Posto Pubblico (已結業)

一睇就知到底有幾「芝」味 啲芝士份量多到好似唔駛錢咁。最緊要係咩，芝士個量咁多都係唔膩，再加上車厘茄去解膩，成件事入口個口感好到不得了。車厘茄好新鮮，佢落左呢個量既芝士都唔會話比啲好差既料你，依然都係咁 juicy，保留到佢本身個種甜味。好好食既炸魷魚！外層皮香脆，內層肉嫩滑，炸物依然咁新鮮，配上自製既 Old bay、翠玉瓜、辣椒同埋佢地特別好食既 marinara sauce，呢個送酒真係一流，可惜係食晏，如果唔係下次放工嚟食晚餐真係要嗌呢個配酒。就咁食兩道小菜就梗係唔夠我食個晏啦，搭多個 Chicken Parm 就實夠飽，芝士都第一道送一樣，絕對唔慳皮，佢個麵包唔會雪到硬哂，又唔會太軟淋淋，好食。難得的起心肝行上蘇豪區，食到間好野，係開心嘅。