Pheromone Dessert (已結業)

短短的白布街，近年已漸漸成為了旺角區食肆的新勢力。只要喺 openrice 簡單搜尋一下，不難發現白布街之中，呢間甜品店 Pheromone Dessert 一直人氣高企。事緣岩岩喺太平道朋友屋企食完飯之後，行下行下就行到呢條街。天口咁鬼熱，上網一search，就好自然入左黎呢甜品店避下暑啦。我點了個雜菓雪糕芭菲，而我太太點了個士多啤梨撈麵。首先，不得不讚這裡的甜品賣相很精緻，配上店內的裝潢，甜品立即升級成為藝術品，絕對符合相機先食的我。先講芭菲，份量比想像中的大，配上離菓及曲奇雪糕，味道都幾清新，杯底有一些可朱古力脆脆，即使食到尾段也不會被雪糕弄得軟冧冧，幾好味。而太太的那個撈麵其實是以班戟皮切條，賣相是撈麵，但食落都幾彈牙，都幾得意。不過，配上雪糕後，平時食班戟的感覺即刻返曬黎，都好好味。