Posto Pubblico (已結業)

當班學生哥差唔多放完暑假嘆夠玩完之際，我地呢啲打工仔先岩岩忙完。最近多嘢做到你唔信，壓力固然有，靠食好西嚟抒緩壓力都不失為一個好主意。慰勞下自己，嚟間好餐廳食個靚野、嘆一嗽先。出街食飯通常我都鍾意嗌返個沙律，為健康著想都真係需要，無辦法，懶得自己煮。但上菜個陣我都真係嚇親，個份量大碟到你唔信，你地望下圖就知。好新鮮、好出色，上面灑啲芝士簡直係好味到不得了。連我呢種唔太鍾意食菜既人都好意思，個陣「菜」味係真心香。意大利通心粉加上肉質鮮嫩既豬肉，再加浸 Ragù (牛肉醬？唔知呢個中文）成件事好出色。本身沙津個份量咁大已經飽飽地，但係呢個真係太好食，好想嗌多碟。沙津配醬意真係岩岩完美平衡到個口感，唔會話太濃太淡，適中。

唔知你地會唔會同我一樣，一落雨心情就唔太好 反正就係開心唔起嚟？天氣影響情緒… 返工又大壓力，唯有食下好野等自己開心啲啦呢間餐廳出名大家都知啦，但最出名就係佢地既意粉！嗌意粉之前先嚟嗌個魷魚打一打個底。呢款送好特別，佢用橙、辣椒、牛至去醃製而成，佢橙味唔會話好濃，但個陣果香就岩岩好吊到魷魚陣鮮味出嚟，加上少少辣椒就更加豐富左道菜既味道。可以見到佢份量一啲都唔少，以咁高級既味道、呢個份量嚟講，性價比真係幾高。重頭戲就梗係要食返個意粉先！呢款係  Spaghetti al Pomodoro呢間餐廳煮蕃茄意粉都寧舍好食既原因係因為，佢地用料真係好新鮮。食佢款意粉就知機整同 Homemade 既分別，加上佢既蕃茄帶少少令人一試愛上既甜酸，都真係想嗌多碟 encore (不過其實份量都大，如果唔係我咁大食既話，呢兩道就好足夠。）野食固然吸引，但佢乾淨既環境都係令我好 buy 佢既其中一點。啲 staff 都真係唔會 hea 你，服務好周到。

一睇就知到底有幾「芝」味 啲芝士份量多到好似唔駛錢咁。最緊要係咩，芝士個量咁多都係唔膩，再加上車厘茄去解膩，成件事入口個口感好到不得了。車厘茄好新鮮，佢落左呢個量既芝士都唔會話比啲好差既料你，依然都係咁 juicy，保留到佢本身個種甜味。好好食既炸魷魚！外層皮香脆，內層肉嫩滑，炸物依然咁新鮮，配上自製既 Old bay、翠玉瓜、辣椒同埋佢地特別好食既 marinara sauce，呢個送酒真係一流，可惜係食晏，如果唔係下次放工嚟食晚餐真係要嗌呢個配酒。就咁食兩道小菜就梗係唔夠我食個晏啦，搭多個 Chicken Parm 就實夠飽，芝士都第一道送一樣，絕對唔慳皮，佢個麵包唔會雪到硬哂，又唔會太軟淋淋，好食。難得的起心肝行上蘇豪區，食到間好野，係開心嘅。

都冇話返工食晏就一定要食頹飯既，既然係咁多美食店附近返工，比個理由自己享受下、減下壓，食餐好西都不為過啊？味道比賣相好很多！（其實係我影得唔好…佢個個醬汁非常好食，份量好多，落得好足料，係偏濃味既，但唔會話太濃，個汁好香。如果你覺得都係太濃既話，連飲埋杯檸檬茶，咁食完就身心舒爽。食飽返公司，順便散埋步落返中環。最緊要係呢度可以食埋個景，食完個飯，個人心情都好啲。呢度服務又幾好，環境又幾乾淨。會再幫襯。

People who love Italian and vegetables are going to love this place. They serve organic vegetables which are locally grown!Of course meat lovers have  more to choose from but I'm saying this place is legit NY Italian. Love it!

