Platform (已結業)

餐廳位置唔算特別難搵，跟google maps行都好易搵到。大約二點半左右去食，前面要排4位客人，等左起碼20分鐘先入去食。法式蛋捲 $92 外貌係幾靚用黎打卡係唔錯，但係食就真係好一般，首先個蛋唔係熱既亦唔暖既，麵包就好似外面批發市場拎貨直接擺上盤既感覺，口感一啲都唔軟熟，好坦白我都係見呢道菜上熱門菜式先至叫，我同朋友一致認為實物同好評相差太遠。其次，朋友話個蛋無咩味，咁就問侍應會唔會有番茄汁？侍應答有不過等等，好啦我朋友就呆坐等佢拎黎先繼續食，等左10分鐘個侍應先走埋嚟話無番茄汁？我同朋友個刻只係想拿拿臨食埋俾錢走。馬鈴薯糰 $92不過不失，唔算係好特別但可以接受，咬口感係唔錯。芝士貝果 $20 今餐lunch最滿意係貝果，口感幾煙韌，亦係唯一一樣上枱既時候係熱既，而且係食到有芝士味！總結，唔會再去。呢度主要賣點只係食物既外觀，而食飯質素明顯需要改善，如果要食cafe其實沙田都仲有好多選擇，除非為去而去。

Bookmark咗位於大圍嘅Platform 有一至兩年喇，因為住得遠，所以一直拖又懶洋洋咁...但食過佢哋嘅食物之後，真係非常慶幸自己無因為遠而放棄唔去，仲一試就愛上呢間食店。嘢食yummy之外，Platform比人嘅感覺好homey，越坐越舒服😌Menu選擇唔係好多，但都望咗好一陣先揀到，好似樣樣都有興趣咁，最終揀咗以下嘅：🔸Shakshuka 港式煲蛋- 好過癮呀！竟然用瓦煲上食物！好港式 🤣 食物超級夠熱，而且仲好保溫，冬天食真係一流！鍾意食蕃茄嘅一定要試，因為茄味好夠濃郁，內裏有蛋，但蛋黃竟然做到溏心蛋嘅效果，有少少流黃嘅，好正！面頭嘅係羽衣甘藍，焗到脆卜卜，食落好似紫菜！見到有Bagel嗎？少少煙韌，軟熟口感較多，似麵包多啲，但都好食嘅。🔸French omette 法式卷蛋 配布里歐麵包-賣相真係好吸引！！卷蛋嘅色水好靚，好夠黃！！蛋味好夠，內裏捲住蕃茄同埋羽衣甘藍，簡簡單單，味道一啲都唔單調！麵包係brioche，雙面烘到金黃色，同樣又係好香蛋味，外脆內軟，好食喎！另外，沙律同樣出色，因為d菜好新鮮。最surprise係沙律dressing，有淡淡蜂蜜，又隱隱有花香，又

估唔到喺屋村🏘範圍裏邊竟然有一間質素相當唔錯嘅cafe！聽朋友嘅推薦嚟到，雖然落咗車仲要行一大段路，但食完就覺得值得黎試👍🏻。餐牌有好多新穎嘅菜式，比一般all day breakfast選擇多，仲有甜品🧁同意粉🍝，當然唔少得咖啡☕️。港式煲蛋 $88睇落去好似煲仔飯咁，入邊其實係西式嘅燉菜，面頭佈滿芝士🧀非常邪惡。炸左嘅羽衣甘藍好似天婦羅咁脆口，仲令佢苦澀味淡咗，第一次試覺得好好味。燉菜用咗蕃茄🍅同香草做咗個底，配合唔同既配料而成，我覺得幾特別，而且裏面足足有成兩隻蛋。Bagel🥯就揀咗芝士味，質地比較鬆軟，搽咗層薄薄既牛油🧈好香。整體黎講，唯一要挑剔嘅就係沙律菜🥗冇醬汁食落去好dry。馬鈴薯糰 $92忌廉汁好香濃，仲食到有蒜香味🧄，配合流心蛋嘅蛋汁加埋一齊食🥚，非常濃郁。不過薯糰就麻麻地，感覺好淋，煮得過份軟身，而且冇乜薯仔味，要靠個醬汁補救💦。Hit Me!! 敲我朱古力 $82非常之有驚喜嘅一個甜品！最上嘅朱古力盒🍫裏面包住白朱古力醬汁，下面分別係咖啡蛋糕☕️、雪糕同布朗尼，周邊既係金寶碎碎。敲爛最上面嘅朱古力盒，醬汁就會流落嚟，非常有睇頭適合打卡！醬汁流落嚟之後俾本來比較乾身嘅蛋

