Pickabowl (荃新天地2)

營業中

休息中

夏威夷魚生飯 (poke bowl) 開到周街都係，靚得嚟健康係我呢啲keep fit港女嘅救星🙏🏻 咁但係到底呢間好唔好食先！等禾嚟搓搓佢！自選poke bowl $88食嘢有得自己揀最開心！自選嘅可以揀兩份魚生/肉、一份配菜同一份碳水～ 選擇困難嘅你亦都可以揀佢預設嘅組合der魚生🍣經典三文魚：用日式醬油醃得幾入味，略鹹，但係係冇伏之選；西班牙蒜油三文魚：真係笑死me，得面頭少少蒜頭，食完就冇蒜味架喇，bye～泰色熟蝦：有四粒蝦仁，夠爽口，個泰汁幾香魚露同青檸味，不錯的配菜🥗彩虹：青瓜番茄三色椒，乜唔係紅綠燈咩點解係彩虹，不過成個配搭幾fresh幾清純！紅菜頭：硬過我條頸，不推薦🙏🏻日式：毛豆硬！南瓜硬！反而四季豆幾爽脆幾好味～ 仲有豆乾同蛋，呢個配菜算唔錯碳水🍚薑黃椰菜花：健康無負擔嘅，冇草青味，但又係有啲啲硬😂白飯：正常，但不是日式醋飯喔overall嚟講呢間就... 正正常常咁😂 係健康同清爽嘅但味道冇乜驚喜，偶爾想食清啲就可一試～

最近疫情嚴峻，最緊要食得健康，荃灣有Pickabowl主打健康食材，最緊要食得夠營養，而且豐富又好食。呢間係令人非常滿意，除咗外賣自取仲可以想外賣平台落單，咁就可以安座家中都食到健康夏威夷風味。D餐慢煮天多利雞蛋黃組合白飯配糙米飯裏面嘅雞肉經過慢煮，質感算滑，仲有好豐富嘅醬汁一啲都唔齋，提升鮮味！最正係仲有好多其他配菜例如中華沙律、菠蘿、青瓜、生菜等等，豐富又爽口多汁。E餐加州三文魚蛋黃組合黃姜椰菜花+半糙米飯鍾意食三文魚可以試吓揀呢個蛋黃組合，三文魚油香十足，好新鮮！上面仲有啲蟹子，同樣係有中華沙律、菠蘿、青瓜、生菜等等，加埋另外升級左個牛油果，更加豐富營養。加橙汁$20 味道酸酸甜甜好新鮮清新。套餐加$25@ 有味增湯、溫泉蛋及甜品味增湯味道比較清新，輕微鹹香調味點綴，仲有溫泉蛋上面有芝麻同紫菜，令味道更豐富，連甜品都有兩款唔同嘅，大滿足！餐牌/環境

近年香港多咗好多沙律店，部份仲主打魚生，Pickabowl 就係其中一間，喺香港總共有兩間分店，分別喺荔枝角同埋荃灣，今日去完荃灣行街，因為疫情關係，晚上無堂食，就只好買外賣返屋企嘆。餐廳位置好方便，位於荃新天地二期非常顯眼嘅位置。廚房係開放式，除左可以親眼見到唔同嘅菜式方便做選擇之外，更可以清楚見到店員為我哋準備食物嘅過程，疫情下，食物衛生係非常重要嘅！餐牌上面有好多選擇，簡單易明，主要分為兩個步驟：第一，揀配料及配菜：選擇上有分DIY組合同埋指定組合， DIY組合嘅話，客人可以喺餐牌上揀兩款protein，分別有魚生同埋熟肉，而醬汁已經預先調配好。至於配菜，選擇總共有六款，分別係和風、彩虹、蛋黃、山葵、紅菜頭及泡菜。如果有選擇困難症，嫌麻煩唔想諗嘅話，更加可以選擇指定組合，咁就唔需要煩揀啲咩配料組合同埋配菜啦，都有成19 款，梗有一款啱口味。第二，揀base: base 方面總共有六款，分別係白飯、白飯+糙米飯、黃姜椰菜花+白飯、黃薑椰菜花+半糙米飯、沙律以及沾烏冬。如果以上唔夠食，更加可以以優惠價追加額外嘅配料。是日我地一行兩人，叫左兩款DIY自選菜式返屋企慢慢嘆：第一款係經典三

