RUD燒肉 (ac5)

營業中

休息中

感覺好似另一間連鎖燒肉店，首先挑選肉既款式同份量（100g - 300g)，再配湯加沙律，不過呢間無得無限添飯（精髓所在）。肉類方面，質素好一般 醬汁有三款，燒肉汁、蒜蓉柚子汁同辣味薑汁，不過不失啦味噌湯，還可以沙律，只有梛菜絲加沙律汁今次我叫左個240g既豚雞，味道普通之餘，食完完全唔夠飽…埋單$8x…同枱男性朋友叫左300g既牛豚雞，價錢$11x，都係唔夠飽…總結，呢個價位，響呢個地方，可以有更多更好既選擇。

新野，要試下。午餐有set, 有得揀100g, 100g, 300g我哋幾個人就選幾款試試， 不同份量都點啲: 牛腹肉、豚肉、雞肉食物好快送到，一個托盤剛剛好可fit在枱上那個凹位，放得穩陣有心思估唔到一個小碟100g 都有好幾片肉爐火不是太猛，諗住安心慢慢燒但記住用餐只有60分鐘，要快快吃估佢唔到，牛腹肥肉佔一半，燒烤時，啲肥油搶火勁過豚肉，而且冇乜牛味，見隔離枱叫另一款牛，又冇咁肥膏噃，揀錯部位🤔😥？？定講彩數？反而豚肉＆雞肉👍，雞肉嫩，豚肉相比牛腹，冇咁油膩亦有少少肉味3款醬汁，辣味薑汁、燒汁、蒜蓉汁價錢人均$90左右，可以接受嘅，但真係要睇清楚揀邊款冇咁肥。

啲肉全部都筋個泡菜好似無味咁 乾爭爭原本以為香港仔會多個燒肉選擇結果啲食材勁Hea枱面嗰啲燒肉汁 好啖口冇味 平係平但係可以比翻少少質素嗎整體體驗抄燒肉like嘅 低級燒肉

用餐得60分鐘 食得比較趕 同小朋友食要考慮下 要人齊先入座 但門口冇註明…野食係真係好抵食 品質亦唔差 不過通風好差 枱枱一齊燒既時候 焗到阿媽都唔認得 煙霧彌漫…枱面都幾污糟 自己用濕紙巾再抹一次 張紙巾黑色

餐廳內部主要係左邊既4人檯半卡位，以及右手邊既一人燒肉Bar檯。所以就算自己食都唔會尷尬。豬牛雞海鮮都有，基本上滿足一般燒肉需求。食材唔會話好高級既，油花唔多，但系食落質感軟滑且味濃，性價比高。個爐既火好旺，就算系最細火都好快就Well Done左，要好好控制，check住唔好燒燶d肉。價位大約$100上落，豐儉由人，似乎你食100G 200G 定 300G，亦可以散叫同加小食。另外餐廳系自助落單，所以唔洗加一~

6月6日 星期一 6:57pm入座👍🏻免加一👍🏻乾淨👍🏻好坐👍🏻份量岩岩好👍🏻上菜快 🤔但得60分鐘食 比較趕時間 唔好傾計😂野食黎講一分錢 一分貨 都可以接受叫佐一個 牛小排、牛胸腹 200g $106同埋一個 牛小排、牛胸腹、牛肉片 300g $148再加佐個 白桃烏龍茶 $12

見新開，第2日沖去食，星期日下午2點，好彩冇咩人排隊，排1張枱我地2個人，一入去，類似bar枱咁，1人1個爐，對住牆食menu 1眼睇晒，大既有得7款野，由50幾蚊到最貴300蚊有找既定食我就揀左3款牛300g，同埋一個雞豬120g，2個飯都加紫菜，1支汽水2份，埋單220蚊冇加1初頭門面寫韓式燒肉以為鐵板燒，原來唔係，係網燒3款牛肉以e個價錢黎講真係比想像中好，唔會話太貴，又唔會話好難食，不過記住燒肉e家野真係要睇住火喉，你燒過火，俾和牛你食都係浪費雞同豬味道都係正常共有3款汁俾你，燒汁，蒜蓉汁，辣汁，鹽，黑椒