PizzaExpress (新城市廣場一期)

營業中

休息中

喺網上見到Pizza Express星期一至四做緊優惠，今日星期二做一隻新口味Pizza 原價工I72 ，星期二特價$52，同時喺OpenRice訂位仲可以賺埋飛行里數，點可以唔帶埋🤴🏻一齊試呢？～～～西西里肉腸菠菜薄餅🍕～～～Pizza屬於中型size，面上有適量蔬菜、雞肉塊、芝士cream同埋蕃茄汁🥫，🤴🏻就覺得最好味就係頭一塊，因為溫度最熱，可能餅底比較薄就好快凍就變得普通咗啲😆😆，我就覺得味道正常，但有點唔明嘅係佢所講嘅肉腸係唔係就係雞肉塊呢？因為我哋搵唔到肉腸嘅嘢😅😅～～～意式焗肉丸🧆～～～$68只有五粒肉丸🧆呢個性價比非常之低，唔係好大粒比起普通打邊爐丸丸細少少，肉質方面比較偏 ‘淋 ’ 、偏軟！😅😅反而跟配嘅茄汁🥫更吸引😋😋，茄汁🥫唔會太酸帶有DD 甜味😉😉，可能就係貴在個醬汁掛😝😝

今日同bb去食lunch 原來無lunch set 裡面有位的 但無人帶位入 要等幾個字先入到去座 落單叫左幾次都無人 d人應左你又行左去唔理 d野食就一般啦 唔夠熱 叫左個甜品上但要等好耐要追幾次先有 最過份係叫左人埋單 但條友唔見左 要再叫其他人先埋到單 野食已經唔係平 仲要咁既service 真係差到爆 真係衰過食茶記 之前去過yoho mall食都唔會咁 係呢間個個侍應都黑口黑面 叫都唔理 係非常之差 唔會再去 blacklist 趕時間真係唔好去食

復活節到喇，又係約埋班好友聚會嘅節日Pizza Express分店遍佈各區打開Menu發現多咗好多新菜式一班朋友Gathering, 可以叫下 沙律．小食．Pizza．甜品同飲品✨有營沙律 五顏六色．擺盤精美烤南瓜、牛油果沾醬、藜麥、鷹嘴豆、烤燈籠椒、車厘茄、青瓜及青菜沙律嘅配搭搭，清新健康之選✨揀咗兩款Pizza 都有驚喜雙重芝士脆邊薄餅 餅底塗滿番茄醬，放上西班牙肉腸．抱子甘藍，灑上兩款唔同嘅芝士烤焗，芝士味好香濃，薄薄嘅餅底非常脆口 ✨煙燻燒烤醬牛肉薄餅 面層加上燉牛頰肉，烤完都唔keep到肉汁紅洋蔥．車厘茄．芝士．令口感更豐富✨焗蘑菇配托米諾芝士及羅勒香草醬 熱辣辣嘅蘑菇幼滑嘅托米諾芝士加上清新嘅醬汁，有爆汁感，好Juicy✨蒜香橄欖車厘茄焗蝦 將醃製過嘅蒜蓉，再加入橄欖和車厘茄，蝦肉爽口又鮮味。✨意式八爪魚片冷盤八爪魚片 口感豐富，面層加上橄欖 同 橄欖油，配酒精飲品嘅最佳小食✨烤雞配松露牛油 原隻烤雞啖啖肉，加少少松露牛油，味道更香，同北非小米一齊食 味道同口感好夾✨血橙梳打特飲 (右）將果蓉加入梳打，放上原片橙乾作點綴，酸中帶甜，味道清新 ✨士多啤梨冰茶 (中）士多啤梨果

今日約咗啲朋友食早餐，周圍睇吓新城市邊度有咁早開，於是搵到呢間😝😝我同我朋友都未試過食pizza 早餐☺️，於是一個叫pizza 🍕一個叫牛角包🥐。🍕pizza 即叫即整，味道唔錯👍🏻🥐牛角包都ok😅跟餐可以order ☕️咖啡送🍪 😋 或者可以嘆茶🫖

⭐️熱溶芝士麵包球喺焗麵包球上面加左三款芝士包括馬蘇里拉芝士 芳提娜芝士同巴馬臣芝士 拉絲冇難度 芝味十足味道鹹香 麵包球鬆軟好味覺得膩可以點啲番茄醬 平衡下⭐️意式焗肉丸肉丸得五粒細細粒 份量略少豬肉丸 口感彈牙 肉味幾香配上番茄牛肉醬 微酸幾開胃另跟左香草包 偏乾 點醬汁食會好啲 ⭐️帕爾馬薄餅配料有帕爾馬火腿 軟芝士 巴馬臣芝士 迷迭香等 薄餅外脆內軟 有少少偏濕 番茄醬底搽得唔夠均勻配料份量略少 帕爾馬火腿薄身鹹香軟芝士味偏淡 整體味道都可以但仲有唔少進步空間⭐️意式牛肝菌長通粉本身係配蝴蝶粉但當日冇 轉左長通粉更合我心意 因為長通粉可以沾上更多醬汁長通粉 軟硬度適中 口感煙韌彈牙 牛肝菌爽滑 配上蘑菇汁 再加少少松露油菌味香濃 呢個配搭好難唔好食整體唔錯總結：食物可以 份量偏少環境普通 服務唔錯 價錢可以 平日午餐會比較抵食

