影片
營業時間
星期一
全日休息
星期二至五
11:30 - 19:30
星期六至日
10:30 - 19:30
公眾假期
10:30 - 19:30
以上資料只供參考, 請與餐廳確認詳情
在炮台山工作時，中午食完飯後，好多時都會瓹窿瓹罅，看看有沒有新發現。那天，我就走了入去維多利中心，一個沒有人流的商場， 在這商場內，竟然會有人係度插旗開食肆。有一天過得開心，中午就決定來支持一下這一間名叫《Planet Foody Prime》，一間令食客感覺到健康清新的西式小 Café。別以為位置隱蔽就沒有人流，我在中午來時，餐廳可以說是半滿。但，這一帶始終不是多人來的地方，坐了半滿的餐廳依然有足夠的空間感。我在餐廳坐了近一小時，全程都感覺到輕鬆寫意。是日選擇的餐湯叫甘荀椰子濃湯 (Cream C & C) 。這是一個帶有薑味的健康湯，以甘荀為主味道，以椰子漿代替 cream，再加入了少少的薑，有少少 spicy 口感，非常之清爽，再配合一片黑麥包，好味道而又不會覺得膩。我要的主菜是意式牛肉醬意粉 (Beefy Bolognese)。根據字面的解釋，這是一個很牛的肉醬意粉。果真，肉味很濃，很香，很突出。伴隨的，是味道香甜的小番茄同味道極濃香的芝士。很肉，很意，令我感到非常滿意。這餐廳，格局就是一間 Cafe，因為有大大部的意式咖啡機在 counter，所以我的餐後飲品， 一定是一杯咖啡。簡單配餐，個人比較喜歡 Americano，而小店沖出來的咖啡，沒苦味，是充全的甘香味道，咖啡豆的質素幾高下。質素幾好的餐廳，食物的味道亦的確是好清新。是否健康? 感覺上，這一餐的確是少了幾分的油脂，少了幾分的肥膩，但味道同肉卻是足夠的。所以，我更加可以說多一次，這個午餐，非常好。
繼續閱讀
一間高質cafe要做到每款食品都令人滿意絕對唔係一件簡單嘅事.呢間位於近天后嘅隱世cafe絕對要推薦比大家!✧( •˓◞•̀ ) Cafe內提供嘅款式極多又吸引,令你浸醉係menu入面.由主食,沙律,甜品,飯品到雪糕都好齊全而且味道仲高質.每款菜式都會加入各款蔬菜及水果,健康又帶出均衡感.店內以簡約木系為主,係下午嘅時候仲有日光透入,休閒又舒適.╰(⸝⸝⸝´꒳`⸝⸝⸝)╯All-Day-Breakfast:Avocado & Feta Toast 新推出嘅all day breakfast之選!以牛油果打成蓉,再配清爽juicy又清甜嘅車厘茄及Feta cheese.帶出feta cheese嘅奶油creamy感及清香.Southern Birdy Stack同樣係店內new special menu!好豪華嘅配搭,成個配搭好surprise.以烘得香脆又充滿牛油香氣嘅窩夫夾住煎蛋,炸雞,沙律菜及牛油果蓉,超巨型!炸雞厚身而且香脆,咬入口仲充滿肉汁.配上牛油果及沙律菜感輕炸雞嘅油膩感.咁多配料咬落口充滿一陣幸福感.Salads:Tomacado & Salmon以清新牛油果配上鮮甜蕃茄及沙律菜再搭配日式三文魚及枝豆,整個配搭帶住新穎感得黎又清新.Pastas:Classic Lasagne千層麵同新鮮蕃茄肉互相疊出幾重層次感.切開熱辣辣嘅千層麵,千層麵內嘅芝士帶出拉絲效果,令整道千層麵不論質感同味道都變得更豐富.千層麵旁嘅葫蘆瓜香脆juicy!Dashi Carbonara with Shimeji, Bonito & Smoked Salmon以日式高湯mix and match製成carbonara,將經典嘅煙肉變成煙三文魚再配日本本菇及鰹魚碎.意粉充滿carbonara creamy感嘅同時亦帶出濃厚日本風味.Signature Fried ItemsFish & Chic相當吸引嘅一個拼盤!除左經典嘅炸魚薯條外仲有美式pop pop炸雞同蘑菇飯!超邪惡但I like it!!炸魚香脆唔油膩,內裏魚肉結實唔鬆散.pop pop炸雞同樣脆卜卜,內裏雞肉juicy惹味.配上超濃厚嘅美式蘑菇飯真係不得了.Dessertseanut Berry Tower見到絕對會好開心嘅甜品!!將法式西多士搭配香蕉,士多啤梨,藍莓及大量花生醬同果醬,層次豐富.再淋上糖漿帶出絕美嘅視覺效果!法式西多士充滿住陣陣蛋香,加上花生醬,果醬及糖漿後味道甜而不膩且充滿層次感.配上新鮮水果令整道甜品無咁heavy.Gelato雪糕車內帶住各款口味嘅Gelato,今次就黎個mix and match試一試獨家推薦嘅私心配搭,開心果拼柑桔.開心果味道香濃充滿開心果獨有嘅nutty香,加上帶住甘香果皮味嘅柑桔口味,2者混合帶出一陣清新口味.朱古力及tiramisu同樣係人氣之選!!質感香滑細密,味道濃香又唔過膩.Beverages:A-O-C帶出蘋果淡雅香氣及甘筍嘅清甜,味道相當refreshing. Honey Mango以芒果及蜜糖打成嘅smoothie,質感香滑順口,味道香甜天然.
