PizzaExpress (形點) (已結業)

長通粉係新口味😟點知係一次伏既經歷好想知點解佢唔叫雞粒 要叫雞肉d雞切到五香肉丁咁係咩玩法🤧我知佢有落酒 但係會唔會落得太多呢食落極重酒味 仲有d酒既苦味芝士落完好似冇落咁 一d芝士味都冇仲有食落係冇咩味 啖茂茂做乜野🐒意粉都落咗幾多海鮮既🐚青口有兩大隻硯雖然細粒到鼻屎咁 但都算多既縱使佢落咗兩粒蕃茄仔 但係酸味都唔出要自己加Tabasco先至叫好味d😴.Pizza Express質素比以前差咗🤨款式係多咗 但係野食就淡而無味出餐仲慢得離譜 落咗單等成半個鐘先有野食☹️

過年周圍都唔開，約朋友諗唔到食，唯有邊行邊諗，YOHO大部分都係西餐，好多都試過，見到依間唔洗等位又幾多人，就行左入去試下啦。新春晚餐有2種set，不過啲野食唔係好岩食，所以我地揀左散叫前菜叫左芝士蒜蓉麵包球，一啖一個，好軟熟，咸咸地非常好味$53，不彷一試。另外叫左雞翼，$73有6隻，配蛋黃醬，但味道就真係一般而且偏油另外仲叫左兩個意粉同pizza，上面個隻比想像中好味，有淡淡菇味，而且意粉唔會太硬，而下而諗住叫蜆肉意粉實冇死，不過味道唔夠，而且價錢亦偏貴，蜆肉都好細冇味，失望失望而pizza亦都冇咩特別，個人認為同平時連鎖pizza店差不多，而且食物種種款式都唔多。同樣價錢大把選擇

呢日我哋去完辦年貨, 經過pizza express 見到出左新年限定menu, 當中有多款矝貴嘅松露菜色, 絕對係余媽媽杯茶! Yeah! 又可以試新嘢喇! GO! GO! GO! 今次點左個二人套餐, 剛好夠我地兩大一小食~ 頭盤係<賀歲松露火腿麵包條> , 紅卜卜好應節呀～ 入口甘香嘅風乾火腿夾雜住松露嘅香氣, 慢慢係火腿裏面滲出嚟, 配上自家製嘅蒜蓉牛油, 令火腿入口更香滑! 必試<富貴松露薄餅餃> 賣相好似個荷花脹卜卜, 新的一年一定發過豬頭! 薄餅入口鬆化, 裏面釀左松露風乾火腿, 油浸黑松露片, 各種芝士, 龍葵菇, 黑蒜醬, 聞到已經香噴噴喇!<新春鴨肉意大利飯>有驚喜! 以鴨肉烹調嘅意大利飯平時比較少見, 食起嚟好惹味! 當中還加入了多種配料, 如: 龍葵菇, 新鮮百里香, 油浸黑松露片和芝士等, 食起嚟不覺膩, 瞬間就俾我地KO晒一整碟喇! 最後, 配上<甜蜜無花果>做甜品, 就是圓滿的句號! 無花果生食就食得多喇! 原來焗起嚟再配上松露蜜糖, 忌廉芝士和開心果碎, 又是另一種滋味! 都幾

第一次使用eatigo訂枱，居然聖誕節都可以享用折扣， 仲要係半價， 超開心！聖誕節晚市時間餐廳很多人， 職員忙過不停， 但他們的服務仍很好，讚！點餐墊問了職員Romana pizza 和Classic pizza的分別。Romana 是14吋， 批底是薄的那款。Classic 是10吋，批底厚一點。 因為我們不太肚餓， 所以揀了小的Classic pizza。青蘋果青檸特飲($38)不是太酸。 很重青蘋果味和青瓜味， 感覺好清新。正！三文魚柚子沙律($133)除了三文魚和沙律菜， 還有柚子，紅石榴和核桃。 味道酸甜，感覺清新兼醒胃。雞肉蘑菇薄餅($118)Pizza 有雞肉，蘑菇，洋蔥，上面有紅辣椒絲。 雖然餐牌上有一隻辣椒， 但一點辣味也沒有。Pizza 不是以蕃茄醬或千島醬做底， 而是用白汁，味道不錯，很特別。朱古力心太軟伴雪糕($83)心太軟是我最愛。這個心太軟有些特別，朱古力醬加入了拖肥，令朱古力醬更香。小妹對拖肥沒有什麼好感，但這個不太甜，可以接受。雪糕雲呢拿味較淡， 而且很快溶要快食。一個豐富的聖誕節晚餐，折後每人只是120元。超抵！

