Rias Coffee

營業中

休息中

西貢有香港後花園之稱，其吸引之處，除可享受多種戶外活動外，配套亦十分完善，因此西貢成為我們熱門的一日遊重地。而所提及的配套正是香港人喜歡的飲食和購物，在飲食和購物的層面，西貢有著他精彩的一面。新鮮和質優的海鮮是命中率相當高的用餐選擇，之前有介紹過西貢市數家我們喜愛的海鮮食肆。雖然如此，可是其實海鮮也遜於另一個西貢的指定動作，該動作的命中率更高達百分之九十幾 ........ 哈哈，正是嘆啡！走累了、歇一歇，來細嚐一杯高質咖啡，不就是一件好寫意與幸福的事情！西貢有不少供應咖啡的地方，我們也曾到訪過好幾家，直至 2023年8月才第一次認識 「Rias」！那時的「Rias」相對接近 Cafe 或餐廳形式，第一訪是被「Rias」的甜品所吸引，意外地不是咖啡。2024年10月再經過 「Rias」的時候，發現眼前的「Rias」䬮是轉型了，重心由 Cafe 轉至純咖啡的享受。左邊一列的餐桌不見了，換成來自世界各地、不同風味的咖啡豆，坦白說自己不是什麼專家，可是在香港的確未曾到訪過一家咖啡店擁有如斯澎湃的選擇，起初還以為「Rias」光賣咖啡豆而已，原來店內外也設有小小空間供即場嚐啡之用。10月第二次到

咖啡好飲冇用，店內男服務員態度非常差今天專程揸車入西貢飲呢間咖啡，入到去禮貌地問男服務員有沒有Daily coffee 介紹？男服務員態度非常惡劣 ,話Daily coffee? 佢話冇 ，咁我話晤緊要 我自己睇下 ，隨後男店員語氣非常差話 Daily coffee 只係得試飲 。咁我就話要一杯AMERICANO(凍),另外上個月同朋友經過呢間coffee shop 就買了幾杯試下 (因為朋友order ，所以晤清楚有咩種類，所以就問店員 但冇諗過態度咁差咁惡劣 其實打開門做生意 客人問你關於咖啡問題 你晤解答不特止 仲咁衰語氣，本身我買了2杯咖啡再諗住買埋掛耳咖啡返屋企沖，我咖啡晤熟悉 就係問男店員 邊一隻受歡迎啲？男店員話 隻隻都一樣 ，ok fine ,就係因為呢個態度我買完2杯咖啡就走人 掛耳咖啡我都晤買 。終於明白香港點解生意咁差？ 我相信仲有好多好飲嘅咖啡店，所以我一定晤會再光顧你地！ (仲諗住支持下小店 希望你晤會執笠,希望你繼續用呢個態度黎經營,繼續高高在上)無諗過買杯咖啡令到我一肚氣！！！P.S 如果想去受氣嘅話，即管去試吓呢間咖啡店

呢間平時有去開佢地位於觀塘coffee roastery買咖啡豆，早前因疫情關係已經無再供應食物堂食，只可以飲咖啡覺得好可惜。不過佢地上年已經喺西貢開左coffee shop，今日出開西貢順便幫襯下！不過因為有買開佢地嘅自家咖啡豆，所以今日主要試佢地嘅食物🤤呢間已經決定左每次黎西貢一定再黎！- 黑松露忌廉野菌扁意粉- mochi waffle - 焙茶巴斯克cheesecake - Americano- Matcha latte

吃完車仔麵當午餐，行出去了跳上小巴，直接車去西貢，想再去多次Tales嘆咖啡，可惜Full哂，唯有去隔離果間Rias Coffee, 入去坐下，發現佢放了很多咖啡可以出售，而且好似好Pro咁，心想，試吓有幾正先，國際慣例，有冇料到就要吃最基本的，點了泡沫咖啡，Flat white, cheese cake, 老實說，咖啡似乎Tales 濃郁D，cheese cake，Rias 很好吃，但有一點糸，咖啡店空間已不太大，放了很多咖啡作出售，而且好似商場咁，好多人行來行去，店員又介紹東介紹西，本來想休閒一下也攪到好似坐糸街市咁，最後飲完就鬆人，下次都糸去揾間舒適D嘅咖啡店。