繼續閱讀
今日同老公閒逛時見到呢間餐廳，就好奇入去試下。同店員傾計先知只係新開左兩個月，食物主要是all day breakfast 或意粉，我哋order 左一個fish and chic 同埋shroom omelette and green, 食物賣相唔錯，而且份量都唔少，奄列裡面有好多蘑菇，加上恰到好處的黑松露，係驚喜之一。至於個炸魚柳就比較失望，因為有陣雪藏味，其他炸雞粒同薯條就係正常味道。飲品方面，我地就試左火星果汁同埋芒果沙冰，兩杯都好好飲，火星有蘋果+燈+甘荀，味道好易入口。芒果沙冰係用oat milk, 賣相就好似日本的麻醬，不過都好飲，飲品的份量都好多，飲完後真係覺好超飽。下次有機會想試下意粉同窩夫。
繼續閱讀
由炮台山站/電車路大約要行十分鐘，位置有點不算太易找，看OpenRice 的位置標示兜了維多利中心一個圈再問人才找到，但原來cafe有一個向街的入口是在屈臣道/景明道，來時經過以為是車房一條街而錯過了😅環境走日系自然風，實本餐檯椅、十足空間感加上落地大玻璃（還有人客不是太多😂）讓人感覺很舒適輕鬆。菜單選擇頗豐富，有選擇困難症如我的不妨請侍應推薦一下。食物心方面有驚喜，雖然價格不算便宜，但吃得出是用新鮮食材及用心製作，其中最有印象一個菜式「德國窩夫城堡」(ABS Waffle Tower)賣相非常打卡able，想不到窩夫加上牛油果醬和香脆煙肉竟沒有違和感😋，而gelato新鮮果味濃郁，更有特別一點的口味例如柑桔和開心果，吃起來有滿滿果肉。服務方面有一個滿面笑容的男侍應服務很好很親切，值得再訪👍
繼續閱讀
今日嚟到位於天后附近嘅西餐廳Planet Foody Prime食飯，餐廳都係啱啱新開無耐，裝修以簡約風格為主。All day breakfast 呢個早餐真係好吸引，有烘多士，雞蛋，煙肉等等，款式夠晒多樣化。當中嘅多士沾上蛋漿，每一啖都有蛋香味。Waffle tower窩夫夠鬆脆，入口有隻牛油香味，配埋牛油果醬食，幾好味呀。Dashi Carbonara + smoked salmon卡邦尼意粉煮得好入味，意粉入口彈牙，仲有陣陣嘅蛋香。煙三文魚入口唔會太過鹹，配埋意粉一齊食都幾惹味。Kimchi lasagne估唔到泡菜同麵都幾夾喎，加上泡菜唔會太過辛辣，連埋芝士一齊食，都別有一番風味。Peanut berry tower依個甜品嘅花生味都幾突出，加上賣相非常之吸引，啱晒鍾意食花生嘅人。Gelato & cone意大利雪糕入口完全唔肥膩， 入口好細滑，又唔會太過甜。雪糕個脆筒入口都係好香脆嘅，唔會冧，幾好味。整體來講，呢間餐廳嘅食物質素都幾好，價錢亦都好親民，其實真係好抵食呀。
繼續閱讀