Riso Café (已結業)

行完山落返荃灣,選個靚商場解決所需及洗下塊面.攪掂就順便吃埋個tea才繼續逛逛.毫無頭緒之下,覺得RISO的茶餐在同商場的餐廳叫較為經濟的了而且最旺的TEA TIME仲有吉位就決定一食.因為貼了一張'輕怡高纖'的貼紙,所以今次捨蕃茄不要,換來一碟蜜豆雜菌燴紅米飯$28本身可免費轉意大利飯,不過每餐都要纖維下所以不轉了.蜜豆四條,雜菌是冬菇&蘑菇,份量一點也不少!非常好.紅米飯量也很多,燴過後完全去掉九成九粗糙感,反而令它變得好好咬而燴飯的汁味道清清地,但又不是無味架喎,重點是無油份,實在是健康之選!!而老友選的火腿雞肉白汁意粉$32,本身是配闊麵的可惜沽清,我們即時覺得即拉底個價錢了.份量算大,白汁用量計到剛好,吃完後個碟底沒有多餘汁剩下.餐飲我們都飲'是日果纖多',今日是蜜瓜牛奶味果纖多,見旁邊兩位小姐見到此味特別興奮,難道是少有品種來?碎冰加蜜瓜打成冰蓉,入口涼快順喉,味道帶有輕輕牛奶味,反而蜜瓜味真係不多覺,最後數啖先食到有幾粒冰蜜瓜見到門口旁個櫃放了水壺和大量水杯,給客人自行斟用.實在是我這類水怪的欣慰.屯門分店好似是沒有的呢~收銀小姐不多留心客人的ORDER,要我重覆兩次,而

我地入去坐果陣,見有個男職員落力地工作,不過臉上一直缺乏笑容,而且有少少黑面就真...我地岩岩坐低,佢就主動俾左3份menu俾我地, 當時只係得佢+另1個女職員在工作,所以見佢地都幾忙,我排隊去cashier幫手落order又係那個男職員,不過佢講野完全無晒朝氣...講野又好細聲... 比d精神吧,果陣都係岩岩lunch時間,有排都未收得工ga!點左 2人套餐 $99-------2款主菜(揀2款從未食過的) + 小食1款+飲品2杯另外再點左1份 A+B套餐 ,即係主菜$37+ 小食,再加$5才有飲品--((我問鮮茄黑椒腸長通粉配辣肉醬 可唔可以辣肉醬分開上,而佢唔係望住客人回答,只係搖頭表示唔得,佢的服務態度真係唔係好得))2人套餐 $99**********鮮茄黑椒腸長通粉配辣肉醬真係有勁多肉醬汁呀,長通粉+腰豆的份量「勁多」,好抵!可能呢間cafe好少有人點長通粉呢樣野,多數個個都係食意大利飯only.反而腸片少左d,有好多青椒粒在長通粉下面呀,幸好唔會好辣,而且又幾好味呢!!客人可以自行到出菜處附近扲餐碟+芝士粉(調味料)~ 焗黑椒南瓜汁雞胸闊條麵用個pizza的器皿來盛,有

打波前食個tea補充體力，見食評都唔錯，就去試試。坐底攞咗Menu睇，有下午茶或二人餐(下午茶時段減$20)，唔想食咁多，就叫咗兩個下午茶 - 煙肉火雞白汁意粉(Menu上的名字)及炸薯角，飲芒果閒情及熱柚子茶。芒果閒情 = 熱芒果茶，有幾粒芒果，算唔錯，唔算好甜；熱柚子茶都ok，都有柚子皮食下。至於兩個主角就.............煙肉火雞白汁意粉 - 等緊的時候望下張單，發現個名變咗係煙肉白汁意粉，o咗嘴，上枱時賣相都唔錯，幾片磨菇，又有nuts，無咗火雞都算啦，撈幾撈發現白汁好少，頭一兩口仲有D白汁，之後就開始乾，無白汁，意粉亦黐埋一舊。好戲還在後頭..........炸薯角 - 以一個小籃上枱，籃已經細啦，但薯角的數目更少，只係僅僅鋪平籃底，唯一可取的是賣相吸引，炸得夠熱，但唔夠脆口lor........食完好似無食過。以咁嘅價錢，交D咁嘅貨色，未免有D失望。

