Season Plus

營業中

休息中

▸ 日本一口和牛粒▸ 白酒煮蜆▸ 唐揚手羽雞翼▸ 烤焗海鮮拼盤▸ 法式蒜蓉包▸ Cocktail Freeflow“Cocktail Freeflow” 有成五十幾款可以揀，有gin, vodka, rum, tequila等嘅酒底，再溝出唔同嘅cocktails，岩晒我呢啲乜都想試嘅人😊 試左幾款比較signature嘅，特別喜歡Tai Tai Yat呢杯，有Thai Basil 同mint哪清香，又有melon嘅香甜味，再加埋vodka，飲完成個人醒晒☺️ “白酒煮蜆” 很不錯，份量都幾多，蜆肉幾鮮甜，白酒味有但唔會好濃蓋過蜆肉嘅鮮味☺️ “法式蒜蓉包” 面頭係滿滿嘅蒜粒，但又唔會過咸，麵包外脆內軟，很好吃😋 “烤焗海鮮拼盤” 好豐富，有芝士焗原隻龍蝦，巴馬臣芝士焗扇貝，蒜蓉翡翠螺，芝士黑松露焗大蘑菇，牛油蒜蓉焗虎蝦😊 龍蝦🦞肉質都幾彈牙，芝士唔會好咸，扇貝乜不錯，幾厚肉，加埋芝士幾香，大蘑菇好juicy，加埋面頭滿滿嘅芝士同埋黑松露，不錯😊

之前經過後巷個樓梯位都唔知有餐廳嘅存在，直至上網睇到分店先知係呢個位。由於之前幫襯過銅鑼灣店，尖沙咀店雖然有少少偏僻同隱蔽，但勝在地方大好同夠靜，好適合約朋友慢慢食飯同飲酒。之前去銅鑼灣店無乜印象有雞尾酒優惠，今次見到有每位$168任飲雞尾酒優惠，仲要有咁多款式揀，就諗住試試。Sex on the beach今次主要試咗幾杯好出名嘅雞尾酒，平時睇戲聽歌就聽得多，原來Sex on the beach味道好似唧唧啫喱條，有少少藥水味，但個人而言係接受到。Pina Colada混個菠蘿同椰香嘅Pina Colda，淺藍色配上菠蘿夠清新，酒精都散發淡淡菠蘿香。Long Island  Ice Tea估唔到呢杯原來係有酒精版嘅可樂，都比想像中易入口。美國特級安格斯肉眼 $248今次叫咗5成熟嘅肉眼扒，肉眼幾腍軟，脂肪位都唔少。另外底部配有蒜蓉泥同迷你多士片、薯角，兩者都好惹味。中碼生蠔 $108/半打上次係分店試過生蠔，今次決定encore。肉質都係幾飽滿，海水味較濃郁。芝士焗黑松露大啡菇 $58餐牌寫呢款係有機大蘑菇配意大利黑松露醬，一上碟，蘑菇真係份量十足，亦有陣陣松露香。面層綴以芝士同黑松

早幾日同朋友去咗尖沙咀山林道哩間Season Plus食飯，因為朋友知道呢間餐廳有個$168 freeflow ga cocktail可以試。咁啱我同朋友都好鍾意飲酒，今晚我哋一人飲咗四五杯所以為返其實都好平。 呢度嘅Cocktail都整得幾有心思，特別鍾意呢一款Baby Driver，呢個係用Rum做base既cocktail好易入口，女仔都好啱飲。 除咗啲Cocktail整得唔錯之外，呢度嘅食物質素都係水準之上。首先我哋叫咗幾隻生蠔，呢個美國中碼生蠔係$18 一隻，但係如果叫呢度嘅紅酒可以用優惠價嗌，但我哋今日冇叫紅酒就算啦。生蠔新鮮而且肉質夠creamy ，搞到好想再叫多幾隻嚟食，但係因為仲有好多其他嘢食所以就下次先啦。另外仲叫咗個烤焗海鮮拼盤$298，入邊有焗凡立貝，原隻焗龍蝦，烤海蝦等等唔同嘅海鮮。個凡立貝同埋烤海蝦好正🙂呢個價錢食咗咁多海鮮嘅CP食真係唔錯呀。 另外仲有特別推介呢度嘅牛油蒜蓉蜆肉意粉$128 ，個意粉好香蒜蓉味，我同朋友一食就眼前一亮都覺得呢個意粉好好食。入面蜆肉嘅份量好足夠，而且粒粒都冇沙嘅。意粉個軟硬度適中，餐廳處理得啱啱好。配埋個和牛粒食$88都好正。

