Sammi #000000

營業中

休息中

呢間cafe bookmark左好耐，難得平日放假，就黎試下。呢間cafe行型格路線，主要係黑白為主，連棵聖誕樹都係黑色，真係幾靚🤣。呢到連紙巾都係黑色，好有style~.黎呢到既客人都會著番黑色衫，match番呢間cafe。呢到位置闊落，大約十張檯到，梳化位一個corner，其他主要係高檯。一開始坐都有啲唔慣，但坐坐下都ok。.野食方面，未食早餐，嗌左杯朱古力香蕉燕麥杯（$32），味道唔甜，上面有啲cereal，入面有幾粒香蕉，香蕉味唔算好重。當初expect杯野甜啲，呢杯野岩健康既人😆.揀左窗邊位，夠哂光～.杯mocha一開始飲就覺得咖啡味差少少，但飲到後尾啲味濃啲就好飲啲，苦苦地幾正😛嗌左大杯，$34，算幾平🤣Overall呢到環境唔錯，唔知假日黎多唔多人，但平日黎做下野都唔錯😻

森美餐廳老細係荃灣又一新搞作，呢間主打飲品，輕食同甜點，當然唔會少得老闆既潮流藝術收藏品呢度繼續有Ron English McSipersized助陣，白雪雪超大隻放左係店舖中間，一入去已經好想攬住佢呀☺️呢間無森美餐廳放左咁多潮流藝術品，只係偶爾見到幾隻同Kaws既蹤影全店以黑白兩色作主調，一個字型，店舖其實唔細，但枱櫈唔係放到密密麻麻，空間感十足有機伯爵茶因為夜晚唔想飲咖啡，所以揀左茶，就係茶包既茶，沒有什麼特別金寶檸檬蛋糕檸檬味好出，酸酸甜甜咁，個cream都幾厚，好彩夾埋檸檬就無咁膩，成件蛋糕都幾扎實，我就嫌實左d抹茶竹炭朱古力蛋糕抹茶mousse茶味香濃，雖然唔係好甜，但食晒成件都相當飽肚我覺得環境係比食物優勝，如果想靜靜咁舒舒服服嘆杯啡食件cake, 呢度絕對係不錯之選

一間在荃灣新開的簡約Cafe，以黑白色為主調，每張枱都有一定嘅距離，空間感十足，而且唔會同隔離枱感到壓迫。有時候都會帶埋部電腦過嚟做嘢，而店員都唔唔會趕你走👍🏻 因為有好多經驗都試過，特別係喺九龍區嘅Cafe，人流太多所以都唔會俾你坐得耐，但依家唔會。呢一度採用自助形式，點餐要到櫃檯，員工嘅服務都算好好！呢度除咗咖啡同茶外，亦都有啲甜點同小食，但係你唔好期望呢一度會有熟食或者正餐，甜品種類都算唔錯，下次有機會一定試下！而且飲品嘅價錢唔算貴，喺呢區來講算合理！側邊嘅櫃檯亦都可以買佢哋嘅咖啡或者用品。而且佢地咖啡係偏向苦澀，拉花嘅技術都算唔錯，最少你會見到佢哋拉嘅圖形🤣飲落去整體還可以接受，而我比較享受嘅就係坐喺呢度飲杯咖啡；做吓嘢；睇吓書，享受一下寧靜嘅晏晝。

據網上消息所指，呢一間cafe喺同荃昌商場嘅森美餐廳係同一個老闆，咁就唔難理解點解cafe一入門口就放咗個Tik Ka From East嘅漢堡如來佛figure，Tik Ka From East最近喺香港攪咗首個網上虛擬展覽，成為城中熱話，可見#000000一如森美系餐廳嘅特色，喜愛擺設潮物藝術品，除咗一般所謂嘅黑白型格外，更見另一種玩味。另一特色係cafe擁有極大嘅空間感，要知道喺香港做cafe以至餐飲都唔容易，大家都用盡舖面每一個空間，但#000000夠膽整個中庭位置都係空間，只係放檯櫈係cafe嘅四面，實在唔知老闆有哪裡來的勇氣，令整間cafe真係有一種外國嘅氛圍。最後要提嘅係寬敞嘅大半身玻璃外窗，透光感十足，令環境唔會只有黑白色嘅鬱悶感覺，陽光令到整體上有層次感。

