Rainbow Bistro (已結業)

只係叫個外賣，用支付寶俾錢，個櫃檯收銀職員就講咗呢番說話仲要串住嚟講，→咩～你咁大個人一啲現金都唔戴架咩←我哋係消費者，我哋鍾意俾現金又得，支付寶又得，就算被卡都得，係我哋嘅自由。點解你要咁樣講嘢，一啲禮貌都冇，我唔理你係老細啊定係員工，對住顧客係咪應該有禮貌地對待，一定唔會有下次，唔會再幫襯。講埋呢啲說話，一啲都唔用吓自己個腦，咁樣會令到你地少咗好多顧客，希望店員見到或者老闆見到，同你啲員工傾吓呢個問題啦，如何有禮相待顧客。

明明出面餐牌有的午餐，坐低左先講冇乜冇物，到用QR code落左單才講冇飯，要改意粉。朋友食左半份餐，叫人才追番兩個餐湯。我的雞扒意粉仍未到。朋友食飽，我的餐才到。雞扒又乾又“嚡”，普通茶餐廳比這間好得多。意粉份量少得可憐，但朋友的份量又足夠喎。仲要有加一！我入去時只得一枱客，他們已食飽傾偈。居然出餐慢，又漏餐湯給我們。後來坐多幾枱人，還有外賣，他們都係得個等字。抱歉，附近仍有其它食店，不會再來這裡。

超級 超級 超級 難食 完全冇心做比客人食 難食到鎮 跟本食唔到落肚 白白浪費金錢 時間 食物差 中午遠要收加一 。冇服務 這麼難食的食物 跟本係唔新鮮 真係伏到 冇朋友 以後唔洗錢 都唔會去 有心做 就做好些 怪不得其他人的評論 話仲伏 自已唔信 要自已試了 才可以作判斷 今次真係真心體會到

第一講野食先，我叫左個明太子煙三文魚意粉同肉醬蛋包飯，黎到兩碟都少得可憐，女仔都唔夠食可況係男人，仲要惗住share 俾個小朋友食，再，食完貴格唔飽，佢叫野飲減15蚊，都要成30蚊杯，都唔知佢減左D麥，叫左杯咖啡flatwhite都叫做還可以，明太子意粉真係同其他食評講既一模一樣三文魚得三小片，意粉又硬又乾唔好食，明太子個味道ok但意粉乾到唔想食，但真係好細碟唔飽，你呢個價錢都起碼要俾人食飽呀咁菇寒，唔通真係為靚打卡咩。個蛋包飯真係好普通，一般...個飯真係好細，好似得半碗飯size咁...到講服務一入到去，唔知係咪冇咩人，都好好招呼你，幫你攞bb櫈同餐具俾你....但....佢真係同其他食評講既一樣，真係一杯水都冇......叫先至攞俾你...同埋佢都好唔環保，下下都用熱飲紙杯。。。。仲有我咪叫左杯咖啡....初時我都惗住環境咁靚，惗住有杯咖啡靚靚映下相，惗住有拉花個d,但sorry,唔係，只係俾左個裝熱飲既咖啡杯俾咖啡你，麥花都冇(我知我唔應該預佢有-.-),佢拎過黎又冇咖啡糖&棍俾我，問佢先俾我，張枱最基本連糖，西餐胡椒鹽都冇擺枱面，牙籤又冇，得餐具同餐紙.....收錢同其他食評

忍唔住，第一次寫食評，未食過咁難食嘅牛肉漢堡，塊肉已經夠細塊，濃到似柴，未食過咁難食嘅蛋包飯，得個鹹字，真係伏，伏，伏，午飯時間，如果不是要趕回公司，一定退貨，不吃。以後請我都不去！

