School Food (已結業)

睇世界杯搞得我很想吃炸雞，第一個念頭當然是韓式炸雞，於是約朋友來這家韓式餐廳食野。事先聲明，其實我本身對韓國菜又麻麻，但school food都算五錯，就係結果都係無食到我想食的炸雞腿sad兩個人嗌左一個飯卷，一個飯，炸雞同埋兩杯野飲。以我大食的胃口黎講啱啱飽，分量不大。韓絲熱棒鐵鍋飯($88)，上黎份飯熱辣辣，好期待。上面有少少芝士，紫菜同一隻煎蛋。飯底系泡菜炒飯，用韓國辣椒醬，煙肉炒，味道酸甜咸辣都有，不會太濃，但無咩驚喜，而且全熟荷包蛋無咩香味，如果換成半熟太陽蛋會好好多。呢款烏卒卒($75)反而有驚喜，其實味道有少少同鐵板飯類似，入面我林都系放左泡菜，但還有墨魚和墨魚汁整成的飯，入口酸酸甜甜，墨魚汁味不算濃但有，會食到墨魚的咬口，飯粒咬開粒粒分明，比較開胃不膩。黎school food可以試下~由於實在太想食炸雞，但我地開餐時已經是一點幾兩點，五知系咪過左lunch時間，無炸雞件賣，得番炸雞塊。韓式炸雞塊($38)，38蚊都五會expect大份炸雞，上台有四舊炸雞，咬開又幾好味，仲熱辣辣的，都有雞汁走出黎，而且不會太鹹，真係五錯!不過野飲我就覺得好麻麻，不點也罷。菠蘿冰沙貪佢色

School food ，d food 確係幾 good ！！菜式充滿創意，每隔一排再去都有驚喜！今日叫左d 未食過既菜式。「卜卜青口鍋」，青口偏細粒，但青口尚算新鮮，味道唔錯。之前食襯都係叫 「烏卒卒」，今次就試下其他，「校園花卷」同「深海炸彈」， 味道相當唔錯！「鷄旦梳乎厘」，賣相精緻，夠創意，但味道麻麻，蛋有d 過老，比較失望。「叻叻豬鐵鍋炒飯」，名字得意，味道不過不失，驚喜不大。整體都仍然十分滿意，食物水準keep 到，不過服務就有d 懶散，有改善既空間！

School food係創新韓式料理店 起香港真係好多分店食物驚喜既配搭更加令人意想不到鐘意食韓國菜既朋友可以一試呀今日黎到九龍灣分店 依舊叫我最愛既紫菜包飯當中我最欣賞就係烏卒卒紫菜包飯烏卒卒既含意係因為飯係用上墨汁飯 所以感覺好新鮮而且我亦唔抗拒墨汁既食物 所以一試 入面有爽口既墨汁肉 加埋泡菜粒做主要材料 辣辣地好開胃一碗有10幾粒小卷 整成兩朵花 真係靚到好似藝術品!!單單係賣相已經加曬分

同同事食午餐咁啱想食韓國菜，經過School food就冇諗太多就直接入，好彩今日唔使點等雖然冇影到相，但係佢個前菜可以揀芝士蟹柳蛋捲，雖然細分少少，不過芝士同蟹柳又幾夾喎我叫咗個甜辣炸雞拌飯，初初睇落以為會好乾，因為佢冇比額外嘅汁我撈飯，但係原來佢有紅菜頭做伴菜，而且啲炸雞翼都有好多醬汁包住，所以撈勻啲嘢就已經可以好好！雖然食落有啲辣，但係我覺得呢個汁配炸雞又幾好食，而且個炸雞又炸得外脆內軟朋友叫咗個芝士年糕配意粉，雖然係冇肉嘅菜式，但係食落都覺得口感好Rich ,而且個韓式年糕都冇煮得太淋，煙煙銀銀幾好食

一段時間無來，因為覺得唔太抵食。豬頸肉煎蛋鑊仔飯——個鑊就大，飯實在太少，三個人食，每人分不到半碗！而且好多油。豬頸肉味道不錯。烏卒卒——這個飯卷一向都很喜歡，裡面包著墨魚，不靭，但好像有點退步。。味道不夠以前濃郁，之前每舊大細均渾，整體也不錯吧。草莓泡泡——士多啤梨凍飲，酸酸甜甜幾開胃的。併盤——雞翼2隻，豬扒2塊，其餘是洋蔥圈和薯角，炸物好難唔好食，脆漿正常不太厚，中間沾的醬honey mustard咁。

