Route 83 (逸峯商場)

營業中

休息中

之前日日都係買飯盒返Office食，今日特登喺Office附近搵到呢間德國菜。呢間野既食物質素好高，食飽飽心情好啲靚啲，返工都有動力啲。🌽🍉😔😣前菜系迷你凱撒沙律，細細碟岩曬我，而且D菜都好新鮮配埋特製的沙律醬，仲有我最愛的芝士粉，正！😋主菜我叫左個香煎吞拿魚扒配薯蓉 $128，賣相真系不得了，吞拿魚肉質鮮嫩，唔會柴，煎得好香，岩岩好。同我最近唔想食太Heavy, 配薯蓉真系健康又夠飽。🔥😂呢間餐廳可以再來，而且環境都坐得好舒服，唔會太逼。下次試埋其他好菜！🤗

前排冇堂食日日都外賣，或者真係兩送飯。真係食到好厭，而且又冇得去旅行，所以就揀咗呢間德國菜過嚇癮，就算身體去唔到旅行，😍🤣😁我個胃都可以扮去咗德國旅行咁，哈哈。🍔總體食物質素都好高，我最中意熔岩芝士醬漢堡 $98，因為我好中意食芝士，熱熔芝士實在太邪惡了！🍟🍟🍟餐廳講芝士同塊肉完全融合一起，成個感覺好夾，留曬口水。香煎鮮三文魚柳配檸檬牛油汁配薯蓉 $178，賣相唔錯。🍕🍟魚柳外脆內軟，不會太熟令肉質太韌，非常鮮味，還有淡淡的牛油香味！我同朋友已經約好下次再來食啦，你都一起啦！🥦🥦

啱啱睇完戲，又未夠錢free泊車，打算揾間餐廳食嘢先夠數，見到呢間餐廳相對上無咁頹，就入咗去。跟餐可以揀沙律or 餐湯，一人各一樣，沙律正常，餐湯好飲，唔係普通嗰啲紅白湯，推薦飲湯。巴馬火腿火箭菜薄餅$98，分開咗8件薄餅底，作為輕食，呢個pizza幾啱作為前菜，巴馬火腿唔孤寒，都砌得好靚，鍾意佢薄餅底夠脆身。芝士焗龍蝦配龍蝦汁意大利粉$108，龍蝦大大隻，蝦肉爽身彈牙，有少少似龍蝦伊面🤭意粉反而多汁鹹香，唔錯！餐飲杯奶茶好香滑，我就鍾意茶味濃啲，而先生杯咖啡係即磨咖啡，比茶記咖啡飲落，唔同級數，呢杯唔錯。

前兩日見完客，收早就同埋男朋友係屋企附近睇戲之後就食埋個夜晚飯，咁就可以拎埋商場個免費泊車🚘，因為好近戲院我哋成日睇完戲都會過嚟食西餐意粉🍝等等今次唔食澱粉質，我哋叫咗香脆包糠焗豬鞍，🐖🐖唔好睇佢得壹塊豬鞍其實個份量好大，先焗完鎖住啲肉汁，外面仲有一層博博嘅麵包糠包住，所以食落外脆內軟，另外係配完個焗薯，誠意滿分因為我好鍾意食羊，🐑🐑我另外叫咗法式燒羊架配香草燒汁，三舊羊架$200有找真係好抵食，佢燒到羊架外面焦香，食落啲羊脂係口入面散發出黎因為都食咗兩大碟肉，叫咗芒果沙冰Refresh一下味蕾，甜度啱啱好用膳芒果打出嚟嘅沙冰都幾細滑，好香芒果味，另外仲叫咗杯檸檬水就好普通，冇乜特別。

