Seoul Bite (好順景大廈) (已結業)

一月尾先有人分享過，點解今日睇就執咗㗎？係全元朗最好食嘅炸雞，就算外賣返屋企都好脆🥲份量好多！有時會加碗白飯食，送飯一流！最鍾意係醬油炸雞，味道啱啱好，甜甜地👍🏻👍🏻可惜元朗嗰間執咗要去其他分店。。。。😩😩😩哎呀唔好搞我

已經encore 咗n次🙈Seuol Bite係一間專做外賣嘅炸雞店位置嚟講比較偏僻喺大棠輕鐵站落車行咗大概10分鐘左右先到好耐之前喺一次偶然嘅機會之下比frd推介咗嚟食 真心冇介紹錯今次嗌咗甜辣炸雞咁因為係外賣自取所以提早咗半個鐘嗌一去到就即刻有得拎攞返屋企之後炸雞仲係溫溫地嘅唔夠10分鐘就比「食物焚化爐」們食晒🤪試咗好多隻味個人會比較推介蜜糖牛油炸雞&王牌芝士炸雞🌟不過唔知係咪心理作用感覺上份量比以前少左dd(?

睇評語 講到要排隊又成一於試試 叫左原味 睇雞嘅顏色就知d油唔掂，其實外皮算炸得唔錯，但隻雞勁大雪味無雞油或雞汁唔知自己食緊咩除左平 無咩好講我食左3隻 就成盤食唔落去……

疫情個時元朗開咗呢間炸雞店之後 都keep住成日幫襯 因為覺得佢性價比好好 呢間都係朋友黎我屋企gathering 外賣首選 而且可以OpenRice 落單👍🏻 差唔多次次都必叫無骨甜辣炸雞$88 啖啖肉 好滋味 炸雞夠熱夠脆 份量又唔會太少 甜辣味道調較得非常好👍🏻 仲有必叫嘅係飯堡 最愛泡菜辣豚肉飯堡$38 雖然每次都覺得食得好污糟 一路食一路跌 但冇減我對佢嘅愛 因為好好味 個面少少脆 食飯焦嘅口感 🤤 佢唯一缺點就係飯堡有啲鬆散 但完全唔影響味道🫶🏻💛🙌🏻

外賣自取過好多次 奶油洋蔥炸雞好味 次次都裝到滿滿 勁滿足又開心今日買雙拼返屋企食 先打電話落單 15分鐘後自取 可以八達通或現金付款拎到返屋企打開覺得雞件細舊左 量都少左瞬間有種失落 總結味道ok 個奶油醬岩我口味飲過奶昔 麻麻

用app外賣自取嗌咗份2人套餐：$158甜酸無骨炸雞+牛肉飯，跟餐飲。 星期日6:45pm落單，製作時間顯示需時15分鐘，之後七點過到去準時有得拎。好好呀，個人一直都欣賞佢哋啲炸雞，即使係撈咗醬，個炸皮都仲係好脆，裡面肉質好juicy, 唔會乾淨淨😋而且無骨啖啖肉，比有骨的雞翼雞髀更有滿足感～牛肉飯份量超足，飯面鋪滿炒牛肉同粉絲、仲有隻半熟煎蛋，好好味，兩個人食足夠飽。唯一小小挑剔係個肉比較油同唔夠汁送飯，可能屋企習慣要多啲汁好送飯啲，所以最後我地自己加咗啲醬油就完美喇！總結係好食同推薦的👍🏻😆

如果心血來潮想食韓國嘢，好多時候都會揀嚟呢度。鋪頭有炸雞、韓式吐司，仲有唔同勁有韓國特色嘅小食。呢日好想食年糕，就叫咗呢個卡邦尼年糕，再加個我最鍾意食嘅韓式BBQ醬豬肉吐司。吐司好多料，勁豐富 好食！😋😋😋

其實唔知點解要等咁耐，因為盒雞擺咗喺個櫃面一段時間，問個肥妹店員佢又望一望我就算，完全冇意識要去跟進啲單。。。淨係掛住跟啲大order ，每個客走埋去問個肥妹店員佢都勁唔好老皮，放啲飲品落袋嗰時係掟入去唔係放入去，如果個客係叫汽水咁咪大獲，返到去就會噴到一地都係😖😖最後我攞到個外賣嗰時，佢係喺個櫃面側邊攞出嚟俾我，啲雞已經放咗一段時間佢完全冇去理，返到屋企食係完全淋晒又凍晒😫一定冇下次！！絕對唔會再幫襯！！

