Pokka Café (樂富廣場A區)

營業中

休息中

原本想去嗰間壽司舖，但實在人太多，所以搵其他嘢食，咁啱見到有Pokka，於是就入去食。分別點了個意大利海鮮煎飯同羅勒蜆肉意大利粉，同埋可以加錢轉套餐(有餐湯、餐飽同飲品）。先講個餐湯同餐飽，個湯係海鮮忌廉湯，第一口飲落去覺得唔係好夠熱，而個餐飽表面佈滿芝麻(一般都係淨牛油餐飽)，食落去脆脆地咁幾好。跟住到過煎飯，食落去個飯餅表面脆脆地幾香口，咬入去就淋，個感覺幾特別。而個意大利粉食落去幾香，但油咗少少，不過整體嚟講都ok，而因為今次有啲飽，食唔到甜品。

同朋友走過樂富uny, 口渴又想坐下。咖啡店又滿晒人，見pokka cafe 新裝修，門外又有蛋糕吸引，就坐低飲杯野，同frd 吹下水。但侍應態度愛理不理，揮手好耐先下到單d 飲品賣相唔錯，抹茶雪糕topping 抹茶和奶就另外上再自己倒上， 味道不太甜。 但味道就沒有很特別。menu 上有lunch set, 見其他人食的份量都幾足，跟餐特飲平dd , 有跟餐湯或者沙律，朋友點炭燒榛子牛奶泡沫咖啡，係lunch set點 會較抵

今日去左樂富見好耐冇食Pokka 咪入去試下入到去，5分鐘後就已經催你落單，唔講以為自己食緊澳牛（餐廳收2130，我2025入去），可能接近收工，我都算其實入去前見到出面有隻「拖肥芝士蛋糕」所以先想入去試，點知入到去佢話賣曬20:45已經開始喺度洗嘢，但係嘢食依然未到嘢食到左後就不斷o係座位旁邊以「奇怪」嘅目光望著你，好似覺得你阻住佢收工嘢食只係普普通通（仲要好貴，一d都唔抵食）個龍蝦湯（跟餐再加$26）同唔加$26果個係exactly 一樣，只係多左隻蝦（留意係蝦唔係龍蝦）個龍蝦湯仲要好多油（唔加錢嘅普通餐湯都冇咁多油）呢間嘢以前其實唔錯仲要係連鎖估唔到而家差成咁非常失望

外賣幾抵食，味道也不錯。意粉好彈牙，銀雪魚煮得好味。飯團是小朋友至愛。另外，疫情關係menu少咗好多食物，有啲失望。希望可變下餐單。最後，服務態度也可以更好一些。

我很喜歡四處逛，四處找東西吃。但我會偏好日式西餐廳：ucc 、pokka都是我所喜愛的。今天到樂富，當然又要到Honey喜歡的pokka cafe啦！Pokka的午餐不算便宜，單點過$100，配咖啡及湯，再要加錢。但是，環境舒適，服務周到，這是Honey選擇pokka的原因。Honey一看餐牌，立刻選擇日式咖哩。日式咖哩牛肉飯，份量都好大碟。那片奄列煎蛋，煎得好靚，鋪上飯面，似一朵玫瑰花；不過，由於美觀，蛋就煎得過熟 ，雖然厚厚的一塊，真的童叟無欺，但是，太多了，有點膩，所以Honey還是吃不了雞蛋。但是，咖哩牛肉就非常好味！牛肉份量不少，而且都炆得好稔，配合日式咖哩汁，非常「送飯」！Honey讚不絕口！我就選擇了日式溫泉蛋煙肉意粉。同樣出色！這個白汁，不太濃稠，不會令人有膩的感覺。而且，煙肉是高檔次煙肉，一粒粒肥瘦均勻 ，甘香而不鹹，很好。加59元，可以配龍蝦湯和咖啡。Honey最喜歡龍蝦湯，但這裏的龍蝦湯，「真材實料」了……因為味道太濃！有點過濃過鹹！Pokka咖啡，好味！不過，相對於ucc，我較喜歡ucc咖啡。本來已經非常滿足了，但是，又想吃蛋糕，故此加38元，叫了咖啡蛋糕。這個

