San Babila

營業中

休息中

經過見到餐單寫有紅蝦意粉！就吸引我入去試試～Lunch set 包有餐湯： 蕃茄忌廉湯好creamy，又唔太酸，味道剛剛好^_^加上個餐包仲暖暖的又軟熟，很好味😋到個主餐：阿根廷紅蝦伴蝦汁意粉一黎到已經嗅到好香好香好香蝦香味！！！意粉是選用扁意粉，質地煙韌軟硬適中，煮得剛剛好～而且十分掛汁，每條意粉都佔上香濃蝦汁！蝦汁非常鮮味，並且帶有微微洋蔥蒜頭香味，而且有少量蕃茄但都冇蓋過濃蝦嘅味道！2隻蝦都非常新鮮，蝦頭仲有蝦膏，好正正真係超級好食(>^ω^<)最後我再加配甜品：朱古力心太軟主菜好食不特止，甜品都非常出色！香脆外層朱古力蛋糕，再加上大量暖呼呼的朱古力從中心一瀉而出，朱古力愛好者的我表示十分滿意！😎😎😎如果可以的話，希望雪糕都有得選擇埋朱古力味就仲正～🤪🤪

San babila令新蒲崗加點蘇豪區味道，每次經過都比這間店舖特色的風格深深吸引，當然係打咭係必然，唔係點可以吸引到我出發呢😝😝😝入到店內，柔和嘅燈光配上溫柔嘅音樂，真係一個令人可以係這個疫情下放鬆一下看著餐牌每一款也想試，不論小食，主食，甜品要試試，太貪心了，但肚子只有一個😚😚😚店長推介意式薄餅，薄脆皮更做到烤爐的味道，真係一試難忘至於甜品，當然最愛的Tiramisu，底部用了新想法的朱古力曲奇用餅底，粒粒朱古力令到更愛朱古力的我更愛這Tiramisu最後加上1990氣酒，果香好甜美，女仔包保鐘意其他主食，等大家發掘去試下😚😚

呢間係我覺得這區最優質的西餐廳！之前新開時已食過佢的晚餐，覺得很優質，後都食過幾次午餐及外賣，質素都好，所以決定寫低及介紹這新店給大家。這次我們來食午餐，點了個香煎鱸魚什意式濃湯雜菜，個魚味道很好又不鯹，配埋的伴菜又美又好味。另外香烤紐西蘭西冷牛扒配薯菜，塊扒又大塊又好味（建議叫五成，因之前試過叫七成結果係全熟），配埋沙律及咖啡，午餐絕對係超值！佈置也舒服，襯著土耳其式的燈，晚上慢慢食下飯飲下酒也不錯的好地方。

早兩日系大有街做完野肚餓想食啲野 事關疫情都想揾反啲乾淨少少既餐廳 行下行下就行左去mikiki商場個邊 係條後巷串出黎都諗左陣食咩好 見到尼間嘢 有個窗口見到啲生啤機幾吸引望左陣 見到個餐牌川椒辣肉腸pizza?!心諗乜野黎😂😂😀😀最鐘意試下啲野伏唔伏笑死好盞鬼完全冇諗過將啲臘腸甘既物體放系pizza上 但幾好味辣辣地個餅好香口所以另外叫左杯guinness 正 最後外賣左個拎反屋企 不過堂食尼個個邊邊薰黑左🥲但屋企果個就冇 希望佢地可以留意反

朋友同我推薦呢間新餐廳wor 去之前上咗google search下sin🙂雖然得幾個review都好似唔差見到幾幅相都係羊架 好吸引所以跟風～🤣仲有叫咗個pizza+廚師當日推介鵝肝 餐飲叫了杯熱咖啡☕️pizza餅底好簿好脆parmaham份量都okkk ge 羊架薯菜個薯蓉真係100分....鵝肝亦不錯賣相好掂🤨✨味道又香又脆又濃郁(唔係foodie.唔識形容)總之好好味 環境幾適合打卡影咗幾張靚相🙈特登即刻開個open rice account嚟讚下sinn👏🏿呢間餐廳出色🥇疫情快啲過去😖😫一定會再帶屋企人過嚟食!!!!!

