Reserva Ibérica Tapas Bar & Restaurant (已結業)

叫左個2人份量西班牙焗飯，用個鑊仔上枱，size同餐碟大細差不多，飯份量好薄癡底嘅飯仲多過可以食嘅飯！味道非常一般，青口肉細過一粒蠔仔！蜆肉又細粒！還有兩隻普通蝦就冇啦！咁樣都收$248非常差

預先問左服員呢個飯份量，最後選擇了4人份量。海鮮尚可接受，但D飯真係難食。西班牙文燉飯未食過，我預期佢都係好似西班牙飯半濕有咬口，誰不知一食，好似港式煲仔D飯焦，係全碟飯都係焦，只有硬同乾。我好懷疑佢係燉過左火。另外特式飲料算ok，不過都唔會再幫襯了

Lunch 同朋友嚟食semi buffet Semi buffet 嘅選擇比較少 芝士兩款 火腿三款 蔬菜六款 麵包一款 湯兩款 甜品三款 沒有了芝士係幾好食 可能因為唔係餐廳自家製菜其中一碟炒菇應該同其中一道主菜闊條麵既野菌一樣 冇乜問題 只係有啲求其 同埋d菜suppose要係熱？但只係室溫湯都係暖only 西班牙凍湯香草味幾濃 同西班牙本土既濃蕃茄味唔同 應該係adjust左香港人口味甜品好難食 朱古力充滿平價可可脂味 好難頂 churros 上面好多白糖 放唔入口主菜都係普普通通 不過想問除咗個碟之外邊度西班牙？

臨時約好友喝一杯消磨時間，難得找到在APM鮮有的西班牙餐廳當然要試啦！星期六下午茶2點半左右，不需排隊。看到食客都是享用半自助午餐，但我們單點西班牙小食助酒。單點食物方面 - 安格斯牛他他︰牛肉新鮮、肉味香濃，原有肉汁入口黏稠但咬下去爽口有彈性，打成小塊更嫩滑。另加幾條溫室豆苗、生洋蔥粒、法包薄片，更能減少肉脂油膩感。以這個Tapas 小食價錢來說，性格比中高！燒豬肋骨︰很大條，差不多7成肉跟3成脂肪比例平均，入口不會過份肥膩！肉質不錯，可惜燒汁太甜，甜得像砂糖與水混合。將原本沒有油脂感的菜色變成甜膩感，加上一塊厚切鮮橙片果糖令醬汁更甜讚一下附送炸薯條，薯味濃而且薯肉豐富，比快餐店的粗身。外皮炸得酥脆卻不油，放涼還是脆口！飲品方面︰這家西班牙餐廳的House wine 選貨不錯，我們點了兩杯不同地區紅酒，入口順滑。當然House wine沒有到掛杯厚身啦，但價錢公道性價比中級。總結︰待應服務普通啦，沒有不禮貌，都會盡快應客人需要。只是…餐廳位置小座位算多，加上一個自助食物區所以整體環境壓迫。入座經過時，看到任吃食物蠻吸引，可以翻桌試半自助餐。

忙裏偷閑，去吃下午茶，走到位於觀塘APM的Reserva Iberica Tapas Bar and Restaurant。位置方便，毋庸置疑。餐廳內客人不太多，有旺中帶靜的感覺。下午茶餐牌的選擇如下：還有其他食物和飲品選擇：這天點了西班牙式下午茶，當中包括白毛豬火腿、芝士和竹籤小食。火腿來自30個月以上的白毛豬，透薄的一片帶着誘人的肉香，當中的鹹香和芝士是絕配。竹籤小食有青椒和多士。前者經過烤焗，味道吸引。後者有兩款口味，是蕃茄莎莎以及蒜蓉，麵包焗得十分鬆脆，吃得開懷。飲品是RI賓治，以橙汁、菠蘿汁、紅莓汁、薑汁汽水和橙片調配，清新的甜味中帶着微酸，非常開胃醒神，很適合在炎炎夏日飲用。

今日去咗APM食西班牙菜，咁啱撞正有 Tea set，覺得性價比好高！餐廳座位舒服，滿有西班牙風情，色彩好繽紛！下午3:30開始有Tea set，和朋友各自揀一款，然後share 食。伊比利亞火腿、炒蛋及牛油果配法包呢個法包口感好豐富！法包香脆，炒蛋及牛油果口感幼滑，而其份量頗多的。再加埋伊比利亞火腿，味道帶點鹹香，整體味道一流！西班牙式下午茶呢款下午茶好友西班牙特色，每款小食有兩份，可以完美地和朋友share。黑毛豬火腿有豐富的堅果香氣，芝士有兩款，絕對滿足到芝士控，另外再配有果乾和堅果。呢個西班牙小辣椒都好特別，初時以為會好辣，但其實呢個小辣椒係完全唔辣，比較似一般的小青椒。它外面鋪有鹽巴，食落鹹鹹地幾得意。綠色獵人 Green Hunter呢杯飲品有好香的奇異果味，再加有菠蘿和青蘋果，味道酸酸甜甜好開胃！熱牛奶個杯好得意！今日飲完今晚一定會有個美夢！

