Season. Café

營業中

休息中

今日黎到葵涌食左間Cafe, 呢到都幾方便, 係地鐵站有天橋直接過黎，而且唔係旺區唔算多人餐廳環境都好靚，好適合同朋友聚餐餐廳主要都係食西餐飲咖啡，我地叫左大蝦帶子蝦龍蝦汁意粉, 烤菇牛肉雙層芝士漢堡同埋卡邦尼意粉首先黎既係大蝦帶子蝦龍蝦汁意粉，有兩隻大蝦同埋一隻帶子，蝦同帶子都好新鮮，食落彈牙，龍蝦汁都好濃郁同香，掛埋意粉一齊食充滿鮮味，好好食跟住就係烤菇牛肉雙層芝士漢堡，呢個漢堡真係超級滿足！兩層肉餅煮得非常嫩滑，牛肉的香味配合烤菇，口感層次豐富。最驚喜係上面嘅芝士，融化得剛剛好，咬下去時流出來的芝士真係好誘人！包仔外脆內軟，整個漢堡食落去好過癮最後係卡邦尼意粉，呢道意粉雖然係經典菜式，但餐廳都做得相當出色。醬汁滑順，奶香味濃郁，搭配上培根的鹹香，味道好夠味！意粉吸收咗醬汁，整體口感非常豐富最後，我仲飲左一杯竹炭咖啡，呢個出面唔係成日有，咖啡味比較香濃，竹炭令味道多咗一層獨特既香味同一種淡淡的甜味，好特別，值得一試總括來講，呢到既野食同環境都好好，好適合同朋友一齊黎食飯

鵝肝美國手打牛肉扒芝士漢堡，真係好驚喜！漢堡包外脆內軟，牛肉扒肉質鮮嫩，搭配滑溜嘅芝士，味道濃郁。鵝肝添咗奢華感，每一口都充滿香氣，實在過癮！炸薯條金黃酥脆，配上漢堡十分合襯，食落去唔油膩。整體而言，呢個漢堡質素高，值得推薦。

Season Cafe位於葵興KCC 8樓位置都非常方便👍🏻由葵興站一出，就有天橋直接連住商場再搭lift上去就到餐廳裝修非常新穎及舒服😌好適合約返三五知己黎敘舊餐廳內仲有得飲酒添😁Cafe黎講，餐牌都好多選擇我同太太今日想試吓Pizza所以就叫咗個牛油果煙三文魚pizzaPizza上三文魚份量都多，新鮮👍🏻牛油果同羅勒葉配上脆批餅底非常好食😋另外再叫咗個傳統煙肉野菌卡邦尼意粉賣相華麗，造法亦恰當，調味10分好👍🏻食落有奶油香😋兩個人食啱啱好另外餐牌亦有比較少見嘅香煎鵝肝多士太太見到就話好想食😂而我就叫多個無激素雞柳凱撒沙律🥗太太食完鵝肝多士已經見到佢一臉非常滿足嘅樣😂鵝肝煎得非常甘香，配上香脆多士，恰到好處👍🏻而我叫嘅無激素雞柳凱撒沙律份量就非常之大😆太太食少少都話好飽了，最後我清哂😁雞柳非常之嫩滑，冇肥膏，沙律菜新鮮👍🏻仲有少少多士配搭埋增添口感👍🏻最後我地叫咗是日餐湯，係甘筍忌廉湯，仲有塊多士襯碟👍🏻餐湯香濃幼滑，好重甘荀味，落足本😁👍🏻

