Pizza Maru (朗豪坊)

營業中

休息中

近排追完韓劇好想食韓式pizza，呢間成日大排長龍，今次就同屋企人嚟食。玫瑰年糕炸雞雖然玫瑰醬hit咗一段時間，但今次係第一次試呢個口味，韓式玫瑰醬主要是由番茄醬和奶油醬混合而成 。炸雞炸得啱啱好，肉質嫩滑，而年糕煙韌可口，配上香辣醬汁，真係會一啖接一啖食唔停👍🏻江南牛仔Pizza薄餅選了薄餅底，餅底烤得香脆，配料有牛小排、火腿、三色椒、紫洋蔥；牛小排肉質軟嫩，配牛排醬、蛋黃醬食，蛋黃醬出奇地夾～蟹肉飛魚籽意粉蟹肉、飛魚籽、忌廉醬汁，配上意粉係不敗組合，意粉亦好掛汁，蟹肉份量亦不吝嗇，大滿足～韓風蟹肉塔推介！蟹肉份量多，裡面仲有椰菜、青瓜等蔬菜配料，配上酸忌廉醬，很開胃又滿足的小食！飲品方面點了Peach Lime Iced Tea，桃加上青檸，很refreshing，配pizza飲很解膩！

雖然好耐以前食過另一家分店，但朗豪坊呢間係第一次幫襯。雖然自己叫錯咗蕃茄芝士口味（本來想食烤肉口味），佢哋嘅pizza上面有大量芝士，食落個pizza皮鬆軟香口，都幾好味嘅，一個pizza份量唔算大，2人都可以食曬一整個pizza。唔夠飽所以另外仲叫咗份芝士炸雞，皮脆但係雞肉唔算juicy，而且個芝士味主要來至嗰啲炸雞皮上面嘅芝士粉，冇粉其實就係原味炸雞😂，份炸雞裏頭嗰啲粟米仲好食過嗰舊雞🤣。食完感覺一般，重新再揀過嘅話，應該唔會叫炸雞，cp值唔算高，叫其他嘢食例如意粉可能更好。

小編最喜歡的韓國餐廳！又來吃了～這次小編選了幾款菜式給大家！玫瑰年糕炸雞食韓國菜當然要點炸雞。首先上枱已經好驚艷！年糕外層香脆，年糕煙煙韌韌，加上獨有既醬汁，帶有少少辣味，夠晒滋味炸雞外脆內軟，肉質又滑又多汁！令人回味嘅菜式。蟹籽飛魚意粉蟹肉份量多且蟹肉味濃。除蟹肉外，裡面加了蘑菇粒、蟹柳、飛魚子增加口感。整體入口味道鮮味濃郁又有層次，很不錯！最後一道當然要點pizza！Gangnam Cowboy Pizza 用料十足，烤牛肉帶甜味，保留肉汁，加上超多芝士、千島醬、青椒、菠蘿，薄餅底夠香脆，非常滋味！餐飲的classic mojito，是低酒精濃度款式，配上梳打、青檸及薄荷很爽～總括而言，食物有水準，氣氛舒適，無論是情侶約會或朋友聚餐都值得一來～

農曆新年前夕，今次選擇左朗豪坊Pizza Maru食一家四口既團年飯。很耐之前同朋友聚會食過，覺得Pizza同炸雞好出色，決定今次帶小朋友一齊試下。太陽番茄芝加哥Pizza配料看似簡單，但Pizza充滿芝士香味，有雙倍馬蘇里拉芝士、芝士條、巴馬臣芝士，幾款芝士夾埋原來非常美味可口。蜂蜜蒜泥炸雞配蝦片很Juicy既炸雞，配搭甜甜蜂蜜味，雞皮很脆身，而雞肉仍然很嫩滑。👍🏻Mango Passion Iced Tea豐富的果香，配上冰茶清新口感，好味!整體食物質素高，值得再次光顧!

