Pom's Diner (已易手)

第二次幫襯tea set, 兩次都揀All day breakfast, 價錢便宜、 抵食 ，仲有杯即磨咖啡，以後想起 All day breakfast , 可以不作他選，咖啡稱不上上品，可以接受，餐廳環境舒適、樓底極高，員工個個有禮貌，向佐敦旺區可以話超值。順便一提、餐廳提供免費Wifi服務、門口有pokestop, 捉精靈好去處，老闆也有心，門口貼上紙條歡迎訓練員入去捉精靈👍

D7 墨魚麵 同 D10 Boston Lobster 都唔好食。食物應該都係之前做好再reheat。食材唔新鮮。Clam 同 Risotto 還算係OK。物非所值。唯一可讚的是服務還不錯。

去佐敦睇樓，睇完都成9點幾10點，行去白加士街，好多餐廳都已經LAST CALL，行過PIZZA HUT，見到隔離新開左間西餐廳，仲有好多人喎，唔想再行，入到去見到好多枱都叫左個漢堡，有枱係三個鬼妹，全枱都叫漢堡，見個賣相唔錯，於是自己都叫黎試下，果然超正﹗一塊安格斯牛肉超好味，個BURGER好高好厚，仲配埋薯條同沙律，係黑松露薯條，正﹗成個餐有湯有蒜蓉包，仲包埋野食，都係百零蚊。餐廳環境唔錯，店員服務幾好。讚﹗

一個美麗的誤會，令我和朋友走到佐敦搵食。係佐敦，最出名既食街就係白加士街，成日都聽到有人去澳牛排隊，大熱天時，要排隊我採你都傻，眼見對面有間新開的西餐廳，門面唔算大，有點特色小店風格，於是走左入去試。我地叫左兩個晚餐，一個巴西草香辣蒜片大蝦墨魚意粉，一個煙三文魚凱撤沙律，有湯有蒜蓉包，價錢百零蚊，幾抵食﹗兩個女人仔嚟講，份量好夠。墨魚意粉最有驚喜，因為佢辣辣地，又唔會食到個咀黑忟忟，正﹗餐廳環境倘可，服務都唔錯，始終唔係大集團經營，唔會個個西口西面，個人非常支持本地小店﹗

第一次食評今日去佐敦食呢間西式餐廳lunch 第—道菜叫佐份8成熟西式牛扒，牛扒烤味較濃，肉質鮮味較重值得—讃，可惜配菜只有烤薯太少増加多d 配菜會較好。第二道菜叫佐鲜魷香草意粉意粉彈牙，但太乾無汁，香草太多有改善空間帶佐蛋糕慶祝收50蚊切餅費，侍應無主動提供刀叉如果為食牛扒，可以再去

今日本來係想去食澳x，但仲早條龍就係好多人。學openrice話齋，黎到佐敦呢個美食之都，除左澳x，都仲有好多好野食既。我地眼見對面有間好新淨既pom's就諗住去試下，見佢出面d餐牌標價都尚算合理，食物亦很吸引。入到去果然環境同餐枱都係好有心思好有風格果種餐廳，配上輕快音樂，整個環境靜得黎又好有氣氛。餐牌有好多食物選擇，花多眼亂，我就簡左最多野食，出面最少有既龍蝦set。餐湯上左洋蔥湯，湯好清甜，入面有好多菇類一齊煲飲完湯就黎左一份餐前小食：焗蠔。蠔身有點細隻，但勝在肉質鮮甜，質creamy的沙拉醬很搭配。龍蝦切邊整隻上，肉質很厚，啖啖肉，香料跟龍蝦很夾，但略嫌有點乾，如果有d汁配龍蝦就perfect池喇！黑松露薯條好有驚喜，黑松露既香同脆口薯條好夾。薯條外脆內軟，一條接一條真係食唔停口。食完主菜就係上飲品同cheese cake，呢款american cheese cake好creamy，唔會好甜，好重芝士味，幾大件都食得哂

