S.girl越式料理

營業中

休息中

今日我去咗s.girl，試咗佢哋嘅生牛肉河，真係一個不錯的選擇。牛肉嘅質素非常好，鮮嫩多汁，咬落去有一種滿足感，味道香醇。配搭上滑嫩的河粉，口感非常順滑，唔會過於淋，令整碗麵有一種和諧感。湯底方面，佢哋用心熬製，味道清淡卻又不失濃郁，帶有淡淡的香料味，令人一口接一口，越飲越過癮。整體來說，呢碗生牛肉河無論係牛肉、河粉定湯底，都顯示出廚師嘅用心，無論係味道定質素都相當出色。如果你鍾意食牛肉或者河粉，s.girl絕對值得一試。下次我會再來，期待試其他菜式！

觀塘工商區中，越南餐廳選擇確實不太多，但S.girl做得非常出色!!所有主菜都可以自由配搭湯麵、撈檬或白飯，超開心!! 🏝️- 軟殼蟹撈檬 HK$63 🦀🍜超香脆大隻軟殼蟹!!原整軟殼蟹炸得香脆又不油膩，夾雜蟹膏超驚喜!!撈檬配搭大量配料：花生、醃蘿蔔絲、青瓜絲及生菜絲，新鮮爽口的。再加上魚露調味，惹味又開胃!!- 正宗手包越式春卷 HK$37 🥬春卷切開一半，總共有6細舊。即叫即炸外表炸得香口，內餡粉絲蔬菜包得飽滿，而且附上非常新鮮生菜，卷起春卷食用，口感增次非常豐富!!- 香茅豬扒湯河 HK$55 🐷🍜- 越式雞扒湯河 HK$55 🐣🍜- 白咖哩汁香茅雞扒煎蛋飯 HK$59 🐣🍛

上網見到最近公司附近，諗住試吓味道點。行到過去見到外賣自取有幾款都係$44！簡直係糧尾恩物！仲要味道係唔差嫁，而且大份，食到勁飽。下次會再去食下間店嘅其他餐，例如河粉撈檬嗰啲。

食越南野一定要試呢間，粉及飯都有。辣炒烤豬肉檬粉加越式茶走超推介。辣炒烤豬肉檬粉有清湯底，豬肉唔會太辣太過焦，粉夠爽口及加要洋蔥，䓤花湯底飲落唔會過油及過鹹。整體夠唒味不用另外加醬油最後加埋杯超香茶味的越式茶走超級滿足及飽

我宜家食緊烤牛肉撈檬，剛剛買嘅經過係咁架我行入舖(店內有堂食客人)見到男店員拿高件衫R緊痕 (今日32度)(我係男)我同女店員講我外賣自取我落單："烤牛肉撈檬"我："有無芽菜架？想走芽菜"男："無"無："有無青瓜架？想走青瓜"男：(㩒機)- 出單 -我："想問有無野飲架？"男："熱飲+$3, 凍飲+$4"(我望向凍飲版)我："咁~~~~~~"(一秒後)男："不過無凍飲，部機出唔切冰"我："咁由佢" (我當下感覺係覺得佢唔想我叫)(不過下一位order嘅人佢都係話無冰)返到公司個烤牛肉撈檬好好好好食不過無走青瓜

以為夜晚既觀塘工業區無野好食，估唔到今次有特別既發現，經過偉業街發現到S.girl依一間越南野，仲要又抵又好食。—————————————————————𝐎𝐫𝐝𝐞𝐫:⧐烤牛肉撈㩚|$56⧐凍檸茶雖然叫外賣，但佢都有比一包汁你，如果唔夠記得問佢拎。耐烤牛肉份量好夠，而且好好食，依個係最驚喜既地方。—————————————————————📝評分味道 ⁴ / ⁵環境 ⁴ / ⁵服務 ⁴ / ⁵衛生 ⁴ / ⁵抵食 ⁴/ ⁵—————————————————————餐廳: S.girl越式料理 (觀塘)地址:觀塘偉業街189號地舖

今日lunchtime有野做，返公司嘅途中經過呢間餐廳，聞到啲煎豬扒定雞翼味好香，就買咗外賣返公司試吓。天氣開始熱，我就揀咗豬扒撈檬。返到公司一打開，見到豬扒份量超多，仲要塊塊都厚肉，肥膏比例又唔高，超驚喜。配菜方面仲有生菜、大量青瓜、炸蒜同花生，舖頭俾嘅撈檬汁非常足夠，味道係偏酸，好適合夏天食，檬粉份量都好足，一個人啱啱好。而家外賣自取有九折，份量咁多嘅外賣加埋凍飲都只係$48，性價比超高👍🏻

呢日係公司忙忙忙，攪到過哂lunch time先有得食飯，決定去食個快飯就再上返公司做野。本來想求其食個豬扒檬粉算數，突然見到有呢個，就決定試下。✨蕃茄蟹肉扎肉湯檬蕃茄湯酸酸甜甜， 仲有啖啖蟹肉，同我最鍾意既越式扎肉，好正。絕對係辛勞打工仔係午飯時間既小確幸 。.🏠 S.girl 越式料理🛤️ 觀塘偉業街189號地舖

