Pivo Czech Bar (已結業)

由於打算去element 睇電影, 所以係附近揾食, 週五晚每間餐廳都超多人, 我地見Pivo唔使等位就衝左入去. 由餐廳名所見係一間捷克酒巴, 有供應捷克啤酒, 但當晚menu就正常西餐. Crab Meat Risotto (HKD178)挺有驚喜, 豐富蟹肉, 啖啖肉, 嗰portion兩個人share都ok. 公司三文治(HKD148)哈哈, 朋友突然口痕, 居然dinner時間order公司三文治, 笑左. 份量巨大(對於兩個女子來說), 食材新鮮, 塊雞排煎得香口, 整體ok.

Choosing Pivo for the easy access and the credit card discount as our monthly gathering dinner place, we were delighted like before by their upbeat ambience and proactive staff. Our appetizers were the octopus salad and the ox tongue; the former was fresh though a little light in taste while the latter was tender and well marinated. The duck leg brown rice was fair as I expected it to be richer and more cheesy. The sausage platter was extremely fulfilling and meaty. The pork knuckle was a classi

約好朋友食飯去到邊度都咁開心， 今次朋友選的Pivo Czech Bar， 在尖沙咀圓方頂層， 位置方便， 餐廳內外環境都好像渡假一樣， 輕鬆舒適的氣氛。 我們一行四人， 點了幾款前菜， 主菜有豬手和腸仔拼盤， 當然唔少得飲品， 試了很多款不同的mocktail， cocktail和啤酒。四款前菜各有特色， 沙律非常新鮮， 豬手上枱的賣相已經值100分， 加上燒得香脆肉嫩， 烹調時間控制得剛剛好， 啖啖肉又腍又入味。 腸仔拼盤 當然是大人和小朋友的最愛， 幾款腸仔中我最喜愛豬肉腸， 配上餐廳的醬料特別惹味。Pivo Czech Bar絕對是一個與朋友吃飯傾計的好地方， 環境舒適， 食物質素好， 下次一定會再來。

小弟有位朋友好中意發掘d特別既菜式。今次佢就拉左我陪佢黎呢間食捷克菜既餐廳。捷克菜係咩東東？🤔今日叫既兩個頭盤都係d好碎濕濕既野放埋係一舊，但係所有野都係出奇地夾！睇落份量好似好少，但其實都幾飽！原來捷克菜都唔錯架喎

香港冇乜捷克嘅餐廳，位於九龍站上蓋嘅圓方就有一間啊，呢間餐廳喺平台嘅花園，喺裏面食嘢，坐喺窗邊係陽光充足，望見出邊嘅小朋友為主噴水池跑，環境係唔錯嘅，令你暫時忘記市區嘅繁囂。我哋叫咗個肉醬貝殼粉，好多肉粒，佢係用 mac and cheese 嘅方式整成，所以上面鋪滿左拉絲嘅芝士。味道都OK，不過可能我哋都唔係太習慣東歐嘅食物，所以感覺一般啦。另外仲叫咗個蟹肉意粉，呢個就真係正呀，非常之多嘅蟹肉豐富，再配埋番茄汁，番茄汁有少少鹹鹹酸酸，係開胃嘅。我同朋友搶住食，好快就食完呢個啦。朋友叫咗杯熱嘅卡布洛奇, 我就叫咗杯凍嘅拿鐵。呢間餐廳食物OK，不過價錢略為昂貴，兩個女仔叫咗兩個面兩杯咖啡，都唔算好飽，就已經要$600買單，相信都唔會再嚟多次了。而且整體感覺衛生情況一般。

I tried out this spot for set lunch deal during weekday. It’s pretty good- I went for the steak! Given the pricey location of Elements this three course was worth a visit.Entree, main, dessert plus drinkThey also have ala carte if you don’t feel like a three course.

之前一直想來試今晚終於試到啦～食物款式都幾特別～happy hour優惠時段叫咗兩杯西班牙紅酒，係我鍾意嘅味道☺️👍🏻頭盤方面叫咗兩個👉🏻Spiced Watermelon🍉:呢個好特別，係一個好開胃嘅西瓜前菜～鮮甜嘅西瓜上面林左啲酸酸甜甜嘅特製黑醋汁，用來做開胃小食一流！😋另外叫咗個Nori Taco: 香脆嘅脆米餅上面有啲煙三文魚、牛油果等等嘅配料，成件事好夾好好味！🤤主菜當然要試呢度最受歡迎嘅烤豬手啦😍😍呢個豬手外層唔係德國嗰啲個皮係香脆果種，但係就係煙煙un un 嘅質感，入面啲肉一啲都唔鞋仲好嫩，成件事食落唔會乾爭爭😍配埋佢嗰啲芥茉醬，呢個整得好出色！🤤🤤👍🏻伴碟嗰啲薯角估唔到都係好好食！不過兩個人食完呢隻豬手真係會好飽～🤭😅食完當然唔少得要試佢個甜品😆叫咗佢個玉桂蘋果pancake，估唔到呢個好好食！😍熱辣辣嘅pancake上面有啲香脆麥片，仲有好香嘅玉桂蘋果味，仲要配埋個海鹽焦糖雪糕，好好味好快就已經俾我K.O.晒啦～🤤😋🤭呢度啲服務都幾好，特別多謝今晚有位經理詳盡介紹同埋都好細心👍🏻😊