係mikiki二樓望出去見到對面有間嘢好精神成間都係紅紅橙橙😂同friend子行咗過去睇下。乾淨企理裝修ok.叫咗個炸洋蔥圈同拼盤諗住送下啤酒吹下水。唔難食，正正常常冇乜特別😅有張menu廚師推介兩款生蠔話係新鮮岩岩送到香港，橫掂嚟到一口氣叫咗各一打，送咗兩支酒，有三款選擇。揀咗紅酒chianti同sparkling wine 1900. 認真啲酒一啲都唔hea,幾正🤔啲生蠔吹佢唔脹又真係鮮甜肥美，連舊檸檬都與別不同幾有心機present啲嘢👍🏻期待再過嚟試試其他菜式。係mikiki二樓望出去見到有間嘢好精神成間都係橙色😂同friend子行咗過去睇下。叫咗個炸洋蔥圈同拼盤諗住送下啤酒吹下水。唔難食，正正常常冇乜特別😅有張menu廚師推介兩款生蠔話係新鮮岩岩送到香港，橫掂嚟到一口氣叫咗各一打，送咗兩支酒，有三款揀。認真啲酒一啲都唔hea,幾正🤔啲生蠔吹佢唔脹又真係鮮甜肥美。揾日要再試下佢地其他菜式😀

今日要番公司拎文件，難得有機會Me time梗係要嘆番個靚Lunch啦行過對面聞到陣陣咖啡香，原來有間新開既意大利餐廳，環境裝修都幾岩心水，就你啦坐低落完單姐姐即刻送上鮮茄忌廉湯，酸酸地好開胃。之後既意粉同咖啡都睇得出用料靚兼夾制作用心。絕對係拒絕頹飯之選

身為一名美食及橙色愛好者 ， 知道新蒲崗新開一間西餐廳，以橙色為主題加上土耳其風格，立即被吸引住 ！當日去了一個快閃，吃了一碟小吃拼盤 $88 ，拼盤有炸蝦，炸蠔和薯條，炸得非常之好又不會太油，口感亦都非常之好，不會像坊間一些太油和太多粉 ，這裏值得一讚 ！ 另外 ， 吃了一份羊架 $128 ，廚師處理得非常好，完全沒有臊味 ，我覺得怕臊味的朋友值得一試，另外羊架還配上薯蓉底，非常之軟綿綿，一般西餐廳不會費神弄的的水準 . 在享用美食之後，熱情的老闆還招呼一瓶意大利1900的氣泡酒，味道非常之好，而且非常之入口 ，隨行的女士也非常喜歡

出面少食到嘅西餐食材! 💯 pesto 汁既爐魚配青黃二瓜 鱸魚個皮係脆✨牛扒旁邊嘅蒜蓉牛油味都好濃郁 我哋四個連啲蕃茄仔同配菜都食晒下次會黎試埋Menu其他菜👍🏻👍🏻

間嘢完全唔掂首先粟米忌廉湯係煲燶咗，一陣燶味第二，order完等咗25分鐘都冇嘢食黎，問員工，佢答我佢哋慢煮係咁🙄第三，紅酒會牛肉飯，D飯係凍，額外比啲汁都係凍，配菜仲誇張，舊舊都黐住晒黑色嘅鑊屎🤮🤮🤮唔明佢係無洗鑊定點，燶唔係個配菜自己燶，係個配菜可以成舊都黐住晒鑊屎😡😡😡

今日下午想試下呢間新開的bar and restaurant. 午市Menu 的卡邦尼意粉, 跟是日餐湯同+$3 凍檸茶 Subtotal $81餐湯係蕃茄濃湯, 味道OK 合格, 可兼埋做肉丸意粉個汁, 用細熱飲紙杯裝..... 意粉... 係半盒焗飯外賣盒都冇... 可能兩份一齊做, 我自己果盒好多煙肉, 少汁, 多油, 希望另一個人果盒會多D 味道沒有驚喜,但食得出佢地用料係有心, 真心比份量影響心情同味感, 打埋呢篇野我要落番街買杯面或者睇定下午茶食乜. 凍檸茶茶膽有誠意, 呢3蚊加得值. 總結: 其實番工午飯真心唔想有太大要求, $81 多番半扎意粉同埋一舊仔包配湯我都唔會投訴. 係新浦崗番工四年第一次咁後悔.