Pizza Maru (朗豪坊)

營業中

休息中

呢間真係長期多人排隊!! 但食過之後, 又真係覺得多人排都好合理!! 已經食過好幾次, pizza同炸雞都好食!!1. 韓國烤肉芝加哥pizza芝心批, 勁多芝士, 但又唔會覺得好漏, 配埋韓國烤肉, 勁好味勁正! 私心推介!!!❤️2. 炸雞個人認為大部分口味既炸雞都好味, 每次去都會揀唔同口味! 炸雞香脆, 肉質嫩滑又juicy, 可以一食再食! 但有一款 炸雞], 真心食得辣先好叫, 因為真係好辣, 啲辣味係留係個口度久久不散既辣, 好食, 但真係會一邊食一邊叫救命🤣🤣3. Peach Ade/Lychee Cooler Ade飲品方面呢兩款都覺得幾好飲, FRESH之餘, 水果味都突出。私心推介❤️

Pizza上公仔問了職員，肯定係糖霜可食,水果清新,顏色鮮豔奪目,但餡料有通粉,唔算難食,但心裡總覺得怪怪🍕炸雞餐牌寫唔辣,但泰式辣醬......無俾小朋友食🫢蟹意粉，蟹好多，真心覺得好食之選🍝如要打卡影相,荃新天地分店係唔錯既選擇,留意最後三張相🥰最後以熙哥哥成餐只食幾啖🙈#韓式料理 #韓國美食 #韓國 #Foodie #pizza #炸雞 #意粉 #linefriends #打卡美食 #linesally

🍽️Pizza Maru 很久沒有吃pizza了，在朗豪坊逛街後和朋友商量吃甚麼，最後決定吃Pizza Maru，平時很多人排隊，但當天居然可以直接入座，當然馬上衝衝衝💪🏻🍕泡菜海灣芝加哥 💰223本身已經很喜歡吃它們家的Pizza，喜歡它們拉絲的感覺，以及Pizza的鬆脆，還有它們的蜜糖杏仁邊。Pizza的配料有雙倍馬蘇里拉芝士、芝士條、忌廉芝士慕絲口炒洋蔥、蘑菇、鮮蝦、蟹肉棒、菠蘿、粟米、燈籠椒、火腿、蜜糖、杏仁片大糖霜、意大利香芹、牧場醬、泡菜蛋黃醬，口感非常豐富。吃下去是甜甜辣辣的感覺，芝士拉絲勁長，非常誘人🧀🤤🧀芝士條 💰98炸到金黃色的芝士條，送上後馬上吃才是最美味的方法，芝士內餡鹹香四溢，而且拉絲效果一流，配上酸甜的蕃茄醬🥫，簡直絕配。🍗蜜糖芥末味炸雞 💰118/6件酥脆美味的炸雞配上甜甜的蜜糖芥末粉，十分美味，鹹甜相間，互相呼應。熱辣辣的炸雞咬下去時還會聽到雞皮脆卜卜的聲音，而且十分欣賞它們的炸雞沒有太厚麵粉外皮，吃下去就是雞皮和雞肉，十分美味😍🍸Lychee/ 🍓Strawberry Makgeolli 💰78這是一款微酒精飲品，有點像水果味的忌廉溝鮮奶和乳酸飲品，我和

雖然係韓國餐廳，但實際係食fushion菜，食物有返咁上下水準，賣相同味道都唔錯😆🌼 煙燻鴨胸泡菜卡邦尼意粉 ($178)煙燻鴨胸煎得嫩滑，意粉醬Creamy, 配以泡菜汁辣椒碎帶有微辣，十分惹味。每啖意粉都掛滿醬汁，另外配有洋蔥碎、蘑菇，口感豐富😋🌼 蒜香雞Pizza (Regular) ($138)10吋Pizza足夠兩個人食👌🏼燻雞肉唔乾，大舊足料；配以煙肉、燈籠椒同車厘茄豐富味道；Mozarella🧀有拉絲效果✅ 平時食開蕃茄醬底嘅Pizza；今次配帶有甜味嘅燒烤醬都唔錯

一直book mark咗呢間餐廳好耐咁啱朋友都話想試呢間就一齊去咗食我哋放工之後去 6點零7點鐘到 都要等成一個鐘先可以入到去環境嚟講呢間都算坐得幾迫，而且一入去就開始限時，差唔多早10至15分鐘就開始趕你走。用餐感受嚟講唔算太好，不過嘢食就真係幾好味😋 要知道有賣相，做fusion嘢又好食嘅餐廳，真係唔多🤤🥢煙燻鴨胸泡菜卡邦尼意粉呢個意粉好正啊，個賣相又正，而且fusion得來覺得個味好夾🥰 意粉唔會煮得過腍，加埋泡菜辣辣地又好爽。份量適中，三個人都唔會唔夠食😆🥢芝心maru大哥pizza個Pizza又係不得了，佢係正到連嗰邊都好好食🫠芝士又可以拉絲，啲料又夠足，唔怪得之呢個係佢哋嘅招牌💕🥢手工泡菜芝士波個芝士波好新鮮，食得出係即炸嘅，加埋個蛋黃醬真係好正🥹(係咪有芝士嘅嘢都特別正？)