#肥doi觀塘.觀塘咁多工廈既餐廳，Lunch好多選擇，今次去左呢間性價比都幾過既越南菜試下！-《烤豬肉撈檬》$48烤豬肉既肉質嫩滑多汁，食落有小小「十勝」嘅味道，不錯不錯！.《豬扒撈檬》$48豬扒味道幾香，肉質都好淋好味，檬粉配埋佢地自家制既汁，好夾好好食！.《檸檬茶 凍》叫小冰小甜係真有做㗎！！-👅味道：7/10🍱賣相：7/10 .🏠環境：8/10地方舒適度就一般喇，大約20-30個位左右。 都幾枱貼枱㗎。不過佢有兩張8人坐嘅卡位。睇落都可以坐得幾舒服㗎。.⭐️總評分：7.5/10總括呢係可以再再去嘅，我見到其他人食嘅白咖哩有點似「沙爹皇」嘅白咖哩。 仲有d蝦餅個賣相都幾吸引嘅。差嘅就係呢個提示喇。因為你想食完傾一陣都唔得。入坐到食完我地3個人用左25分鐘就離場。但是如果一d大隻仔呢可能份量就小左d喇，或者要叫3份兩個人食。 如果女仕們呢就剛剛好喇

觀塘區其實也有很多隱世美食，店內座位雖少，外帶飯盒也是個好選擇。不要看這飯盒平平無奇，這店的烤牛肉是非常出色美味的，牛肉沾滿了特製的醬汁，肉質柔軟易入口，跟餐再配以越式酸甜醬，立刻胃口大開，跟撈檬是不錯的選擇，若跟飯也是差不多價錢，分量也算多，再送你一隻鼓油荷包蛋，$51是非常抵食的。不吃牛肉的朋友可選烤豬肉，烤肉系列是首選推介的。電話訂餐後10分鐘可自取，完全是快靚正的上班族飯堂，喜歡的話加點一客蝦餅、春卷等也無妨。

因為附近太貴食晏嘅關係我已經成日拒絕啲同事出去食今日啲同事話帶我去食平餐佢話行遠少少行兩條街過去食越南野好啦我見佢話50幾蚊試吓啦個餐包嘢飲不過一去到勁多人排隊要早少少去等位而且入邊啲位亦唔係好多不過好彩我哋等左一陣就已經有位啦佢入邊都有好多唔同嘅餐，我就叫咗佢哋嘅飯來試我叫咗豬扒蛋豉油飯佢嘅份量都唔細，呢個價錢來講性價比都幾高而且包一杯嘢飲，個飯都幾好食呢間亦是成我嘅飯堂之一👏🏻👏🏻👏🏻

這次是第二次光顧此店, 兩次皆要等位, 不過這區搵食都多數要排, 尤其是好食既小店.上次試了香茅雞翼河粉, 大碗河粉加4隻雞翼, 夠曬滿足味蕾同個胃, 首次光顧後留下好印象.今次試下個香茅豬扒檬, 份量依舊充足, 但檬粉比較碎, 較難夾起, 豬扒好食, 可以encore, 調味不會過重, 枱面有自助越式醬汁, 方便食客...這店位置不顯眼, 往往會經過而不發現它.

Lunch time 由同事帶路介紹左間抵食夾好味嘅越南🇻🇳菜小店😍。我覺得絕對係驚世大發現，點解咁遲先比我發現到佢嘅存在😫。///白咖哩豬頸肉飯1. 好鬼多飯，不過撈埋白咖哩食，不知不覺就比我食晒😱。2. 白咖哩嘅味道好似沙嗲皇嘅味咁。👍3. 豬頸肉先係重點，好好味！唔知佢係炸定煎，個面好黃金同好脆，仲要份量都唔少喎，正呀！🤩🤩4. 熱飲唔洗加錢，叫左好立克。飲品冇落糖都好甜，同埋質地濃厚d。5. $50一碟咁好味嘅飯，你話邊度搵，係非常好嘅午餐選擇。6. 鋪面極之唔顯眼，外面睇好似好細咁，但其實都坐到唔少人🤗。

呢間越南餐廳喺觀塘工業區嚟講 位置隔涉毫不起眼 但係lunch time都係坐滿人 今日晏晝點左個白咖哩豬扒煎蛋飯 加杯普通凍咖啡 盛惠52蚊 唔算平白咖哩唔辣甜甜地 送飯一流 豬排熱辣辣新鮮炸起 口感鬆軟唔乾身 醃料調味岩岩好 唔會太鹹 份量ok如果咖哩汁多d就更好 飲品可以加錢轉青檸冰之類

小店門面不算顯眼，明顯是家庭式經營，價錢相宜。食物味道不錯，餸的份量特別多，反而飯量唔算多，但可以加飯。特別欣賞伴飯的蔥料，比一般的不同，是因為加了芫茜，有特別的香味。飯類、麵類都免費配熱飲。下午茶時段可免費配特飲，好抵。