上網搵到呢間係山林道嘅餐廳，佢嘅地點唔係大街，都好隱蔽下，我諗平時行街都唔會點經過，唔係上網揀好再特登嚟都唔會發現。不過食食下都發覺有唔少客都識嚟，可能得我唔識呢個地方啦。至於點解揀呢度，係因為佢地嘅cocktail係$168任飲嘅，喝到飽聽到都開心。我叫咗Whiskey Sour同Winnie the Pool，女朋友就要Tequila Sunrise同Baby Driver。Whiskey Sour酒味比較重，但都有少少檸檬酸味；Winnie the Pool相對就易入口啲，我比較鍾意；Tequila Sunrise似橙汁，酒味唔重，都幾啱我口味；Baby Driver有梳打水，又比較甜，有啲似汽水。除咗叫酒，都叫咗啲生蠔同巴馬火腿盤做前菜。生蠔有美國中碼生蠔，南非生蠔，Gillardeau，我地每樣都試咗兩隻，但邊隻打邊隻就唔識分嚕…剩係知最大嗰隻真係有我手掌咁大，味道淡啲；中間size嗰隻就感覺咸少少，唔知係咪所謂嘅海水味；最細嗰隻就最咸，但蠔味都好似最多。巴馬火腿盤真係超大碟，作為下酒小食係四人份量，剩係嚟飲酒嘅話係唔錯嘅，但食正餐有啲覺得太多。之後再叫咗芝士明太子多士，酥炸

今晚同男朋友去食佢最愛既生蠔。呢間食物高質之餘，份量亦十足，性價比高。南非生蠔No.1、美國中碼生蠔、法國吉拉多生蠔，各要左四隻。全部都味道鮮甜又多汁，唔係無肉食個種，滿足。芝士明太子多士夠脆，明太子同多士一齊食好夾，微辣微辣甘，十分惹味。意大利巴馬火腿盤有帕爾馬火腿、伊比利火腿、莎樂美腸，送酒一流。酥炸白鱈魚柳好抵食，$98有五條大大條炸到好香脆既魚柳。芝士牛油焗日本元貝唔駛點講，只要芝士夠多就無得輸。西班牙海鮮燴飯超好食，又超足料，飯軟硬適中，味道酸酸地，個種酸係令人開胃，想一啖接住一啖食落去，係我暫時食過最岩我口味既西班牙海鮮燴飯。西班牙厚切黑毛豬鞍扒肉質厚實，豬扒黎講唔鞋，配碟有薯角同大量蔬菜，都唔錯。依家做緊每位$168 Cocktail Free Flow既優惠，我同男朋友都各飲左兩杯。Whisky Sour & Tequila SunriseWinnie the Pool & Baby Driver

一心想同太太食餐蠔，二選一揀間經濟既，點知係平，但我覺得一蚊隻蠔都比多佢。一入到去環境好暗，餐具又黑，衞生情況同環境已經打左一大折。被安排坐近門口位，嘈之餘出面有人食煙煙味不斷吹入黎。$50/1打聲稱蘇格蘭蠔，垃圾。無蠔味，又瘦，只得水喉水味，價錢平都俾番啲良心做生意呀！我覺得成間舖頭光顧完後，令我對食肆失去信心，自己屋企煮仲好味，仲抵。最後都係勸大家唔好貪平，唔好幫襯，侍應喺我地未食完野已經催埋單要交枱。重點係無人等緊位，報告完畢。今晚都要成7百幾蚊我覺得捐左佢好過。希望大家唔好中伏，而間野好多打手，我都因此中伏。

