Red MR (MPM文華商場)

營業中

休息中

星期五晚上, 約了一大班朋友唱k, 剛下班，大家都很餓很餓，二話不說... 歌也不唱！先點餐！！！6個人唱，5個人都點這份牛排餐！我太餓，什麼都吃得下，但要慢慢咀嚼, 其餘4位... 牛扒都變成香口膠，完全考牙力！最後放棄.. 不吃了！周五唱K包晚餐，可唱到11點！我們另外再點了一大jar 啤酒🍻，還有$10任吃薯條... 但薯條凍了，整條薯條都硬了，最後我們平均每日$300多元，我覺得如果晚餐和薯條可以吃得下更好!!!!!!!!!

如果唱k 我會選擇RedMr ，而非「新方向」。因為red mr環境較乾淨，而且野食有質素好多。今日同班朋友夜晚黎唱k，房設最低消費$2200加一，可叫酒水，岩哂一班朋友狂歡，而且可唱至早上6:00！黑松露薯條Double happiness飲品，好大杯

好少去唱k，大概一年一次吧，今日揀左較少去嘅Red Mr，三個人，下午可以唱三個鐘，話就話無人可以繼續，但都預左準時cut歌，不過佢又比多左十幾分鐘先cut，都算係咁。原來而家已經無遙控，用佢嘅touch mon或download app揀歌，個app唔係幾順，有時自己彈出左又要入過password，有時又delay，停唱變左cut下首歌。音響方面唔錯，間房亦十分大，空間感十足，難得，我地唱左好多aga嘅歌，好開心！講返正題，朋友未食野所以叫左個吐司，黎到個樣十分hea，同張圖差太遠，似白麵包加一pat野，$25實在太過份，好在我食左野先黎。飲品紅柚綠茶特飲太過甜，檸檬薏米好少少，但薏米太硬未煲淋，熱檸蜜有d 怪味。

想同老友敘下舊，吹下水，又吾怕嘈到人，於是㨂左旺角呢問red mr,就腳，D野又好味，乾淨企理，每人叫一份晚歺就ok ，仲可跟飲品係啤酒添，大約都係$200上下拉，仲可以有2個半鍾，而且講明夠鍾無人等可以繼續，正呀🤭🤭雞泡魚干送啤酒一流✌️大阪燒熱辣辣，好大份，雖然唔算得正宗但係我真心覺得好味Join 咗佢哋嘅會員星期一,二仲有八五折添，扺!又多咗個晚飯，邊個話唱k一定要一大班人架😆

第一次去Red Mr唱K，五個人但係房間都幾大，仲唔似某集團既k房勁大煙味，仲有房內應該有自動噴空氣清新劑。叫咗個最平嘅＄75咖喱炸雞飯好快就送到黎，賣相都唔錯 成個飯係暖嘅唔算太熱，咖喱味道同正常嘅冇分別，炸雞還可以不過肉比較少。份量都好少 完全唔夠食根本。不過大部分人都係志在唱歌，唔係著重食物架啦。所以呢個價錢，呢一個味道都底既。總結，個人認為klunch食物可以做加一d，先可以留住客人。雖然話係呢到食唔係重點，不過如果食物質素高，我唸會令唱k既人有賓至如歸既感覺

與友人一行4人第一次嚟Red Mr(相信亦是最後一次），知道每位$189 3⃣️小時另計加一，都預咗食物係咩質素，不過為咗唱下K先嚟，一入房，成個雪房咁，凍到嘔，就算調細D都係勁凍，最後熄鬼埋佢。打開menu,見到D相好似影得不錯，就叫咗一個野箘xx烏冬($72),友人叫咗蕃茄雞肉石頭鍋飯，另叫咗熱飲（雪梨無花果茶，紅棗茶）加一杯啤酒。坐咗一陣，烏冬先到，首先，係冇預期可以同出面日式烏冬相比，但問題係，D烏冬勁林，收$72竟然比D咁既質素...所以我只好爭取時間快d食哂佢，免得佢變更林。另外3位友人既石頭鍋飯仲過份，面頭只有數粒粟米，好難先搵到兩粒雞肉，之後一pat 茄汁，根本就係茄汁飯...完全貨不對辦！食完大家都覺得唔飽，我就膽粗粗叫咗個燒鳥拼盤＆rib....今次仲衰，個拼盤到咗，得5串，收$138，仲要係唔熱，串雞腎燒燶哂，連條竹支都斷埋，咁我咪同個staff 講，佢攞走盤嘢之後，幾分鐘後，比番同一盤嘢我，只係加熱咗同係碟旁邊加咗少少7味粉...$138竟然比D咁既野人食，連最基本既雞翼都係冇味..最後個rib算係最正常，有味，夠熱不過都係燶⋯⋯另外要提番，啤酒唔凍，杯紅棗茶吹咗至

It cost only $75 for a lunch karaoke four four hours from 11am to 3 pm and a cup of drink! It is a real bargain. It is a very nice place for gathering with friends. There offered many English songs. Unfortunately, there are not any songs from Supper Moment who is a band that one of my friends likes very much. Overall, this place gives us a pleasant environment for warm gathering. We must visit this place again soon.