雖然天氣寒冷，但也想去D靚cafe打下卡，於是去了大圍這間Cafe食，本身係一名路痴，連地圖也不太懂睇的人，所以都花了少少時間先搵到這間Cafe,叫了睇OpenRice啲人推介的法式蛋捲配布里歐麵包，飲品就叫了cheese latte，其實本身個人唔太受得咖啡，但由於見佢賣相幾靚，所以也叫了，一上到枱，果然無令我失望，兩樣也好適合打卡，個蛋捲唔係滑蛋果種，比較乾身，鞋鞋地，個包如果係蜜糖麵包會正D，雖然味道不是好出色，但創意搭夠👍🏻，賣相一流，至於杯cheese latte ，上面好似有層芝士奶蓋的東西，不過味道唔夠出，可能自己本身好鍾意芝士，所以嫌味不夠濃，但味道也不錯的，賣相更加ok，值得去.

上次我寫過一次食評，講過好想嚟多幾次使晒所有嘢😚 相隔四個月，今日終於有機會再嚟啦！🔸Shaksuka港式煲蛋$88香港出名食煲仔飯，唔通就係喺呢度攞靈感，用瓦煲整呢道菜😝餡料有：焗蛋、意式辣腸、羽衣甘藍脆片、薯仔粒、豬肉腸、蘑菇、希臘菲達芝士同番茄醬，十分之豐富。個煲焗到熱辣辣，一兜開晒煙，仲好香添！主要嘅味道係香濃嘅蕃茄味，酸酸甜甜好開胃，每食一啖都有唔同嘅餡料😋層焗蛋都幾厚身。伴碟仲有新鮮嘅沙律🥗仲有呢度手工製Bagel ，好香脆😳面頭仲有芝士，出奇地好食！我哋加埋煲蛋食，另一番滋味😋🔸黑松露帶子意粉$98意粉幾有水準，質感軟硬度適中，幾有咬口。醬汁份量足夠，唔會好乾，帶子係細細粒嘅帶子，都幾多粒😎🔸冰火蘋果批$76呢個上次已經食過覺得好好食，朋友見到我上次張相話好吸引，所以決定今日要再叫！佢都覺得好好食，個蘋果批批底好脆，加上有一球雲呢拿雪糕喺上面，一凍一熱嘅感覺好正😚🔸Cheese latte $45芝士味咖啡都唔常見，淡淡嘅芝士味，唔會飲到好溜好滯咁，唔錯！🔸Tonic Bomb $48對咖啡好有要求朋友要咗呢杯，不過佢話土瓜灣有間好飲啲🤣真係好鍾意大圍呢間高質Cafe ！

大圍區之夏日麼麼茶去開大圍，一個人又冇嘢做？去嘆個下午茶就最好不過啦😋呢間bagel好似唔錯，個環境都舒適，門口顏色係Tiffany Blue不過天熱就要辛苦行多幾步入去啦。1.肉醬焗蛋配沙律+sesame Bagel 貝果🥯＄88焗蛋就咁食同埋配bagel都好好食呀，bagel 食落去有口感，煙韌。2. Latte (H) ＄40 雖然天氣好熱，但咖啡依然係覺得熱嘅最好飲💕坐下飲下一個下午嘅時間好快就過啦🍵店舖： PLATFORM 地址：大圍田心村254號地舖

琴日有事去大圍順便去佐呢间coffeeshop環境同食物都幾好，好有文青氛圍😏因為係下午茶時段，仲有下午茶餐有蛋糕同鬆餅揀，再加一杯咖啡(HKD42)呢個幾值得，另有早午餐，好多款可以揀我叫咗一個下午茶餐flatwhite+香蕉鬆餅(HKD42)另叫一份港式煲蛋(HKD88)呢個香蕉鬆餅香蕉蛋香好濃郁又夠綿密而杯flat white 濃香易入口港式煲蛋真係好大份，入面有一份bagel,沙律，最後就係主角煲蛋了😎呢個煲蛋入面蕃茄，薯仔，蛋，火腿...一齊去焗，蕃茄味滲入個煲，好香，酸酸地好開胃，另有一份沙律，呢個沙律好新鮮，而且份量都幾多下，bagel我揀芝士味，因為有烘過，脆口，好香既芝士味放假來下大圍感覺好好，呢度好似一種慢活既生活節奏，超喜歡，順便來一間環境同食物都不錯的咖啡店，享受下生活，讓心靈沉澱，感受生活的每一瞬間的美事😌

