Ruby Tuesday (已結業)

老細又請食lunch, 5 個人叫0左個beef lasagna, 白汁蒜蝦pasta, 一件牛扒, 一個chicken wrap 同一個唔知乜0野chicken salad share 食; 另外自己飲0左個latte.最好食係chicken salad! Salad d 汁似乎係honey mustard, 好好味! 一向都唔係特別好菜salad, 不過呢個真係好得!蝦pasta 比beef lasagna 好食, 不過白汁始終會漏d; beef lasagna 就一pat pat 咁, 口感不太好, 味道又一般. 牛扒要了medium-rare, 口感同塊扒0既脂肪分佈都幾ok, 不過味道太鹹喇. 結果只係食0左好少.杯latte 唔夠latte, 同一般坊間港式西餐廳的熱咖啡無分別, 麻麻0地好飲.環境同service 都ok, 客人以外國人為主, 可能lunch hour d local 人始終唔想食得太飽.好耐無0黎, 可惜無食到ribs, cheese fries 同tallcake! 一定要再幫襯過呀!

無聊的在MSN說起, 一說便成行了~ 三個放工叮噹準時閃, 準時六點半到齊九龍灣, 急急腳到了Ruby Tuesday.三個人為了留肚, 所以點了很少東西:芝士薯條: 一如以往的美味, 略嫌不夠芝士香脆雞肉漢堡: 味道很一般, 肉質過於乾身(心覺得麥當當的脆辣雞腿包更好味)海鮮千層麵: 一定沒有下一次, 味道怪怪的, 海鮮很重雪味, 白汁淡而無味Chocolate Tall cake: 很豐富的甜品, 三人也吃不完服務方面本身是沒有問題, 但是她的硬銷手法真的令人很討厭, 還有是付款後既成事實的反臉不認人, 真的不得不寫意見書反映!!當然不是每一個侍應都是這樣, 看過全場, 真的只有這一位侍應對待我們特別熱衷, 不知道是不是我們頭上寫著一定會買會藉!!!

星期二晚8時多都估唔到有咁多人...原本小姐話要等30-45mins先有枱, 如坐bar枱就即時入得...已經心灰時刻又再轉入去屈服坐bar枱既時候, 小姐竟然俾我地入去坐真係神奇又加上幸運...睇左一陣menu2個人決定叫一個四式拚盤加一個自助salad...去度自助salad bar其實都好細又唔太多選擇同埋有少少唔衛生既感覺..不過無計叫左就照取啦...食物選擇當中最欣賞carrot仔..真係好少地方會有因為價錢比較貴..不過味道唔算鮮甜...其他蔬菜都ok不過不失.食完salad都起碼等左10-20mins才上個四式拚盤..2個人食都幾吃力..個拚盤內有4條ribs - 夠入味, 一埋炸蝦夠彈牙唔太油, 炸薯條及洋蔥圈- 不過不失; 炸雞柳- 出奇地唔鞋口好味同埋2串牛肉串- 成碟最唔出色算這味..不過整體上我覺得佢地d食物有進步..連埋serve我地既服務員都好nice...唔該曬.

membership的50% off 實在太抵食, 次次最鍾意嗌sampler / platter, 有得自選, 樣樣有d, 食少少, 正! 其中炸芝士, 芝士brocolli, potato skins都好好味啊~ 炸雞, chichen wings都唔錯, 但係炸蝦仔就唔得!!! beef 千層麵, 呢度既cheese burger都不俗~相對地ribs & steaks都平, ribs就一般咁啦, 同tonyroma 差唔多咁..ribeye反而更好味! medium 既仲可以生多少少, 連埋個肥baked potato同garlic bread!! 包食飽~! 相當抵同合水準~