沒有期望，失望自然更少。牛肉炒面(HKD 38)，難食到嘔電。完全諗唔明係點樣炒出黎。食落口，成陣面粉味道，好似冇做過調味咁。都唔知D面既顏色係點搞出黎，個面又唔咸，只係落老抽 ? 牛肉絲又冇味道，硬乾老。只係個樣整得到扮到野囉...成碟都冇食過。烏冬又係怪怪地，都已經唔記得叫左既係嘜野肉碎，總之都係難吃到抽肺。本身個烏冬都冇嘜特別衰，但係D肉碎又落左辣粉，搞到得有種好難形容既單調的辣味。朋友仔仲食左嘜鬼雞肉飯，咖哩炒雞飯，都係難以接受的劣質。連充飢都算不上....粗鄙劣食，預左唱K食物不是重點。

之前去唱K食午餐，學生價就平啲， 呢幾個月做緊優惠如果係學生嘅話成績又好或者學生證上面有幾個數字又有特價。 牛肉烏冬個味精都幾勁，一飲就知道佢好重手， 落咗好重手味精，牛肉都算OK不過有少少雪藏味， 烏冬就普普通通啦，一包包嗰啲包裝烏冬。 吉列豬扒咖喱飯我朋友就鍾意食呢啲熱氣野， 不過個吉列皮同埋個豬扒都分得幾開， 肯定係攞貨嘅時候已經有埋皮，炸得唔夠香，啲飯都算軟熟。 I think this is a good place to sing K but not eating food

本身諗住約食飯，朋友改唱k，咁但係唱k都要搵啲好嘢食㗎，同事就介紹咗去red mr.話啲嘢真係好好食， 點知~~真係比我想像中更好，直頭好似去咗啲西餐廳咁，食物質素極高，有勁多我至愛嘅黑松露，個野菌炒飯真係冇得輸，海膽炒飯真係有海膽， 勁想快啲再去唱k試埋其他嘢食

朋友生日，黎red mr.唱k，呢到計最低消費。叫左個黑松露牛柳粒炒飯，呢個炒飯份量唔多，但味道都唔錯，炒飯既顏色都算係金黃，食落口黑松露味都幾濃，牛柳粒唔多，得5-8粒左右，而且都幾細粒，不過我個人幾鐘意佢多炒蛋。整體都算唔錯，k房食算係咁喇。

我好少會想打一篇蠻負面的食評, 但真心覺得這家十分需要改善!! 紅家自問都去過唔少, 多數以港島或尖咀為住, 今天去旺角做body check朋友就說不如來這裡近點又未試過!! 商場已經係唔多人流同埋很多年前已經係這個狀況的, 上到去唔太多人, 但入到去什麼也沒有, 餐牌只有tea那個, main menu無, 餐具無, 問了侍應, 佢話飲品係個幾樣, 吓?? 點解唔拿餐牌來比客人揀??? 叫完野之後來到, 發現無餐具, 朋友已經打去服務台講左, 以為入來的侍應會拿來, 點知入來又問一次有咩幫到你, 唔係掛, 前台通知佢地係無溝通的嗎?? 搞到我朋友真的有點火, d咪又係成日無電, 結果有個比較senior的店員來, 這個就還好, 最後收錢時就發現有個經理law, 真係收錢先識出來嗎??講真我很喜歡去紅家唱, 因為有很多韓文歌, 尤其舊的, 但客人愈來愈多, 相對服務也下降了, 就算我係去港島同尖咀都係下降了不少, 但都一定唔會好似呢間咁, 何況又唔平, 以前唱到三個鐘, 而家只係兩個幾, 出面明明無人等都唔會唱得耐, 收唔平的價錢, 真心唔會再來, 雖然我今日係用續會cp咁個心理都平

