Rainbow Cakery (已搬遷) 新店位置

我先講左味道：藍莓同柚子都好味。不過我朋友們就普通，可能佢地愛蛋糕或其他味，另外🔨既效果拎唔到，因為星球殼較厚，佢地🔨左陣係上半球分開左，之後再🔨都唔係點爛😂以價錢黎講，屬於岩價位，同埋玩樂味道較重，佢地都愛玩第一次去買，其實之前已經wts過佢地問詳情，咁佢地有自動回覆功能，講左價錢及預訂期限，我有啲野再問佢，咁個日星期五，佢星期一先覆，咁唔緊要，之後我知道只有生日星球先可預訂，但由於我想買兩個細，因有兩個生日，星期一我就問佢地知唔知星期二有咩口味，因為我住得唔近，當然佢地無覆，好啦咁我就下午5點多去到，結果想要既味無晒，得返三種口味，咁都唔緊要，響我諗緊要咩途中，有客買，個個都會自動俾膠袋，我買左兩個，其中一個星球，甩左少少，佢就搵背後個個人整，但心裡諗，我買個個係生日用，而當時雪櫃明明仲有其他，係咪應該換另一個俾我呢？因為星球橙色，佢用黎埋口既係藍色🤦🏻‍♀️都算，之後我遲少少先拎，見人人買單個都自動俾膠袋，到我拎蛋糕時，竟然就咁俾我，我心裡o咀，我買兩個，唔係諗住我兩手拎一個丫麻？？之後我都無野既，有禮貌話可唔可以要膠袋，佢就俾我，簡單講，第一次買，唔算好開心囉，但依個星球係特別既

葵廣最近有個新既打卡熱點，就係呢間專買星球蛋糕既店..網絡上亦有好多人推介，我當然都要追下呢個熱潮啦~~為左呢個少女心星球蛋糕，我一個星期特登出左三次先買到..仲要係平日既4點幾先買到，買既時間得返3個，本身想買開心果口味，但遺憾得返奶茶味或Oreo味~~Oreo 夢幻星球蛋糕 大$68 色彩繽粉既外殼係白朱古力，味道偏甜....店舖附送錘仔大大力扑幾下就碎，內裏有oreo慕絲、麻糬、海綿蛋糕。口感都幾豐富，但倆個女仔食左幾啖已經覺得好滯了

小編前排見到好多Foodie👭🏻都有share到一間賣星球🌕蛋糕的小店 所以都即刻跟風衝去試試佢🏃🏻‍♀️ 一去到佢地的店舖門口即刻忍唔住嘩🤩左一聲D星球🌕蛋糕真係好靚 而且有好多唔同的口味可以揀❤️ 連行過的路人同小食店姐姐都即刻問我係邊度買 吸睛度非常之高 👀👀👀👀👀⁣⁣1. 芒果味🥭星球蛋糕🍰（小 $38）⁣聽聞外殼的花紋係隨着店主嘅心情而定🤣 所以係隨機的 外殼係用白朱古力🍫製作而成 送埋個搥仔🔨俾你 食得又玩得😜 裏面係滿滿的芒果🥭慕士 芒果幾甜 而慕士🍰就好綿滑 份量啱啱好可以一個人食晒 非常滿足😋😋😋 ⁣⁣2. 開心果朱古力🍫味星球蛋糕🍰（小 $48）⁣開心果朱古力🍫係小編的最愛 所以係必選 開心果味濃郁😋 朱古力係用黑朱古力🍫 食落唔會好甜 細細個 轉眼又可以鯨吞一個👄⁣

