ROYCE' Chocolate

營業中

休息中

Royce生朱古力非常岀名🍫，去日本旅遊總會買幾盒做手信🇯🇵。依家疫情關係冇得去旅行✈️，想吃既可以去City Super既專櫃度望一望🙈款式都幾齊全，間中都有幾款期間限定既味道，比如士多啤梨🍓、香芒🥭味道等等～呢款牛奶味既生朱古力其實係常駐款式，但適逢冬天聖誕☃️，所以包裝上都有新設計，加入左雪花既圖案❄️👑朱古力界既TOP：入口即溶，甜而不膩；混入北海道生牛油，令口感更豐富柔滑🤤雖然價錢都頗貴💰，一盒$115，但可以偶爾奢侈一下，讓味蕾得到滿足同享受😋

有人送咗一盒朱古力俾我，Royce朱古力送禮佳品，一分店夠多，容易買。二獨立包裝，方便分享。三味道大眾化，接受程度高。呢盒口味是委內瑞拉苦味和牛奶味。由於我對朱古力冇特別喜好，所以唔算好期待。一片朱古力一個包裝，其實真係好唔環保。不過日本回收做得好，所以佢哋可以咁樣揮霍。但係換轉係香港，咁嘅包裝就好奢侈囉。其實兩種口味係差唔多，不過甜度係有分別嘅，牛奶味再甜D。我鍾意委內瑞拉苦味多D，甜度稍微低小小，但不算好苦。

同事買返來請大家食！包裝米黃撞橙色好搶眼！打開紙盒，好似顏色筆咁排列整齊！Nutty Bar chocolate:打開一支，朱古力軟滑，中央夾雜好多果仁碎，不過實在太碎，完全分唔到咁多種味道！只係增加咗咬口口感！朱古力偏甜！一般！包裝精緻！口味唔係咁啱我

今次推介的是''Au Lait''，意思是加重牛奶，喜歡奶味較重較濃的朋友們不能錯過了。放在室溫一會兒，令到朱古力更加柔軟，入口慢慢溶化，口感十分''煙韌''，很有咬口。而且在朱古力有一層可可粉灑上了，入口時有一點點微苦的感覺，很快便給濃郁的牛奶味和甜甜的朱古力沖過了，口腔中瀰漫著香甜的可可味，混合著牛奶獨有的奶香味，令人一口接一口。好味評分:7.5/10

朱古力是我的最愛，最近就買了一盒 Royce' Nama Chocolate，這次我第一次買的，沒想到一試就愛上了，所以想同大家分享一下~~~!!我買的是Nama Chocolate ，如果不吃就需要冷藏的，回到家後就放入雪櫃凍一凍才拿出來吃。打開後有一枝小棒，還有包裝袋包著~~~~~撕開包裝袋後就會看到用塑膠盒裝著朱古力，一塊塊朱古力整齊地排好。一盒共有20塊朱古力，已經切好了，而且可以清楚看到上面有一層可可粉。沒有因為放入雪櫃而變硬左，仍然保持著適中軟度，放入口後即時溶化，質感像吃雪糕一樣，融合了牛奶巧克力和鮮奶油，好細滑，味道帶有一些苦澀味，甜中帶甘，食完還有餘味在口中，一試就喜歡了，好好味，非常推介喔!!

之前試咗agnès b. DÉLICES沾朱古力系列其中一款「Snow Ball朱古力」，味道及口感都麻麻，可謂喺一個意外，估唔到俗語有話「意外頻生」，真喺一不離二 。收到親友所送嘅Royce朱古力，記得以前試過佢嘅Natty Bar Chocolate，真喺好唔錯，所以，對此品牌有一定好感，之不過，今次所收嘅「Royce’ Pure Chocolate」，真喺略為失望 。嚟自日本札幌嘅Royce’，其實只有短短30多年歷史，亮點喺以北海道純滑牛奶製作朱古力，質素無庸置疑，故此有一定口碑，咁點解會令小弟略為失望，就喺好揀唔揀，揀咗款Creamy Milk拼White囉 ，我同老婆對白朱古力一向都麻麻哋，小弟好啲，可以照食，不過，佢就一定唔會放入口，所以，失望在於所揀嘅味道唔太合心水。順便都介紹吓Royce’ Pure Chocolate依個產品系列，晌官網都有介紹，此系列一其有5款，每款都包含兩隻味道，每隻味道都有20片，片片都以波浪造型，全部都喺獨立包裝 。而每一款都以新鮮北海道純滑牛奶配唔同濃度嘅可可製做，由37%-90%可可濃度。手上依盒，喺可可濃度最低嘅款式，只有37%