去按摩前💆🏻‍♀️就係apm食個lunch先~見到呢間餐廳晨咁早已經有人排隊，原來d人係黎排半自助餐。不過我唔鍾意食沙律菜，亦唔太放心食buffet就揀左散叫。🦪吉列炸生蠔配芒果醬🥭賣相精緻😍吉列炸得幾好，脆口唔會油👍🏻芒果醬再加少少辣粉，開胃又惹味😋唯一要挑剔係蠔太細隻，似平時食蠔餅果種size🙈🐚香蒜辣椒鑽石蜆 蜆夠大隻夠飽滿😍味道鮮甜👍🏻不過醬汁唔係好掛到落蜆肉度，好似蜆還蜆醬還醬咁🙈另外見半自助餐都好似有蜆，係咪同一款就唔知喇😰係嘅話我哋就做左傻仔🤣🥘海鮮西班牙燉飯呢個最失望🫣size真係好細，海鮮唔多🙈魷魚🦑同蜆好食，蝦ok，但青口唔得，有少少怪味🫣 重點係飯勁鹹❗️我都算重口味都覺得鹹到頂唔順🤦🏻‍♀️🍹Toxin Flush 果汁係由菠蘿🍍+梨🍐+青蘋果🍏鮮打嘅果汁🍹好fresh🌱自然嘅清甜👍🏻呢杯好味😋整體黎講門面幾靚🤩服務好好👍🏻食物水準就一般🫢衛生情況一般🙈地下好污糟咁。。應該唔會有下次🫣

打風關係，好多餐廳都早收，好彩仲有依間照常營業。食物高質，飲品仲有驚喜😋 🥢Bubbles Sangria🥢有酒味得嚟又易入口，推薦👍🏻慢煮伊比利亞豬肋骨配煙薰紅椒粉及蜜糖 $288Sous-vide Ibérico Pork Ribs w/ Smoked Paprika & Honey招牌西班牙海鮮飯 $248Signature Seafood PaellaBubbles Sangria $168（White Sangria Base、Peach Cubes、Mango Cubes、Top with Cava）

今次特意來到觀塘這分店試它的下午茶餐。因為應該是近這幾個月才有。因為兩個月前在尖沙咀海運海港城分店，那時沒有下午茶時段。這個下午茶非常之吸引及多選擇。想提一提觀塘分店店舖，非常之寬敞， 裝修舒服好有西班牙的感覺。店員安排一張近窗口的位置枱是闊落的，非常之舒服。我們選擇了兩個下午茶餐。西班牙式下午茶：裏面有包白毛豬30個月及芝士，竹籤小食白毛豬，薄薄的一片但已經口味濃郁，越食越好味。其實30個月不是最好的以para ham但是這間西班牙餐廳的30個月黑白毛豬,已經非常有質素。另外芝士有兩種味，一隻硬身及另一款是軟身，夾雜着這食法。非常之吸引！ 伴隨着有杏仁及提子。另外竹籤小食，原來是有西班牙辣椒。 也有法包蕃茄。法包是脆脆熱熱的加上番茄garlic 那個醬， 酸酸味帶蕃茄濃郁的甜味。 特別開胃。另一個是西班牙小食拼盤：包括雞翼,洋蔥圈,西班牙小辣椒, 西班牙薯仔蛋餅這個西班牙小食拼盤包羅萬有。基本上要食西班牙的TAPAS都齊晒。他的雞翼比較脆身，有肉。而西班牙辣椒仔咬落辣椒味重。是唔辣的！ 但如果可以乾身一些就更好！ 而洋蔥圈脆口，有咀嚼感。

平時呢間餐廳lunch有semi buffet! 今次就係下午茶時間黎到，睇下下午茶正唔正先～原來下午茶menu都幾平😮 最平$78就有一個tea set，仲要包埋野飲！我同朋友揀左西班牙式下午茶餐，同埋西班牙小食拼盤。西班牙式下午茶餐有火腿，又有芝士、脆多士，仲有一埋小辣椒！火腿好大片，脆多士真係超級脆口，上面仲有欖欖油同蕃茄他他，幾開胃！西班牙小食拼盤其實份量好多😨😨😨 有4隻雞鎚、一堆小辣椒、蛋餅2件、洋蔥圈，仲有一碟酸甜番茄仔！我地最中意番茄仔，好清新開胃！至於小辣椒係焗既，似平時d青椒，唔辣架，幾好食。雞鎚食完都已經好飽🤣 下午茶悠閑同朋友chill下都幾舒服～