先講食物先﹐一般啦﹐頭盤okay﹐但千層面D味好怪。好肥膩﹐D野份量唔係好多﹐但好快就飽﹐搞到食剩好多。環境不過不失。不過服務真係差到離譜。叫極都唔理﹐叫你俾D水﹐叫左三四次先有人俾。之後問佢地俾tabasco,芝士粉﹐再加水﹐都係叫左三四轉先有人俾。我聽到隔離顧客都寸個侍應話"終於有反應啦?"唔係一兩個係咁﹐我來來回回都叫左五個侍應﹐四個都黑口黑面咁﹐聽完你要乜都唔理。間野唔係好平﹐真係期望好D既服務﹐而家連茶餐廳都不如。D野又唔係好食﹐又幾貴﹐再去就免問啦

Ruby Tuesday 個Weekend Lunch 雖然個份量細，但已經足以叫人好飽：$108 包餐湯、main course、甜品同餐飲；要知道American dishes 出名大份油膩夾飽肚，所以佢大幅度cut down 個portion 其實真係差唔多。自從海港城既Ruby Tuesday 執o左之後，若非因專誠到九龍灣探人，又若非友人肯俾我搵笨陪我食，九龍灣Ruby Tuesday 可謂同我完全絕緣。要o左2 個set lunch，當然樣樣都要唔同可以試o下多D 款：湯當然係紅湯同白湯跟餐包：紅湯有芝士意式雲吞（Ravioli），白湯又非完全白湯（即唔係「金寶」行列那些- 比較稀同重菇味/菇感）。Main courses 係Stuffed Mushroom Cannelloni 同Ribs（1/3 portion, w/ coleslaw and chips）。Ribs 有D 退步：太甜兼太稔，幸好只得1/3 portion，容易「殲滅」。Cannelloni 隔o左成個鐘先食（兩個口水怪既問題），味道竟然都可以...雖然好cheesy 同食唔多出係mushroom；幸好

對上一次的惠顧, 要數到六,七年的海運大廈分店了,如今該位已變成了城中一著名越南餐館.家庭聚會揀了在德福的露比, 全因有一張在互聯網廣泛傳播的六折coupon. 訂了七點的檯, 有幸被分配了卡位,除了狹一點外, 都坐得幾舒服.環境是一貫的昏暗,牆上掛滿了各式各樣的美國佬飾物.開始點菜了, 大家看著看著餐牌, 你一言我一語,很快得出以下結論:拼盤小食美國肉眼扒薯蓉自助沙律吧(X2)鮮蝦長通粉超級巨型漢堡飽落單後十分鐘, 菜式便開始陸續上檯,分量不用多說,質素就好壞參半. 肉眼扒是最精彩的主菜,雖然點了全熟,但不會有半點鞋或韌,還滲出一點點肉汁.長通粉可說比較失色,好像忘記了下調味一樣,非常清淡.漢堡飽是一份令各人都嘩然的主菜,從結構上看是一個巨無霸,但換上了兩塊各半磅的牛肉,還伴以薯條及菜絲沙律,未食已先飽一半.最後在大家的努力作戰下,食物已被清得八八九九,見還有"作戰能力",便點一客甜品淺嚐.朱古力慕士加雪糕,賣相及味道都不錯的.服務我們的侍應生熱誠有禮,主動斟水和換碟,值得一讚.埋單$592, 唔駛$100一位, 這樣的環境和食物來說,可算是抵的, 但記住要有coupon!

Last night i had dinner here with my husband at 7pm. Even though we didn't make the reservation, the receptionist arranged a table for us at once, The waitress served our table with very good manner and smile on her face always. We had ordered Terriyaki Chicken Casear Salad (I chose Chicken Leg-Dark Meat instead of Chicken Breast-White Meat, however, i think i will pick the Chicken breast for the salad next time, it should taste better and more healthier)American Cheese Burger, and Snack Platte

