Seoul Bite (好順景大廈) (已結業)

lee間又係另一間食咗幾次都覺得仲係好好食嘅炸雞，基本上一個月食兩次！ 我都覺得so far係全元朗最好食, 同意其中一個comment話形點NeNe係難食，仲要又少又貴到無朋友炸雞好夠醬汁， 雖然好多醬汁，但拎到返屋企都仲係脆卜卜！唯一缺點亦都非常趕客係： D店員係唔聽電話㗎，由大欖隧道keep住打電話去到形點巴士站諗住落單但都冇人聽，死死氣行到去門口，見兩個店員分別都企係counter玩電話，我即場同佢confirm我打個電話係啱架，可能生意好唔憂做啦

喺元朗食過最好食嘅炸雞，就係呢間Seoul bite！佢個炸雞真係不得了，個醬汁又多又好食，仲有佢個炒粉絲，真係要試吓，一個炒粉絲已經飽死我下次試埋佢個年糕，店員話年糕好多人嗌😝👍🏻👍🏻👍🏻👍🏻👍🏻

第一次食呢間炸雞，炸雞好脆，又多汁，呢間我都係聽我朋友介紹！朋友食過話呢間幾好食，然後我朋友生日，打算慶祝然後我就過咗嚟買炸雞，六隻味叫曬，覺得最好食係芝士同埋蜜糖，因為芝士係粉黎，拎到返屋企焗雞仲係好脆卜卜👍🏻蜜糖嗰隻甜得來又唔會好油膩，岩曬小朋友食，連我都好鍾意❤️估唔到雞地有間咁好食的韓國炸雞！如果想食炸雞🍗可以過嚟元朗雞地，佢個炸雞真係好脆卜卜下次一定再黎買！可以試埋佢嘅炒粉麵飯年糕，見個賣相都唔錯🥰👍🏻👍🏻👍🏻👍🏻

收工經過雞地，見到有間Seoul Bite，叫咗個雙拼炸雞🍗好食😋因為我唔係一個嘴刁嘅人，但我覺得真係又平又好食，雖然唔係好平嗰隻，但係合理嘅好食，下次會再黎👍🏻👍🏻👍🏻👍🏻我啲朋友仲要住喺附近，一定要介紹佢哋過嚟，員工服務好好👍🏻👍🏻👍🏻👍🏻👍🏻👍🏻👍🏻不過攞餐嘅時候，見到員工嗌破喉嚨，我企喺出邊都聽唔到，建議可以整個電視機顯示號碼會啲，不過好好個員工拎咗出嚟俾我☺️🥰🙏🏻🙏🏻🙏🏻🙏🏻

好似喺OpenRice寫評語，但食完呢間Seoul. Bite 本人覺得真係好好食😋，好想share，因為佢好食過元朗yoho嗰間nene,我覺得嗰間完全唔好食🥺食完好失望😞以後要食寧願行遠少少，去雞地嘅Seoul Bite！大家可以試吓呢間！

今日叫左個$205嘅3拼炸雞 （皇牌芝士炸雞/蜜糖牛油炸雞/黃飛紅炸雞）我用左coupon-$20 = $185 我最中意黃飛紅炸雞辣辣地好特別，但老婆反而覺得味道奇奇怪怪，果然人人口味都唔同，另外2種口味反而我覺得無特別，正正常常。

見到有新開韓國外賣店，透過Openrice落order買尼試下🇰🇷呢個餐4個人都好夠食，整體味道都可以，但部分有待加強😋雙拼無骨炸雞（甜辣/芝士）炸雞份量都幾多，甜辣口味相對好食👍🏻有韓國🇰🇷感覺，但係芝士就比較一般，芝士粉曬得太少，食落芝士味好微弘大炒年糕辣度係微微辣，味道唔錯，配料都算幾多，除左年糕，仲啲粉絲係底😋韓式炒粉絲無咩韓國風味，只係食到咸味，相對失色🥲下次有機會再試下其他味道炸雞🍗

