Say Cheese (將軍澳中心) (已結業)

💰$388👭 Special Set for 2 成個2人set都幾抵食🎈必備既湯、沙律🥗同蒜蓉包🥖…揀左最期待既🔥火焰卡邦尼意粉同🐮紐西蘭肉眼扒(10安士)，Open kitchen可以見到👨🏻‍🍳佢即席表演火焰卡邦尼意粉，即刻拍片放ig story😎因為享🧀巨型芝士上炒，所以加左小小酒🍾先做到🔥火焰效果食落有小小酒既香味 🍾再加上芝士味超香濃，好邪惡呀🤤!紐西蘭肉眼扒肉質夠淋身…夾小小邊位既肥膏一齊食 都唔會話太油膩。🍹佢個飲品menu都好吸引，忍唔住+左$15飲特飲。不得不提呢杯凍瑞士朱古力🍫朱古力濃度十分高~好飲到出乎我意料之外😳🍑水蜜桃菠蘿特飲應該好多人都會叫~唔太甜本身個Set甜品包兩球雪糕🍨，但我見+$18就可以升級Movenpick雪糕，又幾底👍🏻.#將軍澳 #將軍澳中心 #SayCheese ...……………………👱🏻‍♀️肥妹小編..……………………

今日去將軍澳行街，諗住去Rookie~Hong Kong秋冬 特賣場買衫比仔仔啦！點知貨式一般，同仔仔好失望，就行下睇下有咩餐廳食晚飯。路過 Say Cheese, 睇到門口餐牌二人餐都抵食就入來食。仔仔又爭住order 食物， 話要食牛扒喎。紐西蘭肉眼扒10安士 香煎鵝肝意大利飯是日餐~湯蘑菇湯 是日餐飲 ~百香果水果茶 雪糕~ 忌廉曲奇侍應問牛扒幾成，我答十成，仔仔爭住話7成，我都唔明點解佢唔驚生， 真識食。牛扒來到仔仔不斷大口大口咁食，而我呢就好忙咁切。 鵝肝飯來到時 ，我心諗你唔會同我爭呀！你都未食過鵝肝，點知我錯了，佢又一叉咬去半件， 仲想成舊食哂， 我眼都突，佢話好香同個飯好夾，大佬我緊係知啦，你阿媽我想獨享的 。

收工同男朋友去食飯，揀左將軍澳中心呢間餐廳，因為見佢星期六日都好多人排隊等，反而平日比較少人，可能我地都食得早，7點幾就去左食，所以可以揀到卡位坐。叫左個二人餐，有兩件蒜蓉包，可以揀是日餐湯或沙律，我地各揀左一樣。主菜揀左安格斯肉眼扒10安士（5成），黑松露野菌手搓粉，仲有雪糕同野飲。 蒜蓉包熱辣辣鬆脆～餐湯係紫薯忌廉濃湯，我覺得比較杰身同滯，飲完飽左好幾成，問過待應原來定期會轉唔同款，好似南瓜湯、粟米忌廉湯、羅宋湯等。沙律新鮮、用黑醋汁淋面。安格斯肉眼扒真係好好味，勁juicy，如果單點都係二百幾蚊，10安士份量好大塊，兩個人食好足夠。黑松露野菌手搓粉最令我驚喜，除左黑松露忌廉味濃郁，手搓粉既麵質係我喜愛既有咬口，唔會好稔。最後仲有曲奇味雪糕同水蜜桃果茶。我地兩個都食得好滿足。

今天到了將軍澳中心其中一間分店叫Say Cheese的西餐廳，聽落全是用芝士製成的食材，一入到店裏所有員工都有歡迎我們，感覺十分親切又有笑容，現在有很多飲食店的員工都不會帶笑容，這間特別不一樣，這點值得讚賞。我們點了以下菜式102-芝士焗雜菌$52*****128-半隻燒春雞$98****103-松露芝士薯條$58***602-法式龍蝦湯$48****110-芝士焗菠菜$48****903-鮮果熱情果奶蓋茶$32********代表最好吃😋

每次經過這家餐廳，都被這家餐廳門口的招牌吸引，超多層的pancake，看到也令人流口水！餐廳裝潢有居家的感覺，木質地板配上木質桌椅，靠牆的一排是沙發座，坐得舒適。翻開餐牌，有小食、意粉、意大利飯和甜品。⭐️火焰卡邦意粉$108卡邦尼意粉醬汁濃稠，意粉掛著麵條，入口奶香味頗出眾，口感幼滑，加上洋蔥、蘑菇和煙肉，增加口感。⭐️香煎帆立貝黑松露意大利飯$118意大利飯頗有嚼感，配上肥美的帶子，味道不錯，就是黑松露味道並不突出。⭐️原味班戟層層塔伴香蕉及雪糕$82賣相很吸引，由數層班戟皮堆砌而成，夾層還有切片的香蕉，煞是精緻。不過班戟皮稍微乾了一點，入口鬆軟度不夠，稍微失色。

