Ruby Tuesday (MegaBox)

營業中

休息中

幫襯Ruby Tues好多年，大大話話呢個舖都十幾年，其實都冇咩特別會再有衝動分享下啲咩。不過最近去嗰凄，見佢轉咗餐牌，都有唔少新菜式，雖然我肯𪋿佢之前有冇我呢次食嘅三文魚意粉，但當佢拎到唻時，我見佢個presentation幾唔錯，仲咁啱佢放喺個射燈位下，突然令到碟嘢靚哂，有啲surprise望落擺碟咁嘅款既然身處Ruby Tues。當然食咗好耐，都唔會要為有咩驚喜，不過食落碟嘢，又真係唔錯喎。個意粉掛汁剛剛好，味道好香，真係難得。三文魚份量都唔細，又煮得剛剛好，外面香脆，又面嫩口。忽然間覺得發生咩事，今日好食咗喎。所以先分享下呢張相囉。😃

一家12人今晚包括外地返港嘅屋企人嚟聚餐。當時order 咗兩杯mojito, 先嚟咗一杯Green Apple Mojito (細杯），正確係無酒精嘅。後來再落order 加一杯，落單時已問清楚咗係0.00% mojito 無酒精嘅，先至order一杯大嘅。點知杯「0.00% Mojito」嚟到之後，就屋企人飲咗之後就心跳加快，搵職員嚟問，對住個餐牌睇，見到餐牌上有酒精嗰杯係有d青瓜條嘅，而上枱嗰杯飲品係無嘅，所以屋企人相信呢一杯係冇酒精嘅Mojito。職員佢只係肉眼望完杯飲品，都無check單，就話杯嘢係「無酒精嘅」，問佢點解呢杯有青瓜條而餐牌顯示嘅圖片唔同，仲要撐話「我哋係用青瓜汁嘅，有酒精嗰杯會係貴d」嘅，九唔搭八，咁嘅用字真係好差，唔關價錢事，而係我哋係想要一杯「大杯而無酒精」Mojito呀，到最後埋咗單之後先見到有一杯係Ultimate Barcardi Mojito! 落錯單又唔認，完全不負責任，完全冇提過幫客人睇睇張單/換過另一杯飲品。唔該你哋安排多啲 training 俾員工到先放佢哋落場做嘢啦。

今日突然間好想ruby tuesday ，行完街諗極都諗唔到食邊間。決定食 ruby tuesday ....見佢有更新左 menu 今日就試左一個 三文魚牛油果雪魚同埋一個番茄濃湯魚 再加 西冷扒 三文魚牛油果 就冇乜特別。屋企都整到菜式。不過個配搭都好食至於蕃茄濃湯魚 俾我想像中好食 。。。味道好夾 。主角係西冷扒唔洗講啦 ，一定好食

每一碟菜大大份，一班朋友聚餐share 一齊食，大大份既牛扒，大大份既漢堡包，鐘意食肉既朋友大大啖咁食，環境寛落，同朋友聚餐舒服，而家仲有折扣添，抵食😋😋😋味道唔差。

今日同屋企人食飯 都已經唔講有冇笑容 有冇黑面 香港人不嬲都冇 我明🙂不過我就真係唔理解客人嘅笑容同埋態度仲好過個店員係發生咩事🙂拎飲管過嚟一嘢掉喺張枱度 你哋漏咗個蘑菇汁拎俾我 一句唔好意思都冇就咁劈喺枱面 唔好意思半句都冇🤷‍♀️好啦食完嘢話last order 要我哋落甜品 Menu都冇時間睇就要即刻落🤷‍♀️跟住上甜品嗰陣話要收咗啲餐具同碟先 一句「仲需唔需要㗎」都無問🤐跟住個waitress收餐具嗰陣拎住支叉一嘢叉左落我個手臂度😉淨係講咗一句sorry🤷‍♀️真係想問吓你哋係有咩障礙先至會唔問個客有冇事呢？心情唔好就唔好返工🙂譚仔呀姐既態度都好過你地🤷‍♀️