好順利附近一間專門做外賣嘅韓國炸雞店，去年中先正式開業。中午時間叫外賣要等大約15分鐘左右。有午餐、散叫或者套餐。主打都係食韓式炸雞！所有訂單都係即叫即做，保證熱辣辣。🐔4人套餐 $325套餐包3款口味雞(有骨/無骨)、1款米堡、1款麵/飯、1個小食、4件飲品(飲品有得簡韓國檸七、忌廉溝鮮奶、可樂)，🔹炸雞★★★★☆炸雞簡左有骨皇牌芝士炸雞、蜜糖牛油炸雞同埋香蒜醬油口味炸雞，有骨即係雞翼同雞槌，主要以雞翼為主。即叫即整，但拎完外賣到返去食都有一段時間，所以食落點都冇咁脆卜卜，加上有d口味係有醬汁，會更加唔脆口。最推介芝士味炸雞，灑滿哂芝士粉，幾香濃惹味！蜜糖牛油炸雞同香蒜醬油口味就正常冇話特別驚艷，味道上兩款差唔多，冇太大辨認度。雞肉唔鞋口滑身，但未做到好嫩滑多汁。🔹韓式炒粉絲★★★☆☆雖然外賣但個粉絲都唔會痴埋一舊夾唔到或者夾到斷左，食落仲係彈牙。份量多，成盒滿哂，味道正常，冇咩特別，配料有紅蘿蔔絲、椰菜絲、肉片。🔹辣炒年糕★★★★☆份量幾多，除左年糕入面仲有一塊塊魚糕同半隻熟蛋，，年糕煙煙韌韌，煮得剛剛好，唔會太熟冇哂口感！配埋個醬汁夠香辣，好開胃！🔹韓式BBQ醬豚肉飯堡★★★☆☆

唔知佢算唔算隱蔽 自己平時少去雞地個邊 都唔知開左炸雞外賣👉🏻皇牌芝士炸雞 $75仲可以揀無骨/有骨！自己唔算太細食 應該係正常女仔嘅胃口（？ (๑´ㅂ`๑) 但覺得佢呢到已經有2人份75蚊有咁嘅量已經好好 仲要質數都唔差 芝士味濃得黎都唔算太膩⭐️7/10除左炸雞佢仲有幾多野食下🤤年糕、toast、飯都有 🍴🍴🍴推薦推薦 ٩(｡・ω・｡)�و🍽Seoul Bite (元朗)📍元朗鳳攸南街3號好順景大廈地下35號舖

早半年前想試又無緣，上兩次試過蒜味，牛油，都比較甜，但味道都唔差，今日情人節預早左9個字係OpenRice落單，用埋code仲有$20折扣，total$182，外賣自取，叫左炸雞雙拼（無骨），甜辣加芝士，返到黎屋企等齊人食麵半個鐘，但都仲脆，今晚叫左多芝士粉，好濃味好正，甜辣既好入味，同韓國食既好似，另外仲叫左個泡菜冷麵，都好好味😋連平時唔好韓國野既老公都話好味！已經第四次叫，會繼幫襯～👍🏻

不如電視唔好播k-pop  ，顯示號碼好過啦，次次都等好耐，又唔知到未，隔住道門，叫咗出面都係聽唔到，下下行入去問，個客唔煩店員都煩啦！另外某一店員態度可以好啲。😬

之前見到有人起社交平台 推介，試過買咗好幾次，次次個盒都係裝到滿，啲炸雞有2，3款味都好食，呢間真係又大份夾抵食。但今次買，攞返屋企打開，見到只得以前嘅一半，好失望🤦‍♀️。

openrice落左外賣自取，見過左十分鐘未接單，打去店舖了解一下，等好耐有人聽電話，第一句就等等……再等左5分鐘有人聽，同佢講左訂單內容，然後收我線，再打都無人聽電話，其實做唔到可以同客人講，而唔係用咁差的態度去對待……幾好食都唔會再諗！

見元朗雞地新開左韓式炸雞外賣餐廳就去試下，叫左一份雙併炸雞，有骨，2隻味一款簡左招牌一款簡左醬油。$128 呢個價錢黎講份量算幾多，而且外賣唔洗等好耐就炸好。 不過味道方面真係一般，雖然係賣韓式炸雞但味道真係同韓國個d冇得比，醬油味都還好，但原味炸雞真係冇乜味，d肉好淡，好似冇醃過咁，自己買d雞翼係屋企炸可能仲好味過佢。見佢門口貼住之後會出飯堡、吐司等食物，呢d韓式食物元朗冇得食，所以都會試下，但係炸雞就真係唔會encore了。

韓式炸雞🍗🌟元朗新開韓式炸雞店，有6款口味揀，可選擇有骨或無骨，今次試左個雙併有骨炸雞 🍗甜辣味🌶蜜糖牛油味🍯雞件夠味又唔會好dry，下次可以試埋其他味同小食