今晚行過見到平平哋就買2個飯試下（因疫情關係，冇得堂食）咁佢做緊138晚餐買一送一，仲有野飲真開心，平過自己煮！講返食物先，我叫咗一個焗豬扒飯，及日式咖喱雞飯，先講講焗豬扒飯，焗豬扒飯買相唔錯，蕃茄味唔係好夠， 豬扒有少少食粉味，飯就正常既！日式豬扒飯，咖喱有少少辣，汁有啲濃，雞扒真係冇咩特別，飯都係正常。飲品要咗凍滴咖啡同荔枝茶，咖啡冇咩啡味，有少少「鞋」口，荔枝茶就幾清新又唔太甜，我覺得唔錯！下次可以試下其他野食！

裝修後第一次嚟呢度食，呢間餐廳不嬲都有保證，所以帶咗亞女一齊嚟食，開頭佢一開張排晒大隊架，不過今日唔使點等位，好快可以入座。侍應都好細心，見到亞女就預備埋小童座位、餐具先叫我哋入座。今次叫咗兩個main course:🥢大蝦🍤三文魚子忌廉汁意粉：我好怕食啲好濃好杰嘅忌廉汁，呢個意粉嘅忌廉汁味道就唔錯，配埋煎香咗嘅大蝦🍤及新鮮三文魚子，亞女都食到舔舔脷😋🥢紐西蘭肉眼扒🥩法蘭克福腸配飯🍚：肉眼扒好嫩滑，五成熟恰到好處，好juicy😋，份量都好足👍呢兩個係晚餐可配餐湯🥣或沙律🥗，我哋就叫咗餐湯：蘑菇忌廉湯，濃郁嘅蘑菇味配上一塊脆卜卜嘅多士，亞女搶住食🤩最後餐飲當然叫咗我哋最鍾意嘅凍朱古力啦，好特別，侍應拎過嚟時有一個盤，裝住三個杯🧐，一杯係cream+冰🧊，一杯係綿花糖，最後一杯就當然係朱古力啦，好正，自己冲落去，再叫亞女放綿花糖上去，有得玩又有得飲🤪朱古力味仲好濃，份量仲好多，差啲飲唔晒😅

今天又去探望家住廣播道的好姐妹，中午時間來到樂富廣場 UNY 百貨中的咖啡店，以往間中便會到此用膳，皆因食物質素有水準，而且除了正餐外還有甜品蛋糕可供選擇，同時可滿足兩個願望。餐湯餐湯是忌廉蘑菇湯，色澤呈淺啡色，湯底口感香濃幼滑，加入蘑菇做配料，味道獨特濃郁，柔軟鮮美，口感味道更豐富。鹿兒島黑豚腸炸雞咖哩奄列飯咖啡奄列飯用料豐富，分別有黑豚腸、炸雞、蔬菜、奄列飯，黑豚腸鮮嫩甜美，肉味濃郁，充滿肉汁，炸雞色澤金黃，口感酥脆嫩滑，多汁不膩，蔬菜新鮮碧綠，脆嫩爽口，奄列飯飯粒飽滿煙韌，奄列香滑柔軟，配上咖哩醬汁，口感濃稠香滑，帶點甜味。香草牛油大蜆大蜆肥美飽滿，入口新鮮，而且絲毫沒有沙粒，口感煙韌彈牙，味道甜美滑嫩，配上香草牛油煮制，更香濃惹味，鮮味十足。凍咖啡凍咖啡是隨餐附送的，色澤呈現深棕色，冰塊分量充足，飲用時冰涼解渴，味道濃郁順滑，醇而不苦，細膩芳香。朱古力咖啡朱古力咖啡是熱飲的，頂層放滿忌廉，還加入朱古力醬作點綴。朱古力與咖啡味道相配，兩者味道各佔一半，飲用口感細膩飽滿，香滑濃郁。整體而言，環境寬敞舒適，乾淨衛生，食物質素有水準，食材用料新鮮，而且除了進食正餐亦可滿足飯後甜品，是與

裝修前，幫襯過幾次，幾次都是留下該食店的好印象。裝修後，今日（31/5/2020），再來幫襯下午茶，未知是否疫情影響，以往沒有外賣餐牌，是次幫襯，見有外賣，價錢還相當吸引，若有機會，一定買星期四既招牌焗豬扒飯。下午茶點了吉列豬扒湯拉麵（雞白湯）豬扒當然無得輸，好好味，勁喜歡呢度既豬扒，又厚又脆，雞白湯略嫌太濃味，要用開水溝淡。蒜香和風牛肉意粉有很香蒜香味，牛肉及意粉都好味邪惡芝士咖啡牛肉焗飯牛肉粒大大粒，配上芝士咖喱汁，好好味。

