Sammi #000000

營業中

休息中

據網上消息所指，呢一間cafe喺同荃昌商場嘅森美餐廳係同一個老闆，咁就唔難理解點解cafe一入門口就放咗個Tik Ka From East嘅漢堡如來佛figure，Tik Ka From East最近喺香港攪咗首個網上虛擬展覽，成為城中熱話，可見#000000一如森美系餐廳嘅特色，喜愛擺設潮物藝術品，除咗一般所謂嘅黑白型格外，更見另一種玩味。另一特色係cafe擁有極大嘅空間感，要知道喺香港做cafe以至餐飲都唔容易，大家都用盡舖面每一個空間，但#000000夠膽整個中庭位置都係空間，只係放檯櫈係cafe嘅四面，實在唔知老闆有哪裡來的勇氣，令整間cafe真係有一種外國嘅氛圍。最後要提嘅係寬敞嘅大半身玻璃外窗，透光感十足，令環境唔會只有黑白色嘅鬱悶感覺，陽光令到整體上有層次感。