係荃灣新開既高質黃咖啡店呀！#000000，係黑色既代表色碼🖤，同佢哋既裝修風格互相呼應😎，空間感頗大，枱同枱之間有適當嘅距離，完全冇壓迫感，罕有地由朝早七點營業至夜晚九點，為繁華鬧市之中帶黎一個喘息既空間💛• 美式朱古力蛋糕 $35全黑色既cafe當然要襯返個全黑色既蛋糕，同眾多新興咖啡店唔同，佢哋既蛋糕冇好華麗既外表，賣相簡單平庸唔花巧，令客人更加著重個味道☺️依件美式朱古力蛋糕，口感好扎實，稍為乾左啲😟，甜度亦算高，適合配返杯茶🍵• Oreo馬卡龍 $28作為一個Oreo忠實粉絲多年，依件oreo馬卡龍非常之得我歡心💕Oreo既味道比我想像之中更突出更濃郁，鐘意食oreo既你，相信會同我一樣深深咁愛上佢😻外層小小脆，內𥚃又煙煙韌韌，口感有層次，回購率100%💯💯💯

公司附近既型格黑色cafe🥰影相打卡一流😎性價比高，價錢真心平，staff又有禮貌💜超級讚❣️好小飲到40蚊內既咖啡又好飲，蛋糕又平又好食.Mocha $30Charcoal Latte $30拉花都好靚，咖啡味偏重，唔係好甜架咋黑色真係好型👏🏻👏🏻👏🏻Houjicha Chiffon $32好鬆軟既戚風蛋糕，仲要係焙茶味🥰Basque Burnt Cheesecake $35芝士味夠濃，而且係比較硬身.

Bookmark左呢間咖啡店好耐！舖頭裝修係用黑白灰作主調，行型格路線，打卡真係一流🤩入面有高枱，都有大梳化，空間感十足🙌🏻希望佢遲啲唔會因為多人而加多啲枱🤔睇咁靚嘅環境下食嘢真係賞心悅目🥰野食都相當唔錯架！🍰 巴斯克焦香芝士蛋糕 (8/10) $35又係食呢個次次食，但都唔會厭嘅蛋糕😂入口口感十分順滑，微燶嘅表面帶有焦香，芝士味亦非常香濃🧀，強烈推介🤗🍞黑椒豬肉三文治 (9/10) $35本身係諗住叫個主食，塞爆個肚就算，點知個包竟然係令我最驚喜！🤩包體非常有咬口，入面嘅豬肉都有鹹香味。最鍾意係佢入面嘅蜜糖洋蔥，甜甜地又開胃🥰☕️Iced Latte (7/10) $34本身諗住要試佢個signature竹炭咖啡，但嗰日去到實在太熱，所以要叫凍飲😂我杯Iced Latte飲落去不過不失，口感順滑，咖啡味香濃👌🏻友人嘅Iced Dirty飲落分別都唔大，只係有漸層，影相好似靚啲😂總括而言，呢間係平日少人嗰陣，可以去嘆吓啡休息吓😛 如果要等位+迫滿晒人，就唔係嗰個感覺了🙂