花一點心思原來可以找到美食，沿山林道行到尾有一間隱世西餐店。遠離了市中心的人流，靜靜的享受一個寧靜晚餐。海鮮拼盤原隻龍蝦滿滿芝士，連蝦頭都有很多肉， 呢隻龍蝦真係唔細隻。帶子大隻，沒有吝嗇芝士的份量。一口和牛粒好大碟，油份Juicy, 鬆化，仲有黑椒和鹽跟上，可以隨自已喜好增加口感。雞翼最愛嘅炸雞翼， 唔算大隻，外層非常脆，但又唔太油，好入味， 超愛。清酒煮蜆嘩！ 竟然咁大碗，份量超多， 雖然唔係大蜆， 但肉地夠肥美，美中不足是有幾隻蜆有些沙。任飲Cocktail $98個人總共飲左5 杯， 好滿足

路過繁華熱鬧佐敦，踏上階梯走到山林道的盡頭，估唔到會有一間還境清幽嘅西餐廳。今日係星期日，最適合黎chill。餐廳有室外座位，店內燈光氛暗，提升環境的情調。今晚點左一枝白酒，對於平時少喝酒的人來說味道容易入口，唔會太酸或太甜，另外加$50就有一打生蠔，生蠔新鮮味道唔錯，帶有淡淡的海水味。西班牙海鮮燴飯嘅海鮮滿佈飯面，蝦肉帶子爽口新鮮，海鮮味道滲透在飯粒之中，擠檸檬果汁落去食可以令炒飯味道有唔同嘅層次感。秘醬醬汁焗豬肋骨，醬汁味道好好，豬肋骨入味，肉質唔錯，亦有粗薯條伴碟。餐牌好多唔同選擇，雞尾酒、海鮮、意粉等等都有，上菜速度快。

記得去試呢一間餐廳嘅時候，係疫情期間停咗晚市。 但係因為太耐冇出去食晚餐， 實在非常之想食生蠔， 所以同朋友book咗下午茶黎呢度試一試。 餐廳位置比想像中隱蔽， 我哋係喺下面上樓梯， 入到一個好似住宅大廈嘅地方， 再轉入去先至見得到。 又未至於危險不過成條路都好僻靜同有d後巷feel， 好有神秘感。 唔知係咪因為三點呢個時間有啲尷尬，我哋去到嘅時候一枱客都冇， 侍應們都係喺度食煙傾計撳電話。 不過唔緊要，明白嘅！坐低畀咗水同埋menu我哋， 等我哋可以自己慢慢研究。😂Menu一摸上手已經覺得有啲黐立立， 疫情期間衛生好重要呀～～ 可能因為餐廳冇人， 所以好多燈都冇開，好多枱枱櫈櫈搭咗喺大廳旁邊。 感覺有啲又暗沉又亂糟糟。 唔可以講得上非常舒適。 我哋點咗一客雞翼， 一個海鮮拼盤， 生蠔方面其實佢原價都唔貴， 不過如果開一支紅白酒就可以半價食生蠔， 咁就更加抵啦。 其實呢個優惠好啱我呢啲酒鬼😂😂， 可惜朋友滴酒不沾， 加上晏晝三點， 唔係太想自己飲曬成支酒。 所以我哋今次原價叫生蠔。 佢哋生蠔有兩款一隻大啲， 一隻細啲。 menu都冇仔細介紹， 純粹係大細唔同。 我哋先嗌咗一份大嘅，

發現新大陸, 應該話鄉下仔出城, 間店唔係新,但發現佢就係近期既事, 同事介紹, 任飲無限時, 98蚊位, 包紅白酒之餘,仲有幾款 cocktail, 呢樣真係無敵吸引呀! 仲要呢到有outdoor位置, 岩晒食煙既人士呀!! 紅白酒任飲, 先試左杯白後,我都叫左紅, 任飲黎講都絕對入得口呀!!叫左個黑松露雜菌意大利飯, 好好食呀, 份量都算合理,起馬不是迷李版一口牛, 飲酒桔下桔下咁, 都幾過癮2個人加埋4百幾蚊, 人頭都係230蚊,任飲真係抵呀!!

