Seoul Noodles

營業中

休息中

最近開左好多間韓式麵店，前排係山林道食過間覺得一般，今日食埋呢間😎▪️牛骨湯麵（含牛肉塊） 💲78 明明我係叫麵，上檯見有碗飯真係嚇親🤣原來將紫菜、芽菜、泡菜、麻油、薏米飯撈埋一齊，係食麵前食有助降低血糖，就係紫菜包飯陣味，酸酸辣辣幾香口喎衰鬼🙂‍↕️長型既牛腩條肉質軟腍，麵條一開始帶點嚼勁，不過越浸越軟，湯底偏向清淡，但起碼有牛骨熬過，同埋香菇既香氣，又未至於太寡😳🔎 整體評分（7/10）

Seoul noodles價錢: $92好味程度: 3.4/5服務🍴: 3.7/5環境🗾: 3.7/5性價比🥢: 3.7/5回頭率😚: 3/5-都算係人氣大熱的韓國刀削麵店，一係香港無耐已經開左幾間分店！中環、灣仔、旺角、尖沙咀，一定有一間係旺區。尖沙咀呢間分店，平日都要排小小隊，仲見到佢哋係開足24小時，好癲😂 menu都係得幾款湯，豬牛雞選擇，辣同唔辣，麵定飯，跟餐可以要餃子/紫菜包飯。-✅✅泡菜餃子。超大隻，皮係煙煙韌韌，唔乾🤓 入面泡菜好多，微微辣，餡料飽滿，係好食的韓國餃子🥟-🆗牛骨湯麵。牛骨湯麵湯底確實好濃牛骨味道，係唔騷但有骨香而奶白色的湯。可惜好似無落鹽咁，完全0調味，好淡😵‍💫 麵質係闊闊地，好滑，帶d煙韌的，幾好食，但唔吸湯。入面牛肉好多，好似牛腩部分咁，有d軟腍有肥膏，有d就柴的🤨 除左麵質，湯底同肉都一般般。-但跟餐的拌菜好好食！泡菜同醃辣蘿蔔都夠酸夠辣，好彩有佢哋，如果唔係個清湯真係好似病人食咁😳 紫菜飯入面有d薏仁，口感好過一般白飯😆 -性價比係算係咁既，但如果唔係叫辣湯，呢間適合淡口味人士來🤔 如果想要滿滿蛋白質，叫雞湯麵/牛骨湯入面都會有好多柴柴的肉…

今次尼到呢間新開既 Seoul noodle叫左佢既刀削麵set98$(雞湯麵加10$）一上枱就見到大大隻雞、非常足料，有成半隻咁多。飲啖雞湯，😋唔錯！幾濃！面就中上水準啦，唔可以話特別好食🤔但唔差既！另外佢仲有3樣配料，分別係蘿白、泡菜同伴飯。此外仲有碟辣椒油🧐相信係配果半隻雞食既。因為本身麵既份量都幾多，食到一半都會有d覺得寡🧐🤨，此時食下配菜，少少酸辣，就岩岩好啦～另外佢套餐仲配左個豬肉餃子，原價都要38$既，大大粒幾足料，可以試下。另外仲叫左個凍梅子茶20$味道就似平時飲開d梅酒一樣啦，都係酸甜為主，香港比較少見，飲下都幾開胃既～

芝芝知我喜好特登同我去左尖沙咀新開嘅Seoul Noodles慶祝我的生日🎂餐廳是由韓國人主理的韓式刀削麵店！之前在香港開幕擺長龍超Hit！推介大家試試店內主打足料半隻雞刀削麵跟泡菜冷麵半隻雞刀削麵Size超誇張雞很滑很滑入口即化就是地道韓式人蔘雞湯雞的感覺刀削麵比中式的幼身一點 但爽口彈牙口感滑溜湯底鮮甜 連細食嘅我都食左巨多就知有幾好食由於我比較不能食辣泡菜冷麵跟豬肉餃子🥟對於我來講是偏向比較辣但好食 為了吃完 我點了兩罐可樂作戰到底🤣菜包肉很鮮味 有種吃健康版烤肉的感覺下次想再試試湯飯呢～

之前經過灣仔，見到很多人大排長龍去幫襯這間韓國刀削麵，太多人了，所以冇機會幫襯。今天經過尖沙咀剛剛看到這間店舖開業，即刻試吓先！我中午12:00到達，不過冇乜人，可能啲人未知道！睇餐牌有lunch set，嗌咗佢嘅招牌辣排骨面，配泡菜餃子！裏面嘅環境都幾開陽，裝修都唔錯！最緊要冷氣夠！有自助水機，而且有紙圍裙供應，唔怕食麵彈到自己！值得一讚！店員嘅服務都唔錯！好細心講解！等咗唔夠5分鐘，個lunch set就到咗！餐牌上寫明只有一隻餃子，諗住好細隻，但原來都幾大隻，呢隻餃子係蒸餃子，味道中規中矩！之後就到碗刀削麵，第一時間飲啖湯，可能期望太高，我覺得就一般般，唔會令你好驚喜！反而啲刀削麵就幾好，但係份量就唔係好多，講吓啲排骨，骨就比較多啲，啲肉唔係好多，佢有個醬汁俾你點肉食，有少少感覺食緊湯渣，不過價錢真係唔係好貴，喺尖沙咀嚟講，算係咁！只不過期望太高啫！不過希望佢改善吓啲湯嘅味道，將來有機會再試吓先！

聽朋友介紹尖沙咀有間韓國湯麵好好食，咁今日就去試吓，點知發現Openrice 地址錯左，十分難搵，又沒有電話可聯絡，呢間店鬼鬼鼠鼠，原來起加連威老道23號！！！ 닭칼국수 雞湯麵Chicken Noodle $88 - 呢個雞湯麵嘅份量超大，有半隻BB雞咁多！清清淡淡雞湯底，雞肉撕開點黃芥末醬油非常惹味，仲會有迷你薏米拌飯！사골칼국수 牛骨湯麵Bone Broth Noodle $78 - 牛骨湯麵，味道鮮甜濃郁，份量十分足夠！

第一次經過呢間舖頭，裝修好簡單但係就有濃濃嘅韓國餐廳嘅味道 簡約而不失禮 地點開係The One隔離非常方便 以往如果想食韓國嘢都必須要去到韓國街 呢個地點係絕對加分 開業嘅第一日已經見到好多人食 相信呢間舖頭之後都一定會有人排隊嚟食 原因有三個 1)店員嘅服務態度幾好雖然忙，但係都會同你講嘢食仲有幾多分鐘之後先至到，可以食住其他嘢先 2)食物嘅質素好高特別係雞湯麵，湯底好夠味，又唔會好鹹唔係味精湯，雞肉好嫩滑，面質地好彈牙就已經好足夠香辣排骨麵，聽聞係新出品，不過我覺得排骨肉質都係好嫩滑，唔係諧霎霎嗰種，雖然講話香辣味，不過我覺得小朋友同大人都食得，唔算係過辣嘅，如果喜歡重口味嘅朋友，可以食香辣排骨，如果喜歡食清淡啲，健康為主可以食雞湯湯麵。雖然佢餐牌上面款式唔係話太多，但係每一樣嘅食物都係高水準，包括餃子都好好食呀。最後一個原因3)就係佢價錢唔貴一般食韓國嘢人均價錢都要$200至$300左右最少但係佢都係100至$200左右 所以超級抵食。相信之後我都會介紹朋友嚟試呢間韓國麵！