今次嚟到呢間cafe，野食好高質。首先，蘑菇忌廉湯配蒜蓉法包，湯底濃郁，蘑菇香氣四溢，搭配香脆嘅法包，每一口都令人感到溫暖。法包上嘅蒜蓉味道適中，完美吸收湯汁，真係一個完美嘅開胃菜。慢煮香蔥牛舌串燒絕對唔可以錯過！牛舌肉質軟嫩，慢煮技術令肉汁四溢，香蔥的鮮味更令整串串燒升華，令人忍唔住一口接一口。然後係西班牙黑毛豬鞍，肉質鮮美，油花分佈均勻，口感滑嫩，搭配上特製醬汁，令人食得津津有味。每一口都能感受到豬肉嘅鮮香，實在令人回味無窮。而匈牙利鵝肝配經典手打美國牛肉熔岩芝士松露醬漢堡就係重頭戲！鵝肝滑腻，與牛肉漢堡完美結合，熔岩芝士流出來，口感香滑，松露醬更添奢華感，每一口都令人驚喜。最後，熱紅棗茶作為飲品，味道清新，又有潤肺功效，十分好飲。特濃朱古力雪糕則係完美收尾，濃郁嘅朱古力味道，入口即化，甜而不膩，令人心情愉悅。

今次去咗間叫「Season cafe」嘅餐廳，最啱就係六點前去食唔使加一，而且仲有室外位，成個環境闊落舒服，啱晒約朋友傾計食嘢。南美香料炸雞塊，外皮炸到金黃香脆，入面嘅雞肉仲要多汁嫩滑，最特別係啲南美香料醃製過嘅雞肉特別香，有陣陣孜然同辣椒嘅香氣，食完唔會覺得漏，反而開胃。慢煮香蔥午舌串燒個牛脷片厚切得黎又夠嫩滑，慢煮令到啲肉質特別軟腍，配埋炒過嘅香蔥，香甜味中帶住牛肉嘅鮮味，好開胃！煙三文魚凱撒沙律嘅三文魚片都唔係求其嘅，煙燻味香濃，肉質油潤幼嫩，加埋爽脆嘅生菜同香濃嘅凱撒醬，層次豐富。薄餅方面，揀咗傳統意大利沙樂美腸辣肉腸辣腸薄餅，個餅底薄脆，邊緣仲有少少焦香。上面嘅芝士溶溶地，啲腸仔辣度啱啱好，香辣開胃飲品嘅選擇都幾特別，我哋揀咗冰流墨Dirty，加埋咖啡同牛奶，味道香濃，視覺效果又靚。凍竹炭咖啡就清爽啲，竹炭粉做base，帶有竹炭獨特嘅香氣，同普通咖啡唔同。總括嚟講，Season cafe嘅食物質素同創意都唔錯，價錢合理，最重要係個環境真係好舒服。

呢間悠閒Café，環境應該幾舒服，啱晒hea吓嘆吓。我哋叫咗兩款主食同埋兩杯飲品，免加一。大蝦、帶子龍蝦汁意粉🍝$138、意粉煮得啱啱好，唔會太淋或太硬。大蝦同帶子都幾新鮮，份量都幾足夠。香煎深海盲鰽魚配龍蝦汁$238。盲鰽煎得外脆內嫩，份量適中。另外仲有蝦、瓜、薯仔等配菜。飲品方面，朱古力咖啡☕️$45。味道濃郁，咖啡味同朱古力味互相平衡；胎菊茉莉花茶$40茶味清香。假日想chill下，的確唔錯👍🏻

今日在葵興上興趣班，叫Honey搭長途車來陪我吃晚餐，搭地鐵很方便，葵興E出口行幾分鐘就到。揀這裡皆因我發覺在葵興葵昌路72-76號Life@KCC8樓801鋪，有間西餐小店Season.Cafe，環境清雅，視野開闊，落地玻璃窗旁一排座位，日夜景觀都不錯，感覺非常舒暢 ，每張台上都裝飾了小花，清新典雅，讓人留戀。😍跳完舞的味口特別好，點了兩個主菜再加一個沙律，有人不嫌我胖就好。🤪巴馬火腿車厘茄陳醋沙律＄98🥬🍖🍅🧅🧀🍃沙律色彩繽紛，紫椰菜，紅番茄，黃綠沙律菜，白色芝士，粉紅色巴馬火腿捲成兩朵嬌艷玫瑰花🌹，加上香草，淋上陳醋，香鮮爽脆，好食又開胃。👍西班牙黑毛豬🐷鞍＄268超超，要俾滿分💯。厚厚的豬鞍烤得微微焦黃，旁邊的脂肪還在冒泡，切開是嫩白多汁的肉，吃得滿嘴👄鮮香，不能停下來，連旁邊薄薄的脂肪都脆香鮮美，吃得一點不剩。😜配菜有翠玉瓜和薯片，份量絕不欺場。😋😋黑松露雜菌意粉＄98🍄‍🟫🍄‍🟫🍄‍🟫🍜一大碟意粉，濃香的松露味，好多白汁雜菌，意粉是煮到標准柔軟度，吃到嘴裡是恰到好處，最重要的是很熱，食物的香味撲鼻，滿心幸福感。😍Honey 話雖然遠些，但非常值得。