意大利菜中，都幾鍾意食意大利飯。riso個名都以意大利飯為招徠，就試一試。人工高企、最低工資、精簡人手多重夾擊之下......要自行登記拎籌，完全理解，亦唔介意得咁多。可想而知，人手唔係咁充足。類似EURO GO GO，走小巧主題路線，餐牌貴精不貴多，不過以小吃來說，亦好過EURO GO GO一味靠焗，可以接受。老婆個意粉麻麻地，冇乜值得好講。多士幾香幾香口，杯蘆薈特飲唔太甜，好清新又爽口，有小小驚喜。我個飯略嫌濕得滯，不過都可以接受。芒果特飲冇驚喜。另加點蜜汁法蘭克福腸。腸衣好脆，唔錯。個餐重有細細杯雪糕。整體來說，係偏清淡少少的意大利路線，感覺健康少少，可以一試。

放學後跟家人到citywalk逛逛後,決定到Riso食dinner先~坐位仍是很舒適!cashier 職員order效率高,覆單正確無誤,服務態度不錯,上菜時也很專業,A+B+C+D自由配搭餐 $42主菜+小食+甜品+飲品 每次食完都係非常之飽+滿足的!價錢很合理,環境舒適!非常不錯 主菜-鮮茄粟米香腸磨菇闊條麵顏色及賣相非常奪目!!茄汁食落口不算很香濃的,無乜鮮茄的味道!味道較為甜, 粟米鮮甜可口,每種配料的份量也是很多~ 香腸切片,屬脆皮腸,非常香脆爽口! 闊條麵口感佳,配上茄汁的配搭還好! 很大碟+份量很多,可慢慢品嚐~! 小食-葡萄乾包麵包上有碎提子粒,很好吃~ 5片也烘得金黃色,脆卜卜的~感到滿意 (家人點的蒜茸包及咖央杏仁脆香包~,也一致很愛吃,good) 雪山曲奇香蕉蛋糕無上次食咁多冰+硬身,始終可能稱為雪山蛋糕,係比較硬的吧..不過我鐘意食軟淋淋的口感!!確實有曲奇(似oreo) 及香蕉味的存在,但發現呢件蛋糕比上幾次黎食,仲切得細件左.........可能今日較為多人,所以切得比較細件,驚供不應求掛, 非常少的朱古力醬作為裝飾 飲品-藍莓蜜桃紅飲落去唔會好甜,有些

weekend去citywalk度行下街,又再一次食Riso啦,時間關係,陣係寫我最鍾意食的 - 蜜香葡萄乾脆香包order一個risotto / pasta / pizza, 加$9就可以有一份appetitizer同飲品,appetitizer入面的蜜香葡萄乾脆香包完住係賣飛佛,用chipolata包包搽上蜜糖同葡萄乾醬,因為本身個包包係咸的,搽左醬左覺得唔會甜到漏,就好似去BBQ烘麵包的勁好食版,絕對推介

店子雖小，裝修乾淨利落，餐牌須花點時間來研究。同女友揀了二人套餐，主菜三選二，揀了烤雞意粉及香腸粒意大利飯，送一客蒜容飽、兩雪糕及兩飲品。兩主菜來得算快，熱騰騰的，芝士面，賣相不錯，味道尚可兼飽肚，烤雞是胸肉比較"鞋"，意大利飯"立"口，但口感不錯，蒜容飽亦夠脆。兩杯飲品分別是藍梅蜜桃冰及芒果冰，夠凍兼有果味，雪糕是牛奶公司小杯裝。二人吃才$99本是沒有苛求，結果發現質量不俗，環境算好及完餐後冇催人走(餐前付款及任坐)，最後傾計多留了一個鐘頭。

