Rainbow Cakery (已搬遷) 新店位置

本身就想試下呢類港女打卡蛋糕見有得打下扑下佢好過癮都對佢實際味道無乜期望㗎啦試完都覺得真係唔需要再試首先係去到就問店員幾多錢因為佢係完全無價錢牌店員就答78蚊起佢叫我揀咗味道先咁佢態度都係衰衰哋其實上網睇係48蚊個咁佢可能promotion完啦我就指住一個 問佢呢個係幾錢佢都係答78蚊起完全答非所問 佢都係叫我揀咗味先啦呢個態度真係好惡下但我同朋友就好想試 都係照揀個阿華田麻糬味佢個樣係真係幾靚嘅但味道好甜聲稱係阿華田麻糬 但麻糬得一粒得手指尾咁細舊又唔係無嘅但好無誠意真係唔會再試

係葵廣行行下見到之前好出名既扑扑蛋糕，不過今次就冇試，反而試左佢地既麻糬同芝士蛋糕！————————❦ 北海道3.6鮮奶麻糬 (Oero) $28麻糬好軟糯，超級動L，牛奶味好香！Oero配牛奶真係冇得輸，勁夾。評分：🌕🌕🌕🌕🌑-❦ 北海道3.6鮮奶麻糬 (阿華田) $28比起Oreo阿華田就甜d，不過都好味！評分：🌕🌕🌕🌖🌑-❦ 黑芝麻芝士蛋糕 $32黑芝麻味幾出，甜度較低，岩哂我！評分：🌕🌕🌕🌖🌑-❦ 焦糖朱古力芝士蛋糕 $32呢款會甜d，但芝士味反而出d，好香👍🏻評分：🌕🌕🌕🌖🌑

自問自己蛋糕真係食唔少（也整唔少），高級平民都食，真係唔明點解會咁多人讚呢間？非常普通的蛋糕（唔會特別香，唔濕潤，美x 4蚊件個d質數）加cream加士多啤梨(大約2，3粒士多啤梨切粒)餡,整個朱古力皮，外皮都唔精緻，又過甜，做到佢哋嘅質素唔難整，咁就收88蚊，絶對唔值，同任何嘅普通西式舖頭畀呀，東x堂,美x,a1都遠好過佢，我都唔同你講酒店嗰啲甜品比較呀。成個蛋糕同埋定價簡直係貴。佢地舖頭細細又沒什麼裝修，而且只有外賣。我真心唔明點樣定價。其他舖頭的星球蛋糕比佢精緻多了。

葵涌廣場一樓新開幾個月嘅Rainbow Cakery已經成為新寵！因為小店價錢便宜外，賣嘅甜品真係幾有心思！北海道3.6鮮奶麻薯 、芝士蛋糕同超級受歡迎嘅星球蛋糕每日店內提供口味會有所不同，以到店時為準！上次紀念日就買左個星球蛋糕增添儀式感。今次就試下店主推介北海道3.6鮮奶麻薯，阿華田口味動L動L，口感軟糯綿密，好香牛奶味～Oreo 口味口感同樣軟糯綿密，比阿華田口味再甜少少。每款$28藍莓芝士蛋糕 $32芝士蛋糕口感紮實，藍莓味突出，餅底亦重牛油香焦糖朱古力蛋糕 $32焦糖味比朱古力味突出，餅底是同樣牛油香。

今日經開葵芳見到之前好出名嘅星球蛋糕就諗住試吓啦三點嚟到都仲有成10個唔使排隊店員話唔同嘅口味會有唔同嘅顏色今次帶咗阿華田麻薯夢幻星球蛋糕 $88後尾睇返其他人嘅食評先發現原來加咗價可能自己返屋企雪左一陣 所以拎出嚟嘅時候都幾硬 打唔碎 要好大力先得然後啲朱古力水飛到周圍都係出邊嘅星球白朱古力片都幾甜下然後入面阿華田味唔係好重我覺得係得嗰幾塊餅乾碎🍪先係有阿華田味成個蛋糕都幾淡無乜味麻薯都係得少少🤏總結來講係好睇唔好食 主打外貌囉 食一次就夠了

