Pizza Maru (荃新天地)

營業中

休息中

呢間店一直都好多人排隊，我近排又愛上食炸雞，當然要去試下係咪咁好食。一坐低即叫咗個甜辣炸雞，佢個蒜香甜辣醬幾惹味，炸雞熱辣辣，肉嫩有汁，好食。呢間pizza都好出名，但因為有人唔好芝士，所以無叫到最出名嘅芝加哥pizza,叫咗個韓國烤肉pizza,但我想講呢個pizza都好好食，批邊外脆肉軟都幾多餡，前排忍唔住又再去呢間食多次炸雞啦！

嘩!! 好耐冇食韓國炸雞呀，今次約埋朋友食個炸雞lunch ，我地4個人都幾痴線… 食左4款雞、薯條、炸章魚仔…. 炸炸炸全部都係炸但食得好開心。 人生就係需要食垃圾食物😆😆⚫️脆炸章魚仔 HKD85 有8粒架🤣不過我地一見到就忍唔住，食左先影。呢個真係好好食，個漿一啲都唔厚之餘仲要好好味，章魚仔有啲微辣再配埋佢地自家凱撒醬就更完美。 ⚫️蜜糖忌廉炸薯條 HKD76 有好多薯條呀，面頭再加左蜜糖，甜甜地，你仲可以點埋個cream. 不過食完個章魚仔之後, 薯條就比下去了! 個cream 有啲似outback 黑糖麵包個cream. 到重點喇………. 雞雞雞雞雞！再重點係，啲雞好嫩好滑之餘仲係勁juicy呀，肥都抵呢～ 叫左份雙拼(各6件) HKD223⚫️蒜香甜辣秘制炸雞 甜甜地又有蒜香味，係比較大路既，略嫌唔夠汁⚫️蜂蜜牛油秘制炸雞 充滿牛油香唔夠喉再叫 …. ⚫️蜂蜜蒜泥炸雞 HKD123呢個係4款裡面排最後既⚫️火辣秘制炸雞 HKD118以為佢真係會好辣但其實又唔會喎，只係小左啲甜味，而且係更小汁😅整體黎講都幾滿意，啲炸雞實在係出色，而且唔貴。

MARU新店，真的很興奮。吃健康的PIZZA不用再遠征了。外食需要吃點草。凱撒沙律，經典必吃。沙律醬與芝士碎佈滿整盤，配上脆脆麵包粒，很有口感。蜂蜜蒜泥炸雞外層非常金黃香脆，雞肉嫩滑。蜂蜜蒜泥甜中帶鹹，增味不少。唯雞件形態獨特、小巧，碎骨的部分也較多，食用需留神。最期待的畫面出現了!!!太陽蕃茄芝士批薩相信讀者對maru的 pizza 絕不陌生，芝士瀑布的畫面出現了!!pizza是取了專利的綠茶麵團，加上多種穀物低溫發酵而成。口感柔軟帶點嚼勁，減少了油膩感與鹹度，整體吃得輕盈。最強拉芝，芝還在。震撼程度多年不變。開業初期，還未有酒牌，只好點了兩杯果茶。期待日後能來喝著酒吃批薩

果然pizza Mary既pizza係好出色！雖然我叫呢個係regular size，有6塊啦，轉埋特色批邊就$165，但絕對值得呀！呢個批邊係重芝士，雖然無芝加哥批邊咁拉芝，但都已經好夠芝士，如果兩個人淨係食pizza都可以好飽，芝士味係好rich既，配埋pizza2上面既烤雞都好配！炸雞方面就新鮮既，但味道又唔係好特別，唔會出色到想encore。但想食就真係要早啲拎飛排隊，同埋要預等待食物既時間都有啲耐。

平時見到好多人排隊，今日早啲6點幾過去食唔洗等位就入得，7點就已經好多人係門口等架啦～今次叫左泡菜海灣芝加哥pizza同maru秘製青口鍋，青口雖然唔大隻但個醬汁好好味😋如果有送埋麵包可以沾仲好～如果煮意粉都應該好食，完全唔漏～仲有梗係必叫芝加哥pizza，pizza底唔會因為上面既材料而濕左拎唔起，覺得比店內其他普通pizza好食，夠厚同個邊邊都係芝士同有啲糖粉，甜甜的，兩個人岩岩好食哂，滿足離場～

呢間長期排長龍既人氣韓式pizza餐廳，係weekend 下午4點左右居然無人等位，問左店員先知原來有落場時間，16:15會截單，岩岩好截單前趕得切食，覺得好好運🥰Maru紫蘇炸魷魚圈 ($83)炸野做starter永遠都係好香口，熱辣辣即叫即整，比起食薯條黎得更有新鮮感。甜辣秘製炸雞（非辛辣）(6件$118) 🍗 小編係完全唔食得辣，去譚仔食清湯既朋友喇（我認我廢），呢隻炸雞真係完全唔辣，似咕嚕雞球果隻味，好juicy,一咬有漏汁韓國烤肉芝加哥 9” ($186)🍕黎得Pizza Maru無理由唔食佢招牌既Chicago deep dish, 好多芝士，又有韓式烤肉同蕃茄醬，批邊好好食，係芝心批黎😍This is a very famous Korean pizza restaurant in Hong Kong. Famous for its pizza and long queue. We went there at around 4pm in one of the weekends and so surprised that there was literally no one