好耐冇食Ruby Tuesday啦~今次有40% Coupon，約多pair情侣一齊去食！先叫4杯飲品Large size既小食拼盤-炸芝士條–成條芝士放入口！正-炸西蘭花–沙律醬加碎既西蘭花，um…都幾特別！-雞翼–辣辣地好味！-薯皮–正哦~~勁好味！蒜茸多士–好大塊！！但蒜茸味唔係好夠。白汁大蝦長通粉–冇味……真係唔好食！墨西哥薄餅–睇Menu時，張相好唔吸引，但入口好好味呀~真係好正！！！！自助沙律吧–咩都有D啦~ 薯仔沙律、粟米沙律、生果…..仲有凍既吞拿魚長通粉TIM！哩個仲好食過上面既白汁大蝦長通粉！其實已經食唔晒！但我地仲要叫多2個甜品！呵呵~原價$1100，折實$600味道–大部份都ok！服務–好有禮貌，但人手不足，好多時都要等好耐先有人理抵食–正價就實在太貴啦！有coupon就抵好多！總體–食物質數不錯，但價錢太高。

大家都有壓力,最好之減壓方法,就係出來Happy hour.同上次一樣,澳州科士打同嘉士伯一律廿皮.廿皮可"dum"你個幾兩個波鐘,仲好過去打機.在bar檯的賓妹不在,今次換來個靚女.感覺好得多.原來露比一樣有個自助沙律吧,平通街師奶價,自助餐愛好者亦多一個美而廉的選擇.上次加州夢,今次到披頭四.時光到流四十年,在涼茶舖遇上1967的女神,一身Mary Quant打扮,扮晒Twiggy,唐突打擾你好,我叫Eleanor....)你有壓力,我有壓力,發下白日夢又何妨?

好耐無食過ruby tuesday喇~而我都係第一次食九龍灣呢間分店, 感覺幾好, 因為一入門口就覺得侍應好nice了~叫o左個小食拼盤, 有芝士煙肉焗薯, 炸蝦, 炸芝士條同埋洋蔥圈~仲點o左個雞肉餡餅(唔記得咩名~), 同超大的burger~小食拼盤除o左炸蝦比較普通, 其餘三種都好味道, 雞肉餡餅好多汁, burger真係無得頂...食到我o地三個投哂降!!但最尾尾都係要叫返一個tall cake, 點都要食埋佢, 實在太好食喇~!!因為有coupon, 一人都係$12x, 好抵食呢*

見到伊沙貝讚不絕口，我又住係附近，便來一嘗。食物不用說都知幾貴...但味道不錯，尤其clam Linguini，其他都還可以。論服務都算冇乜問題，但他們可能分區服務，所以叫了第二區的都未必有用...埋單發覺他們自己找錢?可能佢地係侍應+收銀.仲有我問過佢地，原來10% service charge 佢地冇份.so 最後我額外俾多佢.

最近和好友到這裡嘆tea, 兩人點了一個lunchset,一個雲吞蕃茄湯,幾夠蕃茄味噃!d 雲吞仔咬落幾烟韌! main course 蜜汁燒雞配個紅殼米飯,飯很油膩,而且比較硬身,可能會好難消化!最好甜品,點了個strawberry cake 配vanlina雪糕,個雪糕球係無味的! 而個strawberry cake味道幾好, 配埋個strawberry sauce好正吓! 但旁邊的cream亦係無咩味喎! 某位女員工服務態度不俗,常常笑容滿面,但其餘的員工似是不理會顧客,舉手落order都無人理會!

吃了一份羊扒. 買相不佳, 味道普通, 配菜的西蘭花有苦味, 焗薯太乾, 蒜茸多士ok, 服務不見得好, 我知道他們是搬美國的模式過來, 不過沒做好. 懶得投訴, 因為我對吃有很高要求, 所以以後都不會去.

屈指一算,差不多有八年時間,未踏足過任何一間露比星期二半步,是日有約happy hour.地點九龍灣分店.$20 一pint,非常抵飲,但係得澳州科士打同嘉士伯揀.都係要左前者.此店不同彼店,歡樂時光,人影都無隻,望住大銀幕的隔夜NCCA比賽,耳邊傳來眾英文老歌,再加埋坐我隔離果位老友,麻甩到無話可說.播到California dreams時,真係好想企在我面前,問我要唔要多杯果位,唔係賓妹,而係重慶森林內的王菲.