Rainbow Cakery (已搬遷) 新店位置

第一次寫食評，因為我和朋友們都對這個冬甩塔實在極度失望。我在 社交平台 看到了母親節版的冬甩塔，造功精緻，每一個冬甩也有特別的裝飾如兔型，花型的小朱古力或半邊閃粉等。收費$588, 38個 mini donuts, 即大的$15一個 。我看圖 + 合理化，預算一個 mini donut 應有一片檸檬切片大小吧。 但我昨天父親節收到的是一座共高大約一隻半手掌的塔。mini donuts 的大小只和水泡餅一樣 ！ 所有冬甩只有一種主調藍色和白點裝飾！唯有低嘆理想和現實完全不同！！ 最後為了滿足7個爸爸和 十多個小朋友們，我去了地鐵站餅店另買了個滿佈水果的蛋糕，只是 $200 以下！一個字，伏！

一直都想試下星球蛋糕，但ig好多店都賣得好貴，呢間竟然賣到一百蚊有找咁平🤩 襯男朋友生日，私心就試試佢🤪 由於兩個人胃口有限，就唔訂做了，訂做份量較大。於是就walk in，當日2:00pm到店，都仲有多款蛋糕選擇👌🏻 蛋糕顏色同餡料味道都係預設好，每日隨機，本身想試有麻薯餡，但顏色唔岩心水。最後買左藍白色既美祿脆脆餡既星球🪐🎂 本身打算凌晨12點食，由於當晚食得太飽，所以留到第二日朝早當早餐食☀️ 壽星仔都扑左一陣，先敢大力啲，但發現中間連接位置愈來愈鬆，最後扑穿左少少之後，個星球就上下移位了🥲 雖然隻公仔唔係重點，不過都好彩係藍色，襯番個藍色星球🌍 至於味道方面，比想到中好食😋 雖然係隔咗一晚，但蛋糕口感都幾鬆軟。由圖所見，面層有朱古力磅，然後到美祿味慕絲夾層蛋糕🍰 蛋糕層仲有少少脆脆粒👍🏻 我同男友都一致認為好食😋 $98定價真係好良心❗️服務:💛💛💛💛推薦:💛💛💛💛💛

好味指數😋😋😋回頭指數⭐️開心指數🤗🤗🤗🤗呢間嘅星球蛋糕一直係我嘅wish list，成日都諗佢會唔會好多人，要唔要排隊，會買唔到呢？原來下晝時段間店好靜，雪櫃都仲有幾款星球蛋糕！本身$98嘅選擇入面係有隨機公仔，不過公仔唔係我哋特別想要嘅嘢，都係從口味去揀！🍴阿華田 x 麻糬 星球蛋糕（$88）店員小心咁放入盒仲貼上靚靚貼子，仲話1小時內都唔使放雪櫃，帶到返公司做咗一陣嘢就開嚟食！冇再雪佢，應該一個鐘鬆D! 打開個盒，真係好靚呀～😍本身以為好易整開，原來外層嘅白朱古力都幾硬wor! 一嘢係整唔爛嘅～ 要用好大力咁敲落去，差唔多將上半球都推倒先敲得開（即係其實上下半球唔太貼得好）！敲碎咗之後入面見到有D餅碎，有阿華田cream，下層係海棉蛋糕同麻糬！要攞走上半球嘅白朱古力先切開到！整體上係偏甜（因為本質上係成大舊白朱古力），海棉蛋糕好鬆軟嘅，麻糬份量好少，唔太食到煙韌感，有微量阿華田味，因為已經被白朱古力味蓋過咗！整體上係打卡&IGable only, 好玩但一般好食，除非你勁鍾意食白朱古力～ 基本上玩一次就夠，唔太會回頭再買！

🌈🌈🌈🌈🌈🌈🌈🌈🌈🌈🌈同屋企人慶祝生日🥳🥳🥳🥳買左個星球蛋糕等小朋友有得玩👶🏻以前媽咪話天上星星都可以摘比我⭐️⭐️⭐️⭐️⭐️⭐️⭐️⭐️⭐️⭐️⭐️而架我連個地球都可以比佢🌎🌎🌎🌎🌎🌎🌎🌎🌎🌎🌎入面可以揀唔同蛋糕呢個入面係brownies🍫 朱古力味濃郁仲可以同店主要求入面有唔同公仔大人小朋友都中意而且性價比超高👍🏿 幾十蚊就有一個‼️