🦪🦪生蠔新鮮✨✨精選生蠔$9隻，係size細隻dd，都好鮮味。🍸🍸白酒清新✨✨店員詢問我哋口味，推介左枝南非白酒，果然無介紹錯，符合我地唔要太甜太酸、清清地既要求！💖🍢🧆小食惹味✨✨燒牛柳粒好正，唔會太韌。粗薯條配既醬汁有茄汁同黑松露沙律醬，好香口！🤤鵝肝醬配餅乾，香滑 +鬆脆，一絕！🏡🏛環境清幽✨✨ 雖然第一次去會比較容易迷路😅但其實轉個小彎落條樓梯就搵到，感覺好似去左高尚園林住宅區咁。😂人均消費：$300～談心聚會好地方🥰值得再試☺️

位置確實係隱蔽，但環境就強差人意，你去到嘅第一眼會覺得間餐係咪執咗？或者可能疫情停業一段時間，無人打理。衞生情況免強，食物尚可接受，真心想講句，同樣價錢，可以選擇更好！見好多人係有心黎搵呢間餐廳，最後見到個環境都調頭走左。餐具仲要有啲漬⋯⋯真心希望呢間餐廳可以花啲心機係呢啲點上，改善一下！做得飲食業就落啲心機呢啲point 度，難怪大時大節早幾日都仲book到位原來係有原因，仲以為可以試下網上介紹嘅隱世餐廳，點知係衰過茶餐廳嘅......伏！想去試嘅朋友真心諗清楚

朋友約我到尖沙咀吃飯， 想不到山林道走到尾聲，轉個彎有個自成一角的 位置，就是這家Season Plus的所在處。尖沙咀還竟然有這個隱世地方，還有我最喜歡的室外座位，吃飯，聊天都很好。田園沙律 $48~蔬菜和車厘茄都很新鮮，加點意大利醋已很醒胃。法國Gillardeau $39~這款生蠔厚身肥美， 肉質嫩滑Creamy，十分美味。南非生蠔 No.1 $29~南非生蠔較爽口鮮味，兩款各有點 優點。烤焗海鮮拼盤$298~海鮮拼盤 很豐富 有龍蝦 、大蘑菇 、元貝，田螺、 烤蝦等芝士牛油焗日本元貝~元貝大隻、啖啖肉，鋪上了混了牛油的芝士，三者融為一體，很香滑，。芝士焗龍蝦芝香爽口。烤蝦鮮甜美味!芝士黑松露焗大蘑菇~大蘑菇厚身，香味味濃郁，鋪上黑松露和蕃荽，流心芝士還可以拉絲，很美味!美國 特級安格斯肉眼 $248~西冷啖啖肉，很有牛味，伴以沙律菜，還有金黄脆身的薯角，很好的組合。

上星期同朋友慶祝生日去左Season Plus食晚餐，當然差不多全場滿座，幸好訂了位。美國特級安格斯肉眼：朋友見到menu中既牛扒特意order左安格斯肉眼。安格斯肉眼size大塊，當中滲出不少肉汁，食落口啖啖juicy！而安格斯肉眼既口感不是鞋口，反而口感幾彈牙啊！中間仲滲出肉汁同血水可知牛也是鮮的，如果喜歡食牛既朋友不仿order~另外，仲有薯角作伴。精選炸物拼盤：拼盤中包左四款炸物，只睇賣相已經夠晒份量。唐揚手羽雞翼－炸後既雞翼內裹啖啖肉汁，雞翼入面既肉嫩口。炸日本廣島蠔－蠔口感是外脆內軟的，味道不會腥的。日式吉列蝦－吉列蝦炸得剛剛好，口感極之香脆又吾會油！蝦口感帶爽口。炸美國薯條－薯條是粗身薯條，令食客帶出口感又吾太油。另外，order左罐可樂。

為女兒慶祝下星期生日，唯有提前一星期食生日飯，所以必須來嘗試一下味道，經朋友介紹之下就去了這間海鮮酒吧餐廳，一食難忘，非常好味，價錢合理，必定回饋幫襯。烤焗海鮮拼盤，明太子三文魚意粉，白酒煮蜆，一口牛，生蠔，非常好味必食推介。還有很多好味的食物，但未能品嚐全部，除了食物還有紅酒白酒餐酒等等任均選擇，唯有下次有機會再嘗試其他食物，只係地點有些偏僻，服務生很有禮，如果餐桌上擺放一些小蠟燭點綴一下會更加浪漫🌹。