見到Ig洗版介紹呢排大熱的星球蛋糕，jo貪新鮮又去買來試下星球蛋糕 （生日款）（oreo口味)$308一打開就見到好夢幻的顏色！jo第一時間拎個鎚仔打，係咁敲都失敗🙈老公一敲就碎左😂打碎個刻好興奮🤣真係好好玩😆.出面係白朱古力，入邊係Oreo 慕絲海棉蛋糕，上面舖上麻薯，入口幾creamy比想像中好食呢，不會太甜太漏，濃濃oreo岩哂jo口味，oreo控可以一試！美中不足係麻薯可以多d🙈好食指數：😋😋😋😋麻糬 (抹茶紅豆)Jo中了giveaway去換，選了抹茶紅豆口味，抹茶跟紅豆永遠係絕配，香濃帶點澀的抹茶粉搭上甜甜的紅豆，再加上麻糬一定無得輸，仲要超多抹茶粉，正🤤麻糬質感偏軟滑再帶點奶香，不錯的，jo的口味就覺得再煙韌d會更有咬口(真係個人口味，老公反而覺得這口感淋淋地軟身質地剛剛好)好食指數：😋😋😋😋.價錢也很公道只係$28，有興趣朋友仔可以來試下呢，如果排唔到星球蛋糕，買個麻糬食也不錯🥰

差不多一個月前訂，叫左加兩隻公仔同寫字。拎蛋糕個陣「唔該」左成10分鐘都無人理，到有得拎個陣問番轉頭個蛋糕寫左咩字，原來係乜都未寫⋯要等多十分鐘先有得拎，到拎到個陣已經係35分鐘拎一個5吋蛋糕要35分鐘👍🏻仲要比漏捶仔要問番佢拎😆屋企人生日，當要想比驚喜，今次真係好驚喜🤗扑完蛋糕入面係無我要加的公仔🥳非常好的體驗👍🏻我成家人已決定唔會再幫襯😊希望你地繼續好生意😊

近排流行星球蛋糕熱潮，依間葵廣近間小店主打鮮奶麻糬同貼地價錢嘅星球蛋糕。靜到成個死城嘅葵廣竟然係遠距離已經見到一條人龍😱平時網上買依類有得扑朱古力外殻嘅朱古力蛋糕起碼三位數字起跳，但依間有大細size $48-78，賣相有夠少女難怪咁受歡迎🤨如果想蛋糕精緻豪華啲亦有生日款式並可預訂。小店12:30開始營業，我閒日12:15去到已經打哂蛇餅，所排嘅位置都擇擇地界買到蛋糕但款式真係剩返唔多。強烈建議預好時間買蛋糕🤟🏻.👓Oreo x 麻糬 夢幻星球蛋糕 大$68 (細 $48)白朱古力外殼係夢幻顏色😍用錘仔扑三四下就會碎，內裏係一層oreo慕絲+一層奶麻糬+一層海綿蛋糕，面頭再沈上oreo餅碎，所以成個蛋糕都偏creamy滑口，重oreo，oreo迷岩哂！評分：7.5/10👓北海道3.6鮮奶麻糬-阿華田 單購$28 買星球+$18鮮奶麻糬都明顯有奶味，好麻糬質感唔會太一pat野，阿華田粉好足料，加埋面頭塊阿華田麥餅，整體都好強烈阿華田味，唔會太甜。評分：7.5/10👓北海道3.6鮮奶麻糬-抹茶紅豆 抹茶同樣好足，係帶點甜味嘅抹茶，不過得一小舊紅豆略嫌唔夠多😂評分：7/10

葵廣呢排開咗呢間新嘅甜品店，主打夢幻星球蛋糕同埋多款口味嘅鮮奶麻糬，甜品造型相當精緻，最啱打卡🥳開心果朱古力夢幻星球蛋糕（大$68、細$48）呢個星球蛋糕外型真係好靚🌍 而且仲有唔同嘅顏色同口味選擇😋小店仲附送左一支小木槌，俾我可以敲爛白朱古力外殻，就可以見到個蛋糕入面啦😍 真係有得食有得玩！蛋糕入面係mousse同海綿蛋糕，mousse入口都幾軟滑，蛋糕就可以再綿密啲😛整體而言就唔太特別，不過以呢個價錢買到個咁靚又好玩嘅蛋糕都值得嘅🎂記得個朱古力殻要同蛋糕一齊食，如果唔係會好甜👻Oreo鮮奶麻糬（$28)鮮奶麻糬上面佈滿oreo碎，口感煙煙韌韌 ，而且仲食到好香濃嘅奶香，店主話係用北海道3.6牛乳煮成架，難怪奶味咁濃郁🤤 店舖仲有好多口味選擇，例如阿華田、黃豆粉、美祿脆脆等，下次都要試吓先！依加只要出示呢個post買任何星球蛋糕，就可以以優惠價$18加購鮮奶麻糬一份🥰 記得bookmark呢個post啦‼️