今日去左miss屋企學琴，樓下就已經係將軍澳中心，諗住還掂都係，就同miss食埋飯先返屋企啦,經過一間叫say cheese 既特色餐廳，門口已經聞到一陣陣香味，就決定係度食晚飯😋餐廳環境L型設計，幾有家的感覺，靜靜地可以慢慢食傾下計，老少咸宜。選擇算多，各式意粉小食以及意大利飯都有，望住d圖片都流曬口水喇！今次2個人就叫左個松露芝士薯條，spaghetti carbonara,咖哩吉列豬扒飯同埋一個baby pork ribs ,睇下有無驚喜先。仲有好多唔同口味既pasta!全部都想食😍不過至愛始終係carbonara.話咁快d野食就到唔洗等好耐，未送到已經聞到好香，意粉唔會太淋，完全符合正統意大利粉既要求，有嚼口！蛋黃芝士醬份量剛好唔會好溜，煙肉唔會太咸，最鐘意佢夠”杰”身，最怕d意粉煮到成碗湯麵咁。好味！like 跟住就到咖哩吉列豬扒飯，講下個咖哩汁先，係日式咖哩，香濃而不辣，重點係塊豬扒，皮脆肉嫩，咬落仲有汁流岀來唔會乾身，飯粒挻身，咖哩汁送飯一流！大大塊豬扒要炸到皮薄香脆肉嫩，真係超水準！到baby pork ribs 上場喇，奧妙之處係個sauce 甜中帶微酸，味道平衡，排

終於可以鬆一鬆，唔去甘遠啦，近近地約班朋友去隔離將軍澳食下飯。揀左將軍澳中心既一間西餐SAY CHEESE 食, 間鋪裝修清新簡約，舒服relax。我地4人叫左個二人餐再另架啲野食。煙三文魚凱撒沙律加南瓜餐湯塊安格斯肉眼扒最正，大過我塊面，7成熟啱啱好，肉汁又多，幼嫩中帶少許咬口，牛肉味道香濃。香煎鵝肝意大利飯，鵝肝煎香，味道甘香濃郁，分外惹味，入口即溶。濃郁的菇菌香氣，飯粒綿軟，口感煙韌。芝士蝦球，好新鮮🤣，兩個朋友一咬噴到對面都係。另外，藍蝶花青檸特飲，睇得又 嗒得杯落。

今日入左將軍澳一日遊就求其搵間餐廳試下先眼見環境舒適寬敞兒童餐份量適中又有小朋友最愛既甜品即刻坐低試下佢甜品大大杯色彩繽紛賣相極靚價錢合理小朋友影左一輪相先至捨得食

環境都吾錯西餐，野食一般同朋友食下晚餐，最近市區太亂，就去左朋友返工附近，將軍澳食晚餐。上網睇推介，見呢間西餐廳都岩食，所以就食呢間。近9點，人吾算多，所以都吾洗等位。叫左精選二人餐$348，主食要左香草燒春雞，黑松露野菌手搓粉，2人餐喝蒜蓉包兩件，是日餐湯或 沙律兩客，雪糕兩客，飲品兩杯。香草燒春雞SIZE合理，都多肉，2-3個人食都OK。肉用咗普通嘅芡汁，所以唔算特別惹味，但夠燒雞味，肉質叫ok，小小嫩有小小肉汁，吾太乾。黑松露野菌手搓粉手搓粉係自家既，有咬口，通粉意粉不過係手搓既，不過怪怪的～下次吾會試。個汁都普普通通，吾算太有黑松露囉，菇都叫多既。雪糕雪糕可加＄升級Movenpick，不過我地冇加～所以係普通曲奇雪糕。

今日午餐我去左食 Say cheese。🙂佢個餐湯係蕃茄湯，好重蕃茄味，唔會太甜又唔太酸，唔係太水，一切都係剛剛好。😍我叫左個煙三文魚卡邦尼意粉。佢個意粉比較細份🤷🏻‍♀️，佢有兩塊三文魚，唔算多😅。個意粉好 creamy，好重卡邦尼味，唔錯😗。後而友人個芝士焗雞皇飯都幾大份😝，多飯但係少雞🤨。佢有唔少汁，唔會太乾，但係成件事真係好一般，性價比較低😅。佢個果茶唔好飲，淡到冇咩茶味，好似飲水多 D😔。整體而言，Say cheese 既性價真心唔高😕，唔係話唔好食既，只係唔值咁既價錢🤥。