6:53分打電話落單，等到9點都未拎得幾好食都冇用啦😂仲聽到人地5點幾落單 成9點都未有講真，出港島來回都唔使3個鐘啦啲單又唔係跟number叫，唔知咩事人手唔夠，但電話f網上外賣平台都繼續接單…搞到成間舖都係人，問可唔可以退錢又直頭無視，態度又差，十問9唔應做唔到就唔好再接單啦，唔好同人講等一個鐘就有冇咁多時間真係唔建議等，完全唔值得等3個鐘以上😂如果真係想食，建議早一日叫定如果唔係行遠少少去yoho食maru pizza或者nene啦未食都成肚火，飽晒^^

突然間好想食炸雞🥰🥰見到元朗有呢一間韓國餐廳有好多唔同味道。最後揀咗甜辣炸雞❤️❤️揀咗有骨因為朋友鍾意新鮮熱辣返到屋企都仲好好味份量都幾多下。下次再試吓其他味道

很久沒有吃過滿意的外賣了😋👍🏼外賣order 了2人餐有蜜糖牛油炸雞和辣炒泡菜豬肉飯，以及bbq 醬豬肉吐司。食物擺上台後一打開，單看食物的賣相已經非常吸引，再品嚐一下，覺得真的好做得到韓國餐廳應有的質素。覺得每一款食物都是有用心去做的，食物絕對對得起它的價錢。會再次光顧的，元朗有這一家好吃的餐廳，太好了🤪為滿足字數： ..........…...........................

食到唔知食乜嘢好喺🐼熊貓仔度揾下有邊間餐廳做緊優惠嘅抵食又吸引先搵到一間之前未試過，望落好似幾吸引有炸雞再跟多個主食都係$50左右埋單咁抵食，就算要伏一次都要試探下先甜辣炸雞～外賣送到黎仲要等多大半個鐘先食，雖然等咗咁耐但係啲雞都仲脆脆地，甜辣醬個味道都啱我口味弘大韓式意粉～個汁辣辣地又幾好食魚板湯～跟餐，有就錦上添花，冇又唔覺得可惜整體黎講，咁嘅價錢有炸雞又有個意粉，性價比算幾高，味道又算唔錯不過如果無做優惠就要70蚊一個餐，咁就未必會係我首選

食左咁多次終於要黎讚下呢個真係元朗最好食既炸雞🍗雖然無堂食 只得外賣 之前仲要無網上外賣平台 最近有返網上外賣平台 真係方便好多雞份量又多 兩個人食都夠炸得又唔乾身 味道仲調得好好 真係食完又食 如果唔係會生暗瘡 一個星期食3次都無問題佢咩野味都可以試下 香蒜醬油最好味 蜜糖牛油都好特別人多可以食三拼原味都會有驚喜其他野食都唔錯 拌冷麵同泡菜豚肉飯都出色 拌冷麵似足係韓國食咁！辣年糕如果可以有得揀辣度就仲好 反而我仲未試啲吐司飯堡 下次可以試埋～

今晚同家人決定揾韓式炸雞做晚餐主角，於Openrice揾到Seoul Bite, 見到食評都唔錯，就決定試下。叫咗個3人餐咗，家人另外叫咗份吐司。3人餐包2種炸雞：香蒜醬油炸雞 - 雞件較為軟身，但因有醬油，所以雞肉表面並唔脆，但有蒜香及醬油的配合，唔錯。皇牌芝士炸雞 - 皮夠脆，而且雞肉亦算入味，咬落肉質尚算嫩滑。呢款好食啲。弘大炒年糕 - 醬汁幾好味，而年糕的口感可以。韓式炒粉絲 - 粉絲好味而且咬落有彈性 BBQ醬豬肉吐司 - 夠惹味，裏面有蛋有芝士，推介

— 韓流3人餐 —弘大炒年糕好似就係所謂嘅玫瑰醬炒年糕，佢啲湯同汁都係比較淡味，炸雞比較細舊，冷麵比較唔冷，啲年糕煙韌嘅程度令人欲罷不能😂隨餐送罐裝忌廉溝鮮奶/檸檬七喜～