Rosemary Kitchen (已結業)

今日第一次嚟朗屏， 搵咗好耐餐廳都冇餐廳收留我哋！ 唯有呢間嘅老闆娘願意！環境吾錯，有梳化凳坐，不過座位唔多。老闆好好人～好friendly， 會同你傾下偈又講下笑！服務一流！佢地個芧頭湯好好飲，真係好好飲！淡淡都有芋泥～野食好足料又好食！真係大件夾抵食！！我哋叫咗個黑松露煙肉炒飯，雞扒飯 ， 龍脷柳 轉薯菜。 每樣都係$48， 凍飲加三蚊 ～ 唔使另收小費。 如果下次入返嚟朗屏都會幫襯呢間～走嘅時候個老闆娘 仲問我哋點解吾坐耐啲😂真心推介！平靚正！！

今日同朋友一齊去呢間餐廳食晏。餐湯我覺得一般，可能係因為本人唔鐘意佢加左既香草，但我朋友就好鐘意。之後肉醬意粉一般，如果加d芝士會好食d,味道唔係好濃味，清清地。朋友叫左牛扒都唔錯。服務員好好態度👍🏻雖然餐廳比較細小，但都唔洗等位。

食材新鮮，味道一流，份量超大，價錢合理， 少有嘅良心食肆， 平日嘅午餐同晚餐已經超值 ， 今日一家去食佢地嘅聖誕套餐， 超級超級抵食好食，尤其是特濃芝士龍蝦海鮮燴飯龍蝦超新鮮超好味，另外，紅燒極品肩胛牛柳，秘製醬汁豬肋排， 分量超大，誠意推介俾大胃王， 聖誕套餐點少得甜品，佢哋個炸雪糕 ， 另外私心推介佢哋嘅凍檸檬茶， 茶味好香， 預早訂位仲有聖誕燒春雞一份

豬扒極之脆口 但一點也不油膩。新鮮蕃茄和芝士味道非常濃郁。 還有新鮮的紅黃綠椒在其中。另外 還可以改白飯底。対我這些怕肥又喜歡吃得健康的人來說 簡直是恩物。另外 還送素羅宋湯及餐飲 極度美味 而不油膩非常健康。 物超所值。 由開張到現在 也去過幾次 每一個餐 無論是牛羊魚雞或意粉，甚至小食 .......尤其是蝦多士，都非常美味 給人驚喜。 每次的餐湯都不同，青豆湯 薯仔湯 南瓜湯 等等都各有特色。比我以前去過的任何一間餐廳都更好味。

今日同老婆嚟食，我叫左個香煎嫩肩裡肌牛排，黎到時嚇親我，塊牛扒大過我塊面!!!!! 塊扒好嫩滑，原來佢塊扒係用蔬菜醃過，所以好冧，冇加肉鬆粉， 估唔到這間餐廳咁天然。個燒汁用咗好多配料來製，好似有少少梅子， 跟牛扒的意粉亦都夠乾身，好好味。老婆叫咗個紐西蘭香煎比目魚排，好大塊，好嫩滑，南瓜湯亦都好夠味道好濃郁的香味，是我食過最甜的南瓜湯，老婆食完個湯再叫多碗。 我覺得一份餐都可以夠兩個女士嚟食， 以咁嘅價錢嚟講相當抵食!

一行四人慶祝母親節平時多數係朗屏西鐵站下面食大排檔小炒，因為平靚正，又可以慢慢坐。眼見母親節，一於同媽媽食下西餐。門口已經寫有今日既餐牌，價錢係普通西餐小店既價錢，本來覺得正正常常價，甚至有點貴，我地每人叫左一個SET但點完餐後先知道後悔1. 焗肉醬意粉 $68不過不失，正常水準。2. 卡邦尼意粉 $68媽媽好鍾意食，因為佢既醬汁濃郁香滑，意粉上掛滿忌廉既混合物，並帶有少少芝士咸香，食得出落左好重料3. 香煎里肌牛排 $138上枱嚇親，不自覺地＂嘩＂左聲，失禮死人牛排好大好大好大塊！！成隻前臂咁長，而且份量係平時既２倍大。雖然佢大大份，而且叫左全熟，但唔好以為佢好鞋好ｕｎ，事實係牛排肉質依然軟淋淋，好似食緊３－５成熟既牛肉咁有肉香。配碟有茄子翠玉瓜同蕃茄，即叫即煮，茄子索晒ｄ油，好邪惡，但好好好好味而且伴菜叫左薯角，好脆，而且份量又係十分多。女仔人家點食得晒4. 珍寶雞扒配吉列蝦 $98同牛排情況一樣，一上枱又只到嘩一聲又係平時既２倍份量。雞扒比起牛排好食，咁大咁厚依然保留到肉汁同嫩滑。而且煎得好香口，醃料充分為雞扒加分！呢間野又平又抵食又大份！！！已經納入媽媽既口袋名單

最近知道有間西餐小店開o係朗屏西鐵隔離，試一試點左個卡邦尼($68)同安格斯肉眼($188)，試下佢唔同range既食物都係Pixsoul style，相片說明Overall食物方面係好好，唔係走平價路線。如果飲品方面可以有D靚少少既咖啡就好喇可以回頭既小店，遲D試下佢其他dishes

無留意原來April kitchen 已經搬左，入黎時重諗緊個餐牌好似唔同左，食完先知轉左餐廳。叫左個香煎里肌牛排，見到碟野心裡「哇」左聲。塊肉超大塊，重大過我個臉。食落口肉質幾嫩，味道都唔錯，個人食牛排重視口感多D，依個牛排肉唔韌或者柴口已經好加分。叫左蒜蓉汁，味道都ok既，但酷愛蒜頭既我覺得蒜蓉味唔夠竹，再多D蒜就好啦配菜重有我最鐘意既茄子，叫左薯菜，佢真係比好多薯角我……食完真係飽到上心口。感覺一碟都夠2個細食女仔食到飽餐廳有D細，同冷氣唔算太勁，食食下會覺得有DD熱。價錢138無收加一，包埋餐湯同野飲都ok抵食有下次。