大家知不知我手上拿著是什麼甜品？是由 @rain.bow_cakery 出品的鮮奶麻薯系列的其中抹茶紅豆鮮奶麻薯 和oreo 鮮奶麻薯！除了這特別小麻薯甜品， 其實有其他蛋糕食品， 其中我都好喜歡的還有同樣自家制用北海道3.6日本鮮奶所制成的芝士藍梅蛋糕和濃香的黑芝麻芝士蛋糕啊！ 這小店用心堅持用上北海道3.6日本鮮奶自制各款甜品，自然是奶味濃香又特別可口！葵芳店-rainbow cakery 葵興廣場1樓b65b鋪

🌈 The Planet Blueberry Cheesecake 😋It was such a sad moment when the chocolate shell was already broken into half during transportation 😭😭😭But managed to assemble it for 📸😂Still had some fun by trying to break the shell into pieces, but it just wouldn't break! The shell was literally too hard and thick! Btw, the shell was made of white chocolate, so obviously it was too sweet for me. Surprisingly, the blueberry cheesecake tasted fab with mild sweetness. I bought a large one and a small one. The

我平時去好多唔食店周圍試食從來無寫過食評，呢個蛋糕令我覺得絕對要寫網上見到呢間蛋糕好多好評同贊，無人寫負評我決心做第一人唔好食，太甜，好似食緊啖啖砂糖唔好食，太甜，好似食緊啖啖砂糖唔好食，太甜，好似食緊啖啖砂糖重要既野要講3次我買既係玫瑰味星球蛋糕（大）$78，有d貴，但因為其他味已經賣哂，只能買這款包裝，蛋糕外觀都好靚，打卡一流打開入面無麻糬，無卡通公仔，只有原味蛋糕+玫瑰花辨外殼係白朱古力做，味道都ok個內餡蛋糕d cream 同個蛋糕食落質感都OK但個蛋糕唔得，我買既係玫瑰味，除左上面有玫瑰花辨外，完全食唔到玫瑰味，完全係原味蛋糕而且太甜，我完全覺得我食緊沙糖，唔係食緊蛋糕，仲甜過我前幾日Ikea食跟餐果件朱古力蛋糕總結：外觀~打卡一流，味道~太甜

葵涌廣場啲店轉得好快，又有新開嘅甜品小店，以彩虹為主題🌈，甜品都相當精緻，好啱打卡。🌏星球蛋糕 $58🌏鮮奶麻糬 $28見到咁靚嘅星球蛋糕差啲唔捨得扑爆佢🥊，不過就算扑佢都扑唔穿，有片有真相📹，大家睇下靚女已經用咗九牛二虎之力去扑佢，證明個殼堅料👍。最後都要我出馬🤞，好彩我平時訓練有素，運用陰力將個星球蛋糕一分為二！... 揭開咗佢✌️。原來入面係士多啤梨海棉蛋糕🍓，好甜美好軟綿嘅感覺☺️。至於鮮奶麻糬上面好多Oreo碎，煙煙韌韌得黎又有香濃嘅Oreo朱古力味，諗起都回味😋！

幾年冇行過葵涌廣場哩度依然小店林立比我發現到有間賣🔮星球蛋糕嘅小店外型十分吸睛又可愛❣️而且價錢都係48（小）/58（大）買嚟氹吓自己、送比朋友都會好開心😃阿華田牛奶麻薯煙煙unun嘅麻薯，好香牛奶味，配埋阿華田碎碎一齊食，雙重口感，好好味！士多啤梨味星球蛋糕一打開個盒已經聞到好香嘅士多啤梨味，外層咁靚嘅星球係白朱古力嚟，卜開入面就係慕絲+海綿蛋糕，面頭好多🍓，成個蛋糕酸酸哋、唔太甜，好味。Oreo切餅蛋糕夠滑，滿滿Oreo 味，鍾意食朱古力嘅你一定鍾意！

