Shadowman Cyber Cafe (已結業)

第四次來這裡. 今次叫了印度烤雞炒飯和野菌汁牛柳飯. 飲品叫了Cappuccino和薄荷茶. 老闆依舊很有禮貌, 臨走時跟女友說了句"Thank you ma'am. Have a nice day!". 環境很舒服, 通常不用等位. 一定會再來. 食物雖不算很多選擇, 但也有很多好味的東西. 第一次來因為有差不多廿人, 所以食物上枱的速度很慢, 而且不夠熱. 但之後跟女友來的時候已有改善.

亞士厘道成日都好多人等食晚飯，因為肚餓唔想等，見有位就入咗去，坐位比較窄，燈光又怪怪地，因為係cybercafe 所以有兩部電腦放喺道(不過無人用緊)。見餐牌都幾多野食，點咗兩個晚餐"露荀併蝦意粉"同埋"燒羊膝伴飯"，頭盤有"煙三文魚沙律"同"芝士焗青口"，味道普通，份量亦一般。主菜方面"露荀併蝦意粉"味道不錯，但溫度明顯不足，上枱時只係少少暖，食咗兩啖已經係凍啦，"燒羊膝伴飯"嘅味道仲要唔掂，加上溫度不足嘅毛病，女友食咗少少已經無晒胃口，加上坐位偏窄，侍應經常踫到客人坐椅造成騷擾。最後，女友點了特飲"朱古力smoothie"，但口感奇怪，比一般smoothie較「水」，味道普通。我的熱檸茶上枱時，侍應沒給糖包，亦太疏忽了。

以前原居民未搬走時常去上址幫襯，一直不知道轉手變成這一間餐廳。以為是一家普通的西餐廳，但入面客人似去了重慶大廈般有不同種族，食物亦寫明適合回教徒。menu與想像中不同，多是all day menu，食物是聯合國款式。我們點了一個Tandoori chicken fried spaghetti和一個牛肉千層麵，另外一杯蜜糖咖啡和一杯iced capuccino。Tandoori chick spaghetti很好吃，再蘸點外籍老板端上來的特色辣椒醬，super yummy!! 至於千層麵，我覺得不夠熱，應該是一早煮好的，但老公認為味道不錯。咖啡稍淡，但可以接受，以4、50元的套餐來說這兒的食物是挺有質素的。

暫時不用返工的我，整天留在家中沒事做。難得女友約我出去食午飯，當然義不容辭立即答應。雖然女友不想食西餐，但最後還是被這裏的環境吸引了。女友點了set lunch入面的蜆肉炒天使麵，我吃過一啖覺得水準不錯，幾夠鑊氣。而自己的星洲雞柳炒米，夠辡得來又好刺激。飲品方面，我杯蘋果茶入面有蘋果片係入面，幾得意，不過要趁早食左佢，否則好似我咁浸得耐淋晒……食到尾先望到係條柱上面有闊條麵叫，為何在餐牌上卻找不到呢？PS：這間餐廳有兩部MAC機供食客上網，可說是增加了一定的吸引力。起碼女友坐了不久便被吸引過去上網，掉低我呢個成個星期沒見的男友，haha~~~

上星期六lunch, 同個活潑新同事食. 佢係純正香港人, 所以對九龍呢塊異土完全唔知訂, 淨係識得去food court, 小弟當然會一盡地主之誼, 帶佢衝出food court啦!近近哋, 又要坐得舒舒服服, 亞士厘道一定會揾到落腳既地方啦!最後她揀了呢度.門面及內部裝修是幾好的, 好舒服吓!餐牌選擇十分之多, 眼花撩亂, 最後她叫了煙三文魚pizza, 而小弟叫了香蕉窩夫, 大家都叫了latte.煙三文魚pizza, 味道尚算不俗, 餅底都幾脆!但香蕉窩夫, 小弟就認為唔多掂. 式成件都係淋淋既, 一d外面微脆裡面鬆化既感覺都冇, 小弟好懷疑佢係翻叮的, 失敗. 上面既朱古力醬亦冇乜朱古力味, 失敗. 幸好, 蕉既份量足夠, 又夠香, 算大自然救番佢一命啦! 但整體仍是失敗.杯latte反而唔錯, 夠咖啡味, 幾香!見佢除咗個香蕉窩夫外, 環境, 服務員及其他嘢食都ok, 就俾個ok臉啦!番炒機會率非常之低…