平時黎呢條街都係食澳牛多。因為快得黎又好味！今日呢間餐廳係朋友揀既，好似話係新開既。一入黎最吸引我既係張枱既圖案，超靚！佢係用好多感覺民族風既圖案拼埋既！加埋餐廳播一d好舒服既音樂，感覺都幾好。除左主餐牌，佢仲有另外一份menu係可以叫小食嘅 佢啲餐有平有貴任君選擇。平既90蚊至到140蚊不等，貴嘅就200幾蚊。我哋叫咗個羊鞍set share食，叫左七成熟，肉質非常鮮嫩，又唔會太生，亦都呢好juicy 用香草醃令到成個羊鞍既味道都好香。三個人有三舊啱啱好旁邊既配菜+個汁都好好味（ upload張相先發覺張相影花咗 ）呢個黃金焗蠔係個set嘅前菜，芝士同埋蠔永遠都係黃金嘅配搭！芝士味非常之濃郁 其實佢唔記得左上呢個蒜蓉包同埋餐湯畀我哋。不過之後上嘅時候待應就係咁同我哋say sorry，我估佢哋可能都真係太忙一時唔記得啫。我哋去到嗰陣基本上座無虛席。個湯好好飲，係洋蔥湯 好有洋蔥嘅甜味！亦都將啲洋蔥煲得好林，好易入口！而個蒜蓉包就好脆好香蒜蓉味 呢個菇係我哋extra再叫嘅小食。佢令我覺得好驚喜！因為個菇非常juicy，中間釀咗一啲肉好似係吞拿魚，亦都有一啲芝士味，成件事都好夾好香！旁

Seriously not worth anyone's time. Don't even understand why it's on the top charts.Poor quality food for the price it charges: asked for medium rare steak but was served with a raw piece of meat. Soup was served cold. "French toast" that was written on the menu was actually just one piece of lightly buttered garlic bread - misleading information. Impolite staff: unfriendly faces and always unwilling to answer customer's entities. Minimal decorations in the restaurant: literally all they had wer

今日又係約人在佐敦飯局，貪地點方便.之前已食過pom's kitchen, 唔錯, 所以試下佢GE分店Menu 好像差不多, 但店面比pom's kitchen 細一點~但座位都幾舒適, 不錯~但座位都幾舒適, 不錯~set dinner 原隻波士頓龍蝦$228元都幾抵食~有餐湯南瓜湯都幾夠濃仲有蒜蓉包, 幾脆~套餐包括雙色芝士焗蠔是晚焦點：原隻波士頓龍蝦龍蝦很大隻呀~燒得剛剛好, 啖啖肉, 肉爽唔老~ ~仲有薯條及沙津伴碟!!!!另一set dinner :白酒牛油鮮大蜆意大利粉$128牛油汁很香口， 配白酒很醒胃~意粉爽口!散叫了一個沙律煙三文魚凱薩沙律$82三文魚新鮮~ 菜也很新鮮~FRESH~同朋友share 左幾款甜品~有3 款芝士蛋糕， 丫包括原味，朱古力及藍梅，蛋糕口感軟綿綿，味道各有特色!餐飲來一杯凍奶茶作結~

之前在OPENRICE 看到這店 好像不錯 還有生日優惠 所以早就BO了位子 , 但是早一天打去再問問 這個優惠沒有了...但今天看這個優惠又重PO了......算了...差了一天~命運不是我的 HAHA ,這店位置很容易找 在佐敦站 C2 出門附近, 店內燈光優雅,桌子也很有特色....有特別花紋......因為這天太累了,,,去了OP玩 所以忘記拍照 也忘了拍餐牌店員服務很好,雖然很忙 但也一直加水 收盤, 好像也加了4次水 服務真的很好 很有禮這店有很多選擇 價錢也很親民 $100內 -$200UP 也有 可以單叫主菜,小食 還堤供下午茶,全日早餐 還有套餐 包括了 餐湯 加飲品 另外有些也包括 餐包 ,前菜 還有甜品 十分多選擇 還很親民價, 這店有加一服務費這天叫了兩個套餐 炭燒美國穀飼連骨肉眼扒(10OZ)  $268還有  煎焗挪威比目魚扒配意式燴雜菜 這個好像$208套餐還包括了餐湯,餐包 ,前菜,飲品還有甜品  價錢十分便宜 這個中式蘑菇湯 味道很好 很清甜 非常開胃, 餐湯應該會定期換不同款 因之前看好像是南瓜湯餐包是法式蒜容包   前菜是雙色芝士焗蠔  也很美味煎