今日同幾個frd約埋喺沙田食飯，揀間岩四五個人share既野食，最後揀左pizza express。先叫個頭盤，牛油果蕃茄沾醬。沾醬唔算多、但牛油果夠濃。比起沾醬，我覺個拎黎沾個醬既…薄餅？扁麵包？既口感同香味都有驚喜。平平無奇但味道撲實得黎又香又好食，岩岩出爐係唔同d。跟住叫左四款芝士pizza，薄身pizza係就係好似唔襟飽，但整色整水既厚批就真係不了。芝士咸香，蕃茄醬底做平衡。中間有粒橄欖做裝飾，冇人鐘意食就岩哂，等我食埋佢。另外一個係蜜糖雞肉薄餅。呢個配搭都幾得意，雞肉芝士蕃茄底，加埋蜜糖仲可以加檸檬汁，又咸又甜又酸，味道同口感都豐富。仲有意粉同特飲，唔記得影，所以算啦。

即叫即整pizza🥕卡拉布雷斯薄餅$188⭐️⭐️⭐️⭐️☆招牌方型pizza，一上碟已經聞個陣香辣味，有種食緊中菜既感覺，配上意式辣肉醬、拿彼里辣肉腸、羅勒香草醬加上蕃茄醬同3款芝士，口感十分豐富，食到後期都真係幾辣下，不過又幾惹味，第一次食甘辣既pizza🤣職員亦有貼心提醒此款pizza係辣既。🥕Mrs Peroni$68⭐️⭐️⭐️⭐️☆有青檸同檸檬，配上幾粒藍莓同士多啤梨。一開始飲都幾甜下，甜中帶點微苦，飲到後期會有微微既檸檬香。🥕焗麵包球配朱古力榛子醬$58⭐️⭐️⭐️⭐️☆麵包球約有12粒，外脆內軟，有咬口，朱古力榛子醬杰身份量夠多，完全足夠點晒麵包球👍每一個麵包球完全係可以沾滿晒朱古力榛子醬，成件事好邪惡！======詳情======PizzaExpress (新城市廣場)沙田沙田正街18號新城市廣場一期1樓121號舖================#香港美食指南 #hkfoodie #hkfood #hkeat #yummy #相機食先 #吃貨 #吃貨日常 #RR吃貨 #美食 #香港美食 #沙田好去處 #沙田美食 #RR沙田 #RR薄餅 #RR西餐 #卡拉布雷斯薄餅 #Calabrese

想睇下傢俬電器，沙田絕對係不二之選！開始慢慢睇嘢之前，當然要食飽左先啦🤭.週未黎沙田，預左人山人海😵‍💫 所以！早已打算邊間餐廳唔洗排就去邊間食😂 星期六下午12點半，pizza express 唔洗排喎！一於直入✌🏻 可能因為冇套餐，冇其他餐廳咁抵食掛？😯.我地三個唔係好餓，所以叫左一個pizza一個意粉share🥳 .➡️北京烤鴨薄餅 (鴨胸、海鮮醬、辣椒、青蔥、青瓜及馬蘇里拉芝士- 不含番茄醬).平時蕃茄醬，千島醬pizza就食得多。今日搞搞新意思，試個特別啲既先！ 味道ok 喎！真係好似食緊北京填鴨😂 只係餅底太薄，食完都唔係好有滿足感🫢 我食左兩件，完全冇飽肚既感覺😂.➡️烤雞配長通粉（細份）（烤雞、蝴蝶粉配蘑菇汁、松露醬、菠菜葉。最後加上酸忌廉、 巴馬臣芝士、蕃茜及迷迭香。）.本身見menu圖片有蝴蝶粉好吸引，所以冇點諗就簡左佢😋點知，竟然會冇蝴蝶粉，所以我地就改做長通粉。好食喎！本身諗住烤雞只有幾塊，點知有半隻雞！醬汁又夠😍 係會encore既意粉！

食早餐，落單態度惡劣，拿口拿面。講幾次結帳先有人理，都算。但張單同信用卡卻拿錯去隔離枱，都算，男侍應最後擺低我張卡同單，粗聲說你自己睇下呀！無野呀，兩人食三百蚊早餐服務仲差過茶記。不知所謂