見食評不錯就撞上來了，在門口看了1下餐牌，3x-4x 1個意粉，心想可能也不會好吃到哪去吧入到去見到是可以上網的，所以叫cyber cafe~ 但收費是15蚊15分鐘@@" 搶錢吧？見到dinner set $75由頭到尾，從未試過天使麵，就來個大蝦橄欖油炒天使麵~ 跟凍latte，香蕉pancake服務生是1位印度籍男士，人很好，跟我吹水了1番~ 店裏雖坐不滿但也有8成滿座，生意算不錯的先上忌廉湯，味道1般般，是茶餐廳水準~ 再來凍latte，上到離同凍咖啡無分別，難怪中文叫奶咖啡是奶比平常的凍啡多就對了~ 天使麵很快便上了，賣相不錯，果然是大蝦~ 烤得好香，大大擔肉天使麵名為angel hair~ 天使啊，請你快醫好我的嘴巴吧~~ 吃1口，橄欖油香配著炒麵感覺很好不韌算是彈牙，蠻香口的，如此價錢算高質素的了~ 還不錯吃~ 分量也不錯最後選了banana pancake，賣相是1流的~ 已聽説這裡的甜品不錯，所以沒選雪糕蛋捲表面很軟，但也是能1刀便斷，不會被刀壓扁，是有水準的~ 食落奶油溶在口中，熱熱的不太甜香蕉味道夠濃，很不錯~ 全餐最好的屬於甜品莫屬~ 買單+1 $88大洋，服務

昨日同朋友去le間食dinner, 可能是星期5晚加上多人說好味的關係, 店內不像之前的人說那樣寧靜, 但是菜式真的不錯...點了一個DINNER SET, 咩蝦球飯咁上下$ 72 再加一, 另外個Friend就點左一個魚柳飯, 咁佢有湯, 主菜, dessert 同埋coffee/tea 同一般餐廳一樣, 不過食物水準唔錯, 兩樣都幾好食.... 但係不太喜歡佢dinner set冇個d特式野食囉, 我想試下個d 卷都唔得, 太飽. 另外佢既dessert又係, 得2款choose..... 太fixed.... 佢其實有好多dessert食, 點解比得2款人地choose, 通常去食都係dinner set架啦, 最後局住叫雪糕..... 佢得雪糕同香蕉pancake比你選擇, 個日就話另外多左個chocolate moose. 我和朋友都覺得banana pancake太肥, 都冇點了~ 不過食物準算不錯~ 會再去~

在weekday 夜晚和朋友到TST 逛街，有點餓了，本來想著去一些比較多「笑臉」的餐廳，都是算了，見到餐牌價錢都不是太貴就入去了。沒有期望下反而令人喜出望外... (跨張了一點)我點了一個當日的晚餐──蟹子煙三文魚"篇"意粉，我朋友點了印尼烤雞意粉，還有雜菜湯，甜品(可以選雪糕和班戟，我選了芒果雪糕)。那個意粉非常好吃，好像是白汁，但又沒有普通的那麼稀，而且蟹子加上香料的味道非常好，正！反而朋友的烤雞意粉就ok, 不知是不是烤雞的肉質是比較乾，還是餐廳做法所致，有點「鞋口」，香料又淡淡的，好dry。不過，在尖沙咀80元一個人也不錯呀。坐得尚算舒服，我寧願去這一間都不去旁邊的連鎖西餐廳，名字就不說了。最後，還想說說那個幫我們點菜的印巴籍人士，說廣東話的，態度非常好，當我們決定不了時又會主動建議，不知是不是餐廳的老闆呢？

經過這間餐廳很多次了，今天終於一試。點了一個lunch set和一個all day breakfast。蜆肉炒天使麵($40)︰炒得很香，而天使麵不會腍腍的，頗彈牙。蜆肉的份量不多，而且size很小。還好整個麵都不會油，所以很快吃光了﹗all day breakfast($38)︰選了雞肉炒蛋配多士。這個味道就很普通，蛋炒得不算特別滑，雞肉甚至有點「鞋」。多士尚算烘得香脆，送來時已塗上牛油。餐飲可供選擇的真不少，我倆就分別選了coffee和peach tea。Coffee我不懂欣賞，不知為何覺得有一種焦味。Peach tea是茶包，聞起來很香，但喝起來就覺得和普通的茶差不多。店子簡約舒適，可以再來﹗