以前覺得佢價格不貴！若果同朋友吹水happy hour都算不錯的地方！現在冇任何promotions 但是平日，選舉越來越少，看了幾遍menu 也找不到合適的食物，不會再去了！

昨天跟同事選了Pivo吃中秋節午飯。這餐廳平日的lunch set價錢約一百多，有齊頭盤, 主菜, 甜品跟餐飲，價錢算是合理。今天點了甘筍南瓜湯做頭盤，味道濃郁，不錯！主菜選了oyster risotto，一上菜已經聞到嚎的香味，試了一口立即愛上。嚎汁浸了在飯内，risotto又不會太硬，真的非常好吃。嚎跟意大利飯這種配搭也不常見。這菜色要極力推介👍👍今天的甜品是咖啡芝士餅，不過不失吧。整體而言這個價錢吃到這樣的質數，真的不錯。

環境不錯，氣氛熱鬧，比中環一帶更有品味。來到了pivo cech bar指定時間還有七折的優惠價，價錢來說，是間不錯的餐廳。Outdoor的位置比較侷促，我們便選了indoor seating餐單種類繁多，叫了Nacho和risotto. 把墨西哥玉米脆片排在碟上，炒點碎肉，用avocado,tomato豐富口感，在加大量香濃芝士！極邪惡但十分好味！玉米片質地夠硬夠脆，絕不兒戲意大利飯半軟半硬，尚算正宗！nice draft beer

放左工約埋幾個朋友去左食呢間捷克餐廳，其實比我感覺似德國餐廳多d！入到去覺得好舒服，同朋友吹水傾計一流！我地唔係好肚餓，所以只係叫左兩個小食同埋野飲！🔥Assorted cold cut platter有成5-6種cold cut，用黎送酒食一流！🔥Sausage platter有5種不同嘅香腸，每一種都有獨特口味，其中最鍾意佢嘅芝士腸，濃厚車打芝士係中間流出黎

環境不錯，食物也很好，只是略有點咸，staff很nice，很照顧客人。這間餐廳很適合飲酒談天，價錢適中，因為是afternoon tea的關係，還有7折。有機會會試試晚餐。

因為美心卡有折所以就搵下有咩美心嘅餐廳食。最後揀咗呢間係element嘅捷克餐廳。我哋7:00去到唔算太多人。環境都唔錯幾有情調。叫咗個吞拿魚沙律，雖然唔係得太多但每舊吞拿魚都好大份。另外叫咗個muzzel，酒味好濃。主菜叫咗個牛扒，要medium rare啱啱好唔會太韌。其實呢間餐廳都幾貴如果冇AE卡有折嘅話都未必會黎。

餐廳位於圓方廣場頂層，一出商場，那裏有一條美食街，有好幾間西餐廳、酒吧。而我經常去的餐廳就是這家捷克餐廳，會去的原因是因為這裏用白金信用卡有餐飲優惠，非常划算。服務就真心不算好！但食物不錯。這家餐廳環境幽暗，有一邊吧台供顧客喝酒聊天，令一邊供顧客吃飯。這裏的意大利、麵意大利飯，德國豬手的水準都很高，而且味道比較正宗，所以我很喜歡吃。不過我最喜歡吃的就是這個甜品，每一次去都會點。外面的麵包烤得又香又送院，裏面係忌廉芝士，外面熱呼呼的裏面冷冰冰的，非常好吃。

推薦指數：🤩🤩🤩🤩捷克係我最鐘意的地方，最懷念的當然係地道捷克啤酒！Pilsner 同 Kozel都係捷克出名的啤酒brand, 係香港嚐到地道捷克啤酒好正呀！🍺3-9pm仲有happy hour 👏🏻👏🏻👏🏻係圖方露天廣場，圍住都係一系列的西餐酒吧，好好feel!放工時間簡直係人流高峰期，個個都happy hour飲番杯鬆一鬆😽Pivo Czech Bar 係主sell捷克菜,同時帶少少fusion西餐。”pivo”係捷克文，指啤酒的意思🍻”Na Zdravi” 指飲杯cheers！Snack Platter HK$178有雞翼、西瓜沙律、黑松露薯條、煙吞拿魚芒果。一個platter 有齊四款小食，第一round啤酒高梗係配上呢個小食拼盤啦。🤪Pilsner Urquell HK$80地道捷克啤，draft beer入口好順，捷克當地的Pilsner beer mug真係好大杯，大大啖啤酒好爽呀🤩再黎個sea urchin spaghetti HK$168🍝 呢個就普通左d, 醬汁係唔錯但其實無咩海膽咪！而且成個意粉係無餸，有點兒齋😯唔建議大家嗌呢個Next round Kozel