將軍澳中心的商場裝修，一搞經年，居民每天就是不斷地嗅著沙塵滾滾的天拿水氣，好不容易終於等到前半部份的商場完成翻新。在新設計新物料下，將軍澳中心商場比港鐵上蓋之PopCorn及君傲灣之PopCorn 2 還要時尚美觀。期侍是為了更美好的來臨。新地搞商場確有一手，除了超市連鎖店，還引進了許多的餐廳食肆，大集團、小企業與創新店子包羅萬有，滿足普羅的需要，令食客不覺沉悶。當然，這樣美侖美奐的裝飾與滿載驚喜的店子實須付出高昂的代價。將軍澳中心的食肆雖然有便有貴，但怎麼便也要人均百元開外，大部份則索價數百。像小的這等足襟見肘的星斗市民，間或品嚐自是可以，無飯家庭要找飯堂嗎？須走遠一點，到地鐵站找唐記包點。這天閒日到將軍澳中心午膳，鐘情和風的小的居然捨「魚釧」而取「Say Cheese」。皆因前者之午市刺身定食一成不變，最大的問則為每下愈況，或許是要將貨就價，魚生之份量愈來愈少，在一帶找不到其它和風選擇，唯有退而求其次吃小的喜愛的芝士與至高無上的Movenpick雪糕。身為雪糕女，小的推瑞士之Movenpick為武林正宗，乃吃過認為最美味的雪糕品牌。只是昔日在港售賣Movenpick的店子並不多，要

呢間餐廳設計幾靚，裝潢令人好舒服，環境好好坐。晚餐叫咗個二人餐，有主菜（雞/牛/魚）、飯/麵、餐包、甜品同飲品。首先係蒜蓉包，好香蒜蓉味、好脆，不過好細個，兩啖食完。是日餐湯個湯比較特別，係用紫薯整，甜甜地，第一次飲。個人嚟講不好紫薯所以覺得麻麻。本身餐牌冇指明咩湯，所以冇得揀。Main就叫咗牛排，都算比較大塊，下面用西蘭花、紅蘿蔔同薯仔放底，味道好raw。塊排叫咗五成熟，但佢比五成更熟，煎得唔平均，有一半以上都係全熟咁濟，肉質咬落好韌，略有牛味。個汁都ok，冇乜特別。個飯份量好少，我諗得半碗到，以二人餐嚟講好唔夠。啲飯粒偏大粒同硬，好重奶油味，重得嚟好溜，個鵝肝好食，入口即溶同好香。飲品係水果茶，同平時飲嘅好唔同，充滿水果嘅酸澀味，我就鍾意偏甜嘅。😅甜品揀咗雪糕，係movenpick嘅曲奇味。同湯一樣，冇得揀味道。呢個套餐$388，性價比好低，兩個人食咗四百幾蚊都唔飽，又唔係特別好食。

早在上手手提電話報銷之前，我也曾經光顧過，位於「將軍澳中心」裡面的某間，以芝士作為賣點的主題餐廳，餐廳的名稱開宗明義，叫做「Say Cheese」。以前我在上手「開飯喇」戶口，曾經發現當時的「Say Cheese」，裡面曾經有類似「梳乎厘班㦸」的大熱西式甜品「鬆餅」供應，可惜我等到有機會上門拜訪「Say Cheese」，「梳乎厘班㦸」和「鬆餅」最後沒有出現。「Say Cheese 」甚至有另一款我都很想食的刨冰甜品「雪山」，「雪山」最後也跟「鬆餅」一樣，無聲無息地消失於「Say Cheese」，消失在我視線範圍之內。所以我前後兩次，憑藉兩個手提電話「開飯喇」戶口光顧「Say Cheese」，最後也只能食「Say Cheese」其他跟芝士有關的食品，感覺始終不及食刨冰，或者梳乎厘班㦸那麼好。例如今次「Say Cheese」下午茶裡面包括芝士三文治在內的食品，「扒芝士火腿三文治配沙律」只是一份含片裝芝士在內，未經過任何烘烤程序。另外「扒芝士火腿三文治」配上雜菜沙律，「Say Cheese」廚房店員沒有在雜菜沙律裡面加入任何沙律醬汁，甚至最基本的沙律醋也欠奉。所以「Say Cheese」雜菜

難得同好耐冇見既朋友食飯 緊係要揀間好啲既餐廳坐係到慢慢食 邊食邊傾計🤤經過say cheese既時候 第一下比佢既窩夫吸引住左😍跟住見到餐牌啲野食好似都幾吸引下 所以決定入去試下 我同我朋友嗌左二人餐（肉眼扒+帆立貝黑松露意大利飯）同埋加左個小食（芝士蝦球）基本上每樣食物都好岩我口味 肉眼扒仲保持到好多汁 唔會好乾好硬😍意大利飯既黑松露味唔會好淡 岩岩好！芝士蝦球新鮮炸出黎 芝士味可以再濃少少 但呢一餐每款食物都好出色❤️最可惜既係班戟已經賣晒 冇得食埋甜品先走 期待下次再食多次！

真係好失望😞，買過幾次未試過咁‼️‼️‼️下午時份喺將軍澳中心買咗杯 $32「蜜桃鮮橙」奶蓋 佢竟然俾呢個份量我，同佢理論，個短髮員工仲要話，「奶蓋份量比較多」，之後想叫佢沖多杯，佢同另外員工就行開咗，岩有此理‼️‼️‼️永不幫襯‼️‼️‼️‼️‼️‼️打算幫襯嘅客人，可以對比其他食客嘅相，就知道認住水吧個短髮員工，小心佢又沖得半杯俾你