BOOK左房,不過都是沒廁所的,還是說整家RED MR都冇獨立廁所的房呢?怕凍,所以都叫了熱飲,右邊是杞子冰糖紅棗茶$48,好喝,甜甜的,而且都是潤潤的材料,對唱歌好~左邊是無花果雪梨茶$48~不是我的.巨峰提子沙冰$48,看上去超小一杯,而且好冰的,只喝了一口,覺得不過不失,比較甜,雖然很細一杯,同事卻沒動力把它喝完(?)人人都讚好的極上厚燒牛舌$68!!拿到過來已經聞到超香的牛肉味,肉質很鬆也很多肉汁,烤得剛好很香口,你是想像不到K房都會有這種質素的食物,這個的性價比非常的高!!值得一試,再試!!上面是燒芝士年糕$28,得兩舊,黎到個時我地14個人呆左...唯有將佢分屍啦.不過衣個價錢...算啦.吾算好味啦其實,都吾值衣個價LOR.下面雞軟骨$28,不過不失.和風少烏冬(海鮮)$78,粒蝦係冇味GE,D烏冬GE汁都OK.食左幾條咁啦...上面日式鱆魚丸$48幾好味,不過我係出面食開$12有6粒大大粒,衣5粒發育不良GE...過下口癮算啦.下面炸魷魚鬚$48 冇食到.鰻魚炒飯$78吾睇價錢的話都OK的,實物顏色深少少,我食得最多係衣碟,為飽肚.脆炸雞翼$48,吾食炸雞.?咩黎,吾記得

早兩日因為生日，為慶祝而選擇黎較少去嘅red mr，人唔係好多，可能係近父親節個個去曬飲茶。 我地係k lunch 時段去嘅， 唔知係咪假日問題，11點尾入去2點幾就要走， 前後唱左2個鐘多啲姐， k lunch 佢俾neway 貴啲，69蚊至89蚊不等， 一個set 係跟一個沙律(好似係寫前菜)，一杯咖啡或茶同甜品嘅，加10蚊可以轉牛奶布丁，加15蚊可以轉飲品，要俾加一。因為學生無咁多錢，所以食左個最平嘅餐。我地去果日最平嘅餐係和風牛肉飯， 太肚餓所以食左啖沙律先記得影相 😂 整體而言賣相不俗; 沙律味道一般，無咩特別; 天婦羅係菇同比較少見嘅秋葵， 由於炸漿沒落任何調味所以味道偏淡，個汁都係無咩味; 飯味道ok, 蔬菜用少量黑胡椒調味，可以食到茶本身嘅味道，但牛肉飯無汁， 所以食嘅時候覺得有點太乾; 咖啡不過不失， 但係有一樣係抵讚也有野彈的，就係咖啡同奶分開上，好處就係俾客人自己調，滿足自己的喜好，但係奶嘅份量可以少一啲，因為倒完餘下的量甚多， 造成浪費。甜品係啫喱，入面有啲果肉，應該係罐頭菠蘿肉，上面嘅係花奶， 但係唔明落花奶嘅用意，單純外表好睇啲? 總結: 如果你係一位好鍾意

今次來了RedMr唱K 之前也來過幾次 感覺它的歌曲選擇比Neway少很多 隔音也做得較差 但優點就是價錢便宜 食物質素比Neway好和3位朋友1:50pm來到 可以唱到8:00pm 派了一間不算大的房間 能放兩張枱(之前和3位朋友來的房間能放3張枱)才知道lunch已經完了 現在是teatime 還要等到2:30pm才能下單 雖然可惜也沒辦法點了一大堆歌消磨了一下時間 到了2:45左右 我們想點4個「黑松露炒蛋配芝士腸 吐司」和2杯涷檸水，2杯涷檸蜜，便由我打電話到前台，我很記得我說了：「我想要4個tea set 要黑松露炒蛋配芝士腸 吐司 2杯涷檸水 2杯涷檸蜜」當時朋友在唱歌 很吵 服務生回了幾句話但我听不到 我便說了:「什麼？？」這時她就以一種極之無禮(令人不舒服)的態度：「 黑松露炒蛋配芝士腸 吐司！ 2杯涷檸水！ 2杯涷檸蜜！還、有、嗎？！ 」幾乎是每個字咬牙切齒讀出來的，馬上生氣地回了：「沒有」便掛上了電話。後來越想越生氣和委屈明明我也沒有無禮用正常語氣 我只是听不清楚想你重覆一次就受到這種態度到食物來了一碟 吐司不是一塊而是四分一塊再切開一半加上一小塊牛油，炒蛋只有一隻