今次晚餐同朋友約咗嚟呢度食，都幾好～有得散叫，Set就豐富啲，所以我哋嗌咗兩個Dinner Sets前菜**巴拿馬凱撒沙律** 諗住叫啲菜食，所以前菜揀咗沙律。比想像中大碟，好多菜，沙律入面仲有巴拿馬火腿，襯埋啲菜咁食令整體口感更加豐富。**牛舌** 呢個係朋友揀嘅前菜，牛舌滑嫩，因為有蒜所以好香。煮得啱啱好，肉質鮮美主菜**帶子蟹肉蘆筍羅勒忌廉汁意粉** 呢道意粉嘅帶子好好味佢嘅鮮味配上忌廉汁，食落唔太膩，意粉都唔會煮到一舊舊黐立立**BBQ 豬肋骨配薯仔** 豬肋骨嘅燒烤醬汁香濃，一上嚇親，咁大份嘅但唔係輕鬆就可以脫骨個種。搭配我最鍾意嘅金黃薯條，食落非常滿足，令人忍唔住一口接一口。**是日餐湯+法包** 差啲唔記得寫埋呢個跟餐嘅湯，湯好濃郁，湯底鮮美，配上香脆嘅法包，塊蒜蓉包超香脆可口！一啖入口即發出脆脆嘅聲音**餐飲** 是日果汁係石榴汁，雖然係朋友嘅，我都有飲兩啖，果汁清新可口，飲落有完美嘅解膩效果，令成餐飯更加圓滿。**熱紅棗蜜** 我飲嘅呢個熱紅棗蜜甜度適中，溫暖嘅飲品令人倍感舒適，作為晚餐嘅結尾非常合適。**甜品**朱古力雪糕整體而言，今次晚餐嘅菜式都係好

一間好嘅Cafe，主要就是要有好食物，好飲品，同靚環境，而呢三大因素，我今日介紹呢間位於葵興區新商廈Kcc life 8樓的season cafe 就有晒了。我們都選擇了晚餐, 是由一碗熱騰騰的忌廉蘑菇湯和香脆的蒜香法包開始，這組合真是開胃的最佳選擇。前菜我哋選了南美香料炸雞塊和惹味水牛城狂野雞翼。炸雞塊份量足夠，加埋沙律醬，口感外脆內嫩。大大隻狂野雞翼，配埋醬料，十分惹味主菜我們選擇了 BBQ 炭燒豬肋骨配薯條，豬肋骨的肉質嫩滑，完全不韌，特製醬料更是提升了整體的風味。而美國特級肉眼扒，伴隨阿根廷番茜醬，則展示了廚師的高超技藝，煎至完美，讓我這個牛扒愛好者感到非常滿足。今餐最大驚喜，就是呢個甜品，驟眼看上去，只是普通朱古力雪糕，但食下去，竟然會有一種朱古力加麻薯的感覺，呢個簡直意想不到，真是想添食🥰，下次必定會再來。