Drumrolls, fam! 我嘅腸胃騷動彩帶為呢家店開Party添！一入到店，好似進咗美食嘉年華咁🎉。打頭陣嘅就係安格斯牛肉漢堡—哥，佢嘅味，真係肉眼凝噹噹。咬落去，牛肉啲肉汁流晒出嚟，混合埋個秘製醬料，啖啖肉呀，入口即溶，味道好豐富，又唔會太死鹹；仲要講吓個包啦，外脆內軟，吸晒啲牛肉精華，啖啖都係幸福感🤤。話說啲薯條脆到出聲，有種點唔到頭嘅滋味。食漢堡嘅時候記得mix吓薯條，感受下嚼勁與多汁嘅美妙對比。飲品方面，個mega size嘅飲品選擇多到你眼花缭亂，得閒清喉又得閒暢飲，一嘢兩得。今年嘅探險係值得嘅，呢家店絕對係港式心水推介。忘記啲工作壓力，放曬俾呢個安格斯牛肉漢堡啦，諗起都令人心情好番幾分！絕對係灣仔食得起嘅舒服小晏，下次又要過嚟捧場！🍔😌🎈

依家一入口，我已經feel到呢度嘅炭烤豬肋骨真係令人垂涎三尺！外皮烤得微微焦香，撕開一塊，裏面嘅肉汁相當多，咬一啖正喎！個人就最愛呢種口感夠晒juicy嘅嘢🥓。嚟到呢家餐廳，話說，個芝士培根薯條都係另一個讓人無法抗拒嘅美食。薯條香脆無比，加上濃郁嘅芝士同培根碎，淋上面嘅芝士醬味兒真係冇得頂🍟！另一邊廂，個pesto雞肉燴飯平衡得宜，雞胸肉煙韌得嚟又保持住水分，而米飯嘅味道亦係夠曬濃，唔會過於油膩。最後仲有杯水果沙冰，甜中帶酸，吃完油膩大餐之後咁清新，簡直就係消暑良方啊🥤！啲食物真係好味到流晒口水，雖然唔係專業食評家，但我敢講，每一道菜都準冇錯呀！話咁快，又食飽又滿足，望住桌面上啲剩菜，心諗，下次仲要再黎一轉！

親友在MegaBox 的Ruby Tuesday搞了一個慶祝聚會，與家人一起享受美食，我們品嚐到多樣的豐富美食和飲品，甜品。這兒環境夠乾淨企理，員工服務度很好。其中我最愛的是雞翼拼盤，有二款味度，原味同水牛雞翼，仲有醬汁配埋，不過我覺得不用點已經好好食，親友共聚一堂，一路傾一路食，享受歡樂的時光，這將是我一生中難以忘懷的回憶之一。

Ruby Tuesday是一家美國餐廳，香港是美國以外第一個開拓的市場，於1995於海運大廈開業已差不多28年了。餐廳的特色是大大份的食物，可能美國人胃口較大，但在香港市場就適當一家大小、或是良朋共聚一同分享的時光。事實上有另一家「澳洲籍」的相類似餐廳，都是以bar and grill作為主打，以口味而言，個人覺得這家「美國籍」的餐廳較「澳洲籍」為佳，但價錢也成正比。現時餐廳提供的菜色，有兩個價錢，一個是正常walk-in客人的售價，而另一個是會員價，當然會較為便宜，最高可達半價。今次因為是周日到訪，沒有午市套餐的選擇，只能單點，所以選擇賣會籍，$1500可用720日即約2年，期間餐牌及飲品可享有約5折優惠，套餐亦有85折。而入會即時有一客芝士薯條贈送，芝士薯條舖滿芝士，不再需要沾蕃茄醬，而且芝士味濃且香，非常美味。「薯仔皮」Potato Skins是推介的，這個道菜色是第一次接觸這家餐廳時已經品嚐，道菜色把平平無奇的薯仔可以做得又香又脆，而且是歷久彌新，進食時建議加上酸忌廉，口味更是一流，而且不覺油膩。

星期六放假, 想開開心心食個brunch, 見到megabox冇乜選擇就決定試試久仰大名既Ruby Tuesday.首先係炸雞mac & cheese, 盛惠$248蚊+1, 見佢2分鐘上菜已經心知不妙, 嚟到見到個邊係燶就知係番熱. 食落芝士通粉仲算正常, 超市即食級數, 但個炸雞真係災難級, 又薄又乾, 一食就知道係冷藏翻熱貨, 同一包超市買翻屋企氣炸既一樣. 一間知名西餐廳水準竟然咁樣, 收我成300蚊食一碟翻熱菜, 真係極度失望.另一個青醬意粉, 個汁非常單薄冇乜調味, 只能算不過不失之作.永不錄用