身邊總有一個女仔朋友希望有個星球蛋糕同佢過生日呀，但是但一間網店買，閒閒地都要四五百蚊，價錢一啲都唔平。今日約左朋友喺葵芳慶生，無意間搵到葵廣呢間Rainbow Cakery，佢既星球蛋糕價錢非常親民，味道選擇多，一百蚊都唔洗，性價比極高。咁岩有兩粒五月之星，一人一個星球蛋糕，佢地收到好開心：）

🌎夢幻星球蛋糕(阿華田味) $88 ✔️有麻糬，但好少好少好少😹✔️有個錘仔：好fun又Igable✔️偏甜、好多朱古力✔️蛋糕口感、味道可接受，主打外貌😆✔️食倒有阿華田味嘅👻Kwai fong chocolate ball-Mochi inside!-Fun and igable-Too sweet but lots of chocolate-Ovaltine flavour 打卡度Igable: 9/10美食度Taste: 5.5/10 翻兜度 Worth revisiting: 4/10

👨🏻‍🎓之前P仔有朋友生日，可以食嘅又方便買嘅連鎖店就好似得A-1同La famille，但係成日食呢兩間有啲悶就想試下新嘢。🪐咁啱之前有一次喺IG就見到葵廣有間賣星球蛋糕嘅黃色小店叫 @rain.bow_cakery ，見唔少人買嚟用個鎚仔敲下敲下咁嘅得意，於是就買咗嚟試吓！🍪P仔喺佢朝早開舖冇幾耐就去買，點知去到都已經有人排緊隊。喺咁多隻味裏面P仔就揀咗Oreo麻糬口味，入面仲會有隻隨機款嘅公仔，今次就拎到史迪仔嘅朋友甘仔，都幾得意。🍫講下佢嘅味道方面啦，其實佢基本上就係分咗4層，最外層嘅星球造型就係都幾甜嘅朱古力；而入面最頂就係有啲Oreo碎嘅Cream，下面有啲蛋糕，最底仲有啲牛奶麻糬。🍰Cream方面佢都幾滑，配埋Oreo碎食都幾香幾好食，再配埋軟綿綿嘅蛋糕食都幾唔錯；至於牛奶麻糬都幾好食，但係份量偏少，存在感有啲低咁。🍽整體嚟講呢個星球蛋糕算係唔錯嘅，賣相同驚喜度都幾高分，食落嘅味道等等道正正常常都唔錯咁，覺得想食啲特別啲嘅蛋糕都可以試吓嘅！

之前佢哋開業嘅時候 試食過佢哋嘅士多啤梨味🍓今次就試吓另一款😌以前買好平 依家貴左 不過就多咗隻隨機公仔喺入面 扑開先知咩嚟都幾驚喜🧸.📌Oreo麻糬星球蛋糕 $98記得之前食係忌廉同mousse為主 海棉蛋糕嘅部份得好少 不過依家應該改良咗 多番啲蛋糕🍰整體食落冇咁溜😝海綿蛋糕口感幾濕潤 甜度啱啱好🤤但係因為Oreo忌廉嘅比例較少 所以就算有啲Oreo 碎碎食落都唔重oreo味☹️同埋麻糬都得好少 存在感好低 幾乎食唔到咁濟😭好鍾意呢到嘅白朱古力外殼 除咗睇得仲食得❣️佢唔係假朱古力味 幾好食😋不過就偏甜咗啲🥺

#pb食在葵涌 #pb支持黃店💛扑得穿的星球🪐@rain.bow_cakery成日見人玩呢款扑扑蛋糕 今次終於到我試下扑啦🤩 呢間係葵廣入面嘅夢幻星球蛋糕由2020年開業一直都人氣高企😍 10cm嘅扑扑蛋糕只係$78-98 雖然唔係好大個 但係同朋友gathering買黎開心下真係幾抵❤️.星球蛋糕每日新鮮製造 門市款式日日唔同🤪 我個日5點去到得番3種味 所以都建議大家早d去咁就多d味道揀🙈 佢有d係有麻糬 有d係冇麻糬😋 同埋大家揀嘅時候都可以問下有咩顏色🌈🔹阿華田 x 麻糬口味🎂本身想試Oreo x 麻糬 不過佢冇哂粉紅色😆 粉紅白嘅漸層好靚 好夢幻💕 外層係白朱古力殼 食落少少甜😋 入面有阿華田mousse同原味海綿蛋糕 食落唔會好漏 但係又有好濃嘅阿華田味😍 加埋中間軟糯嘅麻糟 口感更豐富👍🏻 略略嫌係個海綿蛋糕可以做得再鬆軟d🤪.估唔到個外殼都幾難扑 大家扑嘅時候記得大大力扑落去🤣 整體呢個扑扑星球蛋糕真係幾抵食同抵玩😍 真係要瘋狂買黎慶祝用💛Rainbow Cakery葵芳葵富路7號葵涌廣場1樓B65A號舖

Being so close to my workplace, I finally got a chance to buy this for my lunch. It definitely looked pretty with its marble pattern and planet features. I decided to remove the top gently instead of smashing it to avoid making a mess. The oreo mochi was delightful and surprisingly the chocolate exterior was not too sweet and I was able to finish the whole cake with ease. They have larger cakes costing around 300 for celebrations. Look forward to trying their other colors/flavors.