香港今時今日的物價之高、之不成比例，完全反映在這裡。閒閒地百幾蚊個pizza或意粉，但你吃到的是很平民的食材，而且份量一直在縮小。就最basic的 margarita pizza 為例，番茄醬加芝士，以前是一百以下，現在要百二，味道不如前，茄醬不夠鮮，不夠汁，芝士亦無鹹香味，失去靈魂。另一個是皇后pizza，幾片寒寒酸酸的ham亦提不起多少味。但兩個pizza已成三百蚊，究竟我食左乜？ 藜麥南瓜紅莓乾牛油果沙律，叫大size，但實質上只是普通一人份量，不怎麼大。味道淡， 只有淡淡橄欖油味。調味不應咁少， 因藜麥本身冇味，口感又鞋。成碟野只是把食材放在一起，冇乜花過心思，但就收你百二三蚊。老老實實，這個價錢在台灣已可食得豐盛。香港出街食飯，就只是浪費金錢換取窮食，不滿足也不回味。

平時去開Yoho mall都知佢好多連鎖店，Pizza Express就係其中之一。但連鎖店其實都有佢既好處既，就係好多著數同信用咭優惠。燒雞亦前菜叫左燒雞亦，個皮都焗到脆卜卜既，但只有一面係金黃香脆，肉汁依然有，同個Honey Mustard 醬非常之夾🤪蝴蝶粉個粉好好味，d汁啱啱好。我自己一向唔中意太多汁，呢個蝴蝶粉絕對唔會太漏，每粒粉都沾到足夠既汁，同時又唔會乾爭爭。Pizza我中意食Pizza express既原因係佢個pizza皮非常有口感，淨係食個餅皮都好有味😍

好耐無同中學同學聚舊，唱完K行陣街直落去食晚餐。呢間分店幾有氣氛，我地有咁岩坐到圓枱，好岩傾計！望向廚房見到員工做過不停，接好多外賣，好好生意。我地5個女仔，決定點個4人套餐$499，睇落都幾抵食！頭盤叫左意式焗肉丸、"PizzaExpress"布斯加達焗麵包沙律叫左主廚精選沙律意粉叫左卡邦尼忌廉意粉薄餅就蔬菜芝士薄餅同埋個日既精選薄餅"蜜糖雞肉薄餅"每人再跟一杯野飲始終都有5個人，我地就叫多左肉醬千層麵頭盤同沙律送到個時都笑左，超 多 麵 包（笑）"PizzaExpress"布斯加達焗麵包個香草汁好香，食起黎唔會濃味，正！而肉丸都幾鹹，要配麵包球一齊食。沙律就Ok，料足！之後就黎意粉類卡邦尼忌廉意粉係偏乾身，無咩汁，唔係我中意食個種。而肉醬千層麵就賣相好好，但太少層麵，而麵又太薄，口感一般。等左好耐pizza終於都到可惜蜜糖雞薄餅好似焗得唔夠耐咁，無蔬菜芝士薄餅焗得咁好。賣相蔬菜芝士薄餅有唔同既顏色，影同睇都好靚。因為焗得比較好，蔬菜芝士薄餅先有新鮮出爐既感覺，味道多層次D。加上呢間餐廳既職員都helpful，下次會再試其他野食！

呢間食肆座位幾舒適，尤其長卡位，空間感足夠，非繁忙時間更好。叫了鷄肉薄餅及卡邦尼意粉，鷄肉入味，薄餅香脆可口，份量十足，熱辣新鮮，卡邦尼意粉亦是水準之作，味道適中不太膩，侍應有禮貌。

唔想煮飯食咩好呢？ 余小b提議食佢喜愛嘅Pizza, 我即時諗起PizzaExpress呢期出左期間限定的間條菜式啊！好似幾得意, 我地一於去試吓先! 嘩! 見到menu上的間條菜式, 好吸引呀！ <黑蒜間條薄餅> 余小b見到就即刻話要搶先試! 脆口鬆化不在話下, 以墨汁黑蒜醬, 白汁及馬蘇里拉芝士焗製而成, 黑色間條部分甜甜地好好味! 估唔到簡簡單單嘅用材, 加點創意就製成了呢款咁特別嘅pizza! 余媽媽是個海鮮控, <小元貝雙色意粉>就好啱我喇! 佢同樣是黑白賣相, 元貝份量非常足(心心眼)! 最緊要係色香味俱全~ 佢加入了好香嘅蒜蓉油, 蕃茜, 白酒, 檸檬油同少少辣嘅紅辣椒調味, 見到已令人垂涎! (如果唔想食辣, 可以同職員提出走辣啊！) 最後嚟個美味的甜品<黑白布朗尼廚師>, 小朋友未食先興奮! 穿著黑白間條的曲奇人好cute呀！第一時間成為余小b的目標~ 香噴噴嘅朱古力布朗尼, 冰凍嘅雲呢拿雪糕, 加上軟綿綿嘅忌廉及鬆化嘅Oreo餅乾碎, 多重口感滋味一觸即發! 我有幸食左兩啖, 其餘都被余小b