Ruby Tuesday是一家美式餐飲的餐廳，在這裡您可以品嚐到豐富多樣的美式菜品和飲品。在菜單上，我非常推薦大家嚐嚐他們的ribs(烤排骨)、脆雞芝士通粉和炸芝士條。這些菜品口感鮮美、豐富，非常適合喜愛美式料理的人品嚐。另外，如果您喜歡甜點，他們的brownies也非常值得一試，口感濃郁、香甜，是一道非常美味的甜品。而他們的Mega Size Ruby Passion則是一款非常清爽的飲品，口感酸甜適中，非常適合作為開胃酒或餐後甜點飲品。總之，Ruby Tuesday是一家非常適合與家人和朋友一起享受美食和時光的餐廳。他們的菜單豐富多樣，口感美味，環境舒適，服務也非常出色。如果您想要品嚐正宗的美式料理和享受愉悅的用餐體驗，Ruby Tuesday是一個非常好的選擇。

真係好在係through app 訂枱有折如果原價去食嘅話真係媽媽聲✨four way sampler (regular)buffalo chicken wings都算係每次都會叫/越嚟越細隻/但個醬係好食嘅onion rings係凍嘅/應該炸好擺咗好耐mozzarella sticks都係凍嘅/皮同芝士係分離bacon potato skins上面個醬係暖嘅✨mini pork knuckle好乾/皮唔係脆/咬落有擺咗好耐再翻熱嘅感覺/美式餐廳所以mini嚟講份量係算大嘅✨butcher's steak都係擺咗好耐咁/個邊係好鞋/唯一好食嘅係跟機個薯蓉/不過原因都應該係落咗好多cream✨scallop risotto帶子都算細粒✨rocky road milkshake呢杯嘢要成舊水/有好多未打碎面積有一毫子咁闊嘅冰粒/有敏感牙齒嘅人叫奶昔真係要小心總括嚟講啲staff好似唔想做咁/唯一可以讚嘅係帶位嗰個職員/冇會員卡真係要三思/真係要去嘅都要同有會員卡嘅先好去食

節日聚會首選最愛既美式餐廳,份量足夠,味道不錯食物選擇多, 今次食咗會員優惠既墨汁意大利粉,美味! 鋸下扒,食最愛既新奧爾良海鮮飯, 叫咗杯第一次飲既長島冰茶, 好飲不過真係好易飲!

Ruby今日係九龍灣Ikea附近工作，一行六個人要Lunch搵到地方食嘢確實有難度，經過Ruby Tuesday見到有set lunch，價錢都OK丫，加上實在太耐無食過依間，就入去試下。叫咗兩個午餐，一人一個餐仲可以叫啲小食share，非常好。我淨係講自己個份啦，首先有個蘑菇湯配一塊鬆餅，真心幾好食，但依款係美式鬆餅，唔似平時食開嘅英式鬆餅，咸咸地配湯幾襯。然後主菜來了，香煎鯛魚配忌廉菠菜汁，分量略為細咗少少，條魚還好一般般，都收貨既，個汁我覺得幾好，唔會有陣生粉味，口感亦唔會太水又唔會令你食唔到魚味。不過淨係依份鯛魚男士真心唔夠食，還好仲有叫咗啲薯條雞翼小食，飲埋杯熱啡，剛剛好夠飽了。整體環境都叫坐得舒舒服服，我哋六個人坐大卡位傾計都幾舒服，食物質素都對得住個價錢，整體OK

食物質素還可以，但價錢分開會員價及非會員價，非會員價貴一倍左右，若果要登記為會員，便要支付一次性的$1500，變相為強迫加入會員，假如早知道有這樣的條款，絕對不會訂座及光顧。各位食客要早有準備，除非已經成為會員，或打算大伙人經常幫襯，否則真的要考慮一下！至於服務方面，可能真係人手不足，客人不到40％，但很難才找到服務人員，真的要多點耐性才可以。結論係要有心理準備才可以光顧！！