由於冇得 book 位，今日就盡量 7:30 前到餐廳，免得要等位。我 7 點到左門口，今日竟然冇人等位，我即刻就入得。等埋兩個朋友仔就叫野食啦。墨魚汁飯卷好好味，因為連餡料都有墨魚粒。呢個好麻麻，好大浸「草青味」呢個好辣 呢個超好味，雖然有 d 膩

韓國野就食得多 加入fusion 元素既真係吾太多連鎖式既經營就可以好多地方都食到我最鍾意食個卡邦尼年糕同烏卒卒 (墨魚汁飯卷) 極力推薦同埋佢地耐吾耐會有d seasonal既dishesKeep住有d新選擇比客人簡 抵讚但野飲就比較貴同少選擇 希望可以改善

韓國k-pop風摩全球，連帶韓式餐廳都開到成行成市，今次就去左試有好多分店既school food！烏卒卒（＄75）烏卒卒依個名好可愛，原來係代表墨魚汁飯卷。佢外表黑mun mun，食落都好有墨汁味！唔止啲飯有墨汁，餡料都有墨魚粒，食落去好香依種一口size既飯卷會令人停唔到口，雖然都有14舊，但以＄75既價錢黎講都真係幾貴另外我地都叫左一份火焰卡邦尼年糕（＄58），本身以為有卡邦尼汁都唔會好辣，點知食落就出事！真！係！好！辣！尤其啲煙煙un un既年糕需要咬一段時間，啲辣味會充斥成個口，辣味太重唔係幾食到卡邦尼既味。整體黎講，School food既菜式冇咩特別，食落不過不失～

而家主打韓國菜既餐廳開到周圍都係..間間都話拉芝乜乜乜...又極邪惡等等...但係有幾多間真係好食而又keep到水準呢😏呢間school food都算係咁由開頭到而家都保持到質素唔會有知名度之後越做越差！...每次黎食都會必點烏卒卒呢個真係好好食飯團撈左墨汁之後包住墨魚粒同埋沙律醬墨魚有咬口本身既肉汁加埋沙律醬好有層次感紫菜又唔會淋晒好食👍🏻...最好既地方係餐廳會定期換餐牌唔會食黎食去都係同一款菜色下次再有新menu我一定會再黎食過

帶中意食韓國野的朋友嚟食 等位唔太耐 服務都好好 事關一直等朋友到 店員好好提我用餐時間 仲會講入面有位可以等多陣都得入到去 裝修好靚 一嚟已經決定食烏卒卒！實在太好食 萬不能錯過！魷魚餡 加埋墨汁飯 好好食 不過個人中意加埋啲沙律醬 令整個更好食 一碟有14件 4人絕對夠食！再嗌咗個沙律 辣辣地酸酸地幾開胃 再加埋天氣依排咁熱 絕對一流！之後再嗌個韓國拉麵(但其實係即食麵)雖然係咁 但係都好吸引 除咗辣 仲有陣芝士味 咪睇隻蛋係全熟 實則入面仲係流心嘅！

沒什麼驚喜的韓國菜母親節正日這天下午茶時間，跟家人到德福商場二樓這間韓國菜school food食飯。 之前school food剛到香港開分店時，銅鑼灣的第一間分店可是非常多人排隊朝勝。今日係假日，原本預計整個商場所有餐廳都會爆滿要等坐，但可能位置較偏的關係，呢間school food完全唔洗等位，一行四人直接入去，餐廳內只有兩三桌客人。我地見到桌上貼著一個download app有贈送飯卷既推廣，不過經查問發現優惠只可以晚市用，真可惜！我地一共點左四個菜，有牛仔骨鐵板飯，墨魚飯卷，花郎飯卷同辣豆腐湯。 等左大約十五分鐘食物就上齊左，我地立刻搞拌熱呼呼既鐵板飯， 點知底層既飯已經完全燶曬，係炭黑色帶苦味既硬塊，大家地唔太想食呢碟飯。 至於墨魚飯卷係信心保證，香甜既章魚汁同沙律醬非常好食，不過另一個類似傳統韓式飯卷就被比下去，雖然餡料好多但是味道比較淡不特別。餐牌上的豆腐湯有寫明是辣的有三棵辣椒，能吃辣的我們也覺得是挺辣的，當中的年糕份量不少不過辣湯的味道沒什麼層次，比較像一般超級市場買到的辣椒醬加水煮的。總括而言，餐牌的選擇是挺多的，服務尚可，等候時間非常快，但是食物質素還是有待改善