Pokka cafe is supposedly known for their coffee, so we decided to try out some breakfast/brunch sets for Mother’s day. Compared to the average resataurant in Lok fu, pokka cafe was relatively expensive, with only 5 breakfast sets to choose from, ranging from ~ $50-60 per set. The set came with a drink, which we all chose the house coffee for. Sadly, the food was not worth its price. The toast was very hard and tough, and tasted like stale bread that had been aged for a few days. The eggs were ok

話說樂富中心裝修完之後都未上過去行過，咁外母大人又想買野食，咁就上去買個外賣。等候期間咁當然就四圍行下，路過見到pokka cafe個蛋糕都好似幾好食咁樣，但外母大人其實剛剛先飲完茶；雖然口講睇下先行下先，但心入面已經想買一塊半件試佢一試。行完番轉頭，最終外母大人都買一件朱古力棉花糖蛋糕試一試佢裝修完，蛋糕會唔會好味左。我地同企蛋糕櫃後面位女侍應講左兩次"唔該"，佢望左我地兩次，但冇任何反應（即係聽到我地叫佢，但無視我地）。最終我地想走之際（因為件蛋糕其實都唔算平，一件都要$58）有個疑似經理先出現理下我地，先叫落左單。最後，同一個女侍應竟然徒手（係，手套都冇戴）去拎件蛋糕，仲要疑似掂到蛋糕上面的朱古力（因為見到佢抹左一下手）；但蛋糕櫃入面有個蛋糕鏟同埋蛋糕鉗，佢唔用走去用手。我忍唔住同外母大人講我所見到的事，女侍應望左我一望，繼續佢包蛋糕工作。我相信pokka cafe唔會當佢自己好似茶餐廳一樣的水平罷。原本都想試下佢個下午茶，但係見到門口果個侍應都咁樣做野，唔難想像入面會係咩景況。

樂富廣場裝修完後，喺同一個位置有返間pokka Cafe（裝修之前好似叫另一個名）（唔通我記錯？）anyway, 我最鍾意飲佢哋杯咖啡，其他食物呀，服務態度呀不嬲都稱不上滿意！尤其以前嗰間，服務態度真係不好。今次呢間入到去可能新裝修完，個經理（唔係以前嗰個）非常好招呼好熱情地介紹啲蛋糕俾我聽。嗰日我係想食蛋糕，但係因為我想食嗰隻味道冇晒所以食咗第二啲嘢。我朋友叫咗個湯麵，我試過一啖味道都可以嘅。其實食物水準其實算合格嘅。不過唔突出啫！

樂富廣場的UNY裝修後，繼續有Pokka Cafe，座無虛席。一坐低，店員俾個menu我，寫住C餐係「雞扒大蝦」，咁我就order咗C餐「雞扒大蝦」，另一個餐要牛扒。點知一上菜，雞扒變豬扒，我哋問店員，原來佢哋放錯咗menu，今日C餐應該係「豬肩吉烈炸蝦」，咁又奇怪喇，佢無俾吉烈蝦我，真係俾咗大蝦我，到底係menu錯定廚房錯？隔離枱都有同樣問題，佢哋上枱啲野食同order咗嗰啲唔同。另一個餐要牛扒，medium rare，上到枱個樣都麻麻地，有一邊算係達標，另一邊切開，完全生嘅，堪稱rare。又叫店員嚟問問，佢話：「咁你係咪要熟啲？」我答：「我一直都要medium rare，唔係rare。」佢再答我：「Medium rare係三成，medium well先係七成。」我真係火都嚟：「我知乜嘢係medium rare，乜嘢係medium well，我係要medium rare，但你俾咗rare我。」佢：「咁我叫廚房煮返熟啲」由於對方態度奇差，我決定成個餐取消咗佢。Pokka Cafe真係從來都無令人失望，食物質素同職員態度都係一貫差，改咗門面都無分別。結論：不會再去，大家都不用浪費時間在門