假期結束前，好想去嘆番個有水準又平又靚正嘅早餐，所以約左朋友仔去大圍屋仔搵食，本身諗住11:00食個late breakfast 當埋lunch 食，點知去到cafe 門口都已經坐滿人，好彩早一步，如果吾係就要等位添😋我朋友仔本身係素食人士，好彩cafe 都有，所以佢選擇左Go Juicy 輕食生活$76睇個樣已經好吸引，有不少特別嘅生果，例如無花果、食材好新鮮，好好味😋，另外個乳酪個味道好特別又有咬口，好滋味Avocado smoked salmon $76配埋bagel完全係perfect match🤗個沙津有啲酸酸甜甜嘅汁好醒胃！個bagel係我至愛，好香好脆同牛油果🥑夾埋一齊食，好正因為接近lunch 時間，所以試埋佢地嘅blueberry cheese cake $38芝士味極濃，蛋糕又吾鬆散，好正食到甘full一定要飲番杯荔枝玫瑰花茶$42沖淡下，消下滯！玫瑰🌹好香而且我仲可以加水冲多一壺二百幾蚊有甘高質嘅享受，抵贊

黎到大圍，行左好耐先揾到呢間隱蔽嘅Platform。咁啱個日天氣好悶熱又落雨，一入到去有冷氣個下真系幾正。環境唔大唔細，幾舒服，適合情侶或同好朋友一齊黎chill下，傾下計。服務員態度幾好，一開始幫我地量體溫同比酒精搓手液我哋洗下手，坐低仲有個紙袋放口罩，唔錯。餐牌都幾多選擇，我哋就揀左#6 Mushroom Family $92 同埋 #7 French omelette brioche $92 再加一杯凍 Mocha $45 同熱Classic chocolate with cotton candy $45。-Food#6 Mushroom family一半系有芝士粉既沙律，另一半系個包，黑麥啤麵包上面有好多蘑菇，一隻温泉蛋，仲有少少羊奶芝士點綴(系幾好食)。但美中不足嘅係蘑菇出水，令個麵包又軟又濕，食唔到原味，温泉蛋亦唔知點解唔系好好食。。。#7 French omelette brioche都系一半有芝士粉既沙律，另一半系French omelette，樣系下面有得睇，系用竹籤吉住bread 同 omelett。個包好食既，但有人嫌個 omelette 個蛋有啲老，一般般。包&

❀ Platform #大圍 ❀❗️非一般Cafe食品 想試晒餐牌所有嘢❗️——————————————————行過大圍市區，嚟到條叫田心村內嘅Cafe，售賣嘅食品並非普通Cafe食品，而係有多種獨特配搭嘅bagel、罕見意粉種類、同埋超級打卡嘅甜品🤩連咖啡都有我從未見過嘅cheese latte、baileys latte, coconut black等等特別款式，真係款款都非常吸引。雖然位置唔算太方便，但星期日三點左右嚟到都要等半個鐘先有位㗎，超有人氣🔥！.✷𝑀𝑒𝓃𝓊✷☞港式煲蛋配貝果shashuka $88貝果係呢間Cafe嘅其中一大特色，不過有別於一般Cafe只係配炒蛋牛油果，呢度可以選擇嘅配搭就豐富多樣得多😍。今次選擇嘅shashuka北非焗蛋本身喺香港已經比較少見，佢哋仲加埋港式嘅元素，用上砂煲裝住，令到成件事更加美味獨特😚。焗蛋焗至半生熟，一介開表面嘅焗蛋，流心蛋黃同內裏超級多汁嘅番茄醬即刻湧現出嚟🤩再加上各種唔同口感嘅配料(豬肉腸、辣肉腸、薯仔、蘑菇)，配埋貝果，真係非常惹味。貝果亦有原味、芝士、同芝麻口味選擇，我哋選擇咗芝麻，表面嘅芝麻粒烘得夠香。不過口感就真係一啲都唔煙

朋友生日想入大圍試呢間Cafe～ 自己住大圍都未試過 就一於去朝聖作為bagel迷嘅我就梗係要返bagel brunch set 點左呢款cheese bagel入面仲有燒牛肉同埋煙肉等等嘅配料，一啖咬落去係會食唔晒！仲配左個蛋黃醬，味道好有層次至於Bagel就唔算好煙韌啦，配埋啲餡料食有啲冚過左個芝士味，我個人覺得就咁食cheese bagel仲好食啲添 不過整體都係好食嘅 至於側邊仲有沙律菜，有啲酸酸甜甜嘅莓果醬，好開胃！ 朋友叫咗意粉唔記得影，但係個醬汁都好食期待下次再去先買其他嘢～