今日又約咗媽媽向 APM lunch , 去呢間食 semi buffet ,環境好好。buffet 有 沙律新鮮好味，麵包，湯同少量甜品。沙律 buffet 比較出色，仲有幾種芝士同 ham 比你揀。 所有食材都好新鮮，其實我食沙律都飽曬。Main dish , 我叫左一份意式長通粉，一份魚。蕃茄汁意粉比較酸，魚配檸檬汁 加埋溫室菜苗沙律向上面真係啱啱好。而且員工服務態度好好，醒目又快手。如果再約朋友或者屋企人，靜靜地又唔趕，真係可以慢慢食。可以再去

第一次試呢間餐廳，見佢有半自助餐，於是一試。$238，冇主菜，只包出面自助區、一杯飲品、一份香腸火腿拼盤，可加錢食主菜。自助區唔算大，一邊主要係麵包、沙律、長通粉等等嘅冷盤前菜。沙律可自行加醋/橄欖油，長通粉有點硬。另一邊有西班牙凍湯、是日餐湯、凍蝦、薯餅、煙三文魚、炒蜆、水果、棉花糖加朱古力醬、小蛋糕。西班牙凍湯似冬蔭功，是日餐湯係甘筍湯，幾茸幾濃。西瓜哈密瓜幾甜凍蝦大隻但好腥，食咗半隻已經唔得煙三文魚大塊又肥美，好香，值得狂食另外就係炒蜆，最回本值得狂食，熱嘅好食好多，唔驚食太多凍蜆肚痛。辣炒好香好惹味，唔會太辣，啲蜆都大隻，肉好大粒，又juicy，某啲細隻啲嘅會有沙，不過九成都冇沙。送嘅二人份火腿腸仔拼盤，一般加咗兩個主菜加$60，波士頓龍蝦尾扁意粉配櫻花蝦汁以為得個碟夠大，點知意粉都唔少嫁，食得飽龍蝦尾以為得個樣，點知成條尾都有肉嫁，肉質彈牙爽口，超juicy勁多汁，都香龍蝦味意粉夠多龍蝦汁，個汁好食，都好多櫻花蝦不過我唔係太喜歡加$120，網燒安格斯牛腩配烤薯仔、阿根廷青醬本身見到話要加$120，心諗會唔會好唔抵，但結果又幾好食，都有7塊左右。佢話咗係預7成熟，冇得揀牛腩超香

經過見到環境幾靚，就同朋友試下，鮮黃色的座位配上自然日光，好雅緻，有兩個半圓形位影相好靚Menu有好多選擇，點左個黑毛豬湯麵$168黑毛豬肉質軟滑，外層帶點炭燒味好香口，份量十足湯麵口感彈牙，湯底香濃另點左個炭燒美國頂級肉眼扒12 安士＄568Grilled USDA Prime Ribeye Steak好juice ，每一口都好嫩滑，炭燒味出色，😋不會有過多的肥膩，另點左巨峰提子梳打，甜甜的幾好味，夏天飲💯呀👏🏻💯

係 APM 逛街見到呢間 Reserva Ibérica，餐廳色彩豐富好吸睛、地方整潔、座位寬敞舒適，兼且 “Tea Set” 亦頗多選擇，於是與 honey 入去嘆下 “下午茶”！ 🍴 伊比利亞火腿 • 炒蛋及牛油果配法包 $78 ～ 賣相精緻奪目，火腿有少少鹹香、牛油果鬆軟香甜，配上滑蛋、脆多士，味道非常可口！🍴 伊比利亞辣肉腸 • 西班牙波椒蕃茄意粉 $88 ～ 辣肉腸鹹辣適中，配合濃郁番茄彈牙意粉，簡直絕配，食到停唔到口！🍴西班牙甜品組合 $138 ~ 一見到靚靚甜品已經好開心，有脆脆西班牙炸油條、多士、爆谷、雙雪糕球同埋香滑布甸，食完令人心情好愉快！☕️ 餐飲咖啡奶茶 ～ 咖啡味淡咗啲，但奶茶就夠香滑！

好味! 好味! 好好味!經過尼間好多次，終於約朋友去食環境好靚，最靚打咭位喺半圓形梳化位……可惜……有客芒果蘋果橙smoothies🍹餐牌上列明加奶或yogurt, 我地怕肚痛，要求唔加。好飲! 好濃芒果味! 但無橙味，蘋果味就……完全感覺唔倒😅😅😅香脆西班牙乳豬 🐷🐷隻豬係咪喺西班牙地嚟就唔知，但堅好食。個皮一啲都硬，好脆!而且肉唔鞋好淋。 乳豬底墊咗沙律菜，中和乳豬嘅油膩👍👍好食西班牙海鮮飯🥘海鮮都可以，個汁夠味，但飯燉得太乾身，我唔太likeDessert 🍨覺得coffee雪糕👍👍