一直都想試呢間韓國過江龍~今日終於有機會去食喇🥰入到去開始接待同點餐都係要用英文😂然後我哋叫左份烤肉芝加哥同蜂蜜炸雞~其實味道都ok~Pizza啲芝士多到爆出來~係幾有誠意😂烤雞（6件）就略為dry左啲🤣但都ok另外叫左個荔枝酒，清甜的荔灣加少少酒味，易入口~送雞一流👍🏼可以再試🥰🥰溫馨提示：呢度2個女仔都食唔晒🤣pizza芝士好多勁大份

◦•●◉✿✿◉●•◦ 每次經過Pizza Maru都大排長龍 今次終於試到喇🤤 ⁡嚟得Pizza Maru當然要叫Pizza啦！👵🏻同朋友都鐘意食芝士 所以叫咗呢個太陽蕃茄芝加哥Pizza～ 一拎片Pizza嘅芝士絲係比想像中更加多😂 要用Pizza刀切斷先得 Pizza用咗double mozzarella cheese 🧀 ，呢隻芝士唔算好濃味，但咬到有少少攰Pizza邊有少少厚，蕃茄味唔算好濃⁡蜂蜜牛油秘製炸雞🐝 甜辣秘製炸雞🍗炸雞叫咗一款咸一款甜～ 比較鐘意食咸嘅炸雞 不過d醬唔夠多🥲⁡漁夫蕃茄燴海鮮配脆包🍅 麵包沾咗d sauce好好味，應該用左少少cream+蕃茄味，好開胃不過青口&魷魚份量唔算多😆🦑好似食完塊包就食完碟野咁嘅感覺😂⁡Overall叫左3個items都好味嘅，價錢偏高如果要排個幾鐘先食到就未必會再諗諗嚕😆 ⁡😋: 𝟟/𝟙𝟘

朋友是”韓式粉絲” ，即是所有韓國旅遊、美食、韓劇等，通通鐘情，叫佢做”韓粉” 應該冇錯⋯⋯是原這店在荃新天地已有一些日子，但每每經過都大排長龍，以筆者一向冇耐性，這些情形可免則免⋯⋯但朋友今天即興，想醫治思郷之苦。而筆者從疫情起，由一個不看韓劇嘅人也改變了，看得韓劇多也被感染，決定捨命陪君子。嚟到㩒飛仔，朋友攞完飛仔之後，就話行吓街先，開個app 等app通知⋯⋯足足等了半個鐘，對於冇耐性嘅人來說，行吓街轉移視線，依半個鐘又唔覺等得耐。店員安排位置，環顧四周，年青人居多，三五知己，炸雞、拉芝士 Pizza 相當熱鬧⋯⋯牆上大大個電視螢幕，播放男團，”韓粉”看得相當興奮。筆者入座時，還有數分鐘就過八點，一看到餐牌，立即點了生啤兩杯，足足慳返幾十蚊，大家笑作一團⋯⋯Gentlemen  Lager  /Madam Cherry Wheat Ale $59/$56~依兩杯Gentleman 和 Madam啤酒，八點後分別係$87/$82, “韓粉” 大讚店員有效率，為我們趕得切”尾班車” 筆者喝Gentlemen ，麥味香夾滑，唯一美中不足係端上枱時唔夠凍。蜜糖柚子花園$93~清新嘅柚子醬

本身訂左間中菜八點半 但行街嘅時候經過呢間野見到好多人排隊 好似幾好食 同埋原本嗰間野訂到八半又太晏太耐所以就攞左飛食pizza maru 攞完飛都等左成20~30分鐘先有位入到去叫左個首爾醬油咖哩粉炸雞 帶子泡菜卡邦尼意粉同埋青口 三樣野都好好食 炸雞個咖哩粉好香同埋唔辣嘅 青口同意粉味道都好好 呢間係會想返轉頭再食嘅餐廳 推介👍 晚餐人均$200~300味道❤️❤️❤️❤️❤️價錢❤️❤️服務❤️❤️❤️環境❤️❤️❤️