朋友送咗盒ROYCE「抹茶」朱古力俾我，收到後第一時間試味啦！哈！𥚃面係好工整的長方形綠色朱古力（又掛住食忘記影相）咦！好食噃！入口即溶！好滑溜！食落去感覺好清新！原來抹茶同朱古力味道可以咁夾！perfect match! 正！之後，和家人一同分享，個個都話正！  以前都買過ROYCE其他款朱古力俾人，對方都好滿意。（價錢又不算貴）

記得5, 6年前第一次收到ROYCE的朱古力作為生日禮物，是一個相識不久的朋友仔送給我的生日禮物，他知道我最愛吃朱古力的了，便送了一盒Nama chocolate-Champagne給我，朱古力用錫紙袋包裝著，內裡還有一個類似雪種的東西，可以使朱古力保持冷凍一段長時間，最適合當時趕著看戲又經常逛街不願回家的我，雖然到現在大家沒有再聯絡，但他令我認識到ROYCE這品牌的朱古力，對於當時仍是學生妹的我來說，朱古力就是超市同零食物語有售的大型品牌朱古力，這些要去CITYSUPER購買的朱古力真的沒甚認識~自此以後，我亦嚐過ROYCE的不同品種朱古力，最得我歡心的是Royce Pure Chocolate ($105)，一盒內有2款口味的朱古力，mild bitter & extra bitter，各20片，以一盒來說而且亦是知名品牌，這價位真的不貴，而且每片獨立包裝，方便隨時拿來享用~先嚐mild bitter ，味道不太苦而且有朱古力的甘醇，每片也是滑滑的，慢慢享受每一片朱古力也就是一生一大樂事~至於extra bitter，顧名思義是苦味更加重，那種回甘味相對mild bitter來得更

認識ROYCE於微時，它剛登錄香港，我剛開始捨得吃它。當時60元左右吧，網上代購100元X2也可購得，如今物是價非...100@盒，地位卻比當天穩固了。經典的當然是它的NAMA，生巧克力，MELTY KISS的進階版，吃了ROYCE後，也就沒碰MELTY KISS多年(也是加價加得很凶的巧克力)是次男友在我買了些ROYCE送朋友之際，回家看到一盒他給我的ROYCE，真不好意思了未有買一點給他。NAMA中，最好吃的一定是NAMA BITTER，始終日本巧克力的可可香難以與外國品牌相比，吃NAMA是吃它的口感罷了，惟有選口味最濃的BITTER吧。NAMA的特別版每次都很難遇上，即使遇上了，也未必是對口味的，而店員總不會讓人試味，只有靠直覺判斷。不過，記得有次吃了一個洋酒味的特別版，那個很不錯，不會再有的了吧。為聖誕禮物而來，是因它的味道，也為著它的包裝。它那一層一層的包裝，很不環保，在聖誕偶一而為之，應會令朋友很開心的。想不到它也有聖誕特別版，KIDS的黑、白巧克力，就是平日那款小圓巧克力，加了KID字樣，加了童趣聖誕插畫，又是典型的表裏不一之作－為成人而設的巧克力。很想買一盒給自己，一盒

就係因為買那盒praline truffe而令今次出事，因為適逢當時晚上八點前就有試食推廣而有個年青店員拎著個紙碟擺著一款朱古力sell我猛叫我試吓啦！oh…一試就令我跌落royce nama的深淵lu！mild cacao—70%可可，口感香軟，入口慢慢融，但又食到很香的可可味，相信面層的可可粉也居功不少亦唔係馬虎貨式。因為可可粉雪凍了由雪櫃拎著來都冇雪到結塊，經過一晚拎出來到食時我的嘴角亦沾上了若干的可可粉，我仲要被取笑為像吸血鬼…嘻嘻 XD食後感：今次與店員像偵探般一齊研究我上次試的朱古力究竟係咩款…因為上次匆忙中忘記了問店員我試食那款朱古力個名字，不過我形容當時個感覺再補充自己平日對朱古力個喜好，那麼我就像尋親一樣搵到我當日試食的朱古力。店員建議這款可可味會較明顯，反而限量那款奶味較重與我所形容的感覺不相乎，而酒味nama又會比我食開紅盒酒味truffe淡味...ooh..與店員一談又上了一課獲益不少。^^第一次接觸nama系列係三年前，不過那盒係白朱古力，食落口感怪怪的一咬就煙煙韌韌似食牛奶糖多d，反而今次mild choca一試就愛上。nama系列有咁多款又酒味又限量…好嘢