📍Sammi #000000勁有格調嘅Cafe🖤 成間coffee shop都以黑色做主調 就連冷氣機都係黑色嘅🤣😂 黑色控真係要黎打下卡😎可能地理嘅關係，咖啡比出邊一般coffee shop價錢平，而且大大杯，個人覺得性價比都高👀 圖1右 Mocha☕️ $34佢嘅Mocha都係偏苦嘅但唔算話一試難忘。因為啡，朱古力醬同奶三隻嘅味互相中和左，冇一個突出點，少咗咖啡香。火腿芝士牛角包🥐 $28都幾好食既但如果heat得再脆啲會更香口👻 而呢個croissant既價錢對於咖啡店來講算係幾平㗎啦圖2左Americano $30中規中矩🤣😂 右Latte $34奶味同啡味一半半，冇話邊隻突出同邊隻特別搶味，啡味偏苦，配下甜野食會幾match👀美式朱古力蛋糕🍰$35但唔講得笑嘅係呢件蛋糕真係難食😂🤣一開始睇個樣以為佢似黑森林咁 個口感係似海綿蛋糕feel，但點知食落去個口感係好硬 而且個朱古力味唔夠濃同超級甜🥴 蛋糕面頭有啲朱古力粒粒去增加口感 但個蛋糕質感唔夠soft 就突岀唔到，感覺就似一路都咬緊d硬梆梆嘅甜嘢🥴 呢個蛋糕真係千祈千祈唔好嗌👺雖然唔係所有嘢食都特別出色但性價比算高，而且仲可以

最近荃灣開左一間黑白色調嘅cafe，最愛黑色嘅小金由一知道開始，就不停叫人同我去🤤我終於朝到聖啦🥺Cafe由內而外都帶岀外國cafe嘅味道，好有設計感，空間感同寫意嘅感覺，大家來嘅時候記得保持安靜呀🤫巴斯克燒焦芝士蛋糕$35🧀估唔到近期大熱嘅burnt cheesecake呢到都有🤤食落中間都幾creamy，但味道唔係好濃抹茶竹炭朱古力蛋糕$35🍰上層嘅抹茶mousse味道濃得來唔會太甜😋熱抹茶鮮奶$34🍵飲落頗淡🥺English breakfast tea$26☕️

早排放工經過, 見到呢間新開cafe (應該9月份開業), 全黑裝修, 非常酷! 今日終於有時間黎感受呢個暗黑空間!一踏入店舖, 空間感尚算足夠; 正中間落單, 座位則分佈於店舖左, 右邊靠牆位置, 但感覺座位之間既距離太近, 尤其係那幾張高枱。食物方面以輕食為主, 有蛋糕, 三文治等, 今次試左黑椒豬肉三文治, 麵包烘了外層, 所以唔會輸得去邊; 反而黑椒味唔夠濃烈, 雖然配上洋蔥, 但整體覺得三文治偏淡。至於咖啡, 今次點了12oz flat white。用了黑色紙杯, 與周圍環境融合在一齊。奶泡有點厚, 但能夠保持溫度, 滿足!

某天經過仁濟醫院，望向對面馬路發現一間外牆黑漆漆，但又有兩大幅落地玻璃窗的店舖，遠看門面不知道是賣什麼，只見店舖招牌寫著SAMMI THE BLACK EDITION 以為是幫人做裝修的設計公司，後來見有人拿著外賣杯出來，心想難道這是吃東西的店？為了一解謎團，即時過馬路直接看過究竟。 原來是一間咖啡店，而最特別是在寸金尺土的香港地竟然可以有一間空間感那麼大的咖啡店，實在難能可貴。近年來看見不少店舖因為配合防疫，用了許多膠板分開座位，而這店因為面積十分寛廣，所以沒有見到這種分隔工具。店內以黑白灰為主調，配合同色系的擺設，十分型格。進門迎賓的一個全白人像擺設，胸前掛著一個金錢圖案，很有趣，既招財又不失時尚。店內座位有自成一角的梳化區，又有高檯高椅區，分佈左右兩邊各有特色。藝術牆壁又能與咖啡店格調融和一體，顯得更有品味。白天一大片大窗透進了大量的光源，增加了溫暖感。 看完陳設就看看有什麼吃的，飲品有咖啡和西式茶，還有樽裝啤酒。食品全部在凍櫃內擺放著，有三文治，牛角包、芝士餅、金寶蛋糕、馬卡龍、乳酪等。三文治每款只賣35元一份，份量十足，其他食品都是50元以下，價格合理，由於我不是太餓，所以只