新年同朋友飯聚，pizza maru絕對系個好選擇！餐廳寬敞又好坐，朗豪坊分店交通方便，約人最就腳。元祖奶奶燒腩意粉呢個係lunch set，抵食又有特色。送季節冰茶或者汽水，加錢仲有沙律同升級嘢飲。韓式意粉，感覺好fusion，忌廉汁微微酸辣又creamy，腩肉份量滿足，肥美有滋味，韓式風味好突出。熱咖啡（跟餐 +$18）咖啡香濃，賣相唔錯，可以自已加入糖同奶，咖啡夠香滑。牛油果醬烤肉薄餅 色彩繽紛好吸引！薄餅薄脆香口，鋪上綿密的牛油果同烤肉，口感層次豐富。韓式蒜香甜辣炸雞配炸蓮藕炸雞搭配炸蓮藕好夾，韓式蒜香甜辣醬勁惹味，炸雞雞皮香脆，雞肉肉質嫩滑，蒜香突出，尤其鐘意甜蜜口感。

Pizza Maru最近開左唔少分店 今日見係久違的假期 ✨出左旺角掃貨 順便同朋友仔食埋個 Lunch 👩🏻‍🤝‍👩🏼Cheeseburger Pizza 🍕10吋size我地兩個人share食巖巖好 配料滿滿 🥓薄餅底部烤得恰到好處 酥脆的口感與濃郁的芝士醬汁完美結合 👅Curry Soy Chicken with Potato Wedge(6pcs) 🍗炸雞外皮鬆脆內裏鮮嫩多汁 夠曬juicy 💦咖喱同炸雞兩者都好夾 食落去甜甜辣辣嘅感覺 真係無得輸呀😈Myeongran (Pollock Roe) Prawn Pasta 🍝最推薦的料理～ 必食必食必食！！明太子的味道好濃郁 每根面條都裹滿了醬汁✨加上大蝦和海苔碎豐富了它的味道❤️ 味道超棒😍Home Made Ice Tea & Pineapple Flora Iced Tea🍹lunch set包冰茶另加$48 叫左杯蜜桃檸茶 🍋茶香濃郁 口感冰涼 和炸雞、PIZZA 完美搭配 🫶🏻📍 Pizza Maru @pizzamaruhk旺角亞皆老街8號朗豪坊4樓3號舖 #PizzaMaru #韓國菜 #hkfoodie #香港

近年香港興起了韓風潮流, 美食也不例外。這間韓式餐廳在旺角朗豪坊也開設了分店, 主打薄餅、意粉和炸雞, 午市時段有多款午餐以作選擇。牛油果醬烤肉薄餅 138配可樂薄餅酥脆煙韌, 烤肉鮮嫰帶焦香,牛油果醬質地柔滑, 加上洋蔥、粟米、車厘茄和醬汁等, 增加了薄餅的風味和層次。Maru古法漢堡扒意粉128配可樂厚層漢堡扒肉汁豐富, 番茄忌廉醬好醒胃, 配以洋蔥、西蘭花、車厘茄和火箭菜, 加上爽脆杏鮑菇, 豐富了意粉的口感。明太鮮蝦海帶意粉138配冰茶鮮蝦肉質爽口, 忌廉芝士和忌廉醬好幼滑, 加上明太醬粒粒口感, 豐富有層次。Pink lady iced tea 清甜茶香, 口感清爽。

Pizza Maru (朗豪坊) (旺角)旺角亞皆老街8號朗豪坊4樓3號舖 呢間係我其中一間最鍾意食嘅pizza ，曾經喺荃灣分店食過一直念念不忘。原來旺角朗豪坊都有分店，今次唔想咁Heavy所以冇食芝心批，叫咗個蟹肉薄餅 蜂蜜，蒜蓉炸雞 ，芝士青口。呢間分店唔算太大，但樓底高坐得幾舒服。weekday都好多人排隊,應該都唔會等得太耐架！大家都可以去試吓，下次一定要食芝加哥拉絲！Pizza size唔算細，兩個人食到飽飽

暫時係會經常性去既pizza店。Fusion pizza 真係做得好出色。maru瑪格麗特🌟🌟🌟🌟之前去都食開mocha邊，今次食金芝邊，估唔到都係咁好食😋脆炸章魚仔🌟🌟🌟🌟🌟脆而不油配埋個醬 又fresh 又香。鮑魚肝醬海螺risotto🌟🌟🌟除左pizza，估唔到飯都咁好味！加左紫菜脆脆，估唔到都幾夾。番石榴汁 🌟🌟🌟正常發揮🤗有好多靚既cocktails，可惜飲唔酒。