Pizza Maru-太陽蕃茄芝加哥 $183調味番茄醬偏咸但有糖分係面🤔整體個味道偏甜 芝士拉絲效果超勁如圖可見🤤睇到都食慾大增 但係啲芝士味唔濃 感覺係單純得mozzarella cheese 係食口感 冇芝士咸香味🥲有d小失望 一上枱即叫即焗脆卜卜加埋芝士煙煙韌韌嘅口感好好食 但係放涼左食其他嘢再回頭食個口感對比冇咁大就會覺得一般 最好一定要趁熱食 而且多人食一人一舊就啱 打卡呃一流但係唔會覆桌嘅選擇🙈-蜜糖柚子花園 $93沙律菜新鮮但係同lunch set嘅沙律係一樣 所以如果叫set就唔需要特別嗌 面佈滿超多芝士但係食落都係冇芝味嘅🥲-香烤鴨胸番茄乾意大利飯 套餐$108包沙律跟lunch set嘅鴨胸份量極少得四片仲要勁薄 risotto調味一般 每粒飯粒都唔係太分明 而且口感係好硬好鞋唔順滑🥵飯桶如我都冇一個追住想食嘅念頭-整體餐廳性價比唔高 份量唔多 評價有一般 食一次呃like就好 唔會係回頭最想食嘅選擇

I just had a bad experience for the take away service. I placed the order with 2 large pizzas at 6:06, the staff told me to leave the message and will call me when it is ready. I came over around 6:45 to see if it is ready, when I saw there are 2 boxes, I guess the order is mine. Then I asked the staff if my order is ready, but she asked if I had received the call. I said no, she just asked me to wait for the call but didn’t check if those boxes are belong to mine. Finally, I waited for 10 mins

周六是小朋友輕鬆的日子，八歲女孩又約我去看電影和吃pizza。下早2時多Pizza Maru 仍然要等位。今日除咗吃指定的pizza和意粉之外，還叫了小食和韓式年糕。Maru 紫蘇炸魷魚圈 薄薄的紫蘇葉炸漿下是鮮嫩的魷魚圈，嫩口好味，旁邊爽脆的椰菜沙律更是點晴。韓式海鮮炒年糕 可以選卡邦尼醬或韓式辣醬，我哋當然選擇韓式辣醬，咁至正宗。年糕食材包括韓國年糕、韓國粉絲、蘑菇、洋蔥、煙肉、椰菜、青口、鮮蝦和魷魚等，惹味但真係有點辣。太陽蕃茄芝加哥薄餅 材料簡單，滿滿的芝士，芝士條，辣肉腸，蕃茄和番茄醬等，薄餅本身的質感軟糯有香味，吃極都想再吃。帶子泡菜卡邦尼意粉 比一般的卡邦尼意粉多了一個層次，帶少少辣，帶子亦鮮美。

堂食真係第一次，因為次次經過都好多人排隊。襯平日，岩岩到晚飯時間，見唔洗等位所以就第一時間衝入去啦。枱雖然多，但位置唔係太寬敞。首先黎左個韓式辣醬魷魚意大利飯，本身唔係太食得辣，所以問左店員會唔會好辣，店員話唔係太辣。結果出嚟真係okay wo, 入口有少少辣，但唔口渴唔會食到滿頭大汗，可以感受到辣既感覺但唔會辛苦。之後就到Pizza, 叫左個9吋芝加哥pizza, 薯角炭燒雞配蜜糖杏仁邊，呢個超好食呀，芝士味道岩岩好，同食pizza 既時間有食緊甜品既感覺。

次次經過呢間餐廳都見到超多人排隊，本身荃灣咁多好嘢食嘅地方，多數都係冇人排隊，點解呢間餐廳有咁大嘅吸引力呢，今日早咗放工，見到門口比較少人，終於有機會去排隊試吓啦。呢度嘅Menu圖文並茂，睇得好舒服同清晰，而且呢度嘅裝修又靚又闊落，啱晒一班朋友聚會或者拍拖嚟食。首先我就叫咗個藍青口，一上枱真係有啲驚訝，因為估唔到佢嘅份量咁多，而且價錢又唔貴。佢嘅青口又大隻又新鮮，食落唔會乾，親埋佢個汁真係非常入味。而且我不停係咁食，但係都仲見到剩返唔少，就知道佢真係好足料啦。雖然我唔鍾意食pizza，但係聽講呢度嘅Pizza 10分高質，而且朋友鍾意，咁就叫咗個芒果pizza黎試吓啦。估唔到呢個Pizza又幾啱我胃口喎，因為佢面頭有啲芒果，令到我食落唔會覺得好似平時嘅Pizza咁嚟，而且仲非常開胃，越食越想食添。最後我哋就叫咗個八爪魚蕃茄意粉，同佢其他嘅菜式一樣，都係好足料好多八爪魚，而且佢嘅蕃茄意粉整得好香，唔止係得茄汁嘅味，仲非常多蕃茄蓉，又係一道非常開胃嘅菜式。呢間餐廳又抵食又好味，而且價錢又唔貴，唔怪得次次都咁多人排隊啦。希望下次有機會見到佢比較小人，又可以嚟再食過啦。