Shari Shari Kakigori House 氷屋

營業中

休息中

開心果紅莓味 ($130)今次和朋友到了旺角分店，點了期間限定的開心果紅莓味刨冰。開心果味和紅莓味不算濃，醬亦不夠多，去到中間已經有啲冰沒有沾到醬，吃到後尾已經好淡。最大敗筆是最上面的朱古力醬，味道是好假的朱古力奶味，好難吃，我和朋友都要撥開pat醬吾食。下次都是食抹茶口味，最穩陣。@sharishari_hk #旺角美食 #上環美食 #美食#cafe #吃货 #香港吃货 #刨冰#必试 #香港必试#香港必食 #香港美食 #香港网红打卡 #香港美食探店 #香港甜品 #铜锣湾美食 #铜锣湾 #sharishari #hkfoodie #foodie#hongkongfoodie#moodzfoodie #moodzfoodz

最凍個日去左食刨冰🥶🍧以為唔洗排隊，點知原來都好多人食，不過呢間環境夠大，室內設有等候區，好過銅鑼灣同中環個間🙈依家期間限定有開心果紅莓同薑餅焦糖，不過價錢真係愈食愈貴，最貴個款要$130💸🌟黑芝麻味｜$115坐低睇緊menu既時候，店員已經黎問我地想食咩，好似催我地落單咁，感覺唔太好🙁刨冰等左一陣就到，黑芝麻醬好濃，不過食到最後得返純冰，醬唔太夠，而且定價真係有點貴，試一次就ok，未算係太吸引

前排襯住仲係熱熱地，即刻拉埋朋友同我繼續食冰🫣身為shari shari嘅fans，個人覺得佢地冬天出嘅限定通常都好好食好有驚喜🥰今次都唔例外💚開心果紅莓味 Pistachio & Raspberry Kakigori ($130)❤️呢個味上年都有出過🤤🤤但係今年一食，就係完全唔同嘅感覺😱今次嘅開心果味好濃郁，配埋紅莓醬小小酸嘅味道，中和翻開心果咁strong嘅味。中間嘅餅碎依然同呢啲nutty嘅味道好夾，仲有好有飽腹感。上面嘅朱古力cream好順滑好濃朱古力味🥺🤎下次要問下店員睇下可唔可以加錢要多份cream先！順帶一提，shari嘅topping好多時候都係用新鮮水果，真係好抵讚🥹👍🏻好味到就算一個人都可以食曬一個冰🤩🥳🥰

-{旺角新分店sharishari🍧}🤤 玄米茶朱古力🤤 ($115)食落啲冰幾實淨 朱古力味甜甜地 不過玄米茶味的確好濃郁😁中間啲冰又變返綿滑嘅狀態😋又有啲餅碎好多口感🥳👖褲評: 8.3/10性價比: 8/10服務: 8/10環境: 8/10旺角店限定嘅味道~啲冰實左少少 但味道好高質🥰裝修方面都比港島嘅更有格調 不過冇港島店咁方便🤫希望遲啲新界都有店啦🚩Shari Shari Kakigori House 氷屋🚩地址:

前排Shari Shari開多左兩間分店喺九龍區，分別喺旺角同尖沙咀，超級就腳！加上依加12月都唔凍，可以多啲去食🤤•🥢 玄米茶朱古力 $110排隊嗰陣睇人哋食呢個青色+啡色嘅冰，仲以為係薄荷朱古力味🤣 但睇餐牌先知原來係旺角店嘅限定口味 - 玄米茶朱古力🍵🍫 上面嘅朱古力忌廉好軟滑，仲灑上可可粉，朱古力味濃郁而唔太甜，而玄米茶冰嘅味道反而比預期中偏甜，但加埋朱古力味同埋玄米茶嘅茶香就balance返～ 呢個冰中間仲有唔少餅碎同花生粒，口感都幾豐富～