這間主打健康食材的餐廳，不是第一次幫襯，就是鍾意食材健康，尼排吃得太多，感覺要輕食一點，所以就拉著好姊妹來好友不吃生，就點了熟食的香蒜辣油八爪魚，泰式魚露熟蝦，另外再加錢多點了， 西班牙蒜油熟蝦，姜汁松阪豬， 設成一粒粒的松阪豬，肉質鬆軟，咬落帶點薑汁味，八爪魚煙韌彈牙，熟蝦爽口，再配上蛋黃醬混著清爽的青瓜和新鮮菠蘿，蛋黃醬加黃姜椰菜花和糙米飯，非常惹味我就點了經典雙拼，三文魚加吞拿魚，兩者新鮮冇腥味，再追加彈牙的八爪魚和爽口的蒜蓉熟蝦，輕食的我選了沙律，再加個牛油果，牛油果不是便宜貨，吃落生熟適中，真是健康之選另外多買一個回家，就點了我最喜愛的煙薰油辣味三文魚，吞拿魚和香蒜辣油八爪魚，配上爽口的豆角和豆卜，黃姜椰菜花和半糙米飯，整個配搭十分惹味

速食都可以食得健康嘅🥗！早幾日朋友話趕時間，要買個健康嘅外賣餐，幫襯左呢間，的確唔錯……💓Pickabowl💓美式魚生蓋飯(Poke Bowl)多種原創蓋飯擁有200多種配搭口味健康又有營養🥗..可以自由配搭唔想費神嘅就可以係餐單選擇🌟我揀左S餐 Elizabowl 配白飯配菜有 蒜片油八爪魚泡菜,青瓜, 蒟蒻, 韓國辣醬加錢添加左西班牙蒜油熟蝦,菠蘿款款都新鮮，食落好清新，好滋味韓國辣醬口味微辣配埋清新爽口嘅配料口味夠曬特別🌟朋友揀左N餐 Thai Dragon配沙律菜配菜有泰式青檸大蝦,青瓜,蟹籽蛋黃組合加錢添加左煙薰辣味吞拿魚,薑汁松板豬呢幾款配料都係我朋友推介嘅青檸大蝦酸甜爽口煙薰辣味吞拿魚好惹味薑汁松板豬口感軟腍沙律嘅配料最緊要個醬汁自家秘製，口味獨特用心製作🔹️溫泉蛋🔹️鰹魚昆布湯🔹️韓國蜜桃汁 粒粒蜜桃Pickabowl豐盛又健康的餐單！好值得去試下！

又食pickabowl喇🥗實不相瞞其實以前自己由細到大都係個肥肥地嘅女仔🙈係大學先的起心肝減肥咋～減肥期間食過呢間嘢幾次，除咗因為OpenRice 外賣有折可以拎走🤩 仲幾鍾意佢哋可以揀黃薑椰菜花底🤤唔洗淨係食菜成隻牛咁🐮 呢個配搭係佢哋嘅經典三文魚加青瓜蕃菇菠蘿咁，淨係顏色多啲都夠開胃😛三文魚都夠肥美，應該係用咗豉油同麻油醃過食落都唔會好寡👍🏻👍🏻不過減肥個時就夠食，但減完肥之後就覺得好似細份咗少少🤏🏻如果男仔建議嗌飯底會飽肚啲🍚

今日黎到荃新天地二期睇電影🎬想係睇電影之前食晚餐。經過地下個層見到有間賣魚生新鮮沙律🥗叫「pickabowl」的鋪，主打自選組合健康美味飯，決定清下腸胃，原來出街食都可以好健康😍。望望餐牌，先發現原來沙律🥗都可以配得出神入化。仲有黃姜椰菜花飯、可以自選或者揀組合左嘅又得，仲走和風、韓國、西式風格組合，任君選擇，啱晒困難選擇症嘅朋友。店面吾算大，只有數十張枱櫈。開放式廚房望住安心又放心，仲可以望住黎作出選擇。餐廳提供飲用水🚰加西柚同羽衣甘藍🥬，飲落健康又貼心。夏威夷四重奏：含洋蔥🧅、芫荽：主食好足料，有辣味三文魚🍣每一粒都大大粒，食落油脂豐胅，含深海魚油好有咬口。經典吞拿魚：豐腴甘美已教人神魂顛倒，顏色粉嫩，脂肪比例高，魚香魚油脂恰到好處。泰式熟蝦：蝦🦐身爽彈，加埋泰式青醬汁入味得很，帶微辣。牛油果🥑：毫不吝嗇大大個牛油果，加埋自家秘製豉油，食落似食緊條肥美三文魚咁，牛油果的果肉質地細膩，味道鮮美，似乳酪，有核桃的香味。加埋彩虹配料蕃茄、青瓜、甜椒🫑顆粒，色彩繽紛之餘又增加口感。薑汁松阪豬+升級套餐（溫泉蛋、甜品🍮、堅魚昆布湯）：松阪豬粒肉質嫩滑好有咬口，帶點姜汁香氣，煙煙韌韌。仲有烤南

