修非常吸睛餐牌的甜品很美所以點了一個慕絲綿花堡慕絲綿花堡慕絲綿花堡綿花溶得非常快，不出一兩分鐘已令周圍都黏笠笠內有綠茶慕絲、紅豆、朱古力雪糕再拼搭了脆脆米、麥片和杏仁片脆脆米、麥片和杏仁片搭配紅豆味道很可口令人一口一口吃下去 Pheromone珍寶多士城堡賣相同樣出色, 而且份量不少三個口味的自選雪糕是（綠茶，朱古力，曲奇雲利拿）厚多士沾上甜甜的雪糕很滋味但吃光後連晚飯都不用再吃了

我們叫了加啡， 益力多沙冰，oreo曲奇奶昔，心大軟waffle 及一口芒果。 d野食嚟得慢唔在講， 等的時候中上演左一個同事用粗口鬧另一個同事 。 anyways 講返d野食，個心太軟唔太軟。。。都冇乜野流出來，一口芒果都ok。益力多沙冰冇乜益力多味， 咖啡無咖啡味， 最離譜係個oreo曲奇奶昔，大家食完飲完之後先到， 嚟的時候我真係嚇左一跳，所謂嘅milkshake係搵一d好淡既奶加一層薄薄的曲奇浮係上邊。shake 係要自己shake。。。 真係唔係太明點解 一杯奶加oreo曲奇碎 咁耐先可以做到。。呢個所謂的 milkshake， 同佢地講唔係好對路 。。。老細就話我地d milkshake係咁架啦!!不留都係咁樣架啦!!!見到佢咁冇禮貌兼覺得無問題，我就，真係冇辦法啦。。。 廢事同佢嘈啦。。 錢都俾左，但係就唔敢飲個milkshake 啦 。。。 總之下次請我都唔去啦。。。

夏日炎炎，睇完侏羅紀世界，出面熱辣辣，梗係要食d又冰又甜既野爽快一下啦！叫了一杯芒果沙冰，入口冰涼，甜度適中，一解暑氣，個人覺得用匙更一口一口咁食更加happy。Pheromone 精選曲奇雪糕+原味窩夫 香蕉上有一層焦糖，正！曲奇雪糕夠滑甜，曲奇碎多d會更有口感。心太軟外層脫，內層略嫌乾身，而且不夠流心。窩夫外脫內軟，正！火炎雪山配薄荷曲奇雪糕，火炎雪山上枱時已燒好，無得睇佢點火，有點失望。火炎雪山好cream，好滑身，而且不會太溜，好味。但想不到的是火炎雪山超級大碟，結果食唔哂。下次可再約朋友來挑戰呢一大碟火炎雪山。

店名：Pheromone Dessert地址 : 旺角白布街藝興大廈8號地舖好味指數：9／10價錢：$88Pheromone精選（窩夫+心太軟+雪糕+焦糖香蕉）通常menu上食物圖片都會加上“以上圖片只供參考，一切以實物為準"。食物的賣相往往比menu的圖片遜色。所以對於這個甜品非常驚喜，不單單是賣相與圖片完全相符，甚至更加超越了圖片，完完全全被那越級的賣相吸引着。不僅擁有外在美，內表也非常讚，可以說是近乎完美。窩夫鬆脆美味，心太軟焗至恰度好處，流心暖暖的，不會很甜。焦糖香蕉誠意滿分，薄薄的焦糖脆脆加上朱古力醬和脆脆，甜而不膩。一個甜品試到幾款甜品，價錢亦好合理，夠曬讚啦！店名：Pheromone Dessert地址 : 旺角白布街藝興大廈8號地舖好味指數：8.5／10價錢：$49芒果法式班戟配雪糕兩卷又大又長的班戟，伴着橙黃色的芒果汁作點綴，旁邊還有鮮果，中間還有一片心型蝴蝶酥，睇見都流曬口水。班戟皮夠薄，裡面夾着的cream又香又滑，芒果清新鮮甜。蝴蝶酥鬆脆可口，賣相與味道同樣👍👍👍