佐敦一帶有很多好味或出名食店，今晚朋友提議想享一頓西餐，想不到不經意下食到這間Pom's Diner。少了一個"n"字，不是平日的"Dinner"，反而覺得比較特別。餐廳內西式風簡約裝修，也坐得舒服，但要數最吸引食客可算是每張桌面都有不同顏色配以不同圖案的彩色瓷磚，鮮艷奪目，增強食慾。叫了一個D11晚市套餐，份量十足，有"是日餐湯"+"法式蒜蓉包"+"雙色芝士焗蠔"+"原隻炭燒波士頓龍蝦配松露薯條"+"紐約芝士餅"+"餐飲"。橙黃的南瓜忌廉餐湯，淡淡的南瓜蓉不會太濃烈，配以熱燙燙的蒜蓉包，外脆內軟，牛油蒜蓉味香濃。前菜來個焗蠔，用兩款芝士舖面焗製，熱力令芝士溶遍覆蓋蠔，令蠔內的肉汁鎖著且帶有芳香芝士味，真正"芝"味無窮！最期待的主菜--原隻炭燒波士頓龍蝦配松露薯條，開邊的波士頓龍蝦有手掌的size，炭燒控制火喉恰到好處，加了點點鹽調味，能保持原隻龍蝦鮮味，口感彈牙。至於松露+薯條這新配搭，松露很乾身，薯條炸得金黃香脆，味道帶點咸，再醮上茄汁增加酸甜味更佳。跟餐的NEW YORK CHEESE CAKE也不俗，單看廚師悉心的裝飾已加分，餅身頗結實，薄薄的芝士不會太重味道。而餐牌上的甜品很

三人晚餐，見新開比佢既龍蝦吸引黎試，個裝修唔錯環境舒適，服務員有禮貌，但係食物就好失望了！首先飲品係餐廳既靈魂，但杯凍奶茶同檸茶完全唔掂，好水無茶味。 個餐湯綠豆湯都尚可，因為夠特別。蝦墨魚麵過得去吧，但係個牛扒就無牛味同埋唔夠熱，最期待既龍蝦賣相吸引但就好乾生，黑松露薯條最好味！ 個芝史餅都唔好味 (p. s張濕紙巾超臭) 我地print左85折coupon .. 我林應該無下次了！

今天中午來到佐敦本想一吃澳牛的蛋牛治，一見人龍非常長，馬上搜尋一下附近餐廳。正正位於澳牛對面的西餐廳，環境頗是乾淨，看見午餐價錢超值，馬上入去試試。午餐價錢不貴，款式非常多。是日餐湯是羅宋清湯。清清的蔬菜香帶點羅宋湯的香辣味，蔬菜味道突出清新，味道健康不會膩。蔬菜份量頗多，多吃一點蔬菜也不錯。香煎龍脷柳忌廉汁配白飯。大大件龍脷魚柳，加上蛋漿煎香，香口不油膩。魚肉滑溜沒有雪藏味道，忌廉汁香濃足夠，伴上白飯和蔬菜，頗是均衡的午餐。賣相大大份，非常超值，味道也是中上，值得再回頭的餐廳。餐飲可以轉其他飲品，加$5也是合理。蘋果汁味道清香不甜膩，滿足的一餐。

佐敦站附近有各式各樣的餐廳，講到西餐就不得不提呢一間！見到openrice既食評都指呢間餐廳裝潢定食物質素都非常不錯，所以今日就決定放學後黎試一試！向來喜歡食肉既我，立即眼裡只有肉眼扒！肉眼扒既size有a4紙既四分一大，厚度有1cm，份量完全唔可以睇少！見圖就知，廚師整到肉眼扒一格格網燒花紋咁，吸引力大增！叫左6成熟的肉眼扒，血水收乾左，切開只會見到中間一層粉紅色的柔嫩的肉肉，吃下的會感受到肉汁爆曬出黎！肉眼扒可以做到充滿牛肉的新鮮味，一點都無雪藏味，本人覺得好犀利！配上分量十足的肉類，旁邊有黑醋沙津及薯仔就已經好充分啦！黑醋既味道非常醒神開胃，所以非常欣賞！另，薯仔還有薯仔皮纏著，食落下係好有咬口！話雖食肉會好濟，但女士往往有第三個胃，就係用黎裝甜品！藍莓芝士蛋糕，小巧得食落去會減下罪惡感！細細件，慢慢嘆下咁！

今次黎既呢間西餐廳係朋友選擇的,入到去的第一印象很原錯,是因為餐廳的設計很美亦好細緻,例如餐枱上有唔同圖案既磚作裝飾,好有情調。而入去坐底後就叫左個巴西香辣蒜片墨魚麵嘅set。餐湯質素唔錯，食得出唔係罐頭嘅湯，而蒜蓉包都係熱嘅，唔係放左係度好耐再俾客人食，仲係好脆。之後就黎個烤焗大蘑菇黑醋沙律，可能我本身幾鐘意黑醋嘅問題，所以我都好鐘意呢個沙律，加埋佢真係有好大個蘑菇係上面，係真材實料嘅！再黎到嘅墨魚麵，係有少少辣，怕辣嘅人可能要小心啲啲，但墨魚麵嘅配料都係唔簡單嘅，有好多隻原隻嘅大蝦，好爽好甜。很喜歡這裏令人放鬆的環境和食物的賣相