餐牌有2類型，已經預設好嘅，同可以DIY自己組合嘅。因為第一次試，決定揀前者好啲。B 經典吞拿魚 Victoria Secret（$78）配菜預設紅菜頭組合（紅菜頭、甜黃椒、紅腰豆、羽衣甘藍、青豆配果醋），跟住底層揀咗黃薑椰菜花+半糙米飯，另加配牛油果（$12）。吞拿魚約有十數粒（切成一口一件size），新鮮，味道尚算可以；配以大量新鮮蔬菜，口感十分清新；加配嘅牛油果夠熟夠淋；黃薑椰菜花切成米粒size，適合戒醣人士；半糙米飯有𡁻頭。C 夏威夷海浪三文魚 Lomi Lomi（$78）配菜預設彩虹組合（番茄、青瓜，甜椒配自家製醬油），跟住底層揀咗沾烏冬。三文魚約有十數粒，同樣新鮮，味道亦可以，配上大量切粒蔬菜，撈埋烏冬一齊食，口感同樣清新。成餐俾我嘅感覺就係食得好健康，而且味道都好好。間唔中食吓都幾唔錯。

朋友之前食過這店好幾次，每次都話健康又好味，今日一於去試吓😬叫咗 煙薰油辣味雙拼（三文魚、吞拿魚）有泡菜配沾烏凍$86個紙兜都幾大，撈勻啲餸，和烏冬一齊食，全部材料切粒，好容易入口，沾烏凍口感唔錯幾好食😋只是睇少了啲辣油，越食越辣，今日天氣凍，好暖胃😬好彩店內有自助水機，即斟水解辣😝整體來講，有好多配搭和不同配料選擇，味道又唔錯，如果價錢平啲，會經常嚟食😁店內座位唔多，似food court食完就走，唔會坐喺度吹好耐水。

Pickabowel 呢排都食得煎炸野多好多時都係大魚大肉蔬菜即係越食越小朋友話今日係Green Monday所以你要食返好啲佢就帶咗我食呢一間見到呢度嘅配菜全部都係燈籠椒又或者係山菜而且仲可以叫少啲白飯令一半就要差黃姜椰菜花見到呢個健康嘅配合都已經知道符合晒今日嘅主題而且仲可以叫再最鍾意食嘅牛油果仲有中華沙律溝埋一齊之後真係非常之咁配合而我朋友唔想食飯就可以叫埋到庭烏冬將麻油再配合埋呢啲餸菜再加上烏冬底非常之咁夾另外仲可以叫上唔同國家主題嘅雜菜配菜底有陣時可能可以選擇燈籠椒有陣時可以選擇其他蔬菜非常之咁多選擇而且雖然份量非常之咁大但係好多時份量都係蔬菜所以係非常之咁健康而且仲可以選擇唔同嘅味道有辣有唔辣非常之甘正而且呢度嘅魚生非常之咁新鮮店亦都非常之咁衛生全部戴晒手套先至準備食物所以喺我角度來講簡直好似係乾淨版嘅日本車仔麵咁你想要咩就點咩非常之咁開心

今日係荃灣返工，朋友話想食得健康啲，減肥，我就推介左佢去呢間，之前已經食過一次，今次再食水準依然，朋友都大讚。夏威夷四重奏跟餐有煙燻油辣味三文魚、經典吞拿魚、泰式熟蝦及牛油果蕃茄，其實佢入面仲有好多唔同顏色嘅蔬菜、仲可以揀唔同飯底，我叫左個普通白飯。佢有啲洋蔥及芫茜，岩晒重口味嘅我。我鐘意佢個飯好多唔同料，好豐富，好似每一啖都食緊唔同嘅野，同時又唔會肥。泰式熟蝦個調味好入味，酸酸味味。另外三文魚同吞拿魚雖然調左味，但都食到佢地嘅鮮味。蒜片油熟蝦呢個我另外加左煙燻油辣味吞拿魚+蒜片油熟三文魚個蒜片油值得一讚，佢係用油煮過嘅蒜，唔會好大陣生蒜味得黎又好惹味。整體，我朋友第一次食好滿意，先唔講減唔減到肥，佢話食完個日無左便祕，所以好健康!!!