推薦指數：⭐️⭐️⭐️⭐️放假去西貢一趟係唔錯嘅選擇！介紹大家一間隱世cafe🔅➖🧇🍡 日式丸子雪糕配牛角包窩夫 $68熱辣辣牛角包窩夫🥐夠酥脆，配埋焦糖醬同煙韌丸子雪糕，冷熱交融好夾。➖🍵 宇治久小山園抹茶巴斯克芝士蛋糕 $52 原來係自家製蛋糕，亦會不定期更換口味，見到有拖肥糖，咖啡等都幾特別。今次就試左抹茶，口感軟滑而creamy，香濃抹茶味突出。➖🍵 Matcha Latte $38好有心思舖滿玫瑰花瓣令到杯野好ig-able ，抹茶同奶blend得好好，唔會過甜又有抹茶甘香味➖🍹 Hawaii $48呢排真係feel到夏天既到來☀️叫一杯Hawaii🍹（Peach & Passion fruit Soda）好Fresh，酸酸甜甜開胃，配埋背景個世界地圖打卡一流📸

📍 Rias Coffee🇭🇰 西貢市場街34號地下週末嘅西貢永遠都係咁多人一啲出名啲 大街嘅餐廳一定係超多人排隊於是我就嚟咗呢條巷仔 穩到一間相對上少人啲而且pet friendly嘅cafe!!😋 自家製牛油果醬煙鴨胸扁意粉 $88牛油果味唔重 唔係好creamy個隻醬個煙鴨胸不錯份量正常 呢個價錢性價比高😋 All-day breakfast $108 (+Salmon $15)正常嘢～但加個三文魚唔係好抵 得三塊個炒蛋似m記隻味🤣🤣要讚嘅係佢個茄汁豆係熱嘅!!👍🏼👍🏼👍🏼😋 芥末芝士炸魚薯條 $98呢個好食！炸魚炸得好脆 而個魚好嫩滑 熱辣辣好正感覺係鱈魚柳(?) 但佢唔算大塊薯條都不錯總結 感覺呢度性價比高 唔算好貴份量正常係食物要等10-15分鐘如果唔想等好耐 呢度都係一個不錯嘅選擇

🥐🧇Affogato Croffle好大份牛角包窩夫外鬆脆內軟，旁邊仲有Affogato，咖啡味香濃唔會太酸，加埋雪糕好creamy。窩夫配雪糕一熱一凍食好滋味，真係食唔停口一啖接一啖。☕️Latte呢到啲飲品打卡真係一流📸👍🏼飲落去奶泡口感好豐富，配上香濃咖啡味，兩者均融合濃郁甘香，有層次感。🐟🍟Fish and Chips 炸魚外皮炸粉口感酥脆而唔會太厚，十分香口，魚肉質細嫩滑身，大大塊咬落好juicy，再配埋粗薯條好正。

講起Rias，佢哋最出色嘅當然系自家炒嘅咖啡豆，自觀塘店已經結緣，耐唔耐會上去買下豆，無論house blend還系single original都咁出色。諗唔到佢在西貢開了實體店，一場嚟到絕對唔可以錯過咖啡。杯dirty真系非常得，再試埋espresso + latte，入口就知d豆一定系新鮮炒，夠晒nutty，最後買多包咖啡豆走，返屋企繼續回味~~~~嚟西貢嘅話真系不可錯過，冇得坐嘅話外賣都要飲返杯~