Found another gem in Soho which turned out to be Linguini Fini's smaller sibling but older. People were friendly. Cute little bar. Overall I think Posto is the perfect place for more intimate gatherings. I loved the food and the vibe. I heard reservations are pretty tight in the evening here so if you do plan to have dinner, gird your loins and call days ahead for bookings.For now, I'm good with takeaways. Loved their Chicken Cutlet Sandwich!

雖然話就話鍾意食肉但如果係啲用鬆肉粉整到口感好啲然後再拿勁多醃料、調味料嚟蓋過陣雪味扮新鮮既話咁成件事就好唔要得只要你唔點佢啲醬汁就會出哂事但呢間就唔會！話明係食肉獸就梗係嗌返兩碟肉先啦一碟係 Flat Iron Steak 一碟係 Veal Meatballs你地都可以見到兩碟野 dressing 都係落得多既但佢最掂係做到唔會蓋過肉質既鮮味食入口 口感好正好爽 佢個醬汁固然都真係好食（你鍾意芝士既話就更加係一個 bonus環境都唔錯你見啲相可能影得黑但現場感受就會係好好 feel 哈哈 好適合同朋友傾計既地方同朋友上去 chill 下開返支酒都唔錯

蘇豪區好多好野食就人人都知啦幾時放工想出街食嘅時候　都會嚟呢道睇睇有咩新野試呢間出名 pizza 同肉丸既 同埋偏比較濃味少少既就咁就正中我呢範 上個禮拜五就嚟試一試佢三個人三道餸差唔多啦諗住唔夠先再嗌 但完全冇呢個問題因為呢間野份量好足 睇圖你就知啲芝士好似唔駛錢咁… 超「芝」味!佢個醬較得好好 好好食食肉獸+芝士控既話呢個唔可以錯過呢個就正好體現到底佢份量有幾咁足啲clam好多好滿足 佢個白汁又較得幾好意粉好新鮮 唔會話好似街咁好乾 入口彈牙 係fresh既最後就係佢地出名既 pizza 啦用料唔係話好特別好 outstanding但佢就係整得好好食 食完咁多飽既野依然想繼續keep住食個種以佢份量嚟講 佢價錢都好合理同埋你比得呢個價就最緊要有靚既環境同好既服務啦咁呢度都做得足既其實嚟呢度慶祝生日好似都唔錯可以試試佢

I've always been an occasional visitor at Posto and I'm glad I said hi last Friday for a late lunch. I had my all time favorite Tagliatelle Alla Gricia and a very accommodating waiter recommended to me the Grilled Radicchio as a side dish. Radicchio's slight bitterness went well with the flavorful alla Gricia. I have to say that was one of the best lunches I've had here in Hong Kong. Posto has always been known for its pasta and anything NY-Italian but I also gotta say they serve the best organi

其實呢間都唔係第一次幫襯因為係公司附近 平時食晏都有幫襯開佢但今次就真係第一次幫襯佢個晚市相熟既侍應話撞正今日有特別野試心諗咁好運 仲要係好食高汁既個下覺得真係要寫寫 review特別野就係呢個 Grilled Radicchio呢隻菜唔係朋友介紹既話應該香港人都唔會點食因為係個種鬼佬苦菜嚟 雖則西方就冇清熱氣呢種說法啦但就啲外國人如果爆瘡既話 食呢隻紅菊苣既話呢 第二朝啲瘡就會謝咁實冇理由就咁食啦 所以就加啲橄欖油爆香佢再溝少少醋 就中和到佢個陣苦味香港唔太多地方有得食 撞正呢間就有啦！話到明佢苦 就唔係人人受得落但呢間真係整得幾好食 炒得好香 接受唔到苦味既人都可以試下 因為味真係唔重另外就嗌左呢個 Tagliatelle alla gricia其實就即係煙肉蛋意粉呢種意粉就一定穩陣唔會唔好食啦但重點想講係佢個意粉因為佢啲意粉出名好新鮮 係自家製而且份量好大好抵食有相熟侍應就實讚啦 佢地真係好 nice 好 friendly服務周到係真既 唔係都唔會成日幫襯

