Route 83 (逸峯商場)

營業中

休息中

愈來愈多喜歡的餐廳暫停營業🤧，就趁有機會，好好食均想食的餐廳💕。Route 83 午餐 真係好好食，性價比極高，#牛扒 軟淋🥩，啱啱好，濃郁牛油香氣，而且仲勁大塊。蕃茄汁酸酸地，好開胃！咁樣嘅 lunch 只係 $78！ 咖啡仲有拉花☕～～真係好難得有咁抵！

▶️之前佢新開張，堂食過佢既熔岩芝士漢堡🍔(可以睇返我之前post)係幾好食🤣好近我屋企，所以叫左外賣，結果搵到另一樣好食野😋巴馬火腿火箭菜簿餅🍕原來佢既pizza係好好食🤤薄脆既批底，個人覺得食落有d似粟米片，好油潤既巴馬火腿加火箭菜真係好match無得輸既組合，價錢只係一百蚊唔洗，下次多個選擇😍香煎豬扒配意粉🥩🍝開頭以為係好頹既扒配意粉，剩係意粉有用茄汁🍅煮過已經好有誠意，仲要係入味好食👍豬扒有兩大塊，煎得好香，肉質唔會梅同嚡，幾好食😋黑咖啡☕本身係跟餐既鮮奶咖啡🥛☕但我唔飲奶🥛結果飲到佢有好香既炭焙味，估唔到跟餐既咖啡都咁特別👍🔯呢間西餐野食有驚喜😍份量又多（睇個跟餐薯條山就知）價錢唔貴，佢撞正疫情嚴峻前開張，希望佢捱得過💪🏻💪🏻

咁啱去到粉嶺見到呢間餐廳，睇落幾好味咁，就叫個外賣返屋企！叫咗黑松露薄餅 & 軟殼蟹肉意粉 好味呀🤤🤤🤤 薄餅夠薄又鬆脆，入面黑松露好夠味好足料！軟殼蟹肉意粉好夠味，軟殼蟹又夠鬆脆！員工都好有禮貌，有耐性、態度又好，會話你知要等幾耐。好想再食多次！去到粉嶺真係必食😋😋😋

▶️以前喺大埔食過一次，非常驚豔一直記住，而家竟然喺屋企附近開，無理由唔去一試🏃餐湯：椰菜花忌廉湯🥣偏鹹但好飲，好香忌廉味，反而唔係好飲到椰菜花味🤣一黎就好快飲曬😋唔知餐湯係唔係日日唔同款🤔芝士熔岩漢堡🍔配薯條🍟麵包鬆軟好香芝麻味，漢堡扒🥩有肉香，芝士🧀好鹹香，配埋一齊好juicy好好食😋薯條🍟夠熱夠脆👍芝士多到可以配埋薯條一齊食👍望到隔離枱食扒都唔錯，下次可以一試😋屋企樓下有間唔錯嘅西餐都幾好😍

公司附近開咗間新鋪，裝修清新，座位舒適，12:38開始排隊，等咗十分鐘就有位，人流唔算多。我同朋友都叫紐西蘭頂級草飼肉眼牛扒配黑椒汁，我配薯條，佢配意粉。份量無附近食肆咁大份，但對女仔黎講就啱啱好。不過份扒質素跟快餐店食的差不多，我哋叫五成熟，我覺得熟咗少少。跟餐的忌廉湯濃稠，味道唔錯。熱奶茶味道有茶餐廳水準，好味😋值得再光顧。