// IGable & Delightful Sweet Treats 🪐🍰 //.I’m always down for some dainty and igable desserts to satisfy my sweet-tooth!🥄 Seriously who doesn’t love having a bit of dessert to lighten up the day!😜🌈 .▪️Dreamy Planet Cake 夢幻星球蛋糕▪️[$48]Let us take a moment to PRAISE this fancy planet cake that takes everyone’s breath away!🪐👅It’s a tempting chocolate planet that requires you to smash it open with a wooden hammer to uncover the secret inside!🍫🔨There are 4 different flavors you could choose from; they a

🌏星球蛋糕🌎$68大用朱古力做成星球外殼，扑開星球外殼，品嚐蛋糕。我揀左阿華田味，口感多層次，上面有阿華田餅乾🍪，中間有阿華田慕絲🍫，下層有海綿蛋糕🍰，阿華田味道好濃郁🤩👍🏻👍🏻重點：仲可以收埋小禮物係星球入面，比驚喜朋友（要提前將交俾店方整）🥠鮮奶麻糬🍡$28好多款口味，我揀咗抹茶紅豆🍵，口感做得幾好，軟糯軟糯，滑溜滑溜😋😋👍🏻👍🏻呢個價格可以買到呢個質素真係好抵，尤其個蛋糕仲可以製造到驚喜，好玩好食！

🍰ᴅᴇssᴇʀᴛ· 夢幻星球蛋糕 (大) $58﹟外層用左朱古力整成地球既外殼, 十分神似😯呢個甜品嘅好玩之處就係會有埋錘仔🔨比你扑開層脆皮先再食到入面既mousse cake🤗估唔到咁細個蛋糕入邊都可以做到層次👍👍有海綿蛋糕, 藍莓醬同藍莓mousse🤩﹟而慕絲口味仲有多款選擇e.g. Oreo, 阿華田, 士多啤梨等等🍓外層嘅朱古力脆皮仲有好多其他夢幻既顏色配搭tim😛🍰ᴅᴇssᴇʀᴛ· Oreo 鮮奶麻糬 $28﹟鮮奶麻糬一樣有好多款口味選擇, 可以配花生碎, 抹茶紅豆, 黃豆粉等等😎麻糬質感軟身, 食落好滑溜, Oreo嘅出現亦都令到奶味不是太出, 但整體味道同口感是不錯的😋🙌

當你早一星期前去訂蛋糕🎂問左佢夠唔夠時間整佢接受左我地訂單時間應該係無問題同班朋友仔一齊諗好左想特別d迎合壽星女喜好💕要少女feel👩🏻蛋糕內面唔放公仔🧸唔放花朵🌺要求入面放牌仔竟然～少女feel變夢幻feel係我地錯🤭無講清楚少女feel即係多粉紅色😵但佢自己都識講藍色係夢幻feel😮但我地係要少女feel😓約左一點拎蛋糕🎂點九先俾到我其實如果一點俾唔到我地🤔可以講出黎～時間大家就姐😑最重要的係送俾壽星女最重要的牌仔🌧竟然無放到係蛋糕入面😓結果我同朋友仔要返去間野拎番晒d牌仔～我地自己插番壽星女再扑過個蛋糕壽星女果然最愛d牌仔個蛋糕用左三個人接力先扑爛我認我係喜歡靚野同係有要求蛋糕d字～我見到其實有d崩潰😶唔知係米我過份要求完美😳呢次小插曲～我地永世難忘😂最後我地一班朋友仔都開開心心賀壽星女生日快樂PS: Walk in買過佢細個星球蛋糕係ok試業價HKD58元買番黎細星球係扑到，訂5吋個星球蛋糕真係難扑dWalk in買大星球日期：15 Aug 2020 (試食價HKD58.00)口味：士多啤梨食落酸酸地，唔甜，好食Walk in買大星球日期：15 Aug 2020 (試食價HKD

