PRET A MANGER

營業中

休息中

哩間係我喜歡既店舖之一，食物新鮮多款。🐟煙三文魚包：哩個包係早餐先有，塊煙三文魚係填滿整個包，再配爽口青瓜，整個包都變得清新。🍲雜菜湯通粉：雜菜湯味濃、偏咸，菜既款式都多，通粉都淋。🍯蜜糖脆片乳酪：希臘式乳酪，好新鮮，配上蜜糖，唔係周圍有得食。

我喺中環交易廣場諗住買杯咖啡，見到有間Pret A Manager 就入去買杯熱既大杯裝Matcha Latte估唔到個咖啡師傅，可以將兩個spoon綠茶粉放入杯內，跟住見佢加咗啲水，攪左幾攪就俾咗我我相信係因為當時佢同另外一個人不停傾偈，完全無專注整杯咖啡杯 Matcha Latte 簡直同一杯水冇分別，但係要比$43絕對唔值

🌯Avocado and roasted pine nuts $46包裝好細心 只要滅開塊膠紙就食得捲餅已經切成兩段 餅皮睇落好似好厚好硬唔會好味咁 但其實軟軟地好好嚼雖然係凍捲即食唔會脆卜卜 但就煙煙韌韌幾好味而且捲皮帶淡淡嘅麵粉香 感覺實在同埋天然牛油果好新鮮綿滑材料有松子仁 番茄 菠菜同埋蛋黃醬 雖然聽落未必好豐富但因為每樣口感都唔同 所以真係好滋味

通常lunch time諗唔到食啲咩，我都會嚟呢一間Pret a Manger買一杯乳酪同埋一個生果杯做lunch🤣🤣因為可以唔使食咁多之餘，仲可以食得健康啲～//我通常會帶佢嘅蜜糖香蕉燕麥乳酪，香蕉加埋蜜糖甜甜嘅感覺，再加埋燕麥好有咬口，即使佢嘅乳酪係唔甜嘅，加埋香蕉同埋蜜糖都好夠味👍🏽👍🏽//另外我仲會買佢哋嘅鮮果杯做飯後甜品，三個杯有西瓜哈密瓜同埋橙等等，啱晒我呢啲唔鍾意自己切生果嘅懶人🤩🤩

喺中環食lunch嘅話Pret都算係一間耐唔耐就會食嘅餐廳，貪佢夠快而且食物嘅水準又有保證。尤其星期一想食清啲，就會去食個沙律。佢個牛油果沙律其實真係好食，每次食佢嘅牛油果都係都好新鮮好味，會keep住去食😁

第一次食呢間，同事話幾好味 所以先去咗試凍櫃都好多款不同食物，有salad 有熱卷 有三文治 有果汁好多肉絲、仲有燈籠椒、菠菜、紫洋蔥，都好多汁幾好，可以再encore~~~

因為近排想減肥，食清少少，返工前就黎左Pret a Manger買左我既午餐😋藍莓麥片乳酪（$29）除了有藍莓果肉，乳酪都係藍莓味，食落好fresh，同d麥片溝黎食係唔錯，但不太飽肚。墨西哥甜薯三文治（$27）食落既味幾特別，幾好食，好健康。

Pret A Manager 嘅食物比較適合午餐時間享用。沙律種類繁多，Yogurt種類也多。仲有熱食：如湯類、small size嘅pizza。藍莓🫐麥片yogurt奶味香濃，麥片都有d份量。蠻推薦。Salmon salad 都係我個人regularly會選擇嘅。salmon 質地無錯，蔬菜🥬也比較新鮮乾淨。

食慣食熟嘅pret a manger, 本人食過他家的三文治, 但其實熱櫃裡有飯的選擇, 我可以推薦的就是 Chicken Curry Quinoa, 看似細碗, 但因為入面有藜麥飯, 是很易飽肚的, 而咖哩汁混合了coconut, 是很香口的, 再配我最喜愛的earl grey tea with milk, 經已充滿力量, 值得一試!

冬天需要Energy! 就算簡單午餐都要為身體义足電！🔸Egg mayo & tomato sandwich 🥪: 全麥麵包夾着碎蛋沙律及蕃茄，沙律醬分量多同埋有黑椒碎。🔸Blueberry cereal yogurt: 有藍莓醬和新鮮藍莓，而且有燕麥同南瓜子，增加口感😋

頹食晚餐，今晚食煙三文魚三文治、小龍蝦🦞三文治和烚蛋菠菜苗。煙三文魚三文治：全麥麵包加牛油和煙三文魚味道好夾，加埋青瓜帶點清脆爽口！只係個人覺得煙三文魚過咸小龍蝦三文治：如果你接受到火箭菜味道，呢個三明治有驚奇！啖啖龍蝦🦞肉令頹晚餐生息不少！中間係滿滿既小龍蝦加少量沙律醬，感覺充實。烚蛋菠菜苗：烚蛋可能放耐左，咬到蛋黃係臭同酸架。好彩菠菜苗係fresh 仲食得落既～其實呢度有set dinner，可以配湯或果汁。

下午茶時間，突然想食杯乳酪於是去pret睇下。之前食過鮮莓蜜糖yogurt,好好食！😍 今次試下其他款先。通常我都會揀有berries既yogurt，而今次揀左呢款巴西莓香脆麥片乳酪，佢個賣相好吸引！🥰巴西莓香脆麥片乳酪🥄✨💲33呢款希臘乳酪加左巴西莓、香蕉、藍莓、南瓜籽、烤椰子片同埋烤杏仁，口感豐富、層次分明。椰子片同南瓜籽既香味未食已經聞到，正吖！香蕉同藍莓都好新鮮，美中不足既係藍莓個份量可以多返少少。

呢間野既野食都係比較貴，但今日都試下，lunch time見到有個chicken mushroom wrap，$46 都幾抵，因為個wrap都幾大舊，之後見到隔離既櫃有熱架，我就買左個熱既wrap，返到公司仲熱辣辣，個包裝好細心，1/3位置有得撕開，咁就唔好整污糟隻手，食得比教斯文，第一啖個皮好脆，之後食到餡，好大舊雞同磨菇，仲有拉撕芝士，勁好味，但係男仔就應該唔夠飽，$46算係幾抵，下次可以試埋佢既沙律同三文治。

中午用午餐嘅時間走咗去做運動🏋️‍♀️，做完運動，即刻去Pret 買個高蛋白午餐返公司速食😆，希望增加吓多啲肌肉💪🏻，我今日揀咗：Pret’s Protein Box $64呢個蛋白盒味道唔錯，裏面有雞肉、雞蛋、沙律菜同埋果仁，配埋佢自家製嘅沙律汁，好清新，感覺好健康。但係....點解雞肉嘅份量少咗咁多嘅，有啲失望😅。Dairy Free Overnight Oats Bowl $37呢個overnight oats 係用含豐富蛋白質嘅奇亞子浸發，配料好豐富，有好多提子🍇乾，杞子及果仁碎，甜度適中。

今日難得係中環食早餐，又唔想去去平時食開既快餐店，豬先生揀左衣間coffee shop,有好多麵包，三文治，yogurt，通粉同飲品提供豬先生叫左一杯熱朱古力同一碗蕃茄湯通粉，杯朱古力既朱古力味好濃，如果中意甜d可以自己再加糖，豬先生就覺得岩岩好，個蕃茄湯通粉好多料，有青瓜同洋蔥，蕃茄味幾濃，份量岩細食既人我就叫左一個蛋沙律三文治，價錢好平都唔洗二十蚊，仲有其他配搭可以揀，三文治份量對我尼講岩岩好，味道不過不失，正正常常