咁岩同朋友去左西貢食lunch,朋友話想食意粉咁就去試下啲cafe啦點知食完既感想係..早知係fusion買特價意粉比佢生啪!對依間餐廳既評價係 "好"出色，出色在全部野食都咁唔好食!叫左個黑松露忌廉野菌扁意粉同自家制牛油果醬煙鴨胸扁意粉.係等緊野食果陣,疑似老闆既侍應就推介佢地既homemade cheese cake, 我地都有小小心動 不過都係等野食黎左先再算..第一碟到既係自家制牛油果醬煙鴨胸扁意粉,第一啖同最尾果啖既味道都好一致..都係好淡 好稀,唔講都唔覺得自己食緊牛油果醬既意粉.之後到左黑松露忌廉野菌扁意粉,依個就好少少..有多幾堆黑松露醬 但都係好稀好淡(無其他調味既味,得黑松露醬既味).見到佢地d意粉咁樣就自然對佢地既homemade 有卻步..但又唔夠飽..咁就試下佢個芥末芝士炸魚 拼"脆"薯條..等左半個鐘左右..一上枱又係種中伏既既感覺一拮個魚上黎試..魚肉同炸粉自然散落..不過今次個味就好濃 濃到個芝士醬都唔洗點..相反,個脆薯條就..無令到我地失望..係零調味零脆既,就算同茄汁或者芥末芝士醬一齊食..都係唔會再想放落口到懷疑係魚,炸粉同薯條三樣要同步一齊放落

經個西貢發現 Rias 這個名字很熟悉 原來是早兩年我已經去過的一間觀塘 Coffee Roastery 估唔到佢呢度開左 coffee shop 應該唔係開咗好耐 真正自家炒豆就梗係即刻試試 可能小店 style 服務員很nice 感覺好舒服 咖啡水準仍然保持出色 甜品小牛角窩夫也不錯 西貢咖啡店多但沒諗過遇到它 重回兩年前的味道 Nice~ 可能佢地 D House Blend 老闆自己喺觀塘豆房自己調教關係 呢個味道真係喺第二啲店飲唔到 店內還有咖啡豆買 今次有手信返屋企了LOL.

lunch又過咗Tea又未到，一場去到西貢，我就食咗lunch但係我個friend又未食，於是乎就幫襯左呢間coffee shop，本身貪佢正整地冇乜人，點知我哋坐低咗之後勁多人幫襯，真係世事難料。因為我個friend未食飯所以佢就叫咗三文魚茄汁意粉再加一杯Matcha Latte，而我就要咗杯Americano，兩杯飲品都揀熱嘅，因為成日覺得熱飲香啲。佢個三文魚茄汁意粉味道都唔錯，不過佢嗰兩杯嘢飲味道更加出色。Matcha Latte用嘅抹茶個味幾好，唔會好假，加咗奶之後好rich，當然個拉花都好靚啦。Americano唔苦，咖啡豆味好香濃，冇酸味。佢另外仲有好多款咖啡豆可以揀來做手調咖啡，下次有機會真係要試吓。

呢間新開的咖啡店，以橙色為主色，配搭木枱，有一面水泥牆掛埋世界咖啡豆出產嘅地圖。店長同我哋傾吓偈，仲好好客請我哋飲手沖咖啡𠻹🫶🏻 睇吓有咩食先Affogato Croffle (HK$68)．呢個組合，好啱我，想食咖啡配雪糕，同時又想食牛窩夫🤤．先淋一些偏酸的熱espresso在雪糕杯裡，經冰火交融的chemistry，好好味😋．之後就食咗一件迷你牛窩夫，熱烘烘的，滿滿牛油香味，入口酥脆．在牛窩夫上加一些咖啡雪糕，味道很夾得來喔．4件迷你牛窩夫感覺好似無一大件牛窩夫咁邪惡 (氹(呃)自己中😂)Honey Ginger Latte (HK$45)．冬天凍天氣，飲有薑嘅熱飲，可驅寒暖胃，呢款拿鐵就啱晒啦．奶滑的口感，先飲到微微的蜜糖甜，之後有薑汁的微辣味道，不錯喔😋