咁日帶仔仔去虹方商場嘅Play house玩玩到中午肚餓就搵野吃本來同工人姐姐都霖住過朗屏邨吃晏但係仔仔話要吃意粉，吃完繼續玩點知一落到地下就見到呢間餐廳從外往內看被他們的裝修吸引了於是工人姐姐就話不如近近地吃啦因為吃完可以即刻上返play house玩於是就入左去吃耶一入到去個電視竟然播緊Cocomelon正呀！阿仔勁開心，話有電視看於是坐低點左兩個卡邦尼意粉另外點左一杯檸檬士多啤梨汁個意粉一上台馬上整俾阿仔吃吃左一啖之後，阿仔突然講句「好好味」之後都吃左幾多下，仲話要玩完外賣回家吃卡邦尼意粉，係我吃過最最最好吃嘅卡邦尼杯野飲都非常出色，檸檬係用香水檸檬下次一定會帶我最愛吃意粉個姨甥女來吃

忍唔住要打食評，因為太差今日餐廳已經算多人。因為旁邊2間餐廳要裝修，D人應該唯有入去食呢間。但都係唔洗點等位。入到去...點完餐喇，水又唔比。等左好耐先有餐。放低個餐 眼都凸埋 咁細份既...我點 明太子煙三文魚意粉。明太子變左蟹籽。煙三文魚又少得可憐。2小片開成4小片 鬆鬆地咁卷埋 睇落好似好多咁朋友點既白油煮帶子意粉 無酒香味，又成碟油淋淋...帶子明顯2粒 再細分做4粒全部散叫。一個意粉$98 加一 小數點後四捨五入。食完現在覺得好口渴。不停飲水大家食完唔覺飽。只覺得有固體野入左肚...希望無人中伏

諗住出黎食個午餐🍱 再去剪髮💇‍♀️ 行行下見到好大舊烏雲🙀 馬上由茶記變成想chill下（好像沒有關連🤪）呢間餐廳以彩虹🌈雲朵☁️為主題 地方闊落 悠閒metime 或者JM傾計💬都適合呀😎當日餐湯係 南瓜🎃湯 碗上有可愛既小彩虹🌈 主食就叫左 明太子煙三文魚意粉 醬汁滑溜濃稠 不過食食下略嫌有點飽漏🫢包茉莉/ 烏龍冷泡茶一杯 🥃 或者+ $20升級任何飲品 因為唔想飲凍野 最後+$ 揀左 #中杯抹茶拿鐵🍵粉紅色🩷紙杯 少女心⬆️但個人偏向用返玻璃杯環保啲♻️👻

好耐冇同妹妹一齊單獨出去食玩 搵日大家放工一齊去食飯 覺得呢間餐廳以彩虹🌈同埋兔子🐰做主題好可愛 食物都抵食 所以就揀呢間餐廳✨晚餐套餐（包括沙律或餐湯）：東部風味手撕豬漢堡配薯條🍔🍟 $98成個漢堡都好大 個蛋係太陽蛋 流心出黎好好食 手撕豬肉有燒烤醬的味道 仲夾住蕃茄🍅洋蔥🧅同埋沙律菜🥗 當然唔少得係薯條啦♡餐湯今日係蘑菇忌廉湯 蘑菇超多同埋好有咬口♡凍手打鴨屎香香水檸檬茶🍋 $20似出面飲果d手搖飲品一樣 味道同普通檸檬茶唔同 呢個有陣香味 清新d✨晚餐套餐（包括沙律或餐湯）：♡紐西蘭肉眼扒 $208賣相唔錯 牛扒幾大塊而且唔韌 有薯條同埋瓜做配菜 另外仲有3個醬汁可以食牛扒同埋薯條 我最鍾意係明太子沙律醬♡凍特濃朱古力🍫 $20冇得調教甜度同埋冰度 飲落比較甜但係個朱古力好厚身既感覺✨小食：♡雞皮餃子🥟 $48呢個餃子好特別 第一次試用雞皮做皮既餃子 食落好脆同埋好香

