ROYCE' Chocolate

營業中

休息中

友人又知道我愛朱古力~~好細心的友人記得之前D朱古力有事, 所以買來 Royce 比我 Nama Bitter Chocolate -- 是要凍食才行, 所以佢地提供colder bag. 入面有隻小膠刀比你"吉"朱古力食家.朱古力上面有一層薄層的可可粉. 有少少苦味又好濃 (i like i like, 因為唔太甜亦唔太澀), 好似帶點酒味. 入口慢慢溶化好軟滑, 難以抗拒!!!這高水準的朱古力, 如果可以倆人慢慢享受, 你話是否很寫意呢!!!不過, 佢只買了一次亦應該唔會再買比我....................

今日去開IFC買野,見到royce個隻好似叫做山嶺茶味既限量款朱古力,好似幾特別,平時都有飲緊茶既習慣,所以就買左盒番去試啦,嘩,好正呀..好似少少食雪糕既感覺,食完就岩岩飲完一杯淡淡地既茶咁,好香呀,又5會苦澀味d茶..但d朱古力仲依然食得出好滑,gd try!!

Last year we bought choco eggs in Great ... this year is different. We passed by Royce and decided to stop by and choose our Easter treat.Too many options from choco chips, choco cubes, choco bars ... blah blah ... they are all very good! And I usu had a large bar in my partition ... in the end, I picked the pretty baby pink Royce choco cubes - Strawberry choco!Wrapped in pink paper, how could ladies resist? Japanese really knew business, and that was what I really appreciate - packaging was a g

朱古力薯片為我們帶來很多甜蜜溫馨的回憶, 就趁這個特別的三月, 送老公一盒朱古力薯片作回禮老公極愛Royce的朱古力薯片, 喜愛它的獨特味道, 又鹹又甜, 說它是薯片, 却有濃郁香甜的朱古力味, 說它是朱古力, 却有香脆薯味加鹽粒, 兩種南轅北轍的食物, 竟然在味覺和質感上能擦出火花,產生了化學的作用, 感覺不可思議之餘却又真是一對很奇妙的組合。朱古力薯片是對老公一個小小的鼓勵和一份小小的心意, 我們以後要為我們小小的家庭而繼續努力啊!

同事走了，買來一袋royce，當farewell gift。有多種口味，唯獨沒有nutty bar，於是要了這個類近的substitute。其實用料都不過是corn flake和cocoa，這些平價raw material所能製造甜而不漏的感覺，已足以令我死心塌地。70幾80蚊一合，記得以前不過$60的價錢，慨嘆.....*多謝同事，wish u all the best!

間唔中會自己買黎食，不過多數都係朋友送~我覺得佢係創意朱古力，所以d朱支力本身都唔係最靚既級數~ 當然啦，Royce既價錢相比其他Chocolatier平民化好多~有一次收到相中既 Collection pack，所以都試過好幾款~左下角個D朱古力片就好麻麻喇，始終唔係好香…所以我都係食左三塊就算，右上角既Kurumaro Chocolate就岩我口味喇，好厚好厚既milkchoco包住一層Shortcake^^Baton Cookies都幾好，好脆卜卜，黃色好食D因為椰子好香~Nutty Bar好香口，都值得食但係我最鍾意係Chocolate Wafer，因為個威化做得好鬆，一層唔太薄既朱古力岩岩coat住哂，兩樣既比例都好夾~唔鍾意食右下角有蘋果既朱古力，一陣怪味>.<另外，我平時都會買Chocolate Potato Chips俾細佬食，我就麻麻地既，因為又鹹又甜咁，怪怪~少食都還可以，但係第三塊就已經唔想食~上次多手買左一盒chocolate fingers，好短既，似一條條蟲仔~裡面唔係餅乾，似乾左既caramel honeycombe，好甜，好香…但係都好熱