這係最近的心頭愛。面層的nuts果仁碎雪完仍很香脆。果仁亦很均真唔會似某d零食以少量杏仁再撈埋花生碎就話全部杏仁，因為我要食花生都係睇整得有幾好味至食佢，因為通常花生唔靚會很大陣”油益味”。朱古力整體質感很香軟滑溜，那種滑溜又唔係油膩heavy，我覺得輕盈過lindor。因為lindor曾幾何時係我平價的零食，不過royce這隻仲有很香的榛子味。以往都有食過另外那款kirsh紅盒酒味，第一次食係兩年幾前，當時酒味很濃，但最近食過覺得酒味少咗，俾我揀我較鍾意praline這款even平日我唔鍾意食有nuts朱古力，但這款例外。^^v店員讓我試食一款剛巧推廣的朱古力，我覺得幾好食但又忘記了名字，這次推廣試食亦因為這一啖朱古力而令我有意下次再去回購，等我下次形容給店員問吓款古古力究竟係乜名先

好開心新年前收到男友送既朱古力餅....很鍾意食朱古力餅減壓啊~之前都食過,不過就得一隻口味,得25塊(細盒)~今次呢盒係兩款口味都有齊,有50塊(大盒)~分別有榛子可可味及椰子燒味~之前試過榛子可可味,都已經覺得好好味,因為有d榛子係好甜,但呢款無,仲好香可可~今次有得試埋椰子燒味啦~呢款有清晰的味道....香口一些~兩款味都有不同既好味~一次食幾塊都唔會好似其他曲奇餅咁滯~唔知係唔係日元持續高企~所以我睇到佢地已經加左兩次價,由最初見到細盒$70,到加到$75.....而家就要$80!而大盒都加左價~而家好似賣緊$155...

盒的包裝平實~不懂日文的我~收到呢盒東西時...根本唔知佢係乜嚟打開嚟~見到... 一條條...啡啡黑黑...彎彎...外型極好容令人諗起..........................................入口............嘩~脆的~朱古力皮內~包住脆條少少咸味以前覺得朱古力唔可以夾咸味的但今次~係好好味....不過~不懂日文的我...依然唔知佢叫乜名呢...請指教~

日本野d包裝係好靚，又冰袋…好好味…呵呵…食完一粒又想食多粒…次次打開就要食成條至夠喉…加杯朱古力雪糕一齊食仲正！但其實我係想話…如果收到女孩子自家制既朱古力，先至係最開心…味道都係其次，最重要係份心意。

某天去友人家探訪, 不好意思兩梳蕉上去, 去之前就來了買盒朱古力。Royce 的朱古力是友人的心頭好之一 (其實是我也想吃, 嘿嘿 ~~), 尤其是 Nama 生朱古力, 款式真是花多眼亂; 想起友人家中備了酒, 便買了一盒香檳味的 ($85)。隨附保溫袋一個, 因為它要長放雪櫃, 真矜貴。去到朋友家中開了來吃, 不大吃得出香檳味, 但是真的很幼滑, 先是絲絨般鋪在上面的朱古力粉為舌頭鋪路, 接著像 truffle 那樣濃滑的朱古力入口即溶, 巧克力香緩緩滲滿整個口腔! 濃得來又不是太苦, 讚呀!我挺愛吃 Royce 的朱古力的, 之不過價錢問題通常都不會買來自己吃, 多是送禮用。吃過一款有蜜糖夾心的朱古力薄片 (藍色盒上面有金色葉子那款), 蜜糖味的朱古力是幾特別的。 另外餅乾類原來都不俗, 說的是 Baton Cookies, 有椰子味和榛子可可味兩種口味, 質感介乎軟身的曲奇餅和 lady fingers 之間, 牛油味香濃, 上面也塗上了一層朱古力。一兩口吃完一條, 愈食愈上癮。不過不少人大讚的朱古力薯片倒還未吃過, 總覺得這個組合有點奇怪