荃灣黎間黑白型格cafe，店舖幾空曠，同朋友去傾下計，食個早餐/ tea 都唔錯！cafe 主打輕食，食物種類唔算多，試左兩款cake 同埋咖啡，個人覺得唔係非常突出🤔/Strawberry red velvet mousse cake $35/雖然話係mousse cake 不過個人唔係好鍾意佢mousse 同蛋糕嘅比例，如果多d 蛋糕就好🙈士多啤梨味唔係好濃，都係食到甜味😅/Basque burnt cheesecake $35/芝士味道唔算重，質地方面我覺得似newyork cheesecake 多d🤨/Flat white $28/黎杯咖啡性價比幾高，$28 有咁嘅質素唔錯💯 味道都幾濃醇，唔會太酸👌🏻

噚(16-10-2020 Fri)日請咗假,朝早要外出整嘢,就乾脆同要返工嘅老公食早餐,發現呢間café竟然開7點有早餐食,於是決定再嚟.今次我哋要同樣$35.00嘅手撕豬肉三文治同費城牛肉三文治各一,$26.00嘅蜜瓜綠茶,可能係$28.00嘅牛奶咖啡.等咗一陣,全部齊晒,睇見兩件切開嘅三文治都砌成心形,真有心思.我試吓蜜瓜綠茶先,味道唔太濃,不過好似只飲到蜜瓜味,但幾舒服.手撕豬肉三文治內裡有洋蔥,味道比較清淡.費城牛肉三文治呢?食第一啖已經有好強烈嘅對比,佢嘅味道明顯濃啲,可能因為佢個包本身味道都濃,加上芝士同牛肉.上次食評係喺10月2日刊登嘅呢篇: https://www.openrice.com/zh/hongkong/review/yeah-%E5%9E%8B%E6%A0%BC%E5%8A%A0-%E6%B2%B9%E7%AB%99-e3822810

近排屋企附近新開左間Cafe，雖然佢開既位置其實唔起眼，但係因為佢色調風格既關係，幾吸睛，路過多數都會見到。樓面面積幾大，環境都舒服，中間放左小心地滑既警告牌，細心一睇，個警告幾有意思。由於晚上食大餐，今餐輕食，見佢三文治一份 $35又唔貴，所以嘆杯咖啡，食件三文治，假日休息小幸福可以好簡單。三文治擺盤變成心心型好靚，咖啡賣相亦唔錯，打卡一流。三文治味道唔錯，包皮軟熟，肉味同埋調味都偏向淡味啲。我地叫左 Flat White同Latte，咖啡同鮮奶既平衡度都唔錯，下次放假都可以再黎坐一下。有啲欣賞佢地黑白作風貫徹，無論係成間店裝修，牆壁畫，就連細至張紙巾都印左黑色。

自從soft opening 唔小心發現咗呢間cafe後，變成一星期有3日都黎hea陣先嘅常客。第2次幫襯開始，只飲暗黑Latte～lol.其實飲落都係Latte味only，但觀賞值一流，同店舖一樣勁襯～黎咗n次，試咗幾款不同三文治同包款。全部都係新鮮整（當然啦～唔通隔夜咩…），啲汁唔會索曬入個包度。個人最愛呢個logo火腿芝士包，第一次食只覺得佢好得意，但你唔好睇少佢咁薄chit chit，係食完會飽架～第二就暗黑三文治，新鮮，好味，型。第三就牛角包／心型包，味道唔錯，扣分位只係普通樣子，同埋本身牛角包好見巴。。。