薯角炭燒雞肉芝加哥薄餅（蜜糖杏仁邊） $223睇過OpenRice嘅相，最期待就係呢個Pizza！🤩 食材真係好豐富，層次超多！個pizza邊表面好脆口，仲要甜甜地有杏仁，令pizza邊唔止芝士咁膩，內裏亦好鬆軟👍🏻 Pizza係濃味嘅，成個pizza有三種芝士 ，（雙倍馬蘇里拉芝士、芝士條同忌廉芝士慕絲）真係夠曬邪惡，仲可以拉絲拉到好長！😆 炭燒香雞好香，仲有甜甜地嘅BBQ醬，好食；薯角係細細粒同成個pizza都好夾！炒洋蔥、蘑菇同蕃茄呢啲蔬菜令成個披薩冇咁膩。🌟提醒，記得要趁熱食，會更加惹味😍煙燻鴨胸泡菜卡邦尼意粉 $183個醬絕對係加分再加分🙂‍↕️ 泡菜卡邦尼似以前興嘅玫瑰醬意粉，顏色吸睛！味道酸甜得黎又有少少辣，刺激味蕾，朋友差啲想一個人食晒一碟🤣 泡菜口感幾有咬口，增加層次之餘，酸酸甜甜又幾開胃唔突兀👍🏻鴨胸煙燻味好香，肉質仲保持到嫩滑，夠厚有口感，帶少少鹹香味，配埋個卡邦尼醬汁幾搭。意粉係Al dente口感，唔會太腍，配埋濃郁嘅醬汁，好味！😚Mango Passion Iced Tea $48朋友話飲落去好清新，有啲薄荷味，甜度適中，仲有啲果粒喺入面，飲完好解膩😚結論好味

✨韓國烤肉芝加哥面層灑左糖霜 薄餅底鬆軟有咬口配料有三款芝士 牛小排 番茄同辣肉腸等 牛小排 肉質結實 調味帶甜 肉味香濃辣肉腸鹹香 番茄清甜 配搭自家番茄醬 重點當然係加左雙倍mozzarella cheese芝士拉絲可以完美拉出芝士瀑布 芝味十足✨蜂蜜牛油炸雞配粟米燒蜂蜜牛油炸雞 炸得金黃香脆 雞肉嫩滑 肉汁豐富 帶香甜蜂蜜牛油味 邪惡好味粟米爽甜多汁 帶牛油香氣 幾有驚喜✨Mango Passion Iced Tea芒果味道香甜突出 帶淡淡熱情果香 茶底清香✨Peach Lime Iced Tea桃味清甜 青檸清新 茶底清香 唔太甜 好清爽總結：食物唔錯 炸雞有驚喜 份量足 環境可以 都幾好坐 服務唔錯 價錢可以

呢晚嚟咗 Pizza Maru 旺角店 試韓式Fusion料理店舖唔係好大但舒適，菜式多元化，係炸雞控同韓式美食迷嘅天堂🍗🇰🇷脆炸章魚仔 🐙
呢道小食我每次嚟都食架！炸得金黃香脆，入口外脆內嫩章魚仔鮮味十足配埋蛋黃醬，令人一啖接一啖，非常開胃蜂蜜蒜泥炸雞配蝦片 🍯🧄
炸雞外皮脆卜卜，炸得乾身唔油膩，雞肉邊個部位都一樣保持嫩滑重點係上面嘅蜜糖蒜泥醬汁，鹹甜味平衡得好好，蒜香同蜜糖香融合，幾特別蝦片脆卜卜，用嚟配炸雞非常適合，呢款炸雞絕對唔可以錯過蟹肉飛魚子意粉 🍝
意粉煮得啱啱好，唔會過淋蟹肉鮮甜，飛魚子爽爽地撈埋落去口感更豐富醬汁微微帶奶香，又唔會太膩，係一道非常惹味嘅Fusion意粉Mango Grapefruit Ade 🥭🍊
飲品清新香甜，帶啲果酸，解膩效果一流，飲完非常清爽，幾啱配韓式炸物～
Pizza Maru絕對係韓式Fusion料理嘅好選擇特別係 蜂蜜蒜泥炸雞，味道出色又有創意無論三兩個朋友聚會定情侶晚餐都適合💯🍴