扑扑蛋糕已經流行咗一段時間，但我都係第一次買畀小朋友，佢異常興奮！星球造型蛋糕超靚！小朋友指定要Pink一個，thx！每個蛋糕都係人手每日新鮮做，有多款口味可以選擇，今次我地就揀咗美綠脆脆，面層仲有啲朱古力碎，口感豐富，蛋糕軟綿綿，蛋糕入面仲會隨機送一隻公仔添！3眼仔cutecute！$98黎講都幾抵，有得食又有得玩！㊙️不過建議雪櫃拎出黎灘一陣先好扑🔨！如果唔係會太硬，小朋友初初扑極都扑唔到！

地球蛋糕: 大$68/ 小$48.平民價錢的敲敲蛋糕，外殼是白朱古力，入面是Oreo麻糬和蛋糕，味道完全不甜，一人吃一個也ok，不過白朱古力就好難一個人KO啦😂除了很出名的星球蛋糕，還有鮮奶麻糬跟件裝蛋糕🍰.黃豆粉麻糬口味比較香口日系，口感軟滑，有奶香味.Oreo麻糬味道剛好，食完不會滯，不會太甜.黑芝麻芝士蛋糕質地香滑，芝麻味道很出.傳統藍莓芝士有驚喜的感覺，芝士味香濃，濃而不膩，藍莓酸甜道剛好，質地不會太厚實，容易入口.

Rainbow Cakery主打夢幻星球蛋糕，價錢相當親民，開業至今一直大受歡迎！除了星球蛋糕，還有北海道3.6鮮奶麻糬。蛋糕口味選擇多，每天新鮮製造。10cm 星球蛋糕 - 蜂蜜口味 ($98)店舖會附送小木鎚，讓客人可以扑爆星球，有得吃又有得玩！打開外殼看到內藏公仔，而且灑滿玫瑰花瓣，令少女心大爆發。不單止賣相夢幻，亦充滿驚喜！(提提大家公仔款式是隨機的。)蜂蜜味香濃，忌廉軟滑，蛋糕鬆軟濕潤。店舖最近還推出了精靈球蛋糕，喜歡捉精靈及打卡的朋友切勿錯過啦！

前幾日又去咗葵廣掃街 見到呢間賣星球蛋糕排晒長龍😆 但係又食唔晒一個蛋糕 於是就試咗芝士蛋糕🍰🍰New York Cheesecake $60 for 2pc呢款原味嘅cheesecake 上面有啲玫瑰花瓣🌹 好靚 打卡一流😍😍 另外個cheesecake 完全唔膩 好香芝士味之餘仲有啲玫瑰花🌹嘅花香 好特別❣️🥭熱情果芒果cheesecake 呢個好重熱情果味💛 同cheesecake 好夾 佢唔太酸 但係又可以中和返cheesecake 嘅膩 食落感覺輕盈 好快就食晒一舊🤣

朋友買給我的生日蛋糕，見到第一眼不禁大叫Kawaii😍，很夢幻！夢幻星球蛋糕$98這個蛋糕有不同顏色和味道，例如粉紅色紫色黃色等，她最後就選擇了這個最接近地球感覺的藍色。味道則有玫瑰、Oreo等等。蛋糕可以打卡可以玩可以食，一次過滿足了三個願望！吃之前要用附送的錘仔打星球的表面，要用上一點力度，給我打，往死裏打（笑）！原來是朱古力味星球！蛋糕內還有一隻隨機公仔，我的是可愛的貓貓🐱，但不可以吃的啊。味道方面，星球的表層其實就是一般蛋糕的糖牌，味道偏甜，牛奶味的。而裏面則是海棉蛋糕，配合上方的朱古力來吃，不太甜還好。總括而言這個星球蛋糕玩樂味甚高，相信收到的朋友應該會很開心。一個細的蛋糕，兩個人分剛剛好。聽說還可以訂購5吋大蛋糕，不過對我來說，細細個就已經很足夠了。