沒什麼驚喜的韓國菜母親節正日這天下午茶時間，跟家人到德福商場二樓這間韓國菜school food食飯。 之前school food剛到香港開分店時，銅鑼灣的第一間分店可是非常多人排隊朝勝。今日係假日，原本預計整個商場所有餐廳都會爆滿要等坐，但可能位置較偏的關係，呢間school food完全唔洗等位，一行四人直接入去，餐廳內只有兩三桌客人。我地見到桌上貼著一個download app有贈送飯卷既推廣，不過經查問發現優惠只可以晚市用，真可惜！我地一共點左四個菜，有牛仔骨鐵板飯，墨魚飯卷，花郎飯卷同辣豆腐湯。 等左大約十五分鐘食物就上齊左，我地立刻搞拌熱呼呼既鐵板飯， 點知底層既飯已經完全燶曬，係炭黑色帶苦味既硬塊，大家地唔太想食呢碟飯。 至於墨魚飯卷係信心保證，香甜既章魚汁同沙律醬非常好食，不過另一個類似傳統韓式飯卷就被比下去，雖然餡料好多但是味道比較淡不特別。餐牌上的豆腐湯有寫明是辣的有三棵辣椒，能吃辣的我們也覺得是挺辣的，當中的年糕份量不少不過辣湯的味道沒什麼層次，比較像一般超級市場買到的辣椒醬加水煮的。總括而言，餐牌的選擇是挺多的，服務尚可，等候時間非常快，但是食物質素還是有待改善

好友岩岩係外地返黎想食一d濃味菜而咁岩工作地方附近有韓國菜就帶佢一嚐黎之前睇左佢地網上lunch menu都係合理價錢由於咩都想試 就叫左兩個set分別係紫菜豆腐湯+甜辣雙子年糕+特飲($66+10)紅葉花卷+太陽辣排骨炒飯$108好食指數:5.5/10以前既我係一個schoolfood 粉絲 覺得佢乜都好好食 但自從又一城 timesquare 沙田分店都相繼倒閉之後我都覺得質素係差過以前首先個湯 係偏咸落得太多鹽 而且作為一個豆腐湯 係唔夠豆腐不過都算幾多菜其實我淨係睇個menu以為係燒排骨點知上到枱係三舊油炸排骨再淋醬感覺好似中式小炒有油溢味 食左一啖無食反而太陽蛋加有飯焦既炒飯幾好食呢一個主菜甜辣雙子炒年糕其實都係多左d雞肉同餐肉再加d芝士同年糕年糕都幾煙韌紅葉花卷差左好多 完全無味無應有既紫蘇味同蟹味整體而言食物係真心大不如前質素下滑令人擔心應該短期內都未必再黎幫襯

今晚，阿仔話……試試食呢間韓式食店，於是就入嚟，即刻有位。叫咗兩個飯，一個kimchi ,兩杯飲品，食到飽飽，好滿足！食物味道…唔錯！服務員幾細心，環境舒適，我哋叫少棘，少棘都好香口，特色飲料好清新，可惜人少，冇法食多幾款。下次再試！

平時都好中意食schoolfood，都經常去食。食親都係水冷麵，紅菜頭壽司，墨汁壽司，卡邦尼芝士年糕。最欣賞係水冷面好彈牙好fresh，而壽司唔乾身，又多餡，味道比平時街食到既豐富特別。但竟然今次失準係個年糕，好'淋'，唔煙'un'。個醬汁都唔夠濃，好稀，所以都唔係幾想食。果然每次都叫壽司一定冇死，其他野食就唔一定喇，哈哈。