影片
電話號碼
69332644
開飯介紹
主打單品咖啡及牛角窩夫，鹹甜款式也充滿特色；cafe設計簡約，以灰色做主調，座位均可欣慰咖啡師沖泡飲品，感覺很治癒。
繼續閱讀
營業時間
今日營業
11:00 - 21:00
星期一至三
10:00 - 19:00
星期四至日
11:00 - 21:00
以上資料只供參考, 請與餐廳確認詳情
有關獎賞計劃
🫒Rolling Coffee Brewery 小西灣道18號富景商場一樓155-156號舖柴小杏高質必試！試過一次外賣已經覺得超班 呢個價錢嚟講質素非常之高 身邊試過嘅朋友都大讚好食😋 職員好nice 環境唔係好大 堂食人數有限📄menu仲會不定期更新 選擇好豐富𓌉◯𓇋 忌廉煙三文魚扁意粉 $68意粉唔會好乾 份量好多🍝忌廉醬亦唔會好膩𓌉◯𓇋 有營慢煮雞胸藜麥靑瓜沙律 $56打算輕輕食個沙律 點知佢咁足料!🥬 雞肉肉身好滑 配埋藜麥好夾𓌉◯𓇋 Hot Hojicha Latte (+$18)好有驚喜! 飲落唔會成口粉☕️焙茶好香 飲到意猶未盡🦊呢度嘅嘢飲簡直係打卡之選!𓌉◯𓇋 Hot Chocolate (+free)學生優惠跟餐嘢飲免費! 朱古力甜度啱啱好🍫 拉花超有心思 出面cafe都未必咁易搵到嘅質素🦄approx. $70/ppl食物🤰 ♥ ♥ ♥ ♥ ♡環境🤰 ♥ ♥ ♥ ♡ ♡性價比🤰 ♥ ♥ ♥ ♥ ♥
繼續閱讀
次次都係食沙律，今次試吓食澱粉質先，我要咗《巨型帶子青醬螺絲粉》同埋《d雞多到唔知係咪食緊飯嘅韓式泡菜雞肉炒飯》，個名好正水蛇春咁長，賣相不得了巨型帶子青醬螺絲粉～帶子鮮甜，不過青醬配螺絲粉好似唔係好夾🤔（個人口味）韓式泡菜雞肉炒飯我係留返帶飯🤭，換盒時發現飯如其名D雞真係堅多，我分咗三件俾同事食，我仲有兩件，飯用珍珠米炒到粒粒分明少少辣不過好惹味，雞肉好嫩滑，同事都話好味見Menu又新款沙律，決定過兩日又試吓煎帶子蝦蝦明太子沙律原來帶子被蝦遮住咗影佢唔到，帶子都係鮮甜，呢款明太子（個人覺得有啲腥），不過其他都好正
繼續閱讀
第一次食真係驚為天人！今次第二次食覺得真係要寫個食評讚吓（人生第一個OpenRice食評）但係因為有啲肚餓，所以都係長話短說。外賣過到嚟意粉都仲係根根分明有咬口，大啡菇同蟹肉都好慷慨咁俾咗好多，仲有埋沙律菜唔使驚便秘（賣相仲好靚，但因為我食咗兩啖，所以有啲醜sorry）泡菜雞肉炒飯嘅飯粒都粒粒分明，點做到？我一個唔鍾意食炒飯嘅人都覺得幾好食，泡菜爽脆雞肉嫩滑咁嘅質素出去食應該要百幾蚊以上，所以真係好抵柴小杏街坊多啲幫襯等佢唔好執笠！好啦，講到嚟呢度，再講就似打手跟餐咖啡都好飲！下次會嚟試吓其他咖啡
繼續閱讀
第一次order呢間小店到會，我地係佢第一個叫到會客人，大家相方都膽粗粗試下，佢地有信心做到，我就覺得佢地一定唔會令我失望，結果喜出望外，份量夠多夠大份，味道超讚，夠熱夠新鮮，特別係黑椒鹽封吞拿魚沙律，吞拿魚勁多，好多無花果，勁抵食，仲有個蕃茄虎蝦球英式腸，超多虎蝦，味道濃郁，超讚，甜品croffle 勁加係佢地招牌菜，就算大人唔食甜品，都覺得好正，老闆更加親自送上門，態度由開始到最後都超讚，真心值得推介。個個都食到舔舔脷😝
繼續閱讀
見好多人介紹呢間咖啡店，又住附近。專登行10分鐘過去，個朝成11點幾去到，行入舖頭，嗰個男職員黑口黑面同我講，啱啱開舖，唔會有咖啡同野食提供！又無笑容，一句唔好意思都無，仲好似串緊我話你咁早嚟，阻住我開舖咁！趕客趕到咁，啲咖啡同食物再好都無用啦。間舖已經唔起眼，係商場兜左起碼2個圈先搵到。再加埋呢啲咁既服務態度。絕對唔推薦！
繼續閱讀