吃午飯過後，一同事拿出兩盒朱古力來與大家分享。兩盒均是Royce的Nama系列，分別是Cacao及Bitter兩種口味。大家都知道，Nama系列是要凍食才行。先吃Cacao，朱古力味溫和，入口慢慢溶化，口感細膩，難以抗拒；Bitter，一聽名字就知是味道較重，入口會苦一點的。而且，我還能吃出一絲絲的酒味，口感與眾不同。同時，與Cacao有明顯分野。事實上，兩款味道均屬高水準，各有千秋，我兩者都咁喜歡。記得上次寫Royce的食評，是食友Erin留言推介我吃Nama系列，果然無介紹錯。

一邊廂甜魔食友們去掃 Chocolux, 另一邊廂我就因為「工作」關係無得跟埋去... 可幸對住一疊二疊黑黑白白對到一頭煙之際, uncle 拎了一盒 Royce 請我0地食. 呢隻係 "mild cacao" 的 "Chocolate Staff", 睇0左都唔知係乜 呢隻同之前食過深藍色盒的 bitter 味一樣要雪凍, 打開入面一樣有一小隻膠刀狀工具, 俾你切開一個個 cube 食... 質地十足 Meltykiss, 入口即溶, 好滑好細緻, 雖然唔係 dark chocolate, 但朱古力味仍然好香濃, 食完一 cube 又一 cube!咁好食, 唔怪得0個時朋友 T 推介朋友 C 買 Royce 出品0黎追女仔啦, 哈哈哈哈. 多謝 uncle 請食朱古力!

請同事去Tony Roma's食飯，想唔到佢又好似D日本人咁有回禮，同事請番我食隻貴價日本朱古力，晌Royce買嘅Natty Bar Chocolate，一盒有十條，盛惠$75，都唔平，裡面係類似米通之類嘅脆米仔，幾脆口，包住牛奶朱古力，都唔錯嘅！簡單嚟講，就有D好似食緊雀巢金脆朱古力咁樣，但價錢兩者就梗係相差咗一段距離啦，所以，好多謝同事嘅一番心意！一個人點可以咁獨食，所以又拎嚟同其他同事一齊分享！

這是我食過的幾種口味, 1. 白色朱古力, 奶味濃, 一般. 2. 純朱古力, 好正3. 禮盒裝杏仁朱古力, 最正是啡色的, 4. 朱古力薯片, 我的至愛, 正, 正, 正.

　　夜深人靜，Bernard埋頭苦幹整理訪問學者的內容，正當想得入神時，從電腦中傳來聲音，原來是Pansy的電郵提示。他放下手頭上的工作看過究竟，她說：「睡了嗎？知道你遠赴外地，天氣寒冷，請小心身體。工作順利嗎？最近我覺得創作的靈感不足，心有餘而力不焉，繪畫了多幅但並不滿意，但願不是技窮。待你回港後晚飯詳談，不多說了，請保重。」　　雖然是精簡的留言，但令Bernard喜上眉梢，還有意無意地轉進幻想的樓閣，猜測對方是因自己的暫別而失去創作靈感，當想到此時他會心一笑，但又覺得自己是帶點天真。在這種交錯的心情下，工作似乎不是時候。他從冰箱中取出一支汽酒、水果，還有是某朋友送上的bitter chocolate。先嚐酒，再嚐一口Bitter chocolate，薄層的可可粉包裹著巧克力，味道醇厚，帶點VSOP酒味，既不過甜亦不澀，再細嚐，那種巧克力餘韻留於舌頭上，伴上汽酒，還有是聽著悠揚的mozart，實在是美妙。　　他拿著酒杯，望著月曆，心想回港的日子不遠，距離目標又誇進了一大步。

我記得我和我的朋友最喜愛這CHOCOLATE 薯片,次次一出就好快賣曬..60元一盒..貴就貴左點..但..真係好好味..哈哈..仲有他的CHOCOLATE BAR.同樣好喜愛!TOTLA ALL MY LOVE.