呢間好岩生日打卡生日得一兩個人但驚生日🎂食吾唒 咁呢d 小型星球蛋糕就岩唒係送埋木槌外觀係好靚 不過就太甜食唔到蛋糕味淨係好甜入面仲有麻薯 idea 等$100有找 買黎打卡係幾正

🧁阿華田 x 麻糬星球蛋糕 $$68阿華田mousse味道重但唔會太甜，非常好，食多啲都唔怕滯。中間仲好鬼馬咁收埋咗舊麻糬，連埋蛋糕食口感一流👍🏻🧁花生味鮮奶麻糬 $28花生超香，未開個盒都聞到，但分量可以多少少🤏🏻🤣 麻糬比較軟滑，唔係煙煙韌韌嗰種，奶味唔太重，加埋配料好好食😋喺疫情下開鋪真係非常佩服，大家可以多多支持。佢哋蛋糕同麻糬都有超多口味，例如Oreo/開心果/奶茶同各種水果口味。雖然佢哋每日都有現成嘅蛋糕，但最後訂定，咁就唔怕冇自己想試嘅味。

20號的約會又到啦🤩，今次買咗個超抵又有得玩嘅甜品蛋糕：夢幻星球🌍蛋糕 ，只係$68，真係好平💸，好抵，亞女見到勁興奮（其實我自己都好興奮🤪）有得玩有得食 ，仲好靚添，一個蛋糕滿足晒不同嘅要求，正呀！So Happy💕💖 今次揀咗開心果朱古力慕絲，雖然顏色怪怪地，但味道都唔錯，下次要試下其他味道先😁😋👍仲有好多味道，芒果、、藍莓迚芝士、Oreo等等，實有一款啱你口味噢😙除咗即時買，其實仲可以預訂，仲可以放不同嘅小禮物係星球裡面，可以送一個獨一無二嘅蛋糕比至愛親朋真，預訂就貴啲，不過都值呀！

第一次寫食評 忍唔住要寫出嚟本身見到覺得幾靚諗住預早訂 但我買個段時間係中秋節 淨係接受中秋節蛋糕 所以決定排隊買12:30開鋪 等咗半個鐘終於有得買 揀咗個oreo 麻薯口味 生日款 $388 已經比平時貴$100 唔緊要 好食就可以女朋友生日比佢扑個星球 挽下 一扑就發覺Oreo麻薯口味原來係冇麻薯 上網睇返原來細款 大款 都係有 今次真係驚喜 原來生日款仲cheap 顛覆價錢貴d就質素比較好嘅觀念 奉勸各位都係買細 大款 冇咩事都唔好買生日款 除非你想加幾百買個星球環😄

今日去左葵廣行街，終於都買左最近喺IG被瘋狂洗版既夢幻星球蛋糕，食得又玩得真係好有驚喜! 星球蛋糕有一人前/二人前或生日星球版供選擇，仲可以放小禮物入星球，勁有心思!重點係價格定位親民，由HK$48起，仲有多款口味、質地黏軟嘅鮮奶麻糬。 夢幻星球蛋糕賣相勁吸晴，附送小木槌，扑開朱古力外殼，面層係阿華田餅乾，中間有阿華田味慕絲，入口軟綿唔會膩，底層係濕潤綿密既海綿蛋糕，多層次口感且玩味十足。Oreo鮮奶麻糬口感超煙韌，甜度剛好，北海道3.6牛乳，濃濃鮮奶香，夾雜oreo碎，口感層次豐富。  好康優惠大放送，大家只需出示呢個post，買任何星球蛋糕就可用優惠價$18加購1份鮮奶麻薯! Rainbow Cakery地址：葵芳葵富路 7 號葵涌廣場 1 樓 B65A 號舖電話：5307 7098（只限 WhatsApp）營業時間：12:30pm - 9:30pm備註：1. 生日星球蛋糕須提早 5-7 日預訂2. 夢幻星球蛋糕加購生日牌，$10 起，建議提早最少 2 日預留3. 亦可於透過舖頭 ig（rain.bow_cakery）或 fb（Rainbow Cakery）預定