呢間兩年前試過一次，估唔到到依家愈開愈多分店，都仲係咁多人排隊，晚餐時間排左一個半鐘先食到😣就黎試下仲keep唔keep到水準😎🍽️蜜糖柚子八爪魚沙律（5/10）正常調味幾開胃，但略嫌太多火箭菜，苦澀味蓋過左其他配料既味道😥🍽️Maru秘製青口鍋（7/10）青口新鮮而份量都幾多，調味啱啱好、好惹味，重點唔會太膩👌🏻🍽️芝士秘製炸雞（6/10）上面灑滿芝士粉，但食落又無咩芝士味🤔炸皮係粗糙派、夠脆👍🏻但可惜入面既雞肉無咩肉汁少少乾，有啲失望🙈🍽️群蟹派對 轉摩卡芝心邊（8/10）pizza餡料豐富，有蝦蟹肉粟米，調味亦都唔錯，但未去到驚艷，但係❗️朋友介紹一定要食摩卡芝心邊❗️簡單就係錦上添花，濃濃既流心摩卡😍加埋杏仁片，同埋mozzarella芝心，甜甜鹹鹹咁真係好夾🤤幫個pizza加左好多分❗️—˗ˏˋ 𝓜𝓮𝓶𝓸✍︎ ˎˊ˗整體係好食，但比起第一次食好似差左少少，性價比同時間比亦一般🙈都可以試一次，但記得記得一定要轉批邊🤣✨推薦指數：7/10

話說bookmark咗呢間餐廳好耐但係因為無得book位 唔想等位嘅情況下一直未試今次難得朋友都suggest呢間 就一齊去試啦都等咗成粒鐘先入到去啊我哋3個人嗌咗一個pizza一份pasta同一個小食其實我覺得3個都好好食由其係個意粉！Pizza連個邊都好鬼正仲未食佢啲炸雞下次真係要再encore!!佢地有好多fusion嘢所以好多都好想試要知道做得fusion嘢又好食 都真係唔簡單㗎😂😂唯一係食得好趕因為d staff係咁催我地埋單明明用餐時間都未夠下次可能試下去其他分店睇下會唔會好啲

呢間餐廳一直都好多人排隊，我自己食過幾次。餐廳無論係批邊，pizza配料既搭配都好新鮮好特別。今次去既係朗豪坊店，位置非常方便，店內服務員主要都係講英文，但都有少量會識中文既服務員，但服務態度好好，會主動加水，收餐牌，仲好笑既係我地叫酒精飲品既時候有會問我地夠唔夠18歲，哄得客人相當開心。《$128 蜜糖柚子八爪魚沙律》⭐⭐⭐⭐沙律份量好足，菜底好多，除左柚子汁酸酸甜甜夠開胃之外，仲有落左少少紅桑莓增加口感。八爪魚切成薄薄既圓片，食落一點都唔會韌。洋蔥唔用白洋蔥，配色更加靚。仲專燈切番圓形薄片，為沙律加入左微微既辛辣感。最後係上面撒左少少蟹籽做點綴，成個沙律無論整體，配色，味道都好和諧好靚，作為頭盤完全起到增加食慾既作用。《$178 Pizza 肉食主義(蕃茄醬底) Regular 9"》⭐⭐⭐⭐牛小排, 辣雞肉, 紫洋蔥. 火腿, 西蘭花, 車厘茄, 馬蘇里拉芝士, 泡菜蛋黃醬, 酸忌廉醬, 香芹片, 蘑菇呢間餐廳標榜有品質既麵團，另外唔同既批邊選擇都係一大賣點。除左有芝士濃郁既金芝邊,，仲有少見既甜甜杏仁邊，係好多女士既心頭好。岩岩焗起既pizza點都唔會難食，今次我地就揀番最普通

聽朋友介紹依間既 Pizza 唔錯，所以去朗豪坊試下。餐廳係Food court 嗰層，好易揾，不過地方唔算大，同埋有限時。食物份量都好大，我地叫咗3 個招牌菜式 Share 食。-  Maru 秘製青口鍋藍青口係中等 Size，大細都算 OK。秘製汁有啲似白汁，有香料，忌廉，白酒香味，味道適中，食完一隻又一隻，好快已經搶曬。- 蒜香甜辣秘製炸雞韓式炸雞，係炸雞上面加醬汁，作為調味，又保持到脆皮。蒜香甜辣醬，其實係唔辣既，不過可以增加炸雞既風味，而且雞肉係好juicy。- 芝心Maru 大哥 PizzaPizza 主要有Maru 香雞，車厘茄，馬里拉芝士，同埋有好多配料，十分豐富。蕃茄，芝士味好濃，不過有酸忌廉平衡番味道。Pizza 係薄底，超鬆脆，所以食多一兩塊，都ok。一次過可以食到藍青口，Pizza，炸雞，而且水準又高，真係滿足所有願望。