芝士焗龍蝦配龍蝦汁意粉$108，我同朋友都笑咗，個名改得長啲就勁啲咩😆😆😆，唔通可以配其他汁嘅？不過都濃龍蝦汁嘅🦞🦞仲有大半隻龍蝦，意粉份量夠晒食，可以拉芝，大滿足！朋友叫咗個漢堡餐，個包包幾大個，啲薯條多到兩個人都食唔晒，下次黎要叫小薯條得啦，勿浪費食物！🍟🍟而另一方面我地都好滿意，就係個特飲啦！我就加錢要咗個夏天好啱飲嘅士多啤梨沙冰🍓🍓凍冰冰之餘，有新鮮士多啤梨果肉，唔會死甜，透心涼啊！🤗🤩今餐飯，我同朋友都好滿意，除咗環境坐得舒服，乾淨企理外，店員服務都好好，傾多兩句坐多陣都無問題👍🏻

難得今日放假就帶媽媽出嚟食好嘢，知道屋企附近有一間西餐廳嘅comment都唔差，所以就決心試一試！我同媽媽去到餐廳之後都好滿意，覺得都幾乾淨同待應都好有禮貌，亦都好有心推介左幾樣嘢食俾我哋❤️❤️分別就係香脆包糠焗豬鞍同香煎吞拿魚扒配薯蓉除咗推介嘅呢兩道菜之外，我哋仲叫咗個凱撒沙律做前菜，個沙律菜非常新鮮。我同媽媽都覺得係值得食嘅👍🏻我自己就認為個香脆包糠焗豬鞍非常有驚喜，面層嘅麵包糠比我嘅感覺係好似少少似吉列豬扒，但唔同嘅係焗豬鞍的肉質係非常嫩同厚身。上面嘅麵包糠唔會有油膩嘅感覺，配埋佢自己整嘅醬汁真係好正！媽媽一路食就一跟話下次要帶埋爸爸黎試呢道菜😆😆而個香煎吞拿魚扒配薯蓉媽媽都不停咁讚！👍🏻滑個魚扒煎得非常之淋身同埋一啲都唔腥，除咗個魚扒好味之外我覺得佢個薯蓉都係好值得推介，個薯蓉係真係做到入口即溶嘅感覺，佢個味道真係會令我不停咁擺落口🤣🤣最後我仲叫咗杯焦糖朱古力飲作為我成餐嘅結尾！焦糖味好出完全冇冚過朱古力嘅味道，今次呢一餐飯媽媽俾得好高分！佢話下次一定要再同爸爸黎過😆😆

我個friend心血來潮, 想找間餐廳有正魚扒食, 我就想起喺粉嶺呢間steak house, 都有魚扒食仲係好好食,朋友就要左香煎鮮吞拿魚, 佢話塊吞拿魚個邊煎得好香, 魚肉好鬆好軟好有鮮味, 將魚塊放埋啲薯蓉一齊, 全部放哂入口, 入口即溶, 不失鮮味仲帶點鮮甜, 好好味又唔覺漏,我自己中意食煎香既三文魚, 將整塊三文魚上吱啲檸檬汁, 再搽上牛油🧈, 加上配埋既薯蓉, 魚肉內夾有既魚油和封住既魚汁, 混和牛油汁和檸檬汁🍋, 魚皮又煎得很趣身, 放入口香氣撲鼻口感味覺一流, 叫埋個凱撒沙律🥙做配搭, 夾到不得了, 個沙律又唔迷你得哂, 鋪喺上面啲火腿絲🥓好香, 沒有被沙律菜和醬蓋過, 總而言之, 全部都好食都停不了

逸峯既餐廳唔算多，除左茶餐廳同Route 83，另外既全部都係大牌子餐廳連鎖店。用比較呢個字眼，同聯和墟既同類型或茶餐廳作比較可能有少少奇怪，但係講價錢同食物品質既比較就會合理好多喇！午餐A 紐西蘭草飼肉眼肉質可以仲食到肉味，唔似茶餐廳果d扒會落好多食粉/鬆肉粉醃到舊肉變左質純粹係調料既味道；煎出嚟大概7成熟仲有肉汁，份量算大，黑椒汁亦都係西餐出品，唔係豉油西餐既黑椒汁。午餐B 葡萄牙蕃茄烤雞扒雞扒似係煎完再放入烤爐/面火爐焗一焗香個面再上碟另外加燒汁既，個蕃茄醬既味唔係好出，配合埋一齊仲食到每樣野既味道冇蓋過晒其它（雞扒/蕃茄醃料/燒汁），唔係話好好食：可能寫到咁有d誇張，真係張食到既味道寫出嚟！午餐G 牛肉菠蘿漢堡件自家製漢堡牛肉幾好食（juicy+有份量），同墟內賣漢堡既店比較我覺得都唔差丫，不過就冇專門店咁多款，冇左果舊好好味既大啡菰選擇。午餐H 夏威夷薄餅Pizza低好薄，會顯得格外足料，好食；齋食pizza有d寡既，所以我地3個人嗌4個餐share，其實都好飽不過當我貪心少少，又可以一次過試晒想食既食物得定唔得；lunch咁忙都咁穩陣一定有下次啦！！其實經過好多次，有時一個