.2010年8月5日 荃灣 ( Riso Café - 1 )晚上，我倆於荃灣覓食，原本想前往荃灣廣場新開的四海遊龍，但行至荃新天地商場，突然來了一埸黃雨，隨即轉了軚，就在這商場裡找地方用餐，最後選擇了從前也嚐過的意大利餐廳。這裡的意大利式套餐，基本上是分為四大項目任意選擇的，分別是A主菜項：共有4款選擇 + B小食項：亦有4款選擇 + C甜品項：共有8款選擇+ D飲品項：是有最多選擇，總共有13款，詳細名稱可參閱餐牌，每個項目可選擇一款，即每個餐分別有A主菜 + B小食 + C甜品+及D飲品共四種食物。我倆選擇了兩個餐，分別選了A主菜火雞煙肉白汁闊條麵及奧地利白汁帶子燴飯；B小食選了咖央杏仁脆香包及南瓜湯；C甜品選了意大利咖啡雪山蛋糕及黑森林雪山蛋糕； D飲品選了藍莓浪漫及菠蘿阿蘿哈。先談A主菜：(1)火雞煙肉白汁意粉，原本是闊條麵，我們要求改了意粉，除了有火雞及煙肉外，還加上少許杏仁在上面，杏仁香脆可口，火雞沒甚味道，煙肉顯得較為惹味，意粉煙韌有咬口，配合好味的白汁，味道算幾好。(2)奧地利白汁帶子燴飯，帶子約有6粒，雖然是較為細粒，但味道也是鮮美，飯粒圓渾濕糯，皆因白汁已黏滿飯

上星期終於試咗呢間, 因為係or成日見到價錢又平, 但個look又吾錯wor..終於上星期見到無咩人, 又吾洗等, 所以試下先...雜菌蜜豆燴飯 配 芒果香蕉 - 個飯係意大利飯, 味道好清, 不過都幾膩..因為好飽肚, 飲品真係有驚喜, 吾太sweet..吾會太凍...仲有生果粒tim呀...還有另外加一個介椰包 - 呢個好好食...真係即整...好新鮮, 好香...岩我...overall呢間野d食物都吾錯...價錢又吾貴...如果吾洗等, 真係值得試

今日同男友睇完戲, 趕住食lunch 之後去補習 ~ 唔想食附近D KFC,大快活, 所以男友就suggest 試下呢間, <其實之前係鑽石山度都食過, 不過年幾兩年前, 個間都唔錯 >荃灣既分店個餐牌多左好多野定唔知複雜左 ~ 成日要諗加幾多蚊又好煩, 所以索性同男友選左兩個類似set lunch 既物體~~ 男友: 海鮮燴飯+蒜蓉包+芒果雪山蛋糕+芒果沙冰~ (50)自己係粟米腸意粉+蜜糖唔知咩多士+榛子雪山+藍莓蜜桃沙冰(42)(其實cashier落錯order , 不過我又無留意, 掛住同男友傾計, 到上台先發現, 咁就算啦~ 如果唔係, 我想試南瓜雞紅米燴飯A!!!! 因為男友個海鮮燴好好食A!!!!!!)不過錯有錯著, 佢D sauce 好正 ! D 意粉岩岩好, 唔太諗/硬 ~ 好開胃咁就清哂啦 ~ 之後再有個蜜糖唔知咩多士, <呢個係力推!>男友都好中意食呢個, 甜甜地, 幾好味 ^^ 個cake 好出乎意料, 我唔食得芒果, 迫住食個榛子雪山好好食A~ 坦白講, 我自從細個食左好難食既榛子蛋糕, 都會避免榛子, 但今次試左一啖之後就停

shopping買野買到累,,就入黎坐下食小小野,,唯一驚喜既系杯野飮好好味,,=]士多啤梨xx : 香甜青瓜xx : 清新2杯都好好味=]另一個就系d多士好好正,,尤其是蜜糖味嗰款,,食到唔想停噶,,但我要keep fit><"個闊面就認真嘛嘛啦,,我自己整都好味過距=="不過20-30蚊左右一個下午茶,,又唔洗等,,又唔洗逼,,慢慢坐下傾下偈,,都真系唔錯噶=]

難吃度： 完全唔明點解有人會覺得呢一間野好食其實一去到已經覺得有啲唔對咯間間野都坐滿晒唯獨是呢一間有大量空位心諗佢裝修都好似唔錯應該無死掛點知即刻中招蛋糕又凍又無味唔講都唔知自已食緊蛋糕risotto 口感奇特米還米味，海鮮還海鮮既臭味，楜椒有楜椒既味三層味互不相干各自表達，我總共筆左三啖入口老婆叫既扁意粉亦別具一格，口感同七十一叮叮意粉差好遠七十一的叮叮意粉好好多！老婆友人叫了 pizza 仔，唔知我仲以為係佢自已家政堂既功課全店可入口的美食包括：辣椒仔辣汁，餐包，芝士粉，呢個係真既，大家入到去唔知食咩我推介呢三樣最穩陣呢間舖頭令我鼓起勇氣上來開account因為真係好想同全世界分享我地最終每樣食左三啖就起身走人去對面北海道活壽司食算數當自已唔好彩跌左百五蚊講真，比左錢，無乜理由仲要為難自已你話我無衣食都係咁話，因為我相信乞衣都未必會食