【 🍕𝓟𝓲𝔃𝔃𝓪 𝓜𝓪𝓻𝓾🍗 】高質創意口味𝓹𝓲𝔃𝔃𝓪 😍⋄⋄🇰🇷 𝑷𝒊𝒛𝒛𝒂 𝑴𝒂𝒓𝒖喺韓國為最具代表性的薄餅品牌🍕在韓國當地有超過𝟔𝟐𝟎間分店分佈在各個城市📍招牌綠茶薄餅麵團成功取得專利，以健康飲食的概念，麵團裡除了綠茶成份以外，仲添加左亞麻籽、海球藻、大麥等共𝟏𝟐 種的健康穀物，低溫發酵𝟒𝟖小時，使麵團香口又有彈性🥖🍞⋄⋄====—====—====—====—✦ 𝐓𝐰𝐢𝐠𝐢𝐦 ✦ 🐙 脆炸章魚仔（$96）章魚仔 | MARU 凱撒醬章魚仔外層金黃脆漿，包住新鮮的章魚仔，口感酥脆，鮮味可口，配上MARU 凱撒醬口感層次提升😜—✦ 𝐌𝐞𝐚𝐭𝐲 𝐇𝐨𝐥𝐢𝐜 ✦ 🌶️肉食主義｜🍅蕃茄醬底 、（$178 / 𝘳𝘦𝘨𝘶𝘭𝘢𝘳10‘’）🥩牛小排｜🐥香辣雞肉｜🧅紫洋蔥｜🐷火腿｜☘️西蘭花｜🍅車厘茄｜🧀馬蘇里拉芝士｜🌶️泡菜｜🥚蛋黃醬｜🍯酸忌廉醬｜🌿意大利香芹｜🍄‍🟫蘑菇肉食主義𝓹𝓲𝔃𝔃𝓪口味豐富多樣，風味十足😍牛小排同香辣雞肉調味得宜，而且配料非常豐富，每一口都是不同的享受，薄餅鬆軟可口，好味道👅忍唔住食完一塊又一塊👍🏻—✦ 𝐇𝐨𝐧𝐞𝐲 𝐁𝐮𝐭𝐭𝐞𝐫 𝐅𝐫𝐢𝐞𝐝 𝐂𝐡𝐢𝐜𝐤𝐞𝐧 ✦ 🧈🍯蜂蜜牛油秘製

今次我同同事出左去旺角呢邊做野，諗唔到食乜就去左朗豪坊睇下，food court呢層見到呢間pizza maru其中有人食過話好食，不如食呢間，佢食過話好梗係信了啦🫢平日佢地有lunch set，包冰茶或汽水，另外可以加$15跟個湯或者沙律，如果餐茶轉咖啡就要加錢，坐位都幾闊幾舒服😌韓式青椒辣醬炸雞簿餅（$148）呢個pizza幾特別，佢10吋size適合我地share食，1個人一定勁飽，佢係韓式既炸雞風味，材料有雞肉，洋蔥，蘑菇，三色椒，粟米，墨西哥辣椒，蛋黃醬，佢d雞粒係炸雞粒黎，個醬同青辣椒同個pizza都夾，好有炸雞feel🍕元祖奶奶燒腩意粉（$148）呢個意粉又韓式，又西式既feel，個忌廉汁少少辣，有creamy口感，d腩肉唔太覺係燒，似係煮既多，肉夠肥美同埋辣度唔算太辣，意粉黎計呢個辣度岩岩好🍝蜆肉紫菜奶油意大利飯（$118）呢個飯個忌廉醬係爆多，包滿左每一啖飯，d蜆都有勁多粒，要連埋飯食先正😋韓式青椒辣醬秘製炸雞（6件）（$128）我地其中一個冇叫餐，叫左份炸雞share食，同個pizza不約而同都係揀左青椒辣醬口味，嗌果兩個都鐘意食，佢地話撞左都唔緊要，最緊要好味，炸

今日與同事經過旺角做嘢，午餐想食pizza，見到呢間餐廳嘅lunch Menu選擇都多，決定試試。餐廳裝修走美式風格，牆壁掛上大電視播住K-Pop，聽住啲歌能量返晒嚟。我哋分別點咗一個午餐及一客單點pizza。午餐隨主菜跟Home Made Iced Tea以外，可以加錢點飲品、餐湯及小食。餐湯韓式嘅豆腐海帶湯及Home Made Iced Tea明太鮮蝦海帶意粉 Myeongran (Pollock Roe) Prawn Pasta蝦夠爽口唔會太韌，與辣辣地嘅明太子醬及紫菜碎、洋蔥、西蘭花及杏鮑菇撈埋一齊食，Creamy得來啖啖都食到明太子，層次感豐富。瑪格麗特比薩 🍕Margherita Pizza (Large)單點咗個Pizza share食，由於同事係Pizza控，佢話食pizza一定要揀最傳統嗰隻，傳統Pizza最考功夫見真章。佢哋嘅水牛芝士形狀呈粒粒四方形，配上新鮮嘅車厘茄及大量火箭菜，口感香脆清爽，食得出佢嘅烘焙麵粉香，果然對得住佢個名。小食加咗炸蠔，有三隻，炸得夠脆口，唔算太油，不過不失。Peach Lime Iced Tea同事點咗呢杯特飲，好香水果味，但唔會太甜，