前幾日系粉嶺附近行街，😁就被這家餐廳的門面吸引左入來。😌食慣一啲中日韓星馬泰嘅菜式，🥳🥳所以試下呢間德國菜都幾新鮮嘅。其實我哋都只是兩個人所以都冇嗌太多嘢食，叫咗一份法式燒羊架配香草燒汁，羊架同香草嘅比例都好好，配合得天衣無縫同好香。呢個菜式好豐富同抵食！我地都叫左香脆包糠焗豬鞍，豬鞍食落唔會話好硬，焗得夠軟身！賣相很好，亦好邪惡但真係好好食！😇😇😊個包嘅皮層夠脆卜卜，包底都焗得好好，到而家仲回味中！朋友仔話會再嚟encore！🥲🤣🤣😂

朋友仔介紹尼呢間喺粉嶺既西餐廳, 環境好relax好soft, 又唔係好多人排隊, 好快有得入座, 真好！我最鍾意食燒羊架, 所以望下menu唔洗諗就叫個法式燒羊架, 烤得非常香又軟身, 配埋香草燒汁, 食落都幾juicy, Yummy🤤估唔到呢間餐廳既burger都同樣好味🤣, order左個熔岩芝士醬漢堡, d芝士醬很濃厚但唔膩, 滲入去中間肉質嫩滑嘅漢堡, 咬落去d肉汁爆哂出尼, 混埋d芝士醬留喺口腔內, 好味到唔捨得吞🤭伴碟嘅薯條炸得好香脆😋喺粉嶺難得有美味既fine dining餐廳, 員工都殷勤有禮, 好滿意此行👍

朋友住喺粉嶺成日都話有一間好好味嘅西餐廳叫我入嚟一定要去試，今日我終於都入去同佢食飯，咁當然就係試呢間餐廳啦！😋去到嘅時候個環境都真係唔錯，而且係落地玻璃可以睇到出邊。我哋揀咗位置坐低就即刻睇吓有啲乜嘢好食。我覺得佢嘅選擇都算多。因為又熱又肚餓嘅關係我哋即刻叫咗兩杯嘢飲，分別係芒果沙冰同焦糖朱古力。芒果沙冰酸酸甜甜非常開胃。而焦糖朱古力嘅焦糖同朱古力嘅比例剛剛好。係非常完美嘅配搭煮食方面我哋叫芝士龍蝦配龍蝦汁意粉，佢個龍蝦汁意粉非常出色，覺得完完全全帶岀左龍蝦嘅鮮味，我最估唔到嘅就係佢呢個價錢竟然仲有半隻龍蝦🦞，佢個龍蝦非常鮮味同彈牙，真係食得出佢係用咗新鮮龍蝦整嘅！美式燒豬仔骨配炸薯條都非常好味，豬仔骨非常入味同真係燒到啱啱好，而且非常juicy . 😋😋😋我哋兩個都食到舔舔脷。呢間餐廳真係值得推薦俾朋友👍🏻👍🏻👍🏻