有紅桑梅雪山蛋糕(其實呢款蛋糕,在meau上果6款雪山蛋糕都唔見有呢款..可能係新出吧..不過又無咩信心,怕太甜…) 及芒果雪山蛋糕 就係今日ge蛋糕款式,所以揀呢款,點知再度又再度失望 我記憶中,0係RISO食雪山蛋糕, 得1次食得落口係叫做最滿意,我唔知其他分店做成點,….呢次都係做得很差,因為雪到d蛋糕好硬呀, 黑椒腸雞肉繪飯 $42 (set lunch 連蛋糕,小食,drink)黑椒味唔會過辣,因為d黑椒唔太多,好多青椒粒粒~脆卜卜又爽口,意大利飯染上黃色,再襯埋青椒,賣相很美,都幾好味~食少少都好快飽…但d醬汁係oily的…粟米鮮甜~good,我鐘意~ 南瓜湯 之前份舊的meau一定要配麵包x5(份量真係好多..) or 蜜糖腸,而家可以配南瓜湯tim,真好飲,鐘意杏仁條~加上南瓜湯味道很甜,南瓜的香味四溢,很大很大碗~!!飲完都飽飽地..都驚食唔落碟飯tim…. 芒果雪山蛋糕用叉<吉>入去都唔係容易的事   成舊冰0係個蛋糕面… 仲要有塊冰係用黎伴碟….唉..真係超凍…搞到似係食冰之蛋糕…..雪山蛋糕…呢個名就係因為結左冰..所以叫雪山蛋糕嗎???

看過「為食黑白糖」推介此餐廳,今日想出街食,就諗起呢度。七點九,不用等位。有兩個大menu,什麼A+B+、是日晚餐又A+B1,2,3+C+D,什麼小食+$9,好覆雜。所以我只揀了食乜,點樣配對,由老公order。南瓜雞紅米燴飯餐$42,有玫瑰蜜茶、葡萄包、榛子雪山,抵食!杯花茶,玫瑰花+蜜糖。我覺得唔夠熱,同埋飲花茶,唔係用玻璃水壺,焗出茶味黎飲,根本唔係那會事。南瓜飯,好dry,無汁,無南瓜味。睇番張單先知,原來係「燴」飯。我一心來食意大利飯,睇menu相,誤以為係意大利飯黎添!鮮茄粟米火腿腸麵$37,隔離枱o個兩碟好鮮茄紅色,又多汁咕喎,點解我地o個碟,咁淺色架!?粟米同火腿腸都無炒過,同埋D闊麵一樣,白烚,再淋蕃茄汁,好無生氣囉。呢兩個主菜,俾我印象係淡、寡,清淡如屋企一人食飯時,將全部野煮/烚熟,擺埋一碟。我喜歡清淡、及有機菜式,但o係來呢度,我唔係expect食到這種味道。幸好葡萄包,沒令我失望。即叫即焗,夠香脆,枕頭包又軟熟。整件包查滿了....我想起,在超市買過一盒查麵包醬,日本出產的提子乾牛油!絕對係o個隻味!可能她份量查左唔少,仲有蜜糖,滲到去麵包底,好juicy!榛

近七時入座，所有貼牆的卡位全滿。共點兩套餐：一為「雜菌雞紅米燴飯」，另一為「意大利腸Pizza」。選別處少提供作餐湯的南瓜湯、是日二選一甜品的朱古力雪山蛋糕、以健康又消滯的甘菊香草茶作餐飲。南瓜湯因沒有忌廉的滑溜更原汁原味；主菜雜菌與雞肉的比例頗懸殊，而雞肉不是一件件或一整塊卻是一顆顆小正方形；燴飯帶有滑溜忌廉口感但不搶味又豐富；顧名思義的雪山蛋糕硬度當然十足，朱古力味濃；甘菊香草茶則附送沖泡中的茶包乙個。至於那個直徑約六吋的意大利腸Pizza...厚底、餡少，尚可。實在價廉物美啊! 如何能希冀正宗否?