呢間日式刨冰店一開晚晚見到排長龍今天別人吃晚飯時我們便來吃甜品所以不用等位店內座位不多，唔怪之得時常要排長龍啦試了個best seller 之一《伯爵奶茶味加白玉》Order時店員通知他們設有人均最低消費 $45所以再加了一件《焙茶芝士蛋糕》蛋糕味超濃郁，是茶味蓋過了芝士味至於，刨冰口感有棉花的感覺軟綿綿但味道相對比較淡配埋一起吃也很夾的他們不設有碗作分享共吃相信適合比較親密的朋友一起來吃多點一個人吃一碗份量應該比較多老實講，價錢有點貴服務態度有一般試一次就足夠

話說週末同朋友去咗旺角食飯，見時間尚早就諗住食糖水。大家都知旺角都有好多好出名食糖水嘅地方，而朋友熱烈推介之下就去咗最近新開Shari Shari分店食冰。平時去cafe都好中意嗌伯爵茶味嘅甜品，cheesecake、scone嗰啲都好好味，所以今次都揀咗佢哋呢一款best seller試下。———————————————————————伯爵奶茶味 Earl Grey Milktea Kakigori ($100)———————————————————————第一啖超級驚喜🤩🤩🤩伯爵奶茶味好濃郁。啲冰仲好幼細，入口即融😍真係好好味。食食下第一層就有餅碎，仲要佢啲餅碎唔係全部都好似碎沙咁，仲有啲餅塊仔可以咬下，口感好豐富😋食到底都仲食到少少餅，用料好足！第二層食到一舊唔知咩😂😂一問店員先知係panna cotta🥰好重奶味，同個冰出奇地夾。雖然食完飯都好飽，我同朋友都一樣食曬成個冰。———————————————————————另外一樣想讚嘅就係佢哋嘅服務🤩雖然成間店嘅節奏感覺好快（好快落完單，入到去未坐低就要收錢先，出冰嘅速度都好快），但係每位店員俾人感覺都好好禮貌😝😝😝一定會再同朋友

趁住呢排涼涼哋，搏下會唔會少啲人排隊😂今次同男朋友食試新嘢，食左榛子朱古力配香蕉，本身對香蕉都有啲抗拒，覺得甜品嘅香蕉味仲係有啲怪，不過見佢係limited ，就姑且試一試榛子朱古力都係可以想像嘅味道，但係當配埋香蕉嘅時候，你又意想不到咁夾，食食吓男朋友提議話覺得加個牛奶布甸落去應該幾好食，即刻膽粗粗問店員可唔可以ad hoc 加個布甸，真係唔講笑，成個口感即刻昇華晒，建議大家食呢個味嘅時候一定要加布甸🍮因為凍所以冇乜人，所以我哋就撩d Staff傾偈，俾我哋知道咗原來嚟緊都會出幾隻新口味😗😗男朋友一聽到即刻開心到癲😂😂😂不過就有小插曲破壞個成個美食體驗，席間有幾個阿叔係咁對住d staff 惡言相向，嘈到死但d staff 都仲要保持微笑同佢哋道歉，真心覺得香港做服務業真係好慘，唯有自己繼續做一個有質素嘅香港人🥹

排咗好耐入嚟 但都好值得！嗰冰又大又好食，個冰就融又好sweet咁提我哋要快啲食！服務態度超好，一入嚟已經say hello，見我帶住小朋友入嚟，就安排張大啲嘅枱俾我，服務真係超好，無得彈！下次會再嚟食😝👻🤎

見到佢哋季節限定出咗香蕉榛子朱古力 完全三樣嘢都係我嘅最愛 所以就即刻急急腳改咗去食 只可以話試完之後覺得三個味夾埋都幾match 入邊有真嘅香蕉 食落口個口感好新鮮榛子朱古力識落最尾都唔會好甜👍🏻👍🏻👍🏻👍🏻👍🏻見到啲人寫食評話服務態度唔係幾好 我又唔係好覺 夜晚比較忙嘅時間 無論係排隊定係落單到嘅有禮貌 因為唔記得撳錢 但係又無帶銀行實體卡 問佢哋可唔可以俾現金我過返數俾佢 都ok 真係好人🫶🏻🫶🏻