知道逸峯商場嗰邊開咗間西餐廳我又一直未試過，所以決定今日同媽咪去試一試。我覺得嗰度嘅環境都幾唔錯，而且啲位都坐得好舒服。唔會覺得有好擠迫嘅感覺。😌😌打開個Menu睇我覺得選擇都算多，因為lunch hour所以我地叫咗兩個意粉share😆😆首先講個芝士焗龍蝦配龍蝦汁意粉 ($108)先，一嚟到已經覺得佢賣相好吸引，先唔講味道，見到隻龍蝦都已經流晒口水🤤🤤，雖然得半隻龍蝦，但都好大隻！👍🏻食埋就覺得好爽口同彈牙，意粉佢個龍蝦汁都煮得好出色。再叫嘅就軟殼蟹蝦頭醬忌廉意粉 ($98)，佢個賣相又係非常吸引，而且佢係隻軟殼蟹放咗喺意粉頂，雖然隻軟殼蟹好吸引但我都係決定試咗意粉先，一食就知自己冇叫錯。佢個蝦味好岀，一啲都唔似係忌廉汁。再配埋個軟殼蟹一齊食，真係好滋味🥰🥰最重要個價錢唔貴，我絕對覺得佢個性價比非常👍🏻覺得自己好似去咗好貴嘅西餐廳咁🤣🤣🤣真心自己會再返嚟食👍🏻

今日放工之後一個人返到去粉嶺，心諗呢個星期做得咁辛苦一於食餐好嘅！咁啱就路過逸峯見到佢個門面都好似唔錯， 就決定入去試吓！入到去唔理三七廿一首先點左個凱撒沙律先，個沙律賣相普通但勝在夠新鮮👍🏻之後我仲嗌咗芝士煙肉焗青口，呢個真係幾好食，個價錢仲要唔貴👍🏻煙肉同嗰個青口邊都仲係脆的，而且芝士個份量係適中唔會覺得太多，唔會搶咗青口嘅鮮味👍🏻主菜我就叫左個香煎吞拿魚扒配薯蓉，我本人覺得呢個超好食！除咗個賣相好睇之外，佢個魚扒本身已經非常鮮味，再配埋埋佢個醬汁，係魚本身的鮮味提升到另一個層次！再加埋個薯蓉，個份量真係剛剛好！👍🏻👍🏻買單嘅時候發覺個價錢真係唔貴！性價比高👍🏻。。下次一定再黎！

見到餐牌，🤔是日大廚推介食羊架，就呢款啦，啱晒我呢啲懶人，唔洗思考，有餐就食餐。😬跟餐叫咗磨菇忌廉湯，好正喎，係用鮮磨菇打成，仲食到啲渣渣。😜羊架有特色，有三件，易咬，肉身豐厚，充滿羊脂肉感，嫩滑juicy，入面微微紅色🤤本身都唔重羊羶味，配埋香草燒汁，更能帶出個羊肉味，熟到啱啱好。好快就KO晒成碟😆 yummmm~餐飲要杯咖啡☕️即磨咖啡黎，仲要有拉花添，值得加個幾蚊啊！食食下，都慢慢坐滿客人，我都唔好意思😅讓番個位出嚟！總結黎講，食物真係值得呢個價。

🍽️在門口見到間餐廳清雅又企理乾淨, 一於入去試試, 坐低見到每枱都有籐籮仔, 裝住啲餐具方便食客任用, 足見這餐廳體貼入微, 照顧週到；🍴行到好頸渴, 見到菜牌有我至愛嘅芒果🥭沙冰, 固然毫不猶疑必飲之選, 我嘅女友就揀左飲藍莓🫐梳打, 話藍莓補眼喎；🍽️食 d乜野好, 有我哋都想食既溶岩芝士醬漢堡, 拎到埋嚟原來份量唔係細, 見住厚厚既芝士片溶成了醬急不及待用手指點啲嚟嚐下先, 嘩！即時停不了, 夾埋舊滑嫩多汁既漢堡🍔連埋煎香過既包, 食入口仲有芝蔴香味, 正到唔識用字嚟形容；🍴燒羊架都係我哋好鍾意食既, 自然要落單啦, 放到上枱便聞到陣好香既羊架🍗味, 即刻就流口水, 見煎得岩岩好唔會好乾身, 切開好脆身, 當中羊肉🐐仲係淋淋軟熟, 落埋香草燒汁去食, 啲肉食落仲Juicy又唔蘇, 超好味😋推薦👍👍