最近比呢個星球蛋糕洗晒版 我點可以唔試吓呢😎好多IGshop都賣到好貴一個😟但係呢度真係好抵食 最平$48就有一個 仲有好多款口味 色球都有幾款顏色配搭🤩咁平 就算唔食買嚟打卡一流❣️.士多啤梨味夢幻星球蛋糕🍓 $58(細) $68(大)好多人都話好難扑 但係我嗰日不費吹灰之力 就整爛咗 究竟係我太大力 定係因為天氣太熱融咗呢😂扑碎咗即刻少女心爆發 好靚😍成個粉紅色 仲有啲士多啤梨喺面💓好鍾意呢到嘅白朱古力外殼 除咗睇得仲食得🤤佢唔係假朱古力味 幾好食😋不過都幾甜 配埋啲酸酸甜甜嘅strawberry mousse就perfect💓但係我嫌啲mousse太稀 可能喺雪櫃即刻拎出嚟食會好啲🙈海綿蛋糕口感幾濕潤 甜度啱啱好 不過份量都偏少🍰如果多番啲 整體食落應該會冇咁溜 味道層次都會豐富啲😝

呢到除咗星球蛋糕吸引之外 佢嘅牛乳麻糬都做得相當出色😍.抹茶紅豆北海道3.6牛乳麻糬🍵 $28 買星球蛋糕+$18今次揀咗抺茶加紅豆呢個不死配搭😎不過有埋麻糬就會忽略咗啲紅豆🤣麻糬大大舊 夠晒綿密煙韌🤤帶少少甜味 比一般嘅麻糬仲多咗陣微微嘅奶香😋抺茶微苦 但係冇回甘 反而甜甜地🧐唔似抺茶粉似係壓碎咗嘅抺茶餅😳不過配埋一齊食沙沙地軟綿綿 口感夠晒豐富🥳抺茶碎份量好多 每啖麻糬都可以黐滿晒 抺茶味好濃👍🏻食完都仲有淨🤩雖然我冇夾埋麻糬一齊食係分開食 但係略嫌紅豆太少得一堆仔放喺隔離🤨紅豆冇整到好蓉好爛 幾有口感又唔會好甜 我幾鍾意 想要多啲😟

1️⃣葵芳站試咗最近 @rain.bow_cakery 好出名嘅星球蛋糕，有得玩又有得食真係好正！附送嘅🔨仲可以俾你打碎個蛋糕殼添！試咗特色嘅開心果味，果仁粒有口感，入面嘅慕斯都好香😋

今日有公事所以去左葵廣，行過一樓見到有間小店大排長龍，原來係一間蛋糕小店，為食嘅我當然唔可以放過啦！呢個係Oreo麻糬味蛋糕，最吸引一定係好似星球🌍既白朱古力外層，俾人一種好夢幻既感覺。小店附送一個小木錘，等大家可以敲碎朱古力外層，入面蛋糕🍰就係用Oreo芝士餅，以入面蛋糕亦都充滿驚喜。外層用左細滑嘅海綿蛋糕，中層配上Oreo芝士餅，最中心就有麻糬，配合埋朱古力碎片🧩作點綴，總體上有多種味道同口感，真充滿驚喜！個蛋糕造型特別，味道唔錯，口感豐富，大家經過葵廣都要買嚟試下！