Shadowman實在是很值得推薦的餐廳! 老闆很好客很友善也很細心, 侍者也很不錯, 很積極。如果想不到吃什麼, 可以請他們介紹, 很可靠!每次去都會推介給朋友吃的:黑醋雞。還有不同的朋友都會不約而同地點咖哩+薄餅餐飲有各類果茶, 雖然只是茶包, 但餐廳會在杯內加鮮果, 很可愛!很棒的餐廳卻不怎麼用等位, 很理想!

男朋友為了哄我開心返..同我去左tst,搵野食:唔知食咩好......見到呢間野,有我想食的墨西哥捲捲.go go go反而係我睇左好耐食咩好男朋友早已選了晚餐a芝士拿破崙汁海鮮焗意粉。好多料啊!!包湯+甜品:我睇黎睇去:都係要返個個墨西哥捲捲(有火雞/*烤雞/三文魚............){佢有一個千層面都想食.不過下次早一點再吃,太高卡了!!}share食,拿破崙汁是茄汁嗎~?有一隻大蝦:好好味的青口和小蝦和魷魚。芝士味好香濃.墨西哥捲捲,雖然去不了taco,但我食左都好滿足!!d 汁好味€!!!雞都滑.如何做到呢?好一流啊服務,都幾多外國人黎食,.我地唔記得左個甜品,佢仲提我地食完先埋單.我的餐:39蚊包野飲男男朋友的:98蚊包湯,野飲同甜品€但是:都是抵的。

cafe唔算大間,亦唔起眼,但係menu吸引到我入去,有好多西式特別dishes...睇相己經知佢賣相一流..味道唔可以話好好味,但係都過得去,泥得呢度味道唔係首選,反而係賣相同service值回票價. 入面一位'差差'唔知係老闆,佢勁好service,會同你傾計,suggest你用咩角度去影相,好似去左外賣咁...hk難得...

最特別是不論是早餐、下午茶餐等都是全日供應，和朋友到此吃聖誕晚餐，我點了炒蛋、茄汁豆、牛油厚多，仲有d好新鮮ge蔬菜，加杯熱咖啡，都係四十多元，尖沙咀地區算超抵！味道加服務都很好，只是製作時間都幾耐，需要改善！

禮拜日同兩個friend出去食野想坐得耐又唔想貴於是揀左呢間無咩人ge餐廳黑醋雞都幾好咖哩雞有d太咸同埋極普通我整都好食過佢反而羊扒勁大塊勁抵呀呢度d扒類都應該食得過全部侍應得一個識講廣東話不過都無問題的服務態度都幾好好好笑容印巴籍老闆更thank you前thank you後同埋由於成晚真係無咩人ge關系真係由8點坐到11點幾都無人趕呀想唔貴又坐得耐不妨揀呢度呀!!!

純粹想躲避猛烈的陽光，同蛇王，來這裡，更可以上網，幾好。進來才發現這裡是一間清真食店，即是沒有牛肉及沒有豬肉供應的。作為一間咖啡室，其實也沒有所謂。午餐只吃了幾件三文治，可以來豐富一點的下午茶，就要了個雞卷及香蕉窩夫。雞卷做得幼幼的，賣相認真一般，但吃落，又不錯。餅卷皮烘得熱熱的，還帶點軟熟。雞肉不韌，加上醬汁，也幾冶味的。三兩下手勢就吃完了，亦算美味；窩夫也有水準，亦是即製，熱熱的。窩夫鬆化又有蛋香，吃落不「立口」，塗上鮮忌廉及跟鮮果同吃，也不錯。要了熱咖啡，不夠香，亦苦了一點。本來覺得侍應招呼麻麻，但看下去又不錯，快手快腳，態度也幾好的。要了兩個下午茶餐，埋單84蚊。不算很便宜，但也有水準。