Pizza Maru (荃新天地)

營業中

休息中

次次經過呢間餐廳都見到超多人排隊，本身荃灣咁多好嘢食嘅地方，多數都係冇人排隊，點解呢間餐廳有咁大嘅吸引力呢，今日早咗放工，見到門口比較少人，終於有機會去排隊試吓啦。呢度嘅Menu圖文並茂，睇得好舒服同清晰，而且呢度嘅裝修又靚又闊落，啱晒一班朋友聚會或者拍拖嚟食。首先我就叫咗個藍青口，一上枱真係有啲驚訝，因為估唔到佢嘅份量咁多，而且價錢又唔貴。佢嘅青口又大隻又新鮮，食落唔會乾，親埋佢個汁真係非常入味。而且我不停係咁食，但係都仲見到剩返唔少，就知道佢真係好足料啦。雖然我唔鍾意食pizza，但係聽講呢度嘅Pizza 10分高質，而且朋友鍾意，咁就叫咗個芒果pizza黎試吓啦。估唔到呢個Pizza又幾啱我胃口喎，因為佢面頭有啲芒果，令到我食落唔會覺得好似平時嘅Pizza咁嚟，而且仲非常開胃，越食越想食添。最後我哋就叫咗個八爪魚蕃茄意粉，同佢其他嘅菜式一樣，都係好足料好多八爪魚，而且佢嘅蕃茄意粉整得好香，唔止係得茄汁嘅味，仲非常多蕃茄蓉，又係一道非常開胃嘅菜式。呢間餐廳又抵食又好味，而且價錢又唔貴，唔怪得次次都咁多人排隊啦。希望下次有機會見到佢比較小人，又可以嚟再食過啦。