估唔到大圍竟然有間咁隱世嘅Cafe淨係睇佢舖頭門口咁靚已經忍唔住行左入去🤣叫咗芝麻Bagel 上枱嘅時候超級熱辣辣食落表層比較鬆脆 內層麵包非常軟熟唔似平時食開係比較煙韌嘅感覺 我個人都幾鍾意呢種質感但係麵包食落冇乜芝麻香味 比較似係裝飾多啲不過就咁Bagel配埋牛油都好香口 唔會覺得乾爭爭整體上都幾滿意🥰-飲品係分開散嗌的 賣相同味道都係一般般飲得到焦糖味 但唔會太甜咖啡味道就比較淡 而且份量太少如果裝咖啡既凍飲杯可以靚少少會開心啲😞-今日嘅精選蛋糕係藍莓芝士蛋糕🍰蛋糕碟上面有啲乾玫瑰花碎 幾有心思食落蛋糕冇雪到太硬身 芝士味都幾香藍莓果醬入邊都有啲藍莓果粒 酸酸甜甜幾好味整體都Ok 呢個價錢可以接受🧐

今日同朋友一齊黎發掘大圍美食，黎到大圍既田心村🤪————————🔸The New Yorker (with cheese bagel) $78呢到d bagel係自家製既，咁一場黎到梗係要試下！朋友揀左cheese bagel，我食落覺得似烤芝士蒜蓉包多d，唔夠煙韌，不過幾香麵包味。-中間d料幾好食，但蓋過哂bagel既味，似食緊burger。Salad就有d莓既jam，食落幾fresh!評分：🌕🌕🌕🌖🌑-🔸Gnocchi $92好香！其實我expect係煙韌d，不過口感軟硬適中，都ok! 但係我食完超級口渴，唔知係太濃味定點呢😟評分：🌕🌕🌕🌗🌑-🔸Berries Chocolate (with cotton candy) $42我完全飲唔到berries既味。。不過如果撇開呢樣唔講，其實佢係幾高分既熱朱👌🏻朱古力味道香滑濃郁，就算加埋面頭d棉花糖一齊飲都唔算係太甜。但我一心想試下berries chocolate係點，結果只係原味熱朱😫評分：🌕🌕🌕🌗🌑(扣左一分冇berries味）-🔸Cappuccino $43我唔飲咖啡，所以唔係好知好唔好飲，不過朋友話餐廳黎講算做得幾好！

心血來潮想搵D cafe食個brunch就醒起呢間bookmark左好耐都遲遲未試今日見到唔洗點等當然要試下啦見到好多食評都大推Bagel當然要試試🍽️The New Yorker Cheese Bagel $78Bagel我都係第1次食估唔到一試難忘芝士味Bagel夠哂鬆軟 仲有小小脆餡料有煙燻牛肉、煙肉、青瓜絲同蕃茄非常有咬口但最吸引係個蜜糖芥末籽醬成個配搭好夾、好好食係食ge時候有D狼狽好怕會跌哂出黎而旁邊個沙律酸酸甜甜夠哂醒胃賣相色澤已經非常吸引🍽️自家手工朱古力蛋糕$38賣相同味道正常 無咩特別💬呢個價錢中規中矩食物質素都唔錯下次再黎都係會叫番The New Yorker😋😋

呢間cafe應該要熟大圍嘅人先會易揾啲😂話說我喺田心嘅盡頭去到另一個盡頭先揾到🙈佢係邊隆亨果邊多啲，唔好去咗另一邊🤪佢個馬鈴薯糰好得意，同我想像中嘅口感有啲唔同，我睇佢個名，我以為佢會係好似薯仔咁嘅口感，但點知食落原來似韓式年糕，不過多咗層粉感，有啲似卡邦尼年糕！拮爆隻蛋後，好似食緊蛋汁撈年糕咁🤣佢個黑松露意粉就不過不失！話說我本身好想飲佢個Cheese Latte，但果日揾咗勁耐路，真係好熱、好熱！結果我飲咗佢啲冰茶，真心唔推介！又貴又唔特別，朋友仲話佢個荔枝味好伏，而我杯柚子就好似飲凍檸茶一樣！不過我都仲想去多次，試吓佢嘅 Cheese Latte🙈