成日都會經過pizza maru, 今次終於嚟試吓啦！餐牌主要都係Pizza同埋炸雞多，但係都有小食同甜品。我哋三個人就叫咗Pizza，炸雞同埋意大利飯各一。上餐速度都算快，三樣嘢一齊上👍🏽意大利飯好Creamy，好好食😋佢雖然係綠色，但唔係平時食開嘅pesto而係菠菜，幾特別。Pizza好重芝士，好邪惡！啲邊邊位都好脆👍🏽而芝士炸雞就普普通通，不過不失啦。我哋叫咗六件，雞胸，雞翼都有。繁忙時間入座起計60分鐘，如果要同朋友傾偈就要轉戰糖水舖啦😉

之前都係兩個人去食，其實叫個炸雞同pizza 都捧住個肚仲要打包咁走，因為好滯，但真係太好味。佢個pizza 勁芝士，必食，海鮮pizza算係無咁滯。芝士拉到企起身仲未斷，pizza 邊用另一種芝士，我cool 緊牙都輕鬆食到，加上甜甜地同有杏仁片，超正。炸雞好滑，甜辣醬味道一流，係我食過咁多間炸雞同pizza 都係呢間最好食。海鮮忌廉意粉同青口都好味，因為樣樣都重忌廉同芝士，如果想食多幾樣野一定要3人以上去先得。服務方面，要用英文落單 因為都係賓賓侍應，但間間都好多人，侍應比較少，所以比較難搵到人幫手，但枱上面嘅餐具同手套有齊👍🏻上菜時間比較耐。成日好多人等位，一係早去一係遲去，如果唔係就拎左飛行下街先，或者可以用guru拎定飛先😀

我同朋友去旺角朗豪坊逛街，然後去食Pizza Maru。我哋揀咗芝士烤肉Pizza，味道真係好好食。依家我嚟詳細形容下啦。不過要講返，芝士炸雞嘅味道似乎同之前唔一樣咗，芝士粉換咗口味，冇以前咁好食。芝士烤肉Pizza真係好吸引。Pizza底烤得香脆，芝士鋪得好厚，一切嘅時候好拉絲。上面有烤肉片同埋其他嘅配料，味道濃郁。芝士同烤肉嘅組合好出色，每一口都充滿濃郁嘅肉香同芝士味，令人欲罷不能。芝士炸雞味道就有啲變化。以前嘅芝士粉係好香濃，但而家換咗口味，味道冇咁突出。芝士粉變得有啲淡，唔夠濃郁，冇咁吸引。炸雞本身煮得酥脆，但係味道就冇咁讓人驚艷。如果你以前鍾意嗰款芝士炸雞，可能會覺得呢次嘅唔太一樣。就服務嚟講，佢哋嘅服務係英文，可能要留意返。不過一般嚟講都好友善，態度都幾好嘅。環境方面，朗豪坊嘅Pizza Maru環境都算舒適，氛圍唔錯。

行街行到肚餓，未試過這家韓國pizza於是試一試，環境與服務都還可以，食物質素跟價錢都是成正比，美味度都是合格水平。特別推介脆炸章魚仔，外脆，內滑保留到章魚仔的鮮滑，驚喜👍

尋日女朋友突然話想食Pizza Maru，於是我地平日夜晚八點左右排隊，5分鐘就入到去我哋叫咗兩個餸，一個係玫瑰年糕炸雞，一個係薯角炭燒雞肉芝加哥Pizza(蜜糖杏仁邊）先講玫瑰年糕炸雞，個汁幾特別會有眼前一亮的感覺，隻雞炸得唔算特別脆，但都唔差，個皮會有玫瑰味，不過個年糕可能因為炸，所以好難咬，而且同個汁好唔夾，再加上都幾多骨，扣左少少分，Overall 7.0/10至於薯角炭燒雞肉芝加哥Pizza，第一啖食落去個杏仁皮甜甜地，幾有驚喜，而且佢個燒烤醬都好出，如果鐘意燒烤醬可以食呢個Pizza，不過因為偏重口味同較甜，同女朋友一人食3塊有D太油膩，建議多人食會比較好Overall 7.5/10之後都會再黎幫襯

下晝1點幾嚟到，餐廳唔多人，可以即刻入咗～叫咗一個set (pizza+嘢飲) 同埋一個細嘅蜂蜜牛油秘製炸雞。炸雞除咗雞髀雞翼，其他幾件都幾乾。Pizza就幾好味，個底有小小脆，食落好滿足 埋單$282，侍應好nice，同我哋講笑話see you tonight