食過呢間就知道，以前食既都唔可係真正Pizza😋一定會encore 再嚟食呢個北京烤鴨薄餅 用鴨胸、海鮮醬、青瓜等材料製作，材料同薄薄既批皮和諧甘融為一體，卷起嚟食根本就係北京烤鴨既味道吖！！！ 巴馬火腿都好食，都係同北京烤鴨味對比起度，震撼度唔夠。肉丸被香辣蕃茄牛肉醬活埋，勁惹味～用伴上招牌麵包球蘸上肉醬又係另一番滋味~凱撒沙拉，雞肉出奇地滑～雖然餐牌印有一隻🌶，但一d都唔辣，蟹肉量適中，好香白酒味～意式野菌蝴蝶粉，賣相一流，好少餐廳有蝴蝶粉食，松露汁好香Apple Tortino 超級無敵好味😂蘋果片焗到微脆內軟，同雲呢那雪糕好夾 。另外杯士多啤梨雲呢那雪糕對比起嚟就普通左d~

意粉嗌左我去到邊都會食嘅蒜香蜆肉意粉，呢到就加左白酒酒味唔會太重，蜆肉雖然新鮮但數量唔多另外再嗌左個甜品拼盤，因為個日係朋友生日，餐廳免費幫我地加左名牌(個名我擦走左)同蠟燭服務都好好，個日坐個位因為太大風不斷吹熄個蠟燭，waitress突登幫我地關左個冷氣👍🏻

Pizza express下午茶：蕃茄牛油果沾醬配麵包球 + 飲品我其實都幾唔鐘意食包，但係偏偏對pizza express 既麵包球另眼相待，可以食好多好多粒😍，微脆微暖的表層，內裡軟中帶韌，配上冷的牛油果蕃茄沾醬，感覺又清新又軟滑。如果配蕃茄肉丸則惹味，即使是配最普通的牛油，也是滋味非常，真的很喜歡這種百搭的麵包球!原先這下午茶套餐是配餅的，店員很好讓我換上麵包球，讚👍🏻👍🏻

來到元朗嘅地標YOHO MALL，泊完車之後一出升降機右邊就見到Pizza express , 看到門口放了幾張BB櫈，地方又寬躺，所以我選擇了試一試👍🏻一踏入餐廳門口，已經有職員自動取BB椅子給我，因為他看見了一個兩歲的小朋友，第一個感覺令我非常良好😆頭盤我選擇了沙律份量非常多而且上面有我最愛的松子仁，蔬菜新鮮青瓜爽口👍🏻不能缺少當然是pizza ,松露薄餅,皮薄，又脆👍🏻松露味👍🏻食到停不了口

地方好大好闊落，唔會有壓迫咁！對住露天平台，感覺好休閑店員服務好親切，有介紹今日嘅特色Pizza係乜嘢👍可惜係冇兒童餐具👎4人餐頭盤布斯加達焗麵包油油地。新鮮蕃茄，味道清新意式焗肉丸肉丸都比較少😭個番茄汁辣👎圓嘅麵包份量重多，外脆內軟有口感熱辣辣好適合小朋友食，唔沾醬都好味雞肉凱撒沙拉沙律份量都好大碟，雞肉比較多，蔬菜新鮮。好爽口，仲有兩條烘的熱熱長長的大麵包👍肉醬長通粉長通粉軟硬適中好適合小朋友食，番茄肉醬好開胃👍皇后簿餅味道香，豬豚肉有口感，濃郁肉甜香！橄欖球本人不喜歡吃👎利古里亞海鮮蒪餅+25蚊熱辣辣出爐，餅底夠脆又好食，海鮮都滿滿👍轉凍檸茶+10蚊。無限添飲👍

今晚4姨媽同表姐約咗我們一齊喺元朗形點食晚飯，一開始我們未諗到想食咩餐，行行吓見到呢間「PizzaExpress」，表姐話想食，所以我們就決定入去食晚飯！我們叫咗個四人套餐：意式凍肉拼盤有：「帕爾馬火腿、拿坡里辣肉腸、煙三文魚、青瓜片、醃車厘茄、橄欖、火箭菜、迷你芝士拼盤同薄脆包」，真係好「大堆頭」，所以賣相非常吸引！香辣之吻係煙韌軟熟嘅麵團，中間包著啲芝士，再配埋啲肉醬一齊食，味道比較鹹，食少少都可以接受到，但食多嘅話就覺得好鹹！松露薄餅係薄批，真係焗得好香脆薄身，松露嘅味道相當芳香！蜜汁香辣薄餅餃嘅造型賣相真係成隻餃子咁，而且頂層舖咗啲豬肉鬆喺面，旁邊亦擺放咗啲泰式炸蝦條仔同新鮮嘅沙律菜，講返pizza餃子嘅外層質感，食落好似食緊個大焗批咁，入面嘅餡料都幾足料豐富，而且都幾惹味！香辣煙肉寬條麵嘅麵質都幾煙煙韌韌，至於味道方面，「就咁睇」色澤賣相會以為好辣，但食落就唔算好辣，就連平日唔係好食到辣嘅4姨媽都可以接受到！甜品拼盤有：「香甜軟滑嘅朱古力心太軟同埋分別都灑咗啲開心果碎意式杏仁餅碎，仲有啲士多啤梨果肉嘅蛋白餅同士多啤梨撻」！橘子麵包球嘅質感係圓波形狀嘅pizza咁，而頂層就灑滿