元朗可愛彩虹主題CafeSet dinner送是日沙律或是日餐湯蘑菇湯好夠濃縮入味，濃黏度剛剛好有一種Creamy嘅口感！1️⃣肉醬蛋包飯 $78蛋包飯真係好難處理得好味，但係今次就有驚喜，首先半熟嘅炒蛋剛剛好，包裹住有入味嘅飯粒，食落仲要係日本米大大粒好有口感，加上蕃茄肉醬，整體嘅配合每樣一層一層將好味再升級！2️⃣東部風味手撕豬漢堡配薯條 $98特別嘅醬汁配以啖啖肉嘅手撕豬肉，真心濃而不油膩，再加上太陽蛋同埋新鮮嘅爽口生菜，一口咬落去真係好惹好滿足，仲有熱辣辣嘅薯條做配菜，總體嘅性價比真係好高好抵食！跟餐送烏龍茶（凍）椰香芒果沙冰（凍)（特飲+$20）Asahi $68自家製鹽酥雞粒 $48金黃香脆嘅鹽酥雞，啖啖肉好滋味，香脆嘅外表查剛剛好加上咬落去鮮嫩嘅雞肉，啲肉汁加埋鹽酥口味真係冇得彈！燒棉花糖餅乾pancake $68甜品一定要試吓佢嘅pancake，仲配上咗朱古力雪糕，加上去燒過嘅半溶棉花糖，連埋朱古力醬，成個口感好甜好豐富！加一服務費Rainbow Bistro (元朗)元朗宏業南街22號虹方地下1號舖

約左住附近既朋友食lunch，打算去返呢個位置食，但原來已經轉左名，但同樣食西餐，所以照入去食lunch。餐廳環境無咩改變，不過多左好多彩虹，睇到心情都開心啲！呢度既lunch有8款，以呢個位置黎講價錢比較進取。Lunch會包是日沙律或是日餐湯，再跟一杯指定飲品。是日餐湯系南瓜湯。煎雞扒蛋包飯 $78貌相ok，以為食西餐為主，點知有蛋包飯 ，好日式feel，咖哩汁有少少洋蔥同薯仔，煎雞扒正常，都算大塊，蛋包飯既飯似西炒飯，略嫌啲飯比較濕。卡邦尼意粉 $88卡邦尼意粉幾多煙肉，卡邦尼醬汁比較多，食得多會有啲膩，2個人share 2個餐就最好不過。炸吉列蝦 $48（跟餐可減$15）吉列蝦有3隻，正常size，有5款醬可以揀，我地揀左松露沙律醬。凍烏龍茶 （跟餐免費）宇治丸久小山園抹茶鮮奶latte （跟餐加$20）餐牌：

♡ —————— 𝗗𝗲𝘁𝗮𝗶𝗹𝘀 —————— ♥【餐廳】Rainbow Bistro【地區】#Dr_eat_元朗【價位】中價位【用餐時段】晚市 星期五【餐廳主打】#Dr_eat_CAFE────────────────────【環境/服務】店內以彩虹為主題裝修，到處都係可愛又具特色既打卡位。無論係室內定係室外，都是超級適合影相既地方! 老細仲好Nice，值得一提，Café好歡迎帶埋自己既主子黎呢到用餐架，又有多一個Café比大家同埋主子食下野影下相啦~.【用餐流程】QR Code落單.【餐牌】.【煎香芹芫荽蝦餃子 $48】餃子外皮煎得香脆，一口咬落去，蝦肉鮮甜而芫荽清香提味，餡料十分足夠又皮薄~.【煎玫瑰雞扒咖哩蛋包飯 $108】雞扒煎至外脆里嫩，日式咖哩汁濃郁而吾會太重口味，配合水嫩滑蛋同珍珠米，啖啖都充滿濃郁既咖哩香氣濃，套餐送埋南瓜湯，味道清甜綿密，另外仲可以+$20升級任揀飲品一杯，如梳打，特飲等，我就試左最近好hit既手打鴨屎香水檸檬茶，檸檬茶加入鴨屎香，清新可口又解油腻!.【招牌雞扒漢堡 $88】大片厚切香煎雞扒配上太陽蛋，洋蔥，生菜一齊夾係軟軟既漢堡包中，用料豐富，每一