今日陪孩子吃午餐，一直對PizzaExress有良好印象，但今日的體驗令我決定這是最後一次到PizzaExpress進餐。首先是餐廳已不再供應午市套餐，只有選購主菜送沙律或麵包球及茶或汽水服務員冷淡，差點漏單椅子滿佈灰塵麵包球不再是脹卜卜的，形狀不均，一口咬下去就扁塌Carbonara勉強可以，但偏乾，是暖的不夠熱Parma PizzaI很難吃：tomato sauce太酸，ricotta沒有味道的像一球粉團，Parma ham就好像求其從包裝袋拆出來丟在薄餅上的狀態⋯

跟朋友臨時約的 dinner，不約而同地選擇了 PizzaExpress 二人餐都抵食，平過散叫有頭盤 x 1，主菜 x 2 ，飲品 x2 意式焗肉丸豬肉丸配番茄醬，酸酸的幾開胃 🥫意式牛肝菌蝴蝶粉不需要肉，都食得飽的素食意粉牛肝菌份量都多蝴蝶粉用松露油加蘑菇汁炒過，超香羽衣甘藍蘑菇松露薄餅很護眼綠色的 pizza 💚舖滿羽衣甘藍、蘑菇、巴馬臣芝士羽衣甘藍帶有蒜味，pizza 淋上松露油和迷迭香今餐真係抵食，廚師落配料落得超重手之前食過，都無咁多料 😂飲品可以選擇各款汽水 🥤

Wait time: normally the line is very long especially on weekends. We went on a Sunday afternoon 2:30pm and had to wait 15 mins so lucky usEnvironment: loud and crowded for this price range. Can’t really talk without raising my voice.Food: we weren’t very hungry so we just had an appetizer and a 4-cheese pizza. The pizza’s crush was pretty good actually, crispy. However, from our experience we find that the cheese is too overwhelming “fungy” this time. Each bite just tastes like dirty feet if you

我哋今日叫左兩份早餐，一份系生酮低碳早餐，包括烤南瓜、煙三文魚、牛油果、雜錦磨菇、焗車厘茄和羽衣甘藍配以巴馬臣芝士炒雞蛋，味道一般，份量小，另一個叫左番茄肉醬粗管通粉配以豬肉丸和菠菜葉伴以太陽蛋，份量重小，味道一般，唔值呢個價錢，另外加左$36，叫左杯蘋果汁同石榴汁，幸好冇冰

Pizza Express不嬲都係受一家大細歡迎，所以好多小朋友會走嚟走去。午市套餐包頭盤、主菜、飲品，加一後基本上$100有找，所以份量唔多，啱晒啲小朋友、小鳥胃嘅朋友，男仔食記得要加$38加大個餐。安排有啲混亂，叫號碼嘅時候有人補飛，但係店員又冇好好處理補飛問題，所以入座嘅時候好混亂。落單叫野飲都有漏單問題，好彩有追吓單。*頭盤：焗麵包球 幾年前食仲係“球”，而家已經變咗UFO形狀😂外脆內軟，牛油味比麵粉味更香。想肥啲仲有蒜蓉牛油搽麵包，蒜香非常濃。雞肉凱撒沙律 $75雞肉絲比較乾，份量偏少。配料有脆煙肉碎、麵包塊，沙律菜有凱撒沙律醬，正正常常，份量同樣唔多。瑪嘉麗塔皇后薄餅 $78薄餅尺寸大約6, 7吋左右，美式薄餅底，鬆厚但唔會過分油膩。配料只有基本嘅番茄醬、芝士，仲有一片孤寒嘅羅勒。想飲食均衡仲有沙律菜食。皇后薄餅 $88同一個薄餅底，配料有基本嘅番茄醬、芝士，仲有蘑菇、火腿、黑橄欖，配搭正正常常。

今日和老婆於沙田續護照,之後便往新城市廣場pizza express食早餐,我們點了全日早餐 ,蛋餅,洋甘菊茶和凍卡布奇諾,全日早餐份量十足,有蕃茄,磨菇,肉丸,火腿,太陽蛋,火箭菜和牛角包,蕃茄食落開胃,磨菇和火箭菜爽口,肉丸配上茄醬食落軟腍,火腿鹹度適中,太陽蛋蛋味香滑,最後牛角熱辣辣食落爽脆,整份全日早餐材料豐富,口感滿足,蛋餅賣相吸引,蛋味香濃熱辣辣,配上車厘茄食落醒胃,而烤餅食落爽脆,最後凍卡布奇諾咖啡味香濃,忌廉香滑,餐廳座位舒適,食物美味豐富,食了一頓好味早餐