放假食完飯行吓街 經過見到咁多人排隊睇吓咩嚟 原來係新開左間甜品鋪 上網睇一睇好似幾吸引喎 本住試一試伏嘅心態試試佢啦選擇困難症嘅我見到咁多種口味花多眼亂 款款都好吸引 完全唔知點揀 好彩個店員即刻推介左呢款叫草莓special入面仲有奶凍等店員拎到出嚟 實物都真係幾誇張大過成碗飯仲有個木質托盤仔裝住賣相滿分本身仲驚食唔晒點算 點知一下唔覺意食吓食吓差啲連個碗都食埋期待下次再食試吓其他口味整體嚟講 賣相靚 打卡正 仲有好多口味揀 價錢合理 服務態度幾好值得幫襯

一早已經係朋友口中聽過呢間冰店嘅名 最近經過 下午茶時間冇乜人 所以入到去都唔使等 睇餐單已經睇到眼花撩亂 然後叫店員推薦左一個味俾 就揀咗伯爵茶味 可能因為冇乜人上冰速度都好快 啊，第一次食完全唔知道要打卡 ，望住隔離啱啱放學嘅妹妹會影10幾張先至開始食 我都係食食吓影咗張相 幾有驚喜 唔係剩係得伯爵茶醬 入邊仲有餅乾碎👍🏻👍🏻👍🏻又唔係話好甜 啱晒我唔係鍾意食好甜嘅人 見期間限定係香蕉朱古力 我就麻麻哋香蕉 等下次再嚟試吓佢哋嘅期間限定

Second time to eat Shari Shari Kakigori House but it was the first time I came to Mong Kok. Service: The service is satisfactory the staff was polite and with her smiled. Before eating, she also reminded me to ‘pls eat from the top thank you ‘. The service is good. Food: We ordered strawberry special and Earl gray milk tea with mochi. They were both fluffy and tasty. For me, I like Earl gray milk tea more because it contains the rich flavour of tea which is extremely good though strawberry is al

非常之差嘅服務，佢地嘅policy 係一人只可落一次單，即係你食完一個唔夠係唔可以再叫，要行出去重新再排過隊。不可加單，一係你一次過叫兩個，融咗係你嘅事唔關佢地事。佢講嘅。我地一行4人，有一個行慢左少少4分鐘後都到埋，只可以落3個單，第4個可以入嚟同我地一齊坐一張台，不過唔可以叫嘢食。如果店員好好禮貌咁講我地講都ok，但個女店員短頭髮比較矮小打扮中性嗰一位，態度奇差，無咩點解釋就話policy 你唔可以落單，要就出去排過隊，其實唔好以為好多人排隊有兩個人啫，遲我哋2分鐘。到我地再叫返同一位店員嚟反映意見嘅時候，佢突然之間態度好返少少，但第一嘢係串過碼頭咕喱，好似我哋喺乞食咁。間店舖新開都未出名就已經咁嘅態度。態度咁差，我地都唔會再食。

旺角分店啲冰同其他分店都係差不多質素，幾綿密，不過莓類嘅冰好似都係偏酸，下次會食返其他～不過想講呢間分店啲服務真係搞唔掂，之前有幫襯過銅鑼灣同中環都冇發生過以下情況。我係早排去食，個職員喺我排隊嘅時候就收咗現金，但遲遲都唔找錢，單又冇張，好似唔打算找咁，催咗幾次都話等陣先，而冇幾耐竟然就找咗錢畀我下一個號碼嘅客，到我坐低咗先找返畀我。坐我隔籬枱嘅客又係坐低咗先收到找錢，而且職員仲要找錯錢。仲有落單嘅時候問加錢要配料（我揀咗消化餅碎）係咪會加喺個冰入面，門口個職員好肯定咁答係，但上枱嘅時候分開咗上。再問之下，個職員竟然建議我不如就咁倒喺上面食，仲同我講「如果唔係個客特別要求嘅話係唔會分開上」，講到好似我屈佢哋咁，嗰下真係躁咗。最後我話唔要，要求退錢（碗餅碎我冇掂過），個職員就話問下先，然後搞咗好耐都冇處理到，又催咗兩次，個職員好似有少少不滿咁話「唔好意思我哋而家有啲亂，介唔介意等多陣」，但眼見佢哋又唔係送緊冰，只係行嚟行去唔知做乜，想問亂咗喺邊。雖然個職員最後有退返錢畀我，但我真係覺得處理得好差。冇咩事真係唔會再去旺角分店食。