Rainbow 樓下好多野食今次試下依間西式cafe成間舖都用彩虹為題色彩繽紛好開心有室內同室外位煙三文魚忌廉汁意粉煙三文魚砌左個花有心思忌廉汁好creamy~意粉口感岩岩好煎玫瑰雞扒咖喱蛋包飯推介咖喱蛋包飯！咖喱個味有輕微辣辣地撈飯食一流～上面塊蛋好滑雞扒一大塊，食食下就食哂成碟！單骨雞翼炸得好香脆，雞翼又入味仲可以揀醬料，沾埋蜜糖芥末醬又有另一種味道薯條薯條份量好多！食極都食唔完甘蜂蜜荔枝烏龍茶荔枝味好出～但又唔會好甜仲比埋外賣杯，飲唔哂都可以拎走椰香芒果沙冰椰子味唔算濃，芒果味比較出少少沙冰好滑身～

Rainbow Bistro｜彩虹打卡cafe｜ 卡米飯團 –．–．–．–．–．–．–．–．–．–總括💬：空間感大，坐得舒適，感到特別chill～環境：9/10 | 味道：8/10服務：9/10 | 抵食：8/10————————————————平日好少行黎朗屏呢邊，原來都有好多唔同餐廳今次同米菲黎左Rainbow Bistro搵食配合返主題Cafe有多個彩虹打卡位及白雲吊飾，仲有霓虹光管牆打卡都唔錯－餐廳用QR code 落單，有dinner set提供包餐湯或沙律，主菜同飲品，跟餐有茉莉/烏龍冷泡茶 (+$20可升級任何飲品) 主菜有肉類、漢堡、意粉外，仲有all day breakfast 提供，都幾多選擇－ ▶️ 湯－是日餐湯係蘑菇忌廉湯，入口香濃，飲得出蘑菇香味▶️ 沙律－沙律菜配上芝麻醬，清新開胃 －▶️ 紐西蘭肉眼扒以鐵板盛載，自己淋汁。有薯條＆蔬菜拌碟好貼心將茄汁、芥末 ＆ 黑松露沙律醬隨碟附上肉眼扒口感軟腍 －▶️〈推介👍🏻〉彩虹全日早餐有煙三文魚、野菌、薯餅、煙肉、炒蛋、豬肉腸、茄汁豆、沙律菜及吐司等，一次過可以食到多款食物，啱晒貪心嘅我 －▶️ 〈推介👍🏻〉手打鴨屎香檸檬

~彩虹全日早餐($118)🍳邊個話夜晚唔可以食早餐😂，不過我都係第一次夜晚食ADB🤪。呢個有最簡單嘅煙三文魚🍣，法蘭克福腸🌭️，煙肉🥓，炒蛋🍳，薯餅，沙律菜🥗，茄汁豆同黑糖麵包🍞。終於唔係牛角包或者普通吐司，黑糖麵包幾出色🤓。~紐西蘭肉眼扒($208)🥩細佬永遠食西餐都係要鋸扒🙂，呢度冇得揀想要幾成熟⏳，出到嚟大約係七成左右🤔。配菜配咗翠玉瓜同薯條🍟，醬汁除咗有牛扒汁之外仲有蛋黃醬同芥末汁，可以自己配搭牛扒同薯條🤓。~特濃朱古力(跟餐+$20)🍫雖然唔係黑朱古力，但朱古力味濃得黎都唔會太甜😗。 ~彩虹賓治(跟餐+$20)🌈呢杯打卡一流呀📸，好有夏日嘅感覺。味道就同普通賓治一樣🤣。