呢間poke舖屬於比較早開始係香港開業，自己都食咗幾次，唔係稱得上好驚豔，但幾鍾意佢哋嘅配搭，同埋有得揀黃薑椰菜花底😍有時唔想食沙律菜好似食咗堆風落肚咁🥲就可以揀椰菜花底，仲可以揀半飯半椰菜花底～聖誕咁多大餐想食清少少嚟呢到就啱晒喇🤪我呢個係DIY自選，揀咗經典三文魚同經典吞拿魚，應該就係麻油加芝麻紫菜，都幾香，三文魚幾肥美😝配菜揀咗韓式，有青瓜、泡菜同蒟蒻，佢哋嘅蒟蒻係偏硬淨嘅口感，比較似摩芋個種，其實咁多個配菜我都食過覺得呢個最好食😂不過呢一間寫明係辣嘅配料都真係幾辣下，之前食咗辣八爪魚🐙辣到傻咗🔥☄️唔食得辣嘅朋友就要注意下喇😂

今日行過荃新天地，估唔到呢度開左Pickabowl，好耐冇食過所以就決定係度食LunchPickabowl係可以揀選自己鍾意既配料加入飯底，有選擇果難症既就可以揀返餐廳推介既組合我地分別叫左泰式青檸大蝦配蛋黃組合同埋一個自選，自選揀左 牛油果、中華沙律、三文魚、慢煮天多利雞配山藥組合青檸大蝦大大隻，配埋青瓜同菠蘿沙律，味道清新又開胃，蝦肉夠爽口另外一個自選組合非常豐富，三文魚有埋醬油既香味，雞肉啖啖肉成碗飯既配搭 健康又好味飲品可以額外加果汁或者飲用餐廳提供既水，佢地提供既水都有加到水果係裡面架整體黎講都唔錯 

放假去荃灣揾男朋友食lunch，終於可以食到我勁掛住嘅健康魚生飯😋，食晏時間好多上班族買外賣，我同男朋友就選擇堂食。我哋兩個都揀咗DIY自選系列，自己想食咩就揀咩👍🏻我嘅配搭係：經典呑拿魚、泰式熟蝦、西班牙蒜油八爪魚+ rainbow配菜 + 沾烏冬。烏冬配魚生和蔬菜粒，我覺得係唔錯嘅，而且烏冬口感煙韌，愛麵之人首選🤩。魚生一如既往高質，泰式熟蝦好好食，啲蝦又大隻又彈牙，個泰式醬好fresh🧞‍♀️男友嘅配搭係：經典三文魚、慢煮天多利雞+ mayo + 糙米飯。慢煮雞配印度香辣汁好惹味😆下次可以encore！我哋其中一個升級咗做套餐，有一隻温泉蛋、一碗日式昆布湯、一個甜品，食到好飽🤰🏻另外，我哋又試咗新出嘅vegetarian soup-broccoli green希望遲啲屯門都可以有分店🥰🥰

唔知點解近排覺得呢類魚生飯好盛行將一堆原型食物放埋一齊 味道又出奇地夾同清新wor!本身都好多自由搭配！但我實在選擇困難症😫😫唯有同朋友簡H同I！H經典雙拼（吞拿魚X三文魚） +$25 set~除咗吞拿魚三文治之外，佢都有好多配料！包括玉子粒，生菜，蕃茄仔，南瓜同豆角等等每一樣食材都好新鮮唔算落太多調味料有佢嘅風味所在而且飯底有得簡椰菜花底 啱曬想食少啲澱粉質嘅人昆布湯有昆布同豆腐 不過不失溫泉蛋唔錯～流心得來唔會過生I夏威夷四重奏（辣味三文魚，經典吞拿魚，泰式熟蝦，牛油果）配料相約 但多咗中華沙律～可能因為辣味嘅原因，食落會重口味少少。而牛油果嘅滑順口感～撈落飯到好正Cold Pressed DragonFruitJuice好飲～清新舒服！