最近我發現了公司附近有一間非常精緻而寧靜的cafe，讓我不禁想要分享這次的美好體驗。這間cafe的裝潢簡約而優雅，柔和的燈光和舒適的座位讓整個環境顯得格外放鬆，好適合朋友聚會或者獨自一個人靜思。每日返工忙碌，都要讓自己放鬆下! 這間cafe位置雖然不太起眼，反而我覺得不錯。我點了dinner set有餐湯、蒜香法包、甜品、是日果茶，南美香料炸雞塊，炸到鬆脆，大蝦黑松露什菌意粉，大蝦爽口加上什菌與黑松露相得溢彰，味道十分夾，而且份量足，好味!無論是搭配還是擺設都很精緻，最後上甜品朱古力味雪榚，完美平衡。餐廳服務也十分周到，店員親切且細心。總體而言，無論是享用美食還是放鬆心情，都是個理想的選擇，還適合拍照打卡的好地方。

今日好開心去咗一間好有心機，有好精緻嘅Cafe，同朋友食飯，簡直係舒服，好似去咗天堂咁，而且環境好寧靜優美，而且又可以望住出面嘅景色食飯，佈置清雅亮麗，真係好開心呀，而且員工都好貼心，主動帶餐牌，主動遞水，真係服務一流呀，而且呢度嘅食物質素都好高，而且份量十足，價錢經濟實惠，真係好想推介比住響葵從附近嘅朋友呀，而且可達度好高，好近葵興站，葵興地鐵站一出，行入商場，去到8樓即刻有位坐，非常方便，而且好容易搵到，真係非常開心呀，我真係好推介佢哋呢度嘅食物，例如芝士蟹肉焗大啡菇，上面嘅芝士可以拉絲，又香，已經流晒口水，裏面仲有卜卜脆，中間仲有厚厚嘅蟹肉，真係好鮮甜呀，即叫即整，非常新鮮，仲有佢哋嘅黑松露意粉都係好好食，好彈牙，配埋個沙律菜，所有嘅醬汁，都係完美嘅配搭

今日好開心同屋企人去咗葵涌一間西式咖啡店，發掘左一間好高質素嘅餐廳，真係要介紹俾朋友呀，而且呢度嘅環境裝修非常漂亮，衛生程度好高，非常寧靜，好舒服，真係好啱一家大細，或者情侶嚟食飯，而且空間感好夠，所以所有嘅配套都非常好啊，而且呢度嘅侍應服務都好好，好有笑容，好勤力，真係覺得有賓至如歸的感覺，而且食物質素好高，我哋都有叫咗一個大蝦帶子龍蝦汁意粉，真係賣相非常漂亮，而且好新鮮，即叫即整，而且份量十足，賣相都非常吸引，食到流晒口水呀，睇得出廚師好有心機，而且呢度嘅座位可以有落地玻璃，可以望住出面嘅景色食飯，真係一流呀，而且佢哋嘅蟹肉菠菜忌廉汁意粉，大好好食，我相信小朋友都一定好啱食，在我呢度好推介佢哋嘅經典手打美國芝士漢堡配薯條，個漢堡包嘅份量真係10分多

價錢同質素成正比嘅cafe!! 有大商場嘅免費泊車，啱晒我哋啲有老人家同行嘅。食嘅嘢即叫即整。啡菇，意粉同沙律菜好味！如果可以加多幾個素食item落去個餐牌度就好喇！

下午茶時間食咗個煙三文魚牛油果包配薯條。薯條新鮮整OK,但個包就真係非常一般，而且勁多沙律醬，所以覺得$128嚟講就偏貴⋯⋯好彩叫做包杯飲品又無收加一，但真係有啲失望。

食物都幾好食，算煮得有水準同用心。食物設計幾好，餐牌都算有款式。價錢應該唔算係好貴但喺呢區嚟講唔算平，應該係平民中檔路線，但比呢個價而又冇服務可言。落單要去櫃檯落單比錢，但店員對個menu又唔熟，基本上要企喺度等佢慢慢搵入機。枱面張紙巾擬似係上一手客人抹過咀繼續放枱面下一客人用。播埋啲歌同環境唔夾，又勁大聲，基本上係店員自己聽，都聽唔到同枱講嘢。間舖冇乜客，但又要限你坐邊。總括嚟講食物好但唔會想再去。