個日突然間好想食 Pizza，但又唔想再想其他連鎖式大型既 Pizza 店，決定上網發掘下新食店，搞搞新意思！然後就搵到呢間～ 聽講個 Pizza 好好食，係主打。睇賣相就知唔差啦！Pizza 好唔好食，都係講個餅底同上面啲料唧。上面啲料有驚喜！佢呢隻意大份辣肉腸好好食，調味好正，佢配搭埋另一種腸同埋配料，成件事出嚟好夾。個餅乾又焗得岩岩好，唔會話太厚太薄，口感好好。食過就知點解佢個 Pizza 咁出名 ～三個人食個 Pizza 話多唔多話少唔少，咁就搭多個意粉啦 ～ 估唔到除左 Pizza 之外，個意粉都咁出色！佢個意粉係新鮮製造個種嚟，係你會食得出個種新鮮。海鮮佢真係落好多好足料，性價比好高！海鮮就一定要新鮮啦，連意粉都咁新鮮既時候，成件事真係「心心眼」！

Posto has always been my favourite ever since I moved here in Hong Kong. So many Italian restaurants have come and gone in this city but I'm happy to see that this one has endured the test of  food business turnovers. Competition is tough and having transients (expats) as patrons that leave the city within a year or two, I imagine it must be tough surviving in this industry.....The thing though is that I've never felt as welcomed as I do whenever I go to Posto and I think, apart from the lovely

環境，心情，人物，真係好影響一餐飯嘅評分。昏暗嘅燈光，高高嘅樓底，loft風嘅裝修，Hip Hop音樂，先點了瓶白酒，搖搖酒杯，整個氣氛已經很享受。來了點麵包，最愛的橄欖油和黑醋少不了，麥香的麵包配隨上的芝士欖油，還灑了一點點海鹽也很合。意大利菜用番茄下料是常識吧？話個蜆很大一隻，肉厚鮮甜。大量蕃茄煮汁，非常濃厚香鮮，香草，沒什麼需要了，只管吃吧。雞扒先炸再蕃茄醬鋪面，外加海量芝士去焗。除了邪惡真的想不出別的話。兩道菜都比平常偏咸了點，喝酒也變得快了，是別有用心的？

It was by chance that I went to this restaurant in the popular Soho area. I'm glad I picked this restaurant because it turns out that it's pretty popular among locals and expats. The bar was full when I came in but a lovely waitress named Kamna gave me a nice little table in a corner even if I didn't have reservation. I ordered one of their blackboard specials, the Pastrami sandwich. The beef brisket in it was tender and tasty. I paired it with their popular homemade burrata. Needless to say it

即使只係星期三既夜晚，蘇豪區依然係咁多人。呢個餐廳人來人往，岩岩見到好似有幾枱客走，行近陣味又非常香，就決定同朋友入去試下。兩個麻甩佬入呢啲地方食飯雖則好似有啲尷，但好味既野食即刻令我忘記左呢種感覺。撞正守神遇上佢個特別餐單，平時應該就冇？有新野就梗係試新野。先講個肉排，我就嗌左六成熟，同朋友 share。無論係個汁定個「質」都係無得輸！好 JUICY 好好咬口，陣肉味好香真係！另外個 Arancini (芝士 risotto) 都係特別餐單，佢個個芝士好靚，食落口感真係好正，陣芝士味好香。個飯唔會話太多，岩岩食完肉食太多飯都濟，個份量剛剛好。最開心莫過於隨機遇上一個好